ដែលផ្តើមពីចំណង់ចំណូលចិត្តធម្មតាៗ យុវជនជាច្រើននាពេលបច្ចុប្បន្ននេះកំពុងក្លាហានបង្វែចំណង់ចំណូលចិត្តរបស់រៀងខ្លួនទៅជាផ្លូវបង្កើតអាជីពនៅតាមស្រុកកំណើតរបស់ខ្លួនទៀតផង។ នៅសង្កាត់ Vĩnh Trạch ប្រវត្តិរបស់យុវជន Ngô Văn Điền នៅអនុសង្កាត់ Bờ Xáng គឺជាភស្តុតាងមួយនៃស្មារតីក្លាហានសម្រាប់យុវជនជនបទ នៅពេលដែលទទួលបានការឧបត្ថម្ភយ៉ាងល្អត្រឹមត្រូវ។
មិនត្រឹមជួយឧបត្ថម្ភឱ្យបុលប្រាក់សម្រាប់ធ្វើដើមទុនអភិវឌ្ឍទម្រង់របស់ខ្លួនប៉ុណ្ណោះទេ សម្ព័ន្ធយុវជនសង្កាត់ Vĩnh Trạch ថែមទាំងបានរួមដំណើរការចលនាទឹកចិត្តបង Điền ដើម្បីបន្តបង្កើតជីវភាពស្ថិរភាព។
ដោយស្រឡាញ់សម្លេង និងពន្លឺភ្លើងព័ណ៌តាំងពីកុមារភាព បង Điền តែងតែស្រមៃចង់មានឧបករណ៍ផ្ទាល់ខ្លួន។ ដោយគ្មានការបណ្តុះបណ្តាលជាផ្លូវការបន្តិចណាទល់តែសោះ តែបងបានបំពេញចំណេះដឹងដោយខ្លួនឯងតាមរយៈអ៊ីនធឺណិត រៀននិងប្រមូលបទពិសោធន៍ជាក់ស្តែង។ បន្ទាប់ពីខិតខំប្រឹងប្រែង និងសន្សំប្រាក់អស់រយៈពេលជាច្រើនឆ្នាំ រួមជាមួយនឹងប្រាក់កម្ចីបង្កើតការងារចំនួន ៥០ លានដុងពីសហភាពយុវជនរបស់សង្កាត់ បងបានវិនិយោគយ៉ាងក្លាហានលើប្រព័ន្ធសូរសព្ទសម្លេង និងពន្លឺភ្លើងព័ណ៌ ដើម្បីផ្តើមអាជីពរបស់ខ្លួន។
«នេះជាចំណង់ចំណូលចិត្តរបស់ខ្ញុំតាំងពីកុមារភាពមកម្ល៉េះ ដូច្នេះខ្ញុំបានខិតខំប្រឹងប្រែងរៀនសូត្រ និងហ្វឹកហាត់ដោយខ្លួនឯង ដើម្បីបន្តវិជ្ជាជីវៈនេះ។ បន្ទាប់ពីបានដំណើរការជាងពីរឆ្នាំ ទម្រង់នេះក៏ទទួលបានប្រាក់ចំណូលពីការវិនិយោគដំបូងរបស់ខ្លួន និងផ្តល់ប្រាក់ចំណូលស្ថិរភាពប្រហែល ១០ លានដុងក្នុងមួយខែ។ ខ្ញុំក៏មានគម្រោងពង្រីកទំហំផងដែរ ដោយមានគោលបំណងបម្រើឆាកព្រឹត្តិការណ៍ធំៗទាំងក្នុង និងក្រៅតំបន់» បង Điền ចែករំលែក។
ក្រៅពីសេវាកម្មខាងសម្លេង និងភ្លើងព័ណ៌នោះទេ បង Điền ក៏បានប្រើប្រាស់ធនធានដែលមានស្រាប់ ដើម្បីបើកទម្រង់ «ច្រៀងជាមួួយគ្នា» នៅពេលល្ងាច។ ទីកន្លែងដ៏សាមញ្ញនេះបានក្លាយជាកន្លែងដែលមនុស្សមកសម្រាកច្រើនបន្ទាប់ពីការងារដ៏លំបាកពេញមួយថ្ងៃ។ រាល់បណ្តាពិធីដោះដូរវប្បធម៌ទាំងឡាយមិនត្រឹមតែជួយមនុស្សឱ្យបន្ធូរភាពតានតឹងប៉ុណ្ណោះទេ ថែមទាំងពង្រឹងចំណងមិត្តភាពរវាងអ្នកភូមិផងរបងជាមួួទៀតផង។
យោងតាមប្រសាសន៍បង Điền អ្វីដែលធ្វើឱ្យគាត់សប្បាយចិត្តបំផុតមិនត្រឹមតែប្រាក់ចំណូលបន្ថែមប៉ុណ្ណោះទេ ថែមទាំងការបង្កើតទីលានកម្សាន្តសប្បាយខាងវិញ្ញាណសម្រាប់ប្រជាជនភូមិភាគផងដែរ។ បន្ទាប់ពីម៉ោងធ្វើការ អ្នករាល់គ្នានឹងមានកន្លែងជួបជុំ ច្រៀងលេងកម្សាន្ត និងចែករំលែកសេចក្តីរីករាយ និងភ្ជាប់ទំនាក់ទំនងគ្នាកាន់តែខ្លាំងថែមទៀត ព្រមទាំងជួយលើកទឹកចិត្តគ្នាទៅវិញទៅមកឱ្យខិតខំឈានឡ់ងក្នុងការរស់នៅ។
“ច្រៀងជាមួយគ្នា Văn Điền” បានក្លាយជាទីតាំងណាត់ខាងវិស័យវប្បធម៌រៀងរាល់ពេលល្ងាចបន្ទាប់ពីបលកម្មនឿយហត់របស់បងប្អូនមាមីងនៅភូមិភាគ។
ផ្តើមពីលទ្ធផលជាក់ស្តែងរបស់ទម្រង់ មានយុវជនជាច្រើននៅសង្កាត់ Vĩnh Trạch ក៏បានក្លាហានស្វែងរកទិសដៅថ្មីសម្រាប់បង្កើតអាជីពផ្ទាល់ខ្លួន។ ប៉ុន្មានឆ្នាំកន្លងមកនេះ សម្ព័ន្ធយុវជនសង្កាត់បានជំនួយឧបត្ថម្ភយុវជនចំនួន ១០ នាក់ដើម្បីបានបុលទុនសម្រាប់ដោះស្រាយការងារធ្វើ ដផយសរុបទឹកប្រាក់ជាង ៧០០ លានដុង។ ដើមទុននេះសម្រាប់បង្កើតឱកាសឱ្យសមាជិកសម្ព័ន្ធយុវជនពង្រីកបណ្តាទម្រង់សេដ្ឋកិច្ចសមស្រប បង្កើនប្រាក់ចំណូល និងធ្វើឱ្យជីវិតរបស់ពួកគេមានស្ថិរភាព។
លោក Mã Quốc Quang អនុលេខាសម្ព័ន្ធយុវជនសង្កាត់ Vĩnh Trạch បានមានប្រសាសន៍ថា៖ “ការផ្តល់ប្រាក់កម្ចីអនុគ្រោះ ជាពិសេសសម្រាប់សមាជិកយុវជនទាំងឡាយនៅតំបន់ជនជាតិភាគតិច មិនត្រឹមតែជួយពួកគេឱ្យមានឱកាសកាន់តែច្រើនក្នុងការផ្តើមបង្កើតអាជីពប៉ុណ្ណោះទេ ថែមទាំងជួយកាត់បន្ថយអត្រាអ្នកគ្មានការងារធ្វើក្នុងយុវជននៅភូមិភាគទៀតផង ដោយបង្កើតកម្លាំងចលករកាន់តែខ្លាំងឡើងសម្រាប់ការអភិវឌ្ឍសេដ្ឋកិច្ច-សង្គម”។
មិនមែនគ្រប់គ្នាសុទ្ធតែមានលក្ខណៈអំណោយផលដើម្បីការផ្តើមបង្កើតអាជីពនោះទេ ប៉ុន្តែនៅពេលដែលចំណង់ចំណូលចិត្តរបស់ខ្លួនត្រូវបានចិញ្ចឹមបីបាច់ដោយការតស៊ូ និងការឧបត្ថម្ភទាន់ពេលវេលាផងនោះ យុវជនពិតជាអាចកសាងជីវភាពរស់នៅប្រកបដោយចីរភាពនៅស្រុកកំណើតរបស់ខ្លួនបាន។ តួយ៉ាងដូចជាបង Ngô Văn Điền បង្ហាញថា ការផ្តើមបង្កើតអាជីពមិនចាំបាច់ត្រូវការទៅប្រកបរបរនភតាមស្រុកឆ្ងាយនោះទេ គឺយើងអាចនឹងចាប់ផ្តើមជាមួយមុខរបរការងារណាដែលខ្លួនស្រឡាញ់ពេញចិត្ត៕
Kim Trúc - Anh Tuấn
