យោងតាមមជ្ឈមណ្ឌលគ្រប់គ្រង និងបង្ការជំងឺខេត្ត Cà Mau ក្នុងរយៈពេល ៥ ខែដើមឆ្នាំ២០២៦ ចំនួនករណីកើតជំងឺគ្រុនឈាមបានកើនឡើង ៣,៥ ដងប្រៀបទៅនឹងឆ្នាំមុន ដោយមានអ្នកត្រូវបាត់បង់ជីវិត ១ ករណីផងដែរ។ ក្នុងស្ថានភាពដែលមានភ្លៀងធ្លាក់ខ្លាំង ហានិភ័យនៃការកើតជំងឺនេះនៅតែមានជាប្រចាំ។
រថយន្តផ្សព្វផ្សាយចល័តដល់តាមតំបន់ប្រជុំជន។
ជំងឺគ្រុនឈាមគឺជាជំងឺឆ្លងដ៏គ្រោះថ្នាក់មួយ ដែលជារឿយៗកើនឡើងក្នុងរដូវវស្សា។ ជំងឺនេះអាចកាន់តែធ្ងន់ធ្ងរ បណ្តាលឱ្យមានផលវិបាក និងអាចបណ្តាលឱ្យស្លាប់បាត់បង់ជីវិតបាន ប្រសិនបើមិនបានព្យាបាលទាន់ពេលវេលា។ ដើម្បីឆ្លើយតបទៅនឹងការផ្ទុះឡើងនៃជំងឺនេះ ភ្នាក់ងារគ្រប់លំដាប់ថ្នាក់ ស្ថាប័នពាក់ព័ន្ធ និងសាធារណជនកំពុងអនុវត្តវិធានការយ៉ាងសកម្ម ដើម្បីគ្រប់គ្រងប្រភពនៃការឆ្លង និងការពារសុខភាពសហគមន៍។
នៅឃុំ Hồng Dân កម្មាភិបាលគ្រូពេទ្យទាំងឡាយបានសហការជាមួយផ្នែកសមត្ថកិច្ច និងអង្គការមហាជនដើម្បីបង្កើនការផ្សព្វផ្សាយ ណែនាំប្រជាជនអំពីការបង្ការជំងឺ ផ្តើមពីនោះ ក៏ជំរុញខ្លាំងខ្លាការអនាម័យបរិស្ថាន ពិនិត្យប្រភពទឹកដកដែលងាយកើតមានសត្វឃ្វិចខ្វង់ ឬក៏លែងត្រីក្រឹមសម្រាប់សម្លាប់សត្វមូសដែលជាមុខសញ្ញាចម្លងមេរោគ។
លោកស្រី Huỳnh Thanh Diệp នាយករងនៃដំណាក់សុខាភិបាលឃុំ Hồng Dân បានឱ្យដឹង៖ “ដំណាក់សុខាភិបាលឃុំតែងបង្កើនការពិនិត្យមេរោគឆ្លង សហការជាមួយបុគ្គលោកពេទ្យនៅតាមបណ្តាភូមិ ព្រមទាំងសហការីផ្នែកខាងសុខាភិបាលដើម្បីផ្សព្វផ្សាយ ចលនាបងប្អូនប្រជាជនឱ្យម្ចាស់ការអនុវត្តរាល់បណ្តាវិធានការបង្ការជំងឺ។ ទន្ទឹមនិងនោះ ចាត់តាំងឃោសនាតាមប្រព័ន្ធឧឃោសនៈសទ្ទចល័តតាមដងផ្លូវ និងតំបន់ប្រជុំជន”។
ចាប់តាំងពីដើមឆ្នាំមក ឃុំ Hồng Dân បានកត់ត្រាករណីកើតជំងឺគ្រុនឈាមចំនួន ៤ ករណី និងការផ្ទុះឡើងចំនួន ៣ ករណី។ វិស័យសុខាភិបាលបានណែនាំប្រជាជនឱ្យចំណាយពេលយ៉ាងហោចណាស់ ១០ នាទីក្នុងមួយសប្តាហ៍ដើម្បីពិនិត្យមើលកន្លែងរស់នៅរបស់ខ្លួន កម្ចាត់ដង្កូវទឹក គ្របធុងទឹកឱ្យជិត រក្សាអនាម័យបរិស្ថាន និងស្វែងរកការព្យាបាលពីគ្រូពេទ្យប្រសិនបើមានការសង្ស័យថាកើតមានជំងឺនេះ។
លោក Nguyễn Văn Sỹ នៅភូមិ Ninh Thạnh II បានចែករំលែកថា៖ “យោងតាមការផ្សេព្វផ្សាយ គ្រួសារខ្ញុំតែងយកចិត្តទុកដាក់ក្នុងការអនាម័យបរិស្ថានជុំវិញខ្លួន អ្នករាល់គ្នាក្នុងសង្គមគ្រួសារសុទ្ធតែអនុវត្តយ៉ាងត្រឹមត្រូវតាមការណែនាំរបស់គ្រូពេទ្យដើម្បីបង្ការជំងឺ”។
កំទេចទីតាំងដែលមានសត្វមូសបង្កាត់ពូជជាប្រចាំក្នុងគ្រួសារគឺជាដំណោះស្រាយដ៏សាមញ្ញ មានប្រសិទ្ធភាព និងសន្សំសំចៃសម្រាប់ការបង្ការ និងគ្រប់គ្រងជំងឺគ្រុនឈាមផងដែរ។ នៅពេលដែលប្រជាពលរដ្ឋម្នាក់ៗបានកំទេចដង្កូវទឹក និងរក្សាអនាម័យបរិស្ថានយ៉ាងសកម្ម ហានិភ័យនៃការផ្ទុះឡើងនៃជំងឺនឹងត្រូវបានគ្រប់គ្រងបានកាន់តែល្អប្រសើរ។
កម្មាភិបាលគ្រូពេទ្យឃុំហុងយឹន ចូលរួមផ្សព្វផ្សាយ ផ្តល់ខិតប័ណ្ណ និងណែនាំប្រជាជនអនុវត្តវិធីសាស្ត្រក្នុងការបង្ការជំងឺ។
ចូលរួមអំណរទិវាអាស៊ានបង្ការ និងប្រឆាំងជំងឺគ្រុនឈាមឆ្នាំ២០២៦ គ្រប់បណ្តាភូមិភាគទាំងឡាយបានរៀបចំចេញយុទ្ធនាការដោយមានច្រើនសកម្មភាពជាក់ស្តែងដើម្បីលើកកម្ពស់ចំណេះដឹងសហគមន៍ និងផ្លាស់ប្តូរទង្វើ ព្រមទាំងបង្កើនប្រសិទ្ធភាពនៃការបង្ការ និងប្រឆាំងជំងឺរាតត្បាត។
សរុបករណីកើតជំងឺគ្រុនឈាមរបស់ខេត្ត សង្កាត់ An Xuyên មាន ៨១ ករណី។ គណៈកម្មាធិការប្រជាជនសង្កាត់បានធ្វើការអំពាវនាវសល់គ្រប់បណ្តាស្ថប័ន អង្គភាពនានា សាលារៀន ដំណាក់សុខាភិបាល និងប្រជាជនដើម្បីរួមដៃគ្នាបង្ការជំងឺ ទន្ទឹមនិងនោះក៏ពង្រីកតួនាទីរបស់សិស្សានុសិស្ស សមាជិកយុវជន ក្នុងការផ្សព្វផ្សាយចំណេះដឹងដល់គ្រួសារទាំងឡាយផងដែរ។
“គ្មានដង្កូវទឹក គ្មានជំងឺគ្រុនឈាម និងវីរុស Zika” និងបង្ការជំងឺផ្តើមពីគ្រួសារនីមួយៗគឺជាការការពារសុខភាពសម្រាប់សហគមន៍ផងដែរ” នេះមិនត្រឹមជាពាក្យស្លោកសម្រាប់ការផ្សព្វផ្សាយដើម្បីអំណរទិវាអាស៊ានបង្ការ និងប្រឆាំងជំងឺគ្រុនឈាមឆ្នាំ២០២៦នោះទេ ថែមទាំងជាការអំពាវនាវដល់អ្នករាល់គ្នាដើម្បីព្រួតដៃការពារសុខភាពផ្ទាល់ខ្លួន សង្គមគ្រួសារ និងសហគមន៍ផងដែរ៕
Thanh Hải - Hoàng Đặng
