នៅភូមិ Huê ១ ឃុំ Vĩnh Thanh អ្នកមីង Sơn Thị The ត្រូវបានគេស្គាល់យ៉ាងច្បាស់ដោយសារការតស៊ូ និងខិតខំប្រឹងប្រែងរបស់គាត់ក្នុងការជំនះលំបាកដើម្បីសម្រេចបាននូវជីវភាពដែលមានស្ថិរភាព។ ផ្តើមពីគ្រួសារក្រីក្រដែលគ្មានដីសម្រាប់ផលិត ពឹងផ្អែកជាចម្បងលើកម្លាំងពលកម្មស៊ីឈ្នួល ឥឡូវនេះជីវិតគ្រួសារគាត់បានផ្លាស់ប្តូរដោយសារទម្រង់នៃការដាំបន្លែរយៈពេលខ្លីនៅមុខផ្ទះរបស់ខ្លួន។
ត្រកួនគឺជាដំណាំដ៏ប្រចាំនិងផ្តល់ប្រសិទ្ធភាពសេដ្ឋកិច្ចខ្ពស់សម្រាប់គ្រួសារអ្នកមីង Sơn Thị The ។
ពីមុន គ្រួសាររបស់អ្នកមីង The បានប្រឈមមុខនឹងការលំបាកខ្លាំងផ្នែកខាងសេដ្ឋកិច្ច។ គ្មានដីស្រែ ពីរនាក់ប្តីប្រពន្ធត្រូវធ្វើការស៊ីឈ្នួលដើម្បីរកប្រាក់ចិញ្ចឹមជីវិតប្រចាំថ្ងែ ប្រាក់ចំណូលក៏មិននឹងនរ។ ទោះបីជាយ៉ាងនេះក្តី ក៏អ្នកមីងមិនព្រមចុះចាញ់ភាពលំបាកនោះទេ។ សម្រាប់ការគិតគូររបស់ស្ត្រីជនបទរូបនេះ ដោយការខិតខំប្រឹងប្រែង ជីវិតនឹងផ្លាស់ប្តូរបន្តិចម្តងៗផងដែរ។
ចំណុចរបត់មួយបានកើតឡើងនៅពេលដែលអ្នកមីង The ត្រូវបានរដ្ឋអំណាចភូមិភាគជំនួយឧបត្ថម្ភផ្នែកបច្ចេកទេសតាមរយៈពេលខ្លី។ អ្នកមីងបានឆ្លៀតយកផ្ទៃដីដែលទំនេរជាង ៤០០ ម៉ែត្រការ៉េនៅជុំវិញផ្ទះរបស់ខ្លួន ដើម្បីធ្វើជាសួនបន្លែ។ ដំបូងឡើយ អ្នកមីងបានដាំបន្លែដែលធ្លាប់ស្គាល់ដូចជា ត្រកួន ស្ពៃខៀវ និងបន្លេជីក្រអូបជាដើម។ ទោះបីជាមិនទាន់មានបទពិសោធន៍ច្រើនក៏ដោយ តាមរយៈការរៀនសូត្រ និងការថែទាំយ៉ាងខ្ជាប់ខ្ជួន តែអាស្រ័យការខិតខំប្រឹងប្រែងសិក្សាស្វែងយល់ និងថែទាំបានល្អ ដំណាំត្រកួតក៏សន្សឹមៗមានការលូតលាស់ល្អ បើកទិសដៅថ្មី
បច្ចុប្បន្ន អ្នកមីងផ្តោតលើការដាំត្រកួត ព្រោះវាងាយស្រួលថែទាំ រយៈពេលប្រមូលផលក៏ឆាប់ និងទីផ្សារនិយមចូលចិត្តទៀតផង ជាមួយនឹងតម្លៃលក់ចេញបាននឹនរល្អដោយ ១០ ពាន់ដុង/គីឡូក្រាម ក៏បានជួយឱ្យគ្រួសារអ្នកមីងមានប្រភពប្រាក់ចំណូលប្រចាំថ្ងៃយ៉ាងនឹងនរផងដែរ។ ក្រៅពីនោះ អ្នកមីងក៏ដាំបន្លែចម្រុះជាច្រើនប្រភេទទៀតដើម្បីធ្វើពិពិធកម្មក្នុងការផលិតរបស់ខ្លួន ដើម្បីឆ្លើយតបតម្រូវការរបស់បងប្អូនប្រជាជនក្នុងតំបន់ និងកាត់បន្ថយហានិភ័យក្នុងការផលិត។
ជារៀងរាល់ថ្ងៃ ចាប់ពីព្រឹកព្រលឹម អ្នកមីងបានចេញទៅចម្ការដើម្បីថែទាំ ស្រោចទឹក ដកស្មៅ និងប្រមូលផលបន្លែសម្រាប់លក់។ បន្លែត្រូវបានលក់ដោយផ្ទាល់នៅក្នុងសង្កាត់ ឬឈ្មួញមកទិញដល់ផ្ទះចំនួនច្រើនទាំងខណៈកំពុងប្រមូលផល។ ការងារនេះពិបាក ប៉ុន្តែវានាំមកនូវសេចក្តីរីករាយ ព្រោះវាផ្តល់ប្រាក់ចំណូលស្ថេរភាព ជួយឱ្យអ្នកមីងម្ចាស់ការក្នុងការរស់នៅទៀតផង។
“ទោះបីវាជាការងារលំបាកក៏ដោយ ខ្ញុំពិតជារីករាយណាស់ដែលមានប្រាក់ចំណូលជាប្រចាំថ្ងៃ។ យើងគ្រាន់តែឧស្សាហ៍ព្យាយាម ជីវិតនឹងមានភាពប្រសើរជាងមុនជាក់ជាមិនខាន” អ្នកមីង The ចែករំលែក។
ទន្តឹមនិងនោះ ប្តីប្រពន្ធ និងកូនរបស់អ្នកមីងក៏បានខិតខំធ្វើការរកស៊ីដើម្បីផ្គត់ផ្គង់ជីវភាពគ្រួសារផងដែរ។ ដោយសារការរួមបញ្ចូលគ្នានៃប្រភពចំណូលច្រើនប្រភេទ ប្រាក់ចំណូលសរុបរបស់គ្រួសារឥឡូវនេះមានជាង ១៥ លានដុងក្នុងមួយខែ។ បើប្រៀបធៀបទៅនឹងមុន នេះគឺជាជំហានដ៏ធំមួយសម្រាប់ឆ្ពោះទៅមុខ ជួយធ្វើឱ្យជីវិតរបស់ពួកគេមានស្ថេរភាព កាត់បន្ថយការលំបាក និងផ្តល់ការថែទាំកាន់តែប្រសើរឡើងសម្រាប់កូនចៅៗរបស់ពួកគេ។
លោក Nguyễn Thanh Dũng ប្រធានភូមិ Huê ១ បានឱ្យដឹង ទម្រង់ដាំបន្លែរយៈពេលខ្លីរបស់អ្នកមីង The គឺជាវិធីសាស្ត្រដ៏មានប្រសិទ្ធភាព សមស្របសម្រាប់ស្ថានភាពរបស់បងប្អូនប្រជាជនក្នុងតំបន់។ ទម្រង់នេះមិនត្រូវការដើមទុនវិនិយោគច្រើននោះទេ ឆ្លៀតយកផ្ទៃដីទំនេរជុំវិញផ្ទះ មានពេលវេលាផ្លាស់ប្តូរការងាររហ័ស និងមានទីផ្សារមានស្ថេរភាព។ ជាពិសេស ទម្រង់នេះបានផ្តល់ការងារធ្វើបន្ថែមសម្រាប់កម្មករកសិកម្មជាច្រើនរូបដែលនៅទំនេរ ជាពិសេសបងប្អូននារីជនបទ។
លោក Dũng ក៏បានបន្ថែមទៀតថា ដោយផ្តោតលើភាពជោគជ័យជាក់ស្តែងរបស់គ្រួសារអ្នកមីង ថេ ក៏មានគ្រួសារជាច្រើនក្នុងភូមិបានរៀនសូត្រ និងអនុវត្តវិធីសាស្ត្រដូចគ្នា។ ចលនាដាំបន្លែជុំវិញផ្ទះកំពុងរីករាលដាលបន្តិចម្តងៗ ដោយផ្លាស់ប្តូរផ្នត់គំនិតនៃការផលិតខ្នាតតូច ជួយបងប្អូនប្រជាជនឱ្យមានភាពសកម្មក្នុងការអភិវឌ្ឍសេដ្ឋកិច្ចគ្រួសាររបស់ពួកគេ និងបង្កើនប្រាក់ចំណូលរបស់ខ្លួនផងដែរ។
ផ្តើមចម្ការដាំបន្លែបៃតងជុំវិញផ្ទះរបស់ខ្លួន អ្នកមីង Sơn Thị The បានចារនូវប្រវត្តសាវតាមួយស្តីអំពីការជម្នះភាពលំបាកដោយកម្លាំងពលកម្មខ្លួនង។ រឿងរ៉ាវនេះមិនត្រឹមតែបង្ហាញពីតម្លៃនៃការខិតខំប្រឹងប្រែងប៉ុណ្ណោះទេ ថែមទាំងពង្រីកសាយភាយខាងស្មារតីថា ប្រសិនបើយើងដឹងពីរបៀបប្រើប្រាស់ធនធានដែលមានស្រាប់ និងតស៊ូក្នុងការងារ ជីវិតនឹងផ្លាស់ប្តូរបន្តិចម្តងៗកាន់តែប្រសើរឡើង៕
Nguyễn Đào - Chí Thức
