បច្ចុប្បន្នទូទាំងខេត្តមានអ្នកមានកិត្យានុភាពក្នុងជនរួមជាតិភាគតិចទាំងអស់ជាង ២០០ នាក់។ ទោះបីម្នាក់មានស្ថាភាព និងមុខងារខុសៗគ្នាតែងពួកគាត់សុទ្ធសឹងជា "ស្ពានតភ្ជាប់" រវាងគណៈកម្មាធិការបក្ស រដ្ឋអំនាចភូមិភាគ និងប្រជាជន រួមចំណែករក្សាសាមគ្គីភាព កសាងជីវភាពវប្បធម៌ និងអភិវឌ្ឍសេដ្ឋកិច្ចនៅភូមិភាគ។
លោកស្រី Nguyễn Thu Tư នាយិកាមន្ទីជនជាតិ និងសាសនា ខេត្ត Cà Mau ដោះដូរយោបល់ជាមួយលោក Trần Quế Đình ប្រធានសមាគមជនជាតិ Hoa អំពីតួនាទីអ្នកមានកិត្យានុភាពក្នុងការចលនាសាមគ្គីរវាងជនជាតិនៅភូមិភាគ។
នៅភូមិ Cái Bát ឃុំ lương Thế Trân លោក Kim Văn Cường ត្រូវបានប្រជាជន Khmer គោរពយ៉ាងខ្លាំងចំពោះការលះបង់ និងការទទួលខុសត្រូវរបស់ខ្លួន។ អស់រយៈពេលជាច្រើនឆ្នាំកន្លង លោកតែងចលនាបងប្អូនប្រជាជនឱ្យអនុវត្តល្អច្បាប់ និងគោលការណ៍ណែនាំរបស់បក្ស និងក្រឹត្យច្បាប់របស់រដ្ឋ រក្សាសន្តិសុខ និងសណ្តាប់ធ្នាប់ កសាងភូមិស្រុកស៊ីវិល័យ។
មិនត្រឹមតែការផ្សព្វផ្សាយប៉ុណ្ណោះទេ លោក Cường ថែមទាំងឈានមុខក្នុងការអភិវឌ្ឍសេដ្ឋកិច្ចគ្រួសារជាមួយទម្រង់ចិញ្ចឹមបង្គាមានប្រសិទ្ធផាព និងទទួលបានប្រាក់ចំណូល ៣០០ លានដុងជារៀងរាល់ឆ្នាំ។ ផ្តើមពីបទពិសោធន៍ជាក់ស្តែង លោកបានចែករំលែកអំពីបច្ចេកទេស និងចលនាទឹកចិត្តបងប្អូនប្រជាជនឱ្យក្លាហានក្នុងការផ្លាស់ប្តូររបៀបផលិត បង្កើនប្រាក់ចំណូល។
លោក Nguyễn Văn Tý ប្រធានគណៈកម្មាធិការរណសិរ្សភូមិ Cái Bát បានឱ្យដឹង៖ “ប្រការដែលអ្នកភូមិពេញចិត្តចំពោះលោក Cường គឺភាពរីករាយ និងការទទួលខុសត្រូវរបស់គាត់។ ខណៈពេលដែលភូមិភាគបានធ្វើការផ្សព្វផ្សាយអំពីគោលនយោបាយថ្មី ឬក៏បំផុសចលនារាល់បណ្តាប្រពៃណីផ្សេងៗ លោកតែងអញ្ជើញទៅដល់គ្រួសារនីមួយៗដើម្បីចលនា និងពន្យល់។ ដូច្នេះហើយ ទើបអ្នកភូមិតែងសាមគ្គី និងឯកភាពគ្នាទាំងស្រុងរួមជាមួយភូមិភាគ”។
នៅភូមិ Cái Keo ឃុំ Quách Phẩm លោក Lâm Quốc Ken មិនត្រឹមតែផ្តោតលើការអភិវឌ្ឍសេដ្ឋកិច្ចគ្រួសាររបស់ខ្លួនប៉ុណ្ណោះទេ ថែមទាំងចូលរួមយ៉ាងសកម្មក្នុងការងារសុខុមាលភាពសង្គមផងដែរ។ យោងតាមលោក Ken ដើម្បីភូមិស្រុកមានសន្តិភាព និងសុភមង្គល ប្រជាជនត្រូវតែដឹងពីរបៀបចែករំលែក និងរួបរួមគ្នា។ ដូច្នេះ នៅពេលណាដែលភូមិភាគបានបំផុសចលនាកសាងជនបទថ្មី ការពារបរិស្ថាន និងជំនួយឧបត្ថម្ភគ្រួសារក្រីក្រ ឬគ្រួសារដែលខ្វះខាតមានអាសន្ន លោកតែងចេះមុខចលនា និងអំពាវនាវដើម្បីស្វែករកជំនួយ។
លោក Lê Hoàng Phương លេខាសាខាបក្សភូមិ Cái Keo បានកត់សម្គាល់ថា៖ «លោក Ken យល់ដឹងបានច្រើនអំពីទំនៀមទម្លាប់ប្រពៃណីរបស់ជនជាតិ Hoa ដូច្នេះលោកតែងសម្របសម្រួលរាល់ជម្លោះដែលកើតឡើងក្នុងសហគមន៍។ ដោយការលះបង់ និងការទទួលខុសត្រូវរបស់ខ្លួន លោកត្រូវបានប្រជាជនជឿទុកចិត្ត និងកោតគោរពណាស់ដែរ»។
លោក Lâm Quốc Ken (ឆ្វេង) តែជួបជុំនិងដោះដូរយោបល់ជាមួយថ្នាក់ដឹកនាំភូមិភាគអំពីសកម្មភាពរបស់ជនរួមជាតិ Hoa។
យោងតាមលោកស្រី Nguyễn Thu Tư នាយិកាមន្ទីរជនជាតិ និងសាសនាខេត្ត Cà Mau សម្រាប់អ្នកមានកិត្យានុភាពទាំងឡាយនារយៈពេលកន្លងក៏បានពង្រីកតួនាទីជាស្នូលក្នុងសហគមន៍។ រយៈពេលខាងមុខ ខេត្តនឹងបន្តយកចិត្តទុកដាក់អនុវត្តយ៉ាងគ្រប់គ្រាន់រាល់បណ្តារបបគោលនយោបាយចំពោះអ្នកមានកិត្យានុភាព បង្កលក្ខណៈដើម្បីកងកម្លាំងនេះបន្តពង្រីកតួនាទីរបស់ខ្លួនក្នុងសហគមន៍។
តាមរយៈសកម្មភាពយ៉ាងសាមញ្ញ ប៉ុន្តែមានទំនួលខុសត្រូវ អ្នកមានកិត្យានុភាពក្នុងជនរួមជាតិភាគតិចនៅ Cà Mau កំពុងរួមចំណែកក្នុងការកសាងមាតុភូមិ។ ពួកគេមិនត្រឹមតែជាប្រភពនៃការគាំទ្រខាងវិញ្ញាណសម្រាប់ប្រជាជនប៉ុណ្ណោះទេ ថែមទាំងជាអ្នករក្សាអណ្តាតភ្លើងនៃការសាមគ្គី កសាងតំបន់ទឹកដីចុងជ្រោយបង្អស់របស់ប្រទេសជាតិមួយថ្ងៃកាន់តែអភិវឌ្ឍខ្លាំងឡើង៕
Trịnh Hồng Nghi
