ឆ្នាំសិក្សា ២០២៥-២០២៦ បានបញ្ចប់ក្នុងបរិយាកាសដ៏រីករាយ ដោយបានកត់សម្គាល់នូវព្រឹត្តិការណ៍ឈានមុខធំទូលាយរបស់គ្រូ និងសិស្សនៃសាលា វិទ្យាល័យជនជាតិអន្តេវាសិក Bạc Liêu។ តួលេខដ៏គួរឱ្យចាប់អារម្មណ៍ក្នុងរបាយការណ៍បូកសរុប ជាភស្តុតាងច្បាស់បំផុតសម្រាប់ស្មារតីច្នៃប្រឌិតិដ្ឋថ្មី និងប្តេជ្ញាចិត្តក្នុងការលើកកម្ពស់គុណភាពអប់រំគ្រប់ជ្រុងជ្រោយរបស់សាលា។
លោកស្រី Nguyễn Thu Tư សមាជិកគណៈកម្មាធិការបក្សខេត្ត នាយិកាមន្ទីរជនជាតិ និងសាសនាខេត្ត Cà Mau ជូនអាហារូបករណ៍ដល់សិស្សសាលាជនជាតិអន្តេវាសិក Bạc Liêu ក្នុងពិធីបូកសរុបឆ្នាំសិក្សា ២០២៥-២០២៦។
ដោយកំណត់យកបរិវត្តកម្មឌីជីថល និងការអប់រំ STEM ជាគំនាស់យុទ្ធសាស្ត្រ ក្នុងឆ្នាំសិក្សាកន្លងទៅ គ្រូបង្រៀន ១០០% នៃសាលាជនជាតិអន្តេវាសិក Bạc Liêu បានអនុវត្តស្ទាត់ជំនាញនូវសម្ភារសិក្សាឌីជីថលក្នុងការបង្រៀន។ ការហានអនុវត្តបច្ចេកវិទ្យា មិនត្រឹមតែធ្វើឱ្យវិធីសាស្ត្របង្រៀនថ្មីប៉ុណ្ណោះទេ ថែមទាំងនាំមកនូវលទ្ធផលសិក្សាដ៏គួរឱ្យរីករាយទៀតផង។ ជាពិសេស ចំនួនសិស្សពូកែថ្នាក់ខេត្តបានកើនឡើង ១៥% បើធៀបនឹងឆ្នាំសិក្សាមុន ក្នុងនោះ ដោយឡែកថ្នាក់ទី ១១ ទទួលបាន ៨ រង្វាន់ (មាន ៣ រង្វាន់លេខ ២)។
ក្រៅពីនោះ គុណភាពអប់រំជាទូទៅក៏បានកើនឡើងយ៉ាងខ្លាំង ដោយសិស្សដែលមានលទ្ធផលសិក្សាល្អ និងល្អបង្គួរទូទាំងសាលាជាង ៤,៥% បើធៀបនឹងផែនការ ដាក់ចេញ។
ក្រៅពីនោះ ការបង្រៀន និងរៀនអក្សរ Khmer ក៏បានសាលាយកចិត្តទុកដាក់យ៉ាងខ្លាំងដែរ។ សាលាមិនត្រឹមតែចាត់នេះជាការផ្ទេរចំណេះដឹងភាសាប៉ុណ្ណោះទេ ថែមទាំងជាទំនួលខុសត្រូវក្នុងការថែរក្សា និងពង្រីកអត្តសញ្ញាណវប្បធម៌ប្រពៃណីជនជាតិទៀតផង។
ឆ្នាំសិក្សាកន្លងទៅបានកត់សម្គាល់នូវជំហានជឿនលឿនដ៏ធំមួយ ពេលដែលសាលាបានចង្អុលការគ្រូបង្រៀនប្រើប្រាស់ពេញលេញនូវឧបករណ៍ឌីជីថល ដើម្បីបង្រៀនភាសា Khmer លើមូលដ្ឋានបច្ចេកវិទ្យាព័ត៌មាន។ គ្រូបង្រៀនថែមទាំងបានទាញយកប្រយោជន៍ពីបណ្តាញសង្គមដូចជា Zalo ដើម្បីណែនាំលំហាត់ និងតាមដានសិស្សជាប្រចាំ។ ការផ្សារភ្ជាប់គ្នារវាងប្រពៃណី និងភាពទំនើបបាននាំមកនូវប្រសិទ្ធភាពដែលមិននឹកស្មានដល់៖ លទ្ធផលសិស្សពូកែមុខវិជ្ជាភាសា Khmer សម្រេចបានជាង ៧០% ជាតួលេខមិនធ្លាប់មានពីមុនមក។
លោក Dư Quốc Kiệt ចាងហ្វាងសាលាជនជាតិអន្តេវាសិក Bạc Liêu ជូនប័ណ្ណសរសើរឱ្យសិស្សពូកែឆ្នាំសិក្សា ២០២៥-២០២៦។
មិនត្រឹមតែរៀនសូត្របានល្អប៉ុណ្ណោះទេ សិស្សសាលាជនជាតិអន្តេវាសិក Bạc Liêu ក៏បានបន្សល់ទុកនូវស្លាកស្នាមក្នុងការប្រឡងសិល្បៈ និងកីឡា ដោយចូលរួមយ៉ាងសកម្ម និងដណ្តើមបានជ័យលាភីទូទាំអក្រុម។ ចំពោះការហ្វឹកហាត់សីលធម៌ ៩៨,៥% នៃសិស្សសម្រេចលទ្ធផលសីលធម៌ល្អ និងល្អបង្គួរ។ ជាពិសេស ក្នុងឆ្នាំសិក្សាគ្មានករណីណាមួយដែលរំលោភលើបទបញ្ជាផ្ទៃក្នុងធ្ងន់ធ្ងរឡើយ ហើយអត្រាទទួលបានលទ្ធផលហ្វឹកហាត់ពីកម្រិតសម្រេចបានឡើងទៅមានដល់ ៩៦,៨%។
«លទ្ធផលល្អ» ពីឆ្នាំសិក្សា ២០២៥-២០២៦ នឹងក្លាយជាគ្រឹះដ៏រឹងមាំសម្រាប់គ្រូ និងសិស្សនៃសាលាជនជាតិអន្តេវាសិក Bạc Liêu ឈានចូលដំណាក់កាលថ្មីដោយភាពជឿជាក់។ ដោយការប្តេជ្ញាចិត្តរក្សាស្ថិរភាពនៃល្បឿនអភិវឌ្ឍន៍ សាលាបន្តអះអាងពីឋានៈជា «ប្រភព» ជួយបំភ្លឺចំណេះដឹង ថែរក្សាវប្បធម៌ ប្រដាប់ស្លាបសម្រាប់ក្តីស្រមៃរបស់កូនចៅជនរួមជាតិមានឱកាសហោះហើរបានខ្ពស់ បានឆ្ងាយ។
Đờ Ni - Ngọc Quyên
