ជាមួយល្បឿននៃជីវិតសម័យទំនើប និងការផ្លាស់ប្តូរជាច្រើន ការអភិរក្សភាសា និងអក្សរសាស្ត្ររបស់ជនជាតិភាគតិចមួយថ្ងៃកាន់តែមានអត្ថន័យជាងពេលណាៗទាំងអស់។ នៅឃុំ Hưng Hội បណ្តាថ្នាក់រៀនអក្សរ Khmer នៅតែបានបន្តជាប្រចាំរៀងរាល់ថ្ងៃ ក្លាយជាកន្លែងបណ្តុះសេចក្តីស្រឡាញ់ចំពោះឫសគល់ផងដែរ ជួយយុវជនជំនាន់ក្រោយឱ្យយល់កាន់តែច្បាស់ និងមានមោទនភាពចំពោះអត្តសញ្ញាណវប្បធម៌របស់ជនជាតិខ្លួន។
ដើម្បីបង្កើតចំណាប់អារម្មណ៍សម្រាប់ប្អូនៗសិស្សានុសិស្ស លោកគ្រូ Danh Mong សាលាបឋមសិក្សា Hoàng Hoà Thám ភូមិ Nước Mặn តែងអនុវត្តបច្ចេកវិទ្យាព័ត៌មាន និងបង្កើតវិធីសាស្ត្រក្នុងការបង្រៀន និងរួមបញ្ចូលល្បែងប្រជាប្រិយដែលទាក់ទាញប្អូនៗសិស្សានុសិស្សចូលរួម។
អនុវត្តអនុក្រឹត្យលេខ ៨២ របស់រដ្ឋាភិបាលស្តីពីការបង្រៀន និងរៀនភាសា អក្សរសាស្ត្ររបស់ជនជាតិភាគតិច សាលាបឋមសិក្សាជាច្រើនក្នុងឃុំ Hưng Hội បានដាក់បញ្ចូលភាសា Khmer ចូលក្នុងកម្មវិធីសិក្សាសម្រាប់សិស្សចាប់ពីថ្នាក់ទី ១ ដល់ទី ៥។ មិនត្រឹមតែសិស្ស Khmer ប៉ុណ្ណោះទេ គឺសម្រាប់ប្អូនកូនក្មួយជនជាតិ Kinh ជាច្រើនក៏ចូលរួមយ៉ាងសកម្មផងដែរដើម្បីរៀនបន្ថែមអំពីភាសា ទំនៀមទម្លាប់ និងវប្បធម៌របស់ជនរួមជាតិ Khmer។
សម្រាប់ថ្នាក់រៀនទាំងនោះ ប្អូនៗមិនត្រឹមតែបានស្គាល់នូវតួអក្សរព្យញ្ជនៈ និងការបញ្ចេញសម្លេងប៉ុណ្ណោះទេ ថែមទាំងបណ្តុះមោទនភាពជាតិតាមរយៈមេរៀននីមួយៗទៀតផង។
ប្អូន Sơn Đà Ních សិស្សថ្នាក់ទី ៣A សាលាបឋមសិក្សា Hoàng Hoà Thám ភូមិ Nước Mặn បានចែករំលែកថា៖ «ដោយសារបានរៀនភាសា Khmer ទើបប្អូនអាចនិយាយ និងសរសេរបានយ៉ាងស្ទាត់ជំនាញជាងអំពីភាសាកំណើតរបស់ខ្លួន ហើយថែមទាំងមានមោទនភាពយ៉ាងខ្លាំងដែលបានរួមចំណែកថែរក្សាអត្តសញ្ញាណវប្បធម៌ជនជាតិរបស់ខ្លួន»។
ដើម្បីបន្តរក្សាថ្នាក់រៀនទាំងនោះ ទាមទារការខិតខំប្រឹងប្រែងយ៉ាងខ្លាំងពីគ្រូបង្រៀនភាសាជនជាតិ។ យោងតាមគ្រូបង្រៀន ការបង្រៀន និងរៀនភាសា Khmer នៅតែប្រឈមមុខនឹងបញ្ហាលំបាកជាច្រើន ដោយសារសិស្សជាច្រើននូវមានកម្រិតខាងភាសា Vệt Nam ម៉្លោះហើយ ខណៈដែលអក្សរ Khmer មានការបញ្ចេញខ្យល់សម្លេង និងការសរសេរប្លែកៗ ដែលងាយនាំឱ្យមានការភាន់ច្រឡំក្នុងអំឡុងពេលរៀន។ លើសពីនេះ សម្ភារៈ និងឧបករណ៍បង្រៀននៅតែខ្វះខាត ទាមទារឱ្យគ្រូបង្រៀនមានការច្នៃប្រតិដ្ឋខាងវិធីសាស្រ្តរបស់ខ្លួន ដើម្បីបង្កើតចំណាប់អារម្មណ៍សម្រាប់សិស្សទាំងឡាយ។
ផ្សារភ្ជាប់ជាមួយការបង្រៀនភាសា Khmer អស់ជាង ២៦ ឆ្នាំ លោក Hứa Si Sô Tha គ្រូបង្រៀនសាលាបឋមសិក្សា Trần Quốc Toản មានប្រសាសន៍ថា៖ “អក្សរ Khmer មានប្រព័ន្ធសរសេរដ៏សម្បូរបែប និងចម្រុះ ដូច្នេះគ្រូបង្រៀនត្រូវតែណែនាំសិស្សពីកម្រិតសាមញ្ញរហូតដល់កម្រិតខ្ពស់ ដើម្បីធ្វើឱ្យប្អូនៗងាយស្រួលរៀន។ អ្វីដែលធ្វើឱ្យខ្ញុំសប្បាយចិត្តបំផុតនោះគឺថា សិស្សកាន់តែចូលចិត្តរៀនភាសា Khmer ហើយមានភាពរីករាយក្នុងមេរៀននីមួយៗទៀតៀង។ ការអភិរក្សអក្សរ Khmer មិនត្រឹមតែរួមចំណែកដល់ការអភិរក្សអត្តសញ្ញាណវប្បធម៌ប៉ុណ្ណោះទេ ថែមទាំងជួយយុវជនជំនាន់ក្រោយឱ្យយល់កាន់តែច្បាស់អំពីប្រភពដើមរបស់ជនជាតិខ្លួនទៀតផង”។
ប្អូនៗ សាលាបឋមសិក្សា Trần Quốc Toảnហាត់សរសេរតួអក្សរ។
មិនត្រឹមជាអ្នកបង្រៀនភាសាប៉ុណ្ណោះទេ គ្រូបង្រៀនក៏ទាំងឡាយថែមទាំងបានរួមបញ្ចូលទំនៀមទម្លាប់ ពិធីបុណ្យទាន និងល្បែៈប្រជាប្រិយ Khmer ចូលក្នុងមេរៀនទៀតផង ដើម្បីជួយឱ្យប្អូនៗកាន់តែមានភាពរស់រវើក។ លោក Danh Mong គ្រូបង្រៀនសាលាបឋមសិក្សា Hoàng Hoà Thám បានចែករំលែកថា៖ “ដើម្បីធ្វើឱ្យមានភាពវាទាក់ទាញ ខ្ញុំតែងតែប្រើបច្ចេកវិទ្យាព័ត៌មាន រចនាមេរៀនដែលមើលឃើញ និងរួមបញ្ចូលល្បែងប្រជាប្រិយដើម្បីទាក់ទាញការចូលរួមរបស់សិស្ស”។
ជាមួយជីវិតដ៏មមាញឹកនាពេលបច្ចុប្បន្ននេះ បណ្តាថ្នាក់បង្រៀនអក្សរ Khmer នៅ Hưng Hội នៅតែបន្លើឡើងសូរសព្ទសម្លេងប្អូនៗនាំគ្នាអានតួអក្សរព្យញ្ជនៈ Khmer ជារៀងរាល់ថ្ងៃ។ បើទោះបីជាមានការលំបាកខ្លាំងក៏ដោយ តែអាស្រ័យការខិតខំប្រឹងប្រែងរបស់លោកគ្រូ អ្នកគ្រូ និងភាពរីករាយរបស់សិស្សានុសិស្ស ភាសា Khmer នៅតែត្រូវបានថែរក្សានៅតាមសាលារៀន ជាច្រើនទូទាំងខេត្ត រួមចំណែកដល់ការបន្ត និងផ្សព្វផ្សាយវប្បធម៌ជនជាតិ Khmer ដល់មនុស្សជំនាន់ក្រោយៗទៀតផង៕
Kim Trúc - Anh Tuấn
