ប្រឈមមុខជាមួយស្ថានភាពស្មុគស្មាញនៃគ្រោះថ្នាក់ចរាចរណ៍ ការកសាងវប្បធម៌ចរាចរណ៍ និងលើកកម្ពស់ចំណេះដឹងក្នុងការអនុវត្តច្បាប់ក្នុងប្រជាជនកំពុងក្លាយភាការកិច្ចដ៏សំខាន់មួយផងដែរ។
នគរបាលឃុំ Khánh Bình បានសហការជាមួយកងកម្លាំងនគរបាលចារាចរណ៍ទទួលបន្ទុកលើភូមិសាស្ត្រ ល្បាតពិនិត្យ និងពិន័យករណីប្រព្រត្តិល្មើស។
រយៈពេលកន្លង កងកម្លាំងនគរបាលចរាចរណ៍ខេត្ត Cà Mau បានសហការយ៉ាងសកម្មជាមួយរដ្ឋអំណាចភូមិភាគ សាលារៀន និងបណ្តាអង្គការចាត់តាំងជាទូទៅ ដើម្បីលើកកម្ពស់ការផ្សព្វផ្សាយ និងអប់រំច្បាប់សុវត្ថិភាពចរាចរណ៍ដល់បងប្អូនប្រជាជនជាច្រើន រួមទាំងជនជាតិភាគតិចនៅតំបន់ដាច់ស្រយាលផងដែរ។ តាមរយៈការផ្សព្វផ្សាយនេះ ប្រជាជនយល់កាន់តែច្បាស់អំពីច្បាប់ចរាចរណ៍ និងកាន់តែមានគំនិតវវឌ្ឍខ្លួនឯងជាសន្សឹមៗសម្រាប់ក្នុងការអនុវត្តតាមបទប្បញ្ញត្តិ។
“ខ្លួនក៏ផ្ទាល់ក៏ដូចជាសមាជិកគ្រួសារផងដែរ ពេលចូលរួមបើកបរតែងគោរពច្បាប់យ៉ាងតឹងរ៉ឹង អនុវត្តត្រឹមត្រូបតាមបទប្បញ្ញាតិ និងសញ្ញាចរាចរណ៍ ប្រកាន់ខ្ជាប់ពេលសេបគ្រឿងស្រវឹងមិនត្រូវបើកបរជាដាច់ខាត” លោក Danh Tương នៅភូមិ Tà Ky ឃុំ Hồng Dân មានប្រសាសន៍បែបនេះ។
ដោយបញ្ជាក់និងធានាសុវត្ថិភាពចរាចរណ៍តម្រូវឱ្យមានការចូលរួមកម្លាំងពីសង្គមទាំងមូល គណៈនាយកសាលានៃសាកលវិទ្យាល័យ Ngan Dừa ឃុំ Hồng Dân បានបង្កើតទម្រង់នៃបរិយាកាសសាលារៀនធានាសុវត្ថិភាពខាងចរាចរណ៍ និងបន្តសកម្មភាពគ្រប់គ្រងខ្លួនឯងមានប្រសិទ្ធភាព។ ជារៀងរាល់ឆ្នាំ សាលាតែងបានសហការជាមួយនគរបាលឃុំ ដើម្បីធ្វើការផ្សព្វផ្សាយយ៉ាងតិចបំផុត ២ លើក ស្តីពីការធានាសុវត្ថិភាពចរាចរណ៍ផ្លូវគោក ព្រមទាំងបង្កើតក្រុម និងក្លិបស្ម័គ្រចិត្ត ដើម្បីប្អូនៗសិស្សានុសិស្សទាំងឡាយបន្តពង្រីកសាភាយនូវស្មារតីក្នុងការគោរពច្បាប់ចរាចរណ៍។
ស្រដៀងគ្នាទៅនឹងឃុំ Hồng Dân ផងដែរ នៅឃុំ Khánh Bình ការធានាសុវត្ថិភាពចរាចរណ៍កំពុងត្រូវបានអនុវត្តយ៉ាងម៉ឺងម៉ាត់ជាមួយនឹងដំណោះស្រាយដ៏ទូលំទូលាយជាច្រើន។ វរសេនីយ៍ទោ Võ Út Hồng ប្រធាននគរបាលឃុំ បានឱ្យដឹង៖ «យើងខ្ញុំបានសហការផ្សព្វផ្សាយច្បាប់ចរាចរណ៍តាមរយៈទម្រង់ផ្សេងៗជាច្រើន ដូចជាការចែកចាយខិត្តប័ណ្ណ ឃោសនាដែលមើលឃើញ ការរួមបញ្ចូលក្នុងសកម្មភាពសហគមន៍ និងពង្រីកប្រសិទ្ធភាពទម្រង់ «ឧបករណ៍បំពងសម្លេងសន្តិសុខ» និងប្រព័ន្ធផ្សព្វផ្សាយសម្លេងក្នុងស្រុកប្រកបដោយប្រសិទ្ធភាព។ លើសពីនេះ នគរបាលឃុំក៏សហការជាមួយសាលារៀនផងដែរ ដើម្បីឱ្យប្អូនៗសិស្សានុសិស្ស និងឪពុកម្តាយចុះកិច្ចសន្យាលើការប្តេជ្ញាចិត្តក្នុងការគោរពច្បាប់ចរាចរណ៍ផ្លូវគោកយ៉ាងតឹងរ៉ឹង។ ក្នុងពេលជាមួយគ្នានេះ យើងខ្ញុំក៏ធ្វើការពង្រឹងការត្រួតពិនិត្យតាមកំពុងឆ្លង ដោះស្រាយករណីអ្នកលក់ដូរដែលរំលោភបំពានលើចិញ្ចើមថ្នល់ បង្កការកកស្ទះចរាចរណ៍»។
នគរបាលចរាចរណ៍ខេត្តល្បាតពិនិត្យជាតិអាល់កុលលើអ្នកបើកបរនៅលើភូមិសាស្ត្រឃុំ Hồng Dân។
ក្នុងបណ្តាខែឆ្នាំ២០២៦ តាមរយៈការសហការយ៉ាងជិតស្និទ្ធជាមួយកម្លាំងនគរបាលចរាចរណ៍ដែលទទួលបន្ទុកលើតំបន់ភូមិសាស្ត្រ នគរបាលឃុំខាញ់ប៊ិញបានល្បាត ត្រួតពិនិត្យ រកឃើញ និងដោះស្រាយយ៉ាងតឹងរ៉ឹងនូវករណីបំពានជាច្រើនទាក់ទងនឹងកម្រិតជាតិអាល់កុល ការបើកបរលើសល្បឿនកំណត់ មិនពាក់មួកសុវត្ថិភាព និងការផ្ទុកអ្នកដំណើរលើសពីការអនុញ្ញាត។
ដោយសារតែការអនុវត្តដំណោះស្រាយទាំងនេះប្រកបដោយភាពស៊ីសង្វាក់គ្នា ការធានាសុវត្ថិភាពចរាចរណ៍នៅតាមតំបន់ជនជាតិភាគតិចទូទាំងខេត្តក៏មានភាពប្រសើរឡើងគួរឱ្យកត់សម្គាល់ គ្រោះថ្នាក់ចរាចរណ៍ត្រូវបានគ្រប់គ្រងជាសន្សឹមៗ ហើយការយល់ដឹងរបស់បងប្អូនប្រជាជនស្តីពីការអនុវត្តច្បាប់ក៏បានកើនឡើងជាលំដាប់។ ផ្តើមពីនោះ ក៏បានរួមចំណែកដល់ការកសាងបរិយាកាសចរាចរណ៍ធានាសុវត្ថិភាព ស៊ីវិល័យ និងរួសរាយរាក់ទាក់ផងដែរ៕
Thanh Hải
