រៀងរាល់រដូវវិស្សមកាលម្តងៗ នៅពេលដែលសូរតសម្លេងសត្វរៃយំរំពងពេញភូមិស្រុក ក៏ជាពេលដែលវត្ត Khmer ទាំងឡាយបន្លើឡើងនូវសម្លេងស្គរ និងតន្ត្រីពិណពាទ្យប្រពៃណីផងដែរ។ មិនត្រឹមតែជាកន្លែងសម្រាប់សកម្មភាពខាងជំនឿសាសនាប៉ុណ្ណោះទេ វត្តទាំងឡាយបានក្លាយជាបរិស្ថានអប់រំវប្បធម៌ដ៏ពិសេសទៀតផង ជាទីតាំងដែលសិប្បករ និងព្រះសង្ឃ និងអ្នកដែលយល់ច្បាស់ពីវប្បធម៌ និងជួយបង្រៀនដល់យុវវ័យជំនាន់ក្រោយអំពីអត្តសញ្ញាណវប្បធម៌ខ្មែរក្នុហយុគ្គសម័យទំនើបផងដែរ។
ប្អូនៗនាំគ្នាចូលវត្តខ្វែងបបែលកណ្តា (Cái Giá Giữa) ដើម្បីរៀនភ្លេងពិណពាទ្យក្នុងឱកាសវិស្សមកាល។
នៅវត្តខ្វែងបបែលកណ្តាល (Cái Giá Giữa) ឃុំ Hưng Hội ថ្នាក់រៀនវង់ភ្លេងពិណពាទ្យ និងរបាំប្រពៃណីបានក្លាយជាកន្លែងណាត់ជាប្រចាំសម្រាប់ប្អូនៗកុមារនារដូវវិស្សមកាលរៀងរាល់ឆ្នាំ។ ចំពោះប្អូនៗជាច្រើន នេះទីនេះមិនត្រឹមជាន្លែងសម្រាប់រៀនខាងទម្រង់សិល្បៈប៉ុណ្ណោះទេ ថែមទាំងជាដំណើរត្រឡប់ទៅរកប្រភពដើមសម្រាប់ផ្នែកខាងវិស័យសិល្បផងដែរ។
អស់រយៈពេល ២ រដូវវិស្សមកាលដែលបានរៀនភ្លេងពិណពាទ្យ ប្អូន Huynh Thanh Danh (រៀនថ្នាក់ទី ៨ នៃអនុវិទ្យាល័យ Hưng Hội ជាសមាជិកនៃក្រុមវង់ភ្លេងពិណពាទ្យរបស់វត្ត ខ្វែងបបែលកណ្តាល ប្អូនបានហ្វឹកហាត់ខាងឧបករណ៍ឈឹង។ ផ្តើមពីការស្រឡាញ់ចូលចិត្តខាងប្រភេទតន្រ្តីបុរាណ Khmer ដែលតែងមានវត្តមានក្នុងពិធីបុណ្យទានប្រពៃណីផងនោះ ប្អូនសង្ឃឹមថានឹងបានក្លាយជាសមាជិកក្រុមភ្លេងពិណពាទ្យមួយរូបដើម្បីចូលរួមបម្រើយាយតាក្នុងឱកាសបុណ្យទានប្រពៃណី ព្រមទាំងរក្សាលក្ខណៈវប្បធម៌របស់ជនជាតិផងខ្លួន។
ជាអ្នករួមចំណង់ចំណូលចិត្តដូចគ្នា ប្អូន Thạch Minh Tuấn ក៏ជាសមាជិកក្រុមតន្ត្រីពិណពាទ្យផងដែរ ប្អូនតែងតែចូលរួមរៀនវាយស្គរ ដោយសង្ឃឹមថាថ្ងៃណាមួយនឹងបានសម្ដែងជាមួយសិប្បករនៅក្នុងព្រឹត្តិការណ៍ដ៏សំខាន់ៗដែលទាក់ទងដល់ប្រពៃណី។
នៅពីក្រោយភាពរីករាយ និងចំណាប់អារម្មណ៍របស់ប្អូនៗគឺការលះបង់របស់អ្នកដែលរក្សាអណ្តាតភ្លើងឱ្យដោយស្ងៀមស្ងាត់។ អស់រយៈពេលជាង ១០ ឆ្នាំមកហើយ លោក Thạch Long ប្រធានក្រុមតន្ត្រីពិណពាទ្យរបស់វត្ត ខ្វែងបបែលកណ្តាល (Cái Giá Giữa) តែងអស់ពីចិត្តជួយបង្រៀនប្អូនៗគ្រប់ទាំងឧបករណ៍បុរាណ Khmer។ រៀងរាល់រដូវវិស្សមកាលម្តងៗ ទន្ទឹមជាមួយសមាជិកប្រហែល ១០ នាក់ ក្រុមក៏បានទទួលយកប្អូនៗចាច្រើនឱ្យចូលរៀនផងដែ។ សម្រាប់លោក រឿងដែលសំខាន់បំផុតគឺត្រូវធានាថាតន្ត្រីពិណពាទ្យនៅតែបន្តបន្លឺឡើង ហើយមិនរសាយបាត់ទៅតាមពេលវេលានោះឡើយ។
អ្នកគ្រូ Thạch Thị Ngọc Phượng ប្រធានក្រុមសិល្បៈរស្មីសុរិយារាំ ខ្វែងបបែលកណ្តាល Cái Giá Giữa (ស្តាំ) ណែនាំអំពីការវិការរាំរបាំជូនប្អូនៗសមាជិកក្រុម។
មិនត្រឹមតែខាងតន្ត្រីពិណពាទ្យប៉ុណ្ណោះទេ បណ្តារបាំ Khmer ទាំងឡាយក៏ត្រូវបានយុវជនទទួលយកដោយមោទនភាពផងដែរ។ អស់រយៈពេល ៧ ឆ្នាំមកហើយដែលខ្លួនបានផ្សារភ្ជាប់ជាមួយក្រុមសិល្បៈរស្មីសុរិយារាមវត្ត ខ្វែងបបែលកណ្តាល (Cái Giá Giữa) គឺប្អូន Hồng Thị Băng Sa មួយថ្ងៃកាន់តែមានចមណាប់អារម្មណ៍ជាមួយរាល់ការវិការហាត់របាំ និងក្តីស្រមៃសម្រាប់នាំយកសិល្បៈ Khmer ឱ្យកាន់តែខិតជិតភ្ញៀវជិតឆ្ងាយថែមទៀត ដើម្បីឱ្យអ្នករាល់គ្នាបានយល់ និងកាន់តែស្រឡាញ់ចូលចិត្តខាងតម្លៃវប្បធម៌ Khmer។
ក្តីស្រមៃនេះត្រូវបានបណ្តុះដោយការលះបង់របស់អ្នកគ្រូ Thạch Thị Ngọc Phượng ដែលជាប្រធានក្រុមសិល្បៈរស្មីសុរិយារាម។ អស់រយៈពេល ១៣ ឆ្នាំដែលបានផ្សារភ្ជាប់ជាមួយក្រុុម អ្នកគ្រូមិនត្រឹមតែងបង្រៀនប្អូនៗអំពីកាយវិការផ្នែកខាងរបាំបុរាណបោះុណ្ណោះទេ ថែមទាំងបង្រៀនពីចង្វាក់រាំវង់ប្រជាប្រិយទៀតផង។ ប្រការដែលធ្វើឱ្យអ្នកគ្រូសប្បាយចិត្តបំផុតនោះគឺថា ផ្តើមពីការរៀនសូត្រសាមញ្ញ ប្អូនៗជាច្រើនពិតជាមានចិត្តស្រឡាញ់ និងម្ចាស់ការផ្សព្វផ្សាយសិល្បៈ Khmer យ៉ាងសកម្ម ដោយសង្ឃឹមថានឹងនាំយករបាំប្រពៃណីទៅកាន់ឆាកធំៗជាច្រើនទៀតផងដែរ។
ខណៈពេលដែលសូរសព្ទតន្រ្តីពិណពាទ្យនៅតែបន្លឺឡើងក្រោមដំបូលវត្ត ហើយដរាបណារបាំប្រពៃណីត្រូវបានប្អូនៗយុវ័យទទួលយក និងបន្តអភិរក្ស វាក៏ជាសក្ខីភាពនៃតួនាទីដ៍ពិសេសសម្រាប់វត្តអារាម Khmner ក្នុងការអភិរក្ស និងលើកកម្ពស់អត្តសញ្ញាណវប្បធម៌ជាតិផងដែរ។ រដូវវិស្សមកាលម្តងៗដែលកន្លងផុតទៅមិនត្រឹមតែបន្សល់ទុកនូវការចងចាំពីវ័យកុមារភាពប៉ុណ្ណោះទេ ថែមទាំងរួមចំណែកដល់មនុស្សជំនាន់ក្រោយដែលដឹងពីរបៀបស្រឡាញ់ ថែរក្សា និងមានមោទនភាពចំពោះបេតិកភណ្ឌវប្បធម៌របស់ដូនតាផងដែរ៕
Kim Trúc - Anh Tuấn
