អាស្រ័យក្លាហានក្នុងការផ្លាស់ប្តូរជីវភាពរស់នៅ និងអភិវឌ្ឍរបរប្រពៃណី មានគ្រួសារជនរួមជាតិភាគតិចជាច្រើននៅភូមិ Đá Bạc A ឃុំ Đá Bạc កំពុងមានភាពរីកចម្រើនជាលំដាប់។ ក្នុងនោះ របរផលិតងៀតត្រីកន្ធបានផ្តល់ប្រសិទ្ធភាពខាងសេដ្ឋកិច្ចយ៉ាងសំខាន់ រួមចំណែកកាត់បន្ថយភាពក្រីក្រប្រកបដោយចីរភាពសម្រាប់បងប្អូនប្រជាជន។
គ្រួសារលោក Danh Văn Xa (ស្តាំ) រកបានប្រាក់ចំណូលប្រមាណចាប់ពី ៣០០-៤០០ លានដុងក្នុងមួយឆ្នាំពីមុខរបរចិញ្ចឹម និងផលិតងៀតត្រីកន្ធ។
ភូមិ Đá Bạc A មាន ៣១០ គ្រួសារ រួមទាំងគ្រួសារជនជាតិភាគតិចចំនួន ៦៤ គ្រួសារផងដែរ។ ក្នុងរយៈពេលប៉ុន្មានឆ្នាំកន្លង ដោយឆ្លៀតយកប្រភពត្រីកន្ធរបស់ភូមិភាគ មានគ្រួសារជាច្រើនបានពង្រីករបរផលិតងៀបត្រីកន្ធប្រចាំតំបន់ក៏ត្រូវបានទីផ្សារនិយមចូលចិត្ត។ បច្ចុប្បន្ន ទូទាំងភូមិមាន ១៦ គ្រួសារជាជនជាតិភាគតិចប្រកបរបរនេះ។
ពិសេសក្នុងរដូវប្រមូលផលត្រីនារដូវបុណ្យចូលឆ្នាំតេតកន្លងហើយ បងប្អូនប្រជាជនមានការសប្បាយចិត្តយ៉ាងខ្លាំង ព្រោះការប្រមូលផលត្រីកន្ធស្រស់បានផលល្អ និងលក់បានតម្លៃខ្ពស់ទៀតផង។ តម្លៃត្រីបានកើនឡើងជិតទ្វេដងបើប្រៀបធៀបទៅនឹងរយៈពេលដូចគ្នាកាលពីឆ្នាំហើយ ជួយបង្កើនប្រាក់ចំណូលសម្រាប់គ្រួសារដែលប្រកបរបរនេះ។
លោក Nguyễn Văn Thạnh ប្រធានភូមិ Đá Bạc A បានមានប្រសាសន៍ថា៖ “ឆ្នាំនេះ តម្លៃត្រីកន្ធស្រស់មានស្ថេរភាពជាងឆ្នាំមុន ហើយអាកាសធាតុក៏អំណោយផលផងដែរ ដូច្នេះការផលិតងៀតត្រីកន្ធក៏មានប្រសិទ្ធភាពខ្ពស់។ ដោយសារបែបនេះហើយ សេដ្ឋកិច្ចរបស់មាមីងបងប្អូនក៏មានការអភិវឌ្ឍ ផ្តើមពីការជួបលំបាកក្លាយទៅជាធូរធាប្រសើរឡើង”។
មិនត្រឹមតែផលិតងៀតត្រីកន្ធតែម្យ៉ាងនោះទេ គ្រួសារជាច្រើនថែមទាំងបានក៏ផ្សំវាជាមួយនឹងការចិញ្ចឹមត្រីពាណិជ្ជកម្ម ដើម្បីបង្កើនប្រាក់ចំណូលរៀងៗខ្លួនទៀតផង។ តួយ៉ាងដូចជាគ្រួសារលោក Danh Văn Xa មានស្រះចិញ្ចឹមត្រីកន្ធ ២ ស្រះសរុបទំហំប្រហែល ៣.០០០ ម៉ែត្រការ៉េ។ អាស្រ័យការប្រមូលផលបានល្អ និងលក់បានតម្លៃខ្ពស់ គ្រួសារលោកទទួលបានប្រាក់ចំណេញប្រហែល ២០០ លានដុង បូករួមទាំងប្រាក់ចំណូលពីការផលិតត្រីងៀតផងនោះ សរុបប្រាក់ចំណូលទាំងអស់កើនដល់ជាង ៤០០ លានដុង។
លោក Danh Văn Xa ចែករំលែក៖ «ឆ្នាំនេះ ទាំងអ្នកចិញ្ចឹមត្រី និងអ្នកពាក់ព័ន្ធនឹងការជួញដូរត្រីងៀត មានសេចក្តីសោមនស្សរីករាយយ៉ាងខ្លាំង ពីព្រោះតម្លៃត្រីបានកើនឡើងជិតទ្វេដងបើប្រៀបធៀបទៅនឹងឆ្នាំមុនៗ។ អាកាសធាតុអំណោយផល និងប្រភពចំណីល្អ បានធ្វើឱ្យប្រាក់ចំណេញឈានដល់ប្រហែល ៥០% នៃការវិនិយោគដើមទុនសរុប។ និយាយរួម ទាំងអ្នកចិញ្ចឹមត្រី និងអ្នកប្រកបរបរធ្វើងៀតត្រីកន្ធសុទ្ធសឹងតែមានរដូវកាលជោគជ័យដូចគ្នា»។
របរផលិតងៀតត្រីកន្ធនៅភូមិ Đá Bạc A បានបង្កើតការងារធ្វើជូនពលករជាច្រើននៅភូមិភាគផងដែរ។
មិនត្រឹមតែផ្តល់ប្រាក់ចំណូលស្ថិរភាពសម្រាប់គ្រួសារប៉ុណ្ណោះទេ ប៉ុន្តែការជួញដូរត្រីងៀតនៅ ភូមិ Đá Bạc A ក៏បង្កើតការងារជាប្រចាំសម្រាប់កម្មករក្នុងស្រុកប្រហែល ១០០ នាក់ អាចរកបានប្រាក់ចំណូលចាប់ពី ១០០-៣០០ ពាន់ដុងក្នុងមួយថ្ងៃ អាស្រ័យលើការងារ។
ផ្តើមពីមុខរបរប្រពៃណីដែលជាប់ទាក់ទងនឹងតំបន់ព្រែកទន្លេ ងៀតត្រីកន្ធកំពុងក្លាយជាទិសដៅសម្រាប់អភិវឌ្ឍន៍សេដ្ឋកិច្ចដ៏មានប្រសិទ្ធភាព ជួយគ្រួសារជនជាតិភាគតិចជាច្រើនឱ្យរួចផុតពីភាពក្រីក្រ ឈានឡើងជីវភាពធូរធា លើកកម្ពស់ការអភិវឌ្ឍសេដ្ឋកិច្ចជនបទ និងកសាងជីវិតកាន់តែប្រសើរឡើងនៅភូមិ Đá Bạc A៕
Loan Phương
