អនុវត្តគោលនយោបាយរៀបចំភូមិឡើងវិញ ដើម្បីសម្រួលអង្គការចាត់តាំងក្បាលម៉ាស៊ីនរដ្ឋ និងបង្កើនប្រសិទ្ធភាពនៃការគ្រប់គ្រងមូលដ្ឋាន ឃុំ Đông Hải បានរៀបចំភូមិឡើងវិញចំនួន ១៦ ភូមិ ហើយនៅសល់ ១៤ ភូមិ ដោយទទួលបានការឯកភាពខ្ពស់ពីប្រជាជន។ អង្គការចាត់តាំងក្បាលម៉ាស៊ីនមូលដ្ឋានក៏ប្រញ៉ាប់ពង្រឹងការចាត់តាំងទាំងស្រុងដើម្បីដំណើរការទៅយ៉ាងរលូន។
ប្រព័ន្ធគ្រប់គ្រងរដ្ឋអំណាចមូលដ្ឋានឃុំដុងហាយ បង្កើនគុណភាពខាងសេវាកម្ម ដោយស្រ័យការងារបែបបទបានយ៉ាងឆាប់រហ័សជូនប្រជាជន។
លោក Kim Hưng ជនជាតិ Khmer នៅភូមិលេខ ២ បានចែករំលែកថា ចាប់តាំងពីពេលដែលលោកទទួលបានព័ត៌មានអំពីគោលនយោបាយរៀបចំភូមិឡើងវិញ គ្រួសារលោកក៏បានស្ម័គ្រចិត្តគាំទ្រខ្ពស់ ពីព្រោះការធ្វើសម្រិតសម្រាំងអង្គការចាត់តាំងនឹងជួយបង្កើនប្រសិទ្ធភាពនៃការគ្រប់គ្រង និងបង្កលក្ខណៈដើម្បីកម្មាភិបាលមូលដ្ឋានកាន់តែជិតស្និទ្ធនឹងប្រជាជន និងភ្ជាប់ទំនាក់ទំនងជាមួយតំបន់ផងដែរ។
យោងតាមលោក Trương Hà Giang អនុប្រធានគណៈកម្មាធិការប្រជាជនឃុំ Đông Hải ការឯកភាពគ្នារបស់ប្រជាជន ជាពិសេសជនរួមជាតិ Khmer គឺជាកត្តាដ៏សំខាន់ក្នុងការអនុវត្តការរៀបចំភូមិឡើងវិញបានយ៉ាងរលូន។ ភូមិភាគបានពង្រឹងការឃោសនា និងការសន្ទនា ដើម្បីជួយប្រជាជនឱ្យយល់អំពីគោលដៅ និងសារៈសំខាន់នៃគោលនយោបាយផងដែរ អាស្រ័យហេតុនេះហើយក៏បង្កើតការឯកភាពក្នុងការអនុវត្តផងដែរ។
ដោយសារតែមានការឯកភាពគ្នាទាំងស្រុង ការប្រគល់ភារកិច្ចរវាងភូមិមួយៗបានដំណើរការទៅយ៉ាងរលូន និងគ្មានការរំខាននោះទេ។ អង្គការចាត់តាំងថ្មីបានធ្វើឱ្យមានស្ថេរភាពយ៉ាងឆាប់រហ័ស និងដំណើរការប្រកបដោយប្រសិទ្ធភាពភ្លាមៗបន្ទាប់ពីការរៀបចំឡើងវិញ ធានាបាននូវការបម្រើសេវាកម្មជាបន្តបន្ទាប់ជូនបងប្អូនប្រជាជនដោយគ្មានការប៉ះពាល់នោះឡើយ។
នៅតំបន់ជនបទដ៏សុខសាន្តទាំងនេះ ជីវភាពបងប្អូនជនរួមជាតិ Khmer និងប្រជាជនក្នុងតំបន់នៅតែបន្តដូចធម្មតា ជាមួយនឹងរបរធ្វើស្រែចម្ការ ចិញ្ចឹមបង្គា ចិញ្ចឹមកូនសិក្សារៀនសូត្រ និងគិតគូរដល់ជីវភាពគ្រួសារ។ ទោះជាយ៉ាងណាក៏ដោយ ភាពរស់ថ្មីមួយកំពុងរីករាលដាល៖ របៀបដែលរដ្ឋអំណាចភូមិភាគបានចូលទៅជិត និងដោះស្រាយកិច្ចការផ្សេងៗក៏មានការផ្លាស់ប្តូរយ៉ាងច្បាស់លាស់ផងដែរ ជួយឱ្យប្រជាជនមានអារម្មណ៍ទទួលយកបាន និងឆាប់រហ័សជាងមុនក្នុងការដោះស្រាយនីតិវិធី ដាក់ពាក្យបណ្តឹង និងសំណើផ្សេងៗជាដើម។
លោក Huỳnh Văn Mú នៅភូមិ Trường Điền បានអះអាងថា រឿងសំខាន់បំផុតគឺការជ្រើសរើកម្មាភិបាលដែលមានគ្រប់សមត្ថភាព ទទួលខុសត្រូវ និងរួសរាយរាក់ទាក់។ ការដាក់ពង្រាយកម្មាភិបាលវ័យក្មេងដែលមានសមត្ថភាព យល់ដឹងពីរបៀបអនុវត្តបច្ចេកវិទ្យា បានជំនួយឱ្យអង្គការចាត់តាំងដំណើរការកាន់តែមានភាពបត់បែនថែមទៀត។
"កាលពីមុន ខណៈពេលដែលមានបញ្ហា ប្រជាជនត្រូវទៅដល់ឃុំ ប៉ុន្តែឥឡូវនេះបញ្ហាជាច្រើនត្រូវបានណែនាំ និងដោះស្រាយយ៉ាងឆាប់រហ័សដោយកម្មាភិបាលភូមិណែនាំតាមរយៈទូរស័ព្ទ ឬប្រព័ន្ធផ្សព្វផ្សាយសង្គម ជួយសន្សំសំចៃពេលវេលា និងថ្លៃធ្វើដំណើរទៀតផង" លោក Mú ឱ្យដឹង។
កម្មាភិបាលឃុំ Đông Hải តែងចុះទៅមូលដ្ឋាន ដើម្បីជួបជុំ និងក្តាប់គោលបំណងប្រាថ្នារបស់បងប្អូនប្រជាជនបន្ទាប់ពីការរៀបចំបណ្តាភូមិឡើងវិញ។
ក្រៅពីការផ្លាស់ប្តូរឈ្មោះ ឬព្រំដែនរដ្ឋបាល អ្វីដែលប្រជាជនមានអារម្មណ៍ច្បាស់បំផុតគឺការបង្រួបអង្គការចាត់តាំង បង្កភាពជិតស្និទ្ធជាមួយប្រជាជន និងមានប្រសិទ្ធភាពជាងមុនក្នុងការបម្រើប្រជាជននៃដ្ឋអំណាចមូលដ្ឋាន។ លោក Huỳnh Thanh Hiền នៅភូមិលេខ ៤ បានចែករំលែកថា៖ «នីតិវិធីរដ្ឋបាលជាច្រើនត្រូវបានដោះស្រាយយ៉ាងឆាប់រហ័ស ដោយសារការអនុវត្តបច្ចេកវិទ្យា។ ដោយគ្រាន់តែមានការហៅទូរស័ព្ទ ឬសារជាអក្សរ ប្រជាជននឹងទទួលបានការណែនាំជាក់លាក់ លែងចាំបាច់រង់ចាំ ឬធ្វើដំណើរច្រើនដងដូចមុនទៀតហើយ។ ប្រតិកម្មរបស់បងប្អូនប្រជាជនក៏ត្រូវបានដោះស្រាយទាន់សភាពការផងដែរ»។
ទូទាំងឃុំ Đông Hải មានគ្រួសារជនជាតិភាគតិចចំនួន ២៨៥ គ្រួសារ រួមទាំងគ្រួសារក្រីក្រ ២ គ្រួសារ និងគ្រួសារប្រកៀកបន្ទាត់ក្រ ១១។ ការជួបបញ្ហាលំបាកធំបំផុតសម្រាប់ប្រជាជនគឺកង្វះដីធ្លីសម្រាប់ផលិត។ រួមជាមួយនឹងការពង្រឹងអង្គការចាត់តាំង ភូមិភាគបានផ្តោតលើការឧបត្ថម្ភជីវភាពរស់នៅដូចជា៖ ការបណ្តុះបណ្តាលវិជ្ជាជីវៈ ផ្លាស់ប្តូរសេវាកម្មការងារទៅជាវិស័យមិនមែនកសិកម្ម។ បង្កលក្ខណៈដើម្បីប្រជាជនទទួលបានប្រាក់កម្ចីអនុគ្រោះ។ និងលើកកម្ពស់ការបញ្ជូនកម្មករទៅធ្វើការនៅបរទេសក្រោមកិច្ចសន្យា។ ក្នុងពេលជាមួយគ្នានេះ ផ្តោតលើឆន្ទៈនៃការពឹងផ្អែកលើខ្លួនឯង និងសេចក្តីប្រាថ្នាដើម្បីឈានឡើងរបស់បងប្អូនប្រជាជន បានចាត់ទុកនេះជាមូលដ្ឋានគ្រឹះសម្រាប់ការកាត់បន្ថយក្រចីរភាព។
តាមរយៈការយកចិត្តទុកដាក់ចំពោះជីវភាពរស់នៅរបស់បងប្អូនប្រជាជន និងការផ្លាស់ប្តូរយ៉ាងសកម្មនៃសេវាកម្មរដ្ឋបាល ទំនុកចិត្តរបស់ប្រជាជនលើរដ្ឋអំណាចមូលដ្ឋានកាន់តែកើនឡើង។ នេះគឺជាកម្លាំងចលករសម្រាប់ការអភិវឌ្ឍប្រកបដោយចីរភាពរបស់ឃុំដុងហាយក្នុងឆ្នាំ២០២៦ និងឆ្នាំបន្តបន្ទាប់ផងដែរ៕
Nguyễn Đào - Chí Thức
