កុមារគឺជាពន្លកបៃតងនៃអនាគត ជាប្រភពកម្លាំងសម្រាប់ស្នបន្ត និងអភិវឌ្ឍប្រទេសជាតិ។ ដោយយល់បានច្បាស់ពីតួនាទីនោះ ថ្មីៗនេះ សកម្មភាពថែទាំកុមារនិយាយរួម ជាពិសេសកុមារជនជាតិភាគតិច តែងត្រូវបានគ្រប់បណ្តាថ្នាក់ និងភូមិភាគយកចិត្តទុកដាក់ ព្រមទាំងអនុវត្តជាមួយនឹងសកម្មភាពជាក់ស្តែង និងមានអត្ថន័យជាច្រើន។
សម្ព័ន្ធយុវជនឃុំ Hưng Hội យបានសហការចម្អិនអាហារជូនប្អូនៗកុមារដែលមានជីវភាពជួបលំបាកលើភូមិសាស្ត្រឃុំ។
ឃុំ Hưng Hội មានជនរួមជាតិរស់នៅច្រើន ដោយមានទាំងអស់ ២.១២២ គ្រួសារ និងចំនួនប្រជាជន ៩.៦២៣ នាក់ ស្មើនឹង ៣៣,០៨% នៃចំនួនប្រជាជនសរុបទូទាំងឃុំ។ ទោះជាយ៉ាងណាក៏ដោយ ជីវភាពគ្រួសារបងប្អូនប្រជាជនជាច្រើននៅតែប្រឈមមុខនឹងការលំបាកខ្លាំង អូសយកតាមនូវការរៀនសូត្រ និងសកម្មភាពរបស់កូនក្មួយក៏ខ្វះខាត។
ដោយយល់ឃើញពីបញ្ហានេះ នាពេលកន្លង សម្ព័ន្ធយុវជនឃុំហឹងហូយបានពង្រីកតួនាទីជាអ្នស្ម័គ្រចិត្ត សកម្មក្នុងការកៀរគរប្រភពធនធានសង្គមយ៉ាងសកម្មដើម្បីគាំទ្រដល់កុមារជនជាតិភាគតិចលើភូមិសាស្ត្រ។ ផ្តើមពីនោះ ក៏មានអាហារូបករណ៍ និងអំណោយរាប់រយចំណែកត្រូវបានផ្តល់ជូនប្អូនៗកុមារ។ បណ្តាសកម្មភាពចម្អិនអាហារ ជួបជុំរដូវវិស្សមកាល រួមទាំងសកម្មភាពកម្សាន្តសប្បាយផ្សេងៗសម្រាប់ប្អូនកុមារក៏ត្រូវបានចាត់តាំងឡើងជាប្រចាំ នាំមកនូវក្តីសប្បាយរីករាយ និងបង្កើនកម្លាំងក្នុងការសិក្សារៀនសូត្រ និងការខិតដើម្បីភាពជោគជ័យរបស់ប្អូនៗកុមារ។
មិនត្រឹមការឧបត្ថម្ភគាំទ្រផ្នែកសម្ភារៈប៉ុណ្ណោះទេ សម្រាប់ការអប់ខាងបំណិនរស់នៅរបស់ប្អូនៗកុមារនិយាយរួម និងកុមារ Khmer និយាយដោយឡែក ក៏ត្រូវបានគ្រប់បណ្តាគណៈផ្នែកយកចិត្តទុកដាក់យ៉ាងពិសេសផងដែរ។ តាមរយៈការសហការបានល្អរវាងសាលា អង្គការមហាជន និងរដ្ឋអំណាចភូមិភាគ យុទ្ធនាការផ្សព្វផ្សាយជាច្រើនលើក ព្រមទាំងសកម្មភាពយោងតាមប្រធានបទក៏ត្រូវបានរៀបចំឡើង ដោយផ្តោតលើបណ្តាខ្លឹមសារ ដូចជា៖ ការបង្ការ និងប្រយុទ្ធប្រឆាំងអំពើហិង្សានៅសាលារៀន ការរំលោភបំពានលើកុមារ និងបំណិនក្នុងការការពារខ្លួននៅលើបណ្តាញសង្គម។ល។
បង Trần Phạm Hoàng Long លេខសម្ព័ន្ធយុវជនសង្កាត់ Vĩnh Trạch ផ្តល់អំណោយជូនប្អូនៗកុមារ Khmer ដែលមានជីវភាពជួបលំបាកក្នុងទិវាចេញយុទ្ធនាការអនុវត្ត “ប្រជាចលនាឆ្លាតវៃ” ឆ្នាំ២០២៦។
បង Trần Phạm Hoàng Long លេខាសម្ព័ន្ធយុវជនសង្កាត់ Vĩnh Trạch បានមានប្រសាសន៍ថា៖ “ចូលរួមជាមួយខែសកម្មភាពសម្រាប់កុមារឆ្នាំ២០២៦ ក្រោមប្រធានបទ “កុមាររីករាយ សុវត្ថិភាព និងរឹងមាំឈានចូលយុគសម័យឌីជីថល” អង្គភាពនេះក៏បានធ្វើការសម្របសម្រួលសកម្មភាពជាក់ស្តែងជាច្រើនផងដែរ។ ក្នុងនោះ សំខាន់គឺផ្តោតលើការផ្សព្វផ្សាយអំពីចំណេះដឹងស្តីពីការការពារសុខភាពស្មារតីជូនប្អូនៗកុមារ កសាងទម្លាប់នៃការប្រើប្រាស់បច្ចេកវិទ្យាដែលមានសុវត្ថិភាព និងមានទំនួលខុសត្រូវ ទន្ទឹមនិងនោះរៀបចំបំណិនខាងការបង្ការ និងប្រយុទ្ធប្រឆាំងជាមួយករណីរំលោភបំពាន ប្រើអំពើហិង្សា និងបង្ករបួស”។
ការថែទាំកុមារ ជាពិសេសកុមារនៅតាមតំបន់ជនជាតិភាគតិច មិនមែនជាភារកិច្ចនៃការទទួលខុសត្រូវទាំងស្រុងរបស់បុគ្គលណាម្នាក់នោះទេ គឺតម្រូវឱ្យមានការរួមកម្លាំងគ្នារបស់សង្គមទាំងមូលផងដែរ។ នៅពេលដែលកុមារគ្រប់រូបត្រូវបានមើលថែ ការពារ និងផ្តល់ឱកាសសម្រាប់ការអភិវឌ្ឍរួម នេះបង្កើតបានជាមូលដ្ឋានគ្រឹះដ៏រឹងមាំសម្រាប់ការអភិវឌ្ឍប្រកបដោយចីរភាពនៃតំបន់ភូមិភាគ និងប្រទេសជាតិនាពេលអនាគតទៀតផង៕
Trung Kiên
