នៅពេលដែលរដូវវិស្សមកាលមកដល់ សូរសម្លេងសត្វរៃស្រែកអឹងកងពេញភូមិស្រុក ក៏ជាពេលដែលវត្តបុប្ផារាម ខ្វែងបបែលចាស់ (Cái Giá Chót) ឃុំ Hưng Hội បន្លើឡើងនូវសូរសម្លេងអានតួអក្សរ Khmer ផងដែរ។ អស់រយៈពេល ៣៤ ឆ្នាំមកហើយ ថ្នាក់រៀនឥតគិតថ្លៃនេះគឺជាទីតាំងមួយដើម្បីថែរក្សាភាសា និងអក្សរសាស្ត្រ Khmer ដើម្បីបំពេញនូវក្តីស្រឡាញ់ចំពោះឫសសម្រាប់បញ្ញវន្តគ្រប់ជំនាន់។
ព្រះតេជគុណ Thạch Hoàng Tuấn ព្រះអង្គជាអ្នកបង្ហាត់អក្សរ Khmer ដោយផ្ទាល់ខ្លួនដល់ប្អូនកុមារ។
ទោះបីជាផ្ទះនៅឆ្ងាយដល់ឃុំ Lai Hoà ទីក្រុង Cần Thơ ក៏ដោយ តែរដូវវិស្សមកាលអស់រយៈកាល ២ ឆ្នាំមកហើយដែលប្អូន Tăng Thái Tú បានមកដល់វត្តខ្វែងបបែលចាស់ (Cái Giá Chót) ដើម្បីរៀនអក្សរ Khmer។ ចំពោះប្អូន Tú រាល់តួអក្សរនីមួយៗដែលខ្លួនបានរៀនមិនត្រឹមតែជួយឱ្យប្អូនអាចអាន និងសរសេរអក្សរជាតិប៉ុណ្ណោះទេ ថែមទាំងជួយរក្សាអត្តសញ្ញាណជនជាតិរបស់ខ្លួនទៀតផង។
ប្អូន Sơn Thị Tuyết Linh ជាសិស្សថ្នាក់ទី ៧ នៅសាលាអនុវិទ្យាល័យ Hưng Hội បានចូលរួមជាមួយថ្នាក់នេះអស់រយៈពេល ៣ ឆ្នាំ។ អ្វីដែលខ្ញុំចូលចិត្តបំផុតមិនត្រឹមតែជាការណែនាំបង្ហាត់បង្ហាញពីព្រះសង្ឃប៉ុណ្ណោះទេ ថែមទាំងបានរៀនភាសាអង់គ្លេស និងបំប៉នមុខជំនាញក្នុងបរិយាកាសកក់ក្តៅ និងរួសរាយរាក់ទាក់ផងដែរ។
មិនត្រឹមបង្រៀនអក្សរប៉ុណ្ណោះទេ វត្តថែមទាំងបានរួមបញ្ចូលការអប់រំអំពីទំនៀមទម្លាប់ ពិធីបុណ្យ សីលធម៌ និងលើកទឹកចិត្តប្អូនកុមារឱ្យប្រើភាសា Khmer ក្នុងការទំនាក់ទំនងប្រចាំថ្ងៃផងដែរ។ វិធីសាស្រ្តបង្រៀនដ៏ងាយស្រួលនេះបានជួយឱ្យថ្នាក់រៀនដំណើរការទៅមុខបន្តទៀតដែរ។ ក្នុងរយៈពេលប៉ុន្មានឆ្នាំកន្លងមកនេះ វត្តជំនួយសិស្សរាប់ពាន់នាក់រៀនអាន និងសរសេរភាសា Khmer។ ដផយឡែកឆ្នាំនេះ វត្តបើកបាន ៤ ថ្នាក់ ដោយមានសិស្សចំនួន ១៧២ នាក់ មកពីទាំងក្នុង និងក្រៅតំបន់។
ដើម្បីធានាថ្នាក់រៀនមិនឱ្យផ្អាក់ ក៏មានអ្នកដែលបានចូលរួមដោយស្ងៀមស្ងាត់ជាច្រើនផងដែរ។ ក្នុងចំណោមនោះ មានលោក Liêu Sô Vanh នៅភូមិ Day Tà Ni ឃុំ Hưng Hội លោកតែងតែត្រឡប់មកវត្តវិញជារៀងរាល់រដូវវិស្សមកាលដើម្បីបង្រៀនអក្សរ។ យោងតាមលោក ប្អូនៗកុមារខ្មែរជាច្រើនខ្វះឱកាសរៀនភាសាកំណើតរបស់ខ្លួន ដូច្នេះហើយការបន្តបង្កើនចំណេះដឹងដែលលោកបានរៀនទៅមនុស្សជំនាន់ក្រោយ គឺជាការទទួលខុសត្រូវ និងជាសេចក្តីរីករាយបំផុតផងដែរ។
សម្លងអានព្យព្ជនៈយ៉ាងព្រមៗគ្នារបស់ប្អូនៗរៀងរាល់រដូវវិស្សមកាល។
មិនត្រឹមតែជាកន្លែងគោរពបូជាប៉ុណ្ណោះទេ វត្តខ្វែងបបែលចាស់ (Cái Giá Chót) ថែមទាំងជាកន្លែងរក្សាឃ្លាំងវប្បធម៌ខ្មែរអស់រយៈពេលដ៏យូរអង្វែងឆ្នាំមកហើយដែរ។ ព្រះតេជគុណ ថាច់ហ្វាងទ្វឹន ជាគ្រូបង្រៀនភាសា Khmer នៅវត្តខ្វែងបបែលចាស់ (Cái Giá Chót) មានសង្ឃដីការ៖ «វត្តតែងសង្ឃឹមចង់ឱ្យប្អូនៗកុមារអាចអានបាន សរសេរបាន និងនិយាយភាសាកំណើតរបស់ខ្លួនយ៉ាងស្ទាត់ជំនាញដើម្បីរក្សាអត្តសញ្ញាណវប្បធម៌ជាតិ។ ពីព្រោះភាសា អក្សរសាស្ត្រ និងទំនៀមទម្លាប់ Khmer មានទំនាក់ទំនងយ៉ាងជិតស្និទ្ធជាមួយវត្តអារាម និងជីវិតរស់នៅសហគមន៍ទៀតផង»។
ដើម្បីរក្សាថ្នាក់រៀនឥតគិតថ្លៃទាំងស្រុងនេះ វត្តក៏បានផ្តើមចលនារៃអង្គាសប្រាក់បានជិត ៩០ លានដុងជារៀងរាល់ឆ្នាំ ដើម្បីទិញសៀវភៅ សម្ភារៈសិក្សា និងផ្តល់រង្វាន់ដល់ប្អូនៗសិស្សានុសិស្ស។ រួមជាមួយការឧបត្ថម្ភពីសប្បុរសជន វត្តនេះត្រូវបានបំពាក់ដោយកុំព្យូទ័រចំនួន ១០ គ្រឿង និងបានបើកថ្នាក់បន្ថែមផ្នែកវិទ្យាសាស្ត្រកុំព្យូទ័រ និងភាសាអង់គ្លេស ជួយសិស្សានុសិស្សទាំងរក្សាភាសាកំណើតផង និងទទួលបានជំនាញសម្រាប់អនាគតរបស់រៀងខ្លួនផងដែរ។
ផ្តើមពីវត្តដ៏ស្ងប់ស្ងាត់នេះ បណ្តាតួអក្សរខ្មែរនីមួយៗនៅតែត្រូវបានបន្តថែរក្សា លើកតម្កើន និងបន្តវេន ដោយធានាថាអត្តសញ្ញាណវប្បធម៌ជាតិត្រូវបានបន្តពីមួយជំនាន់ទៅមួយជំនាន់ផងដែរ៕
Kim Trúc - Anh Tuấn
