អាស្រ័យប្រភពនៃកម្មវិធីគោលដៅជាតិសម្រាប់ការកសាងជនបទថ្មី រយៈពេលកន្លង ខេត្ត Cà Mau បានជំនួយឧបត្ថម្ភរាប់ពាន់គ្រួសារ ជាពិសេសគ្រួសារជនរួមជាតិភាគតិចស្តីពីលំនៅឋាន និងជីវភាពរស់នៅ ព្រមទាំងផ្លាស់ប្តូរមុខរបរការងារដើម្បីលើកកម្ពស់ប្រាក់ចំណូល។ ផ្តើមពីកម្មវិធីនោះ ឃុំ Hoà Bình បានផ្សព្វផ្សាយយ៉ាងសម្បូរបែបបណ្តាទម្រង់នៃការរស់នៅ ជួយជីវភាពបងប្អូនប្រជាជនមានលក្ខណៈឈានឡើងជានសន្សឹមៗទៀតផង។
អ្នកស្រី Trần Thị Mỹ Nhân ស្វែងយល់ និងក្តាប់ស្ថានការនៃទម្រង់ផលិតរបស់គ្រួសារបង Danh Hoàng Phương ។
ជាឃុំស្រុកស្រែចម្ការ កសិករឃុំ Hoà Bình ភាគច្រើនផលិតកម្មកសិកម្ម។ សមាគមកសិករឃុំបានបំផុសចលនា "កសិករប្រឡងប្រណាំងផលិត និងជួញដូរពូកែ សាមគ្គីជួយគ្នាទៅវិញទៅមកដើម្បីរួមគ្នាឈានឡើងធ្វើមាន និងកាត់បន្ថយភាពក្រីក្រប្រកបដោយចីរភាព" និព្រមទាំងឆ្លៀតយកប្រភពកម្លាំង ដើម្បីជួយកសិករអភិវឌ្ឍសេដ្ឋកិច្ច។
អ្នកស្រី Trần Thị Mỹ Thuận ប្រធានសមាគមកសិករឃុំ Hoà Bình បានឱ្យដឹង៖ “សមាគមកសិករឃុំបានបង្កលក្ខណៈអំណោយផលសម្រាប់សមាជិករបស់ខ្លួនទទួលបានប្រភពទុនអនុគ្រោះ។ ក្នុងនោះ សរុបប្រាក់បំណុលដែលបានបុលពីធនាគារគោលនយោបាយសង្គម និងប្រភពមូលនិធិគាំទ្រកសិករឡើងដល់ជាង ៥២ ពាន់លានដុង។ ជាពិសេស សម្រាប់ជនរួមជាតិ Khmer ប្រភពទុននេះបានផ្តល់ការឧបត្ថម្ភយ៉ាងទាន់ពេលវេលាសម្រាប់ខាងទម្រង់សេដ្ឋកិច្ចមានប្រសិទ្ធភាព ដូចជា៖ ក្លឹបកសិករជំនាញក្នុងការផលិត និងជួញដូរអាជីវកម្ម ទម្រង់ផលិតស្រូវប្រកបដោយសុវត្ថិភាព និងសហករណ៍ដាំបន្លែ ចិញ្ចឹមត្រី។ល។ សមាជិកទាំងឡាយមានភាពរីករាយចំពោះការងាររបស់ខ្លួន ដូច្នេះទម្រង់នេះសម្រេចបានលទ្ធផលល្អ។”
គ្រួសារបង Danh Hoàng Phương ប្រមូលផលត្រីពូជ។
តាំងពីប្រភពកម្លាំងខាងដើមទុន មានទម្រង់ជាច្រើនត្រូវបានអនុវត្ត ដូចជា៖ ទម្រង់ចិញ្ចឹមពពែបង្កាត់ពូជ ចិញ្ចឹមអន្ទង់គ្មានភក់ ចិញ្ចឹមកញ្រ្ចោងននោង ចិញ្ចឹមបង្គាឧស្សាហ៍កម្ម និងទម្រង់ដាំដូងជាដើម។ ក្នុងនោះ ទម្រង់នៃការរស់នៅក៏ត្រូវបានអនុវត្តសម្រាប់សហគមន៍ជនជាតិភាគតិចទាំងអស់ទទួលបានការណែនាំអំពីបច្ចេកទេសកសិកម្មបែបវិទ្យាសាស្ត្រជាមូលដ្ឋានគ្រឹះផងដែរ។ ឧទាហរណ៍ដ៏សំខាន់មួយគឺទម្រង់ដាំឪឡឹករបស់បងស្រី Lý Thị Út នៅភូមិ Thị Trấn B ឃុំ Hoà Bình។ បងស្រី Út បានចែករំលែកថា៖ «អាស្រ័យបានសមាគមកសិករឃុំ Hoà Bình ជំនួយឧបត្ថម្ភដើមទុន ម៉្លោះហើយទើបខ្ញុំមានលក្ខណៈក្នុងការដាំឪឡឹក និងទទួលបានប្រភពចំណូលសមគួរ។ គ្រួសារខ្ញុំមានផ្ទៃដីផលិត ៣ ហិចតាសម្រាប់ដាំបន្លែ និងឪឡឹកឆ្លាស់គ្នាដើម្បីលក់ពេញមួយឆ្នាំ។ មួយឆ្នាំខ្ញុំដាំបាន ៣ រដូវឪឡឹក មួយរដូវទទួលបានប្រាក់ចំណេញចាប់ពី ៣០-៤០ លានដុង»។
អ្នកស្រី Trần Thị Mỹ Nhân (ស្តាំ) អញ្ជើញទស្សនាទម្រង់ដាំឪឡឹករបស់គ្រួសារបងស្រី Lý Thị Út។
លោក Danh Hoàng Phương នៅភូមិ Phước Thạnh I ឃុំ Hoà Bình គឺជាឧទាហរណ៍ដ៏ល្អមួយនៃការប្រើប្រាស់ដើមទុនកម្ចីអនុគ្រោះប្រកបដោយប្រសិទ្ធភាព។ ដោយគ្រួសារមានដីផលិតតិច បង Phương បានក្លាហានជួលដីបន្ថែមដើម្បីវិនិយោគលើការចិញ្ចឹមត្រី។ បង Phương បានចែករំលែកថា “ពីមុន ខ្ញុំក៏បានជួលដីដើម្បីចិញ្ចឹមពូជត្រីដែរ ប៉ុន្តែខ្វះដើមទុន ផ្ទៃដីក៏មានទំហំតូចចង្អៀត ហើយប្រាក់ចំណេញក៏ទាប។ អាស្រ័យទទួលបានការឧបត្ថម្ភប្រភពទុនអនុគ្រោះពីសមាគមកសិករ ខ្ញុំបានជួលផ្ទៃដីជាង ១ ហិកតា ដើម្បីពង្រីកទម្រង់ចិញ្ចឹម។ ដោយសារតែបែបនេះហើយ ប្រាក់ចំណូលក៏បានលំនឹងល្អ រាល់ពេលប្រមូលផលត្រីម្តងៗបានចាប់ពី ១០០ គីឡូក្រាម នឹងទទួលបានប្រាក់ចំណេញពី ៤-៥ លានដុង” បង Phương ចែករំលែក។
ជាក់ស្តែង ការឧបត្ថម្ភរបស់សមាគមកសិករឃុំ Hoà Bình បានប្រើប្រាស់ប្រភពធនធានពីកម្មវិធីគោលដៅជាតិប្រកបដោយប្រសិទ្ធភាព។ គ្រួសារជនជាតិភាគតិចជាច្រើនបានបង្កើតទម្រង់សេដ្ឋកិច្ចយ៉ាងសមស្រប ជួយពួកគេមានលក្ខណៈឈានឡើងលំនឹងជីវភាពរស់នៅទៀតផង៕
Thuỳ Liên - Duy Phong
