ប្រព័ន្ធសន្តិសុខសង្គមកំពុងដើរតួនាទីយ៉ាងសំខាន់សម្រាប់ការអភិវឌ្ឍប្រកបដោយចីរភាព ហើយការលើកកម្ពស់ការធានារ៉ាប់រងសង្គមដោយស្ម័គ្រចិត្តកំពុងក្លាយជាតម្រូវការចាំបាច់។ នេះមិនត្រឹមតែជួយមនុស្សឱ្យយល់អំពីសិទ្ធិជាក់ស្តែងរបស់ខ្លួនប៉ុណ្ណោះទេ ថែមទាំងបានរួមចំណែកដល់ការកសាង "បណ្តាញសន្តិសុខសង្គម" រយៈពេលយូរអង្វែងផងដែរ ដើម្បីធានាបាននូវជីវិតដែលមានស្ថេរភាពនៅពេលខ្លួនចាស់ជរា។
យល់ច្បាស់ពីអត្ថប្រយោជន៍ និងតួនាទីចូលរួមធានារ៉ាប់រងសង្គមដោយស្ម័គ្រចិត្ត ទើបបងប្អូននារីជាច្រើនបានចូលរួមមួយថ្ងៃកាន់តែច្រើនឡើង។
ថ្មីៗនេះ ទីភ្នាក់ងារធានារ៉ាប់រងសង្គម Bạc Liêu បានសហការជាមួយសមាគមសហព័ន្ធនារីសង្កាត់ Hiệp Thành ដើម្បីរៀបចំសន្និសីទផ្សព្វផ្សាយព័ត៌មានអំពីច្បាប់ និងគោលនយោបាយធានារ៉ាប់រងសង្គម និងធានារ៉ាប់រងសុខភាព ស្របឱកាសនោះដែរ ចលនាទឹកចិត្តកម្មាភិបាល និងសមាជិកឱ្យចូលរួមក្នុងការធានារ៉ាប់រងសង្គមដោយស្ម័គ្រចិត្ត។ ព័ត៌មានត្រូវបានបង្ហាញជាប្រព័ន្ធ និងច្បាស់លាស់ ដោយផ្តោតលើបទប្បញ្ញត្តិទាក់ទងនឹងអ្នកចូលរួមដែលមានសិទ្ធិ កម្រិតវិភាគទាន វិធីសាស្ត្រទូទាត់ អត្ថប្រយោជន៍ និងនីតិវិធីចុះឈ្មោះ។
អាស្រ័យការជំរុញខ្លាំងខ្លាសកម្មភាពផ្សព្វផ្សាយ ទើបគោលនយោបាយធានារ៉ាប់រងសង្គមដោយស្ម័គ្រចិត្តកំពុងមានភាពរីករាលដាលកាន់តែទូលំទូលាយក្នុងជីវិតរស់នៅរបស់ប្រជាជន។ ផ្តើមពីការស្ទាក់ស្ទើរដំបូង បងប្អូនប្រជាជនជាច្រើនបានម្ចាស់ការចូលរួមយ៉ាងសកម្ម ដោយចាត់ទុកវាជាទីបង្អែកខាងសន្តិសុខសង្គមរយៈពេលយូរអង្វែងតៀតផង។
បងស្រី Trần Thị Ngọc Liền នៅអនុសង្កាត់ Bờ Tây សង្កាត់ Hiệp Thành បានចែករំលែកថា៖ «ខ្ញុំចូលរួមធានារ៉ាប់រងសង្គមដោយស្ម័គ្រចិត្ត ជារៀងរាល់ខែចំណាយទឹកប្រាក់ចំនួន ៥០០ ពាន់ដុង។ ខ្ញុំយល់ថាគោលនយោបាយនេះមានប្រយោជន៍ខ្លាំងណាស់ និងសមស្របសម្រាប់កម្មករធ្វើការដោយសេរី។ ខ្ញុំនឹងលើកទឹកចិត្តសាច់ញាតិរបស់ខ្ញុំឱ្យចូលរួមផងដែរ ដើម្បីផលប្រយោជន៍រយៈពេលយូរអង្វែង»។
យោងតាមលោកស្រី Lê Thị Tám ប្រធានសមាគមនារីអនុសង្កាត់ Giồng Nhãn សង្កាត់ Hiệp Thành លើភូមិសាស្ត្រនៃអនុសង្កាត់សព្វថ្ងៃមាននារី Khmer ប្រមាណ ៣០០ នាក់ ដែលភាគច្រើនសុទ្ធតែជាអ្នកយល់ស្របនឹងគោលនយោបាយចូលរួមក្នុងការធានារ៉ាប់រងសង្គមស្ម័គ្រចិត្ត ព្រោះវាជាដំណោះស្រាយសម្រាប់ការប្រមូលប្រាក់សន្សំសម្រាប់វ័យចំណាស់របស់ខ្លួន និងកាត់បន្ថយបន្ទុកលើគ្រួសារផងដែរ។
យោងតាមរបាយការណ៍ពីសាខាធានារ៉ាប់រងសង្គម Bạc Liêu ចាប់ពីខែមេសាដល់ខែមិថុនា ឆ្នាំ២០២៦ មានមនុស្សចូលរួមចំនួន ១៩៧ នាក់នៅសង្កាត់ Hiệp Thành សង្កាត់ Vĩnh Trạch ឃុំ Hưng Hội និងឃុំ Vĩnh Hậu បានចូលរួមកម្មវិធីធានារ៉ាប់រងសង្គមស្ម័គ្រចិត្ត។ នេះបង្ហាញថា ការយល់ដឹងរបស់ប្រជាជនអំពីអត្ថន័យ និងតួនាទីនៃការធានារ៉ាប់រងសង្គមស្ម័គ្រចិត្តកំពុងមានភាពប្រសើរឡើង។
សមាគមនារីសង្កាត់ Hiệp Thành ស្វែងយល់ពីការធានារ៉ាប់រងសង្គមដោយស្ម័គ្រចិត្តតាមខិតប័ណ្ណ។
អាស្រ័យលើស្ថានភាពសេដ្ឋកិច្ច និងប្រាក់ចំណូលរបស់ខ្លួន ប្រជាជនអាចជ្រើសរើសកម្រិតវិភាគទាន និងវិធីបង់ប្រាក់សមស្របបានយ៉ាងបត់បែន ដោយបង្កើនប្រាក់សន្សំសម្រាប់អនាគតរបស់ខ្លួនជាសន្សឹមៗ។ អ្នកមីង Lâm Thị Nghiếm នៅអនុសង្កាត់ Biển Tây សង្កាត់ Hiệp Thành បានសម្តែងការសោមនស្សរីករាយថា៖ «ខ្ញុំរស់នៅតែម្នាក់ឯង និងលក់ដូរកំប៊ិចកំប៉ុកនៅផ្ទះ ដូច្នេះការជម្រើសចូលរួមធានារ៉ាប់រងសង្គមស្ម័គ្រចិត្តប្រចាំខែគឺសមស្របសម្រាប់ប្រាក់ចំណូលរបស់ខ្ញុំផងដែរ»។
ជាក់ស្តែងបានឱ្យឃើញថា នៅពេលដែលប្រជាជនយល់ ជឿទុកចិត្ត និងចូលរួមយ៉ាងសកម្ម ការធានារ៉ាប់រងសង្គមស្ម័គ្រចិត្តមិនត្រឹមតែជាគោលនយោបាយសន្តិសុខសង្គមប៉ុណ្ណោះទេ ថែមទាំងបានក្លាយជាការឧបត្ថម្ភដ៏រឹងមាំសម្រាប់គ្រួសារនីមួយៗផងដែរ។ នេះក៏ជាមូលដ្ឋានគ្រឹះដ៏សំខាន់មួយសម្រាប់ឆ្ពោះទៅរកគោលដៅនៃការធានារ៉ាប់រងសង្គមទូតាំងប្រជាជន ធានាថាគ្មាននរណាម្នាក់ត្រូវបានទុកចោលក្នុងដំណើរអភិវឌ្ឍន៍នោះឡើយ៕
Trung Kiên
