បច្ចុប្បន្ន មានជាច្រើនភូមិ និងអនុសង្កាត់ដែលមានបងប្អូនជនជាតិភាគតិចរស់នៅច្រើនកំមួយថ្ងៃកាន់តែមានលេចចេញនូវទម្រង់សេដ្ឋកិច្ចដែលមានប្រសិទ្ធភាព ហើយក៏មានបងប្អូននារីជាច្រើនផងដែរមានំនុលចិត្តពង្រីកសេដ្ឋកិច្ចគ្រួសាររបស់ខ្លួន។ នៅពីក្រោយការផ្លាស់ប្តូរទាំងនេះគឺមានការឧបត្ថម្ភដោយស្ងៀមស្ងាត់នៃឥណទានគោលនយោបាយ ដែលរួមដំណើរការជាមួយប្រជាជន ជាពិសេសនារីដែលជួបលំបាក ដើម្បីមានលក្ខណៈឈានឡើងក្នុងការរស់នៅ។
តៀមលក់ឥវ៉ាន់កំប៊ិចកំប៉ុកបានក្លាយជាទីបង្អែកសម្រាប់ដំណើរការសេដ្ឋកិច្ចរបស់បងស្រី Phân Thị Mỹ Hân ផងដែរ។
មិនត្រឹមតែជួយពួកគេឱ្យមានលក្ខណៈវិនិយោគលើការផលិត និងធ្វើអាជីវកម្មប៉ុណ្ណោះទេ ប៉ុន្តែដើមទុនអនុគ្រោះក៏បង្កើតទំនុកចិត្តដើម្បីពួកគេឈានឡើងតាមរយៈកម្លាំងពលកម្មផ្ទាល់ខ្លួនផងដែរ។
បងស្រី Phan Thị Mỹ Hân ជាគ្រួសារ Khmer នៅអនុសង្កាត់លេខ ១០ សង្កាត់ An Xuyên គឺជាឧទាហរណ៍ដ៏ល្អមួយ។ បងស្រីជាស្ត្រីមេម៉ាយដែលត្រូវចិញ្ចឹមកូនតូច ២ នាក់ទៀតផង។ ពីមុនទាំង ៣ នាក់ម្តាយកូនជួបវេទនាខ្លាំងណាស់ ជីវិតរស់នៅប្រចាំថ្ងៃគឺពឹងលើរបរលក់ដូរកំប៊ិចកំប៉ុកមិនសូវមានដើមទុនប៉ុន្មាននោះទេ ទើបប្រភពចំណូលដែលរកបានក៏គ្រប់គ្រាន់នោះដែរ។ ឆ្នាំ២០២៣ បានធនាគារគោលនយោបាយសង្គមឱ្យបុលប្រាក់ ៥០ លានដុង បងបានពង្រីកហាងលក់ដូររបស់ខ្លួន ដោយបង្កើនចំនួនមុខទំនិញច្រើជាងមុនផងដែរដោយសារតែលក្ខណៈងាយស្រួល។ ចាប់ពីពេលនោះមក របរលក់ដូររបស់បងស្រីក៏មានស្ថិរភាពជាសន្សឹមៗ ជួយឱ្យគ្រួសារបងស្រីមានប្រភពប្រាក់ចំណូលសម្រាប់ចិញ្ចឹមកូនទាំង ២ នាក់។
បងស្រី Mỹ Hân បានចែករំលែកថា ប្រាក់កម្ចីអនុគ្រោះមិនត្រឹមតែផ្តល់ឱកាសឱ្យបងស្រីទិញទំនិញក្នុងតម្លៃល្អជាងប៉ុណ្ណោះទេ ថែមទាំងផ្តល់ក្តីសង្ឃឹមក្នុងការចិញ្ចឹមបីបាច់ថែរក្សា និងអប់រំទូន្មានកូនៗរបស់ខ្លួនទៀតផង។
យោងតាមលោក Trần Hữu Luật ប្រធានអនុសង្កាត់លេខ ១០ សង្កាត់ An Xuyên បងស្រី Mỹ Hân ជាគ្រួសារមួយដែលបានប្រើប្រាស់ដើមទុនយ៉ាងល្អត្រឹមត្រូវតាមគោលដៅ និងពង្រីសេដ្ឋកិច្ចមានប្រសិទ្ធភាព។ សេដ្ឋកិច្ចគ្រួសារមួយថ្ងៃកាន់តែបានលំនឹង កូនទាំង ២ នាក់របស់បងស្រីក៏មានលក្ខណៈសិក្សារៀនសូត្រយ៉ាងល្អផងដែរ។ ក្រៅពីនោះ បងស្រីថែមទាំងសកម្មចូលរួមសកម្មភាពសមាគមនារីភូមិផងដែរ រួមចំណែកដល់ការផ្សព្វផ្សាយស្មារតីនៃជួយគ្នា អភិវឌ្ឍសេដ្ឋកិច្ចទៅវិញទៅមក។
ប្រសិទ្ធភាពនៃឥណទានគោលនយោបាយត្រូវបានបង្ហាញយ៉ាងច្បាស់តាមរយៈទម្រង់ជាច្រើនទៀតរបស់គ្រួសារជនជាតិភាគតិច Khmer។ នៅសង្កាត់ Láng Tròn លោក Thạch Son បានប្រើប្រាស់ប្រាក់កម្ចីអនុគ្រោះដើម្បីវិនិយោគលើការដាំអំពៅ។ ទោះបីជាផ្ទៃដីផលិតមិនធំក៏ដោយ តែងអាស្រ័យការខិតខំប្រឹងប្រែង និងការប្រើប្រាស់ដើមទុនប្រកបដោយប្រសិទ្ធភាព សេដ្ឋកិច្ចគ្រួសាររបស់គាត់មានស្ថិរភាពជាសន្សឹមៗផងដែរ។
លោក Thạch Son សន្សឹមៗលំនឹងជីវភាពរស់នៅអាស្រ័យទំ្រង់ផលិតសមស្របជាមួយលក្ខណៈគ្រួសារ។
លោក Son ឱ្យដឹង៖ ប្រការដែលសប្បាយរីករាយបំផុតគឺផ្តើមពីប្រភពដើមទុនបុលអនុគ្រោះ បង្កើតបានលក្ខណៈដើម្បីកូនៗរបស់លោកបានសិក្សារៀនសូត្រល្អត្រឹមត្រូវ និងមានការងារធ្វើនឹងនរនៅប្រទេស Nhật Bản។ យោងតាមលោក សម្រាប់ប្រភពទុនគោលនយោបាយ មិនត្រឹមជួយគ្រួសារមានលក្ខណៈឆ្លងកាត់លំបាកប៉ុណ្ណោះទេ ថែមទាំងបើកឱកាសសម្រាប់អនាគតដ៏ភ្លឺស្វាងសម្រាប់គ្រួសារលោកទៀតផង។
រហូតមកដល់បច្ចុប្បន្ន សរុបបំណុលប្រាក់កម្ចីនៃកម្មវិធីឱ្យបុលទុនរបស់សាខានៃធនាគារគោលនយោបាយសង្គមខេត្តជាង ៩.៥៤០ ពាន់លានដុង ដោយមានគ្រួសារបុលប្រាក់ជាង ២៣២ ពាន់គ្រួសារ។ សរុបបំណុលនៃប្រាក់កម្ចីជាមធ្យមដែលមិនទាន់បានសងបន្ទាប់ពីការរៀបចំអង្គភាពរដ្ឋបាលឡើងវិញគឺមានជាង ១៤៩ ពាន់លានដុងនៃឃុំមួយនីៗ។ នេះគឺជាប្រភពធនធានដ៏សំខាន់មួយដែលជួយគ្រួសារក្រីក្រ គ្រួសារប្រកៀកបន្ទាត់ក្រជាច្រើន ព្រមទាំងគ្រួសារជនជាតិភាគតិចអភិវឌ្ឍជីវភាព បង្កើតការងារធ្វើ និងបង្កើនគុណភាពរស់នៅ។
តម្លៃនៃឥណទានគោលនយោបាយមិនត្រឹមតែត្រូវបានវាស់វែងដោយចំនួនទឹកប្រាក់ដើមទុនដែលបានចំណាយប៉ុណ្ណោះទេ ថែមទាំងបានបង្ហាញយោងតាមលំនៅឋាននឹងនរ បណ្តាគ្រួសារដែលមានលក្ខណៈចិញ្ចឹមកូនសិក្សារៀនសូត្រ ព្រមទាំងគ្រួសារខ្មែរទាំងឡាយឱ្យក្លាហានឈានឡើងដោយកម្លាំងពលកម្មផ្ទាល់ខ្លួន។ នៅពេលដែលប្រជាជនត្រូវបានផ្តល់ឱកាសសម្រាប់ការអភិវឌ្ឍសេដ្ឋកិច្ច ពួកគេមិនត្រឹមតែផ្លាស់ប្តូរជីវភាពរស់នៅរៀងៗខ្លួនប៉ុណ្ណោះទេ ថែមទាំងពង្រីកសាយភាយក្នុងសហគមន៍ ដើម្បីរួមគ្នាអភិវឌ្ឍទៀតផង៕
Nguyễn Đào
