កាលនៅមានជីវិតលោកប្រធាន Hồ Chí Minh តែងតែប្រាថ្នាថា "ប្រជាជនយើងគ្រប់គ្នាអ្នកណាក៏បានសិក្សារៀនសូត្រ"។ ជ្រាប់ច្បាស់ពីឧត្តមគតិនេះ ប្រពៃណីជំរុញការសិក្សារៀនសូត្រ បង្កើនចំណេះដឹង និងកសាងសង្គមសិក្សារៀនសូត្រនៅ Cà Mau បានរីករាលដាលកាន់តែខ្លាំងឡើង ដោយលើកកម្ពស់កម្រិតបញ្ញារបស់ប្រជាជន និងអភិវឌ្ឍប្រភពធនធានមនុស្ស។ នៅក្នុងដំណើរការនេះ គ្រួសារគ្រូបង្រៀនដ៏ឆ្នើម Nguyễn Công Luận នៅភូមិ Long Hậu ឃុំ Phước Long គឺជាគំរូដ៏ល្អឥតខ្ចោះមួយនៃស្មារតីលះបង់ចំពោះការសិក្សារៀនសូត្រ ជំនះការលំបាក និងការរៀនសូត្រពេញមួយជីវិត។
លោកគ្រូ Nguyễn Công Luận (ទី ២ គិតពីឆ្វេង) រួមជាមួយលោកគ្រូ អ្នកគ្រូសាលាទទួលប័ណ្ណសរសើរក្នុងទិវាគ្រូបង្រៀន Việt Nam ២០ វិច្ឆិកា។
កើតនៅឆ្នាំ ១៩៧៨ ក្នុងគ្រួសារក្រីក្រមួយដែលមានបងប្អូន ៦ នាក់ កាលពីកុមារភាព លោកគ្រូ Luận បានផ្សារភ្ជាប់ជាមួយការខ្វះខាតសព្វគ្រប់បែបយ៉ាង។ ឪពុកម្តាយប្រកបរបរស៊ីឈ្នួលរែកទឹកឱ្យគេ និងលក់ដំឡូង ពោតជាដើម ដើម្បីរកប្រាក់ចិញ្ចឹមជីវភាពគ្រួសារ។ ទោះបីជាមានជីវិតលំបាកយ៉ាងណាក៏ដោយ រឿងដ៏មានតម្លៃបំផុតដែលឪពុកម្តាយរបស់គាត់ភាពជឿជាក់លើតម្លៃនៃចំណេះដឹងរបស់ខ្លួន។
ដើម្បីប្អូនៗបានបន្តការសិក្សារៀនសូត្រ បងស្រីច្បងបានលះបង់ក្តីស្រមៃផ្ទាល់ខ្លួនក្នុងការសិក្សា ដើម្បីនៅផ្ទះជំនួយការងារឪពុកម្តាយ។ ការលះបង់នោះបានក្លាយជាកម្លាំងចលករនៅពីក្រោយការប្តេជ្ញាចិត្តរបស់លោកគ្រូ Luận ក្នុងការសិក្សាយ៉ាងលំបាក ដោយសង្ឃឹមថានឹងមានអាជីពដែលមានស្ថិរភាព ជួយជ្រោមជ្រែងគ្រួសារ និងផ្គត់ផ្គង់ឱ្យប្អូនៗមានលក្ខណៈបន្តសិក្សារៀនសូត្រ។
បន្ទាប់ពីបង្កើតអាជីព លោកគ្រូគឺជាអ្នកដឹកនាំ អ្នកដែលដើរមុន ហើយជំនួយអ្នកតាមក្រោយខ្លួន បង្កើតប្រពៃណីគ្រួសារដ៏ស្រស់ស្អាតទៀតផង។ រហូតមកដល់បច្ចុប្បន្ន បងប្អូន ៥ នាក់ក្នុងចំណោម ៦ នាក់សុទ្ធតែទទួលបានជោគជ័យក្នុងការសិក្សា និងមានការងារធ្វើនឹងនរស្ថិរភាព និងជាច្រើននាក់ធ្វើការក្នុងវិស័យអប់រំផងដែរ។
“ខ្ញុំតែងជឿថាការរៀនសូត្រគឺមានសារៈសំខាន់ ហើយខ្ញុំនឹងខិតខំបណ្តុះចំណង់ចំណូលចិត្តក្នុងការរៀនសូត្រដល់សិស្សរបស់ខ្ញុំ ដែលជាបទពិសោធន៍សិក្សាពេញមួយជីវិត”
លោកគ្រូ Luận បានចែករំលែកថា។ អស់រយៈពេលជាង ២០ ឆ្នាំផ្សារភ្ជាប់ជាមួយវិស័យសិក្សាអប់រំ លោកគ្រូ Luận បច្ចុប្បន្នជាគ្រូបង្រៀនខាងវិញ្ញាសាគីមីសាស្ត្រនៅសាលាអនុវិទ្យាល័យ Phước Long លោកគ្រូបានបណ្តុះបណ្តាលសិស្សជាច្រើនជំនាន់ទទួលបានលទ្ធផលខ្ពស់ក្នុងរាល់បណ្តាសម័យប្រឡងសិស្សពូកែ។ លោកគ្រូបានបន្តបំប៉នចំណេះដឹងដល់សិស្សជាង ១០០ នាក់ទទួលបានរង្វាន់ថ្នាក់ខេត្ត និងជាង ២៥០ សិស្សទទួលបានរង្វាន់ថ្នាក់ស្រុក (មុនពេលរួមបញ្ចូលខេត្ត) ផ្តើមពីនោះក៏សកម្មជំនួយមិត្តរួមអាជីពលើកកម្ពស់មុខជំនាញរបស់ខ្លួនទៀតផង។
សម្រាប់ការខិតខំទាំងនោះ ត្រូវបានទទួលស្គាល់ជាមួយនឹងកិត្តិនាមជាច្រើន ដូចជា៖ យុទ្ធជនប្រឡងប្រណាំងនៅកម្រិតមូលដ្ឋាន និងថ្នាក់ខេត្ត គ្រូបង្រៀនពូកែថ្នាក់ខេត្ត រួមជាមួយនឹងប័ណ្ណសរសើរ លិខិតសរសើរជាច្រើនទៀត។ ជាពិសេសនៅឆ្នាំ ២០២៣ លោកគ្រូមានកិត្តិយសបានប្រធានរដ្ឋផ្តល់ការស្ង់ចសរសើរជាមួយគិត្តិនាម "គ្រូបង្រៀនឆ្នើម"។
យោងតាមលោកគ្រូ Nguyễn Thanh Kiều នាយកសាលាអនុវិទ្យាល័យ Phước Long អស់រយៈពេលជាច្រើនឆ្នាំកន្លងមក លោក Luận ត្រូវបានមិត្តរួមការងារ និងសិស្សានុសិស្សគោរពយ៉ាងខ្លាំងចំពោះសមត្ថភាពវិជ្ជាជីវៈ ស្មារតីទទួលខុសត្រូវ និងការរួមចំណែកដ៏លេចធ្លោរបស់លោកគ្រូក្នុងការបណ្តុះបណ្តាលសិស្សពូកែ រួមចំណែកយ៉ាងសំខាន់ដល់សមិទ្ធផលរបស់សាលាផងដែរ។
ជាមួយការខិតខំអស់ពីចិត្ត លោកគ្រូ Nguyễn Công Luận តែងរកគ្រប់វិធីសាស្ត្រ ដើម្បីផ្តល់ចំណេះដឹងដល់សិស្សជំនាន់ក្រោយ។
មិនត្រឹមតែអស់ពីចិត្តជាមួយមុខរបរការងារប៉ុណ្ណោះទេ លោកគ្រូថែមទាំងជាគំរូនៃគ្រួសារដែលខិតខំរៀនសូត្រទៀតផង។ ភរិយារបស់លោកគ្រូក៏ជាគ្រូបង្រៀនកម្រិតបឋមសិក្សាផងដែរ។ ហើយកូនទាំង ២ របស់លោកគ្រូត្រូវបានណែនាំយ៉ាងយកចិត្តទុកដាក់ក្នុងការសិក្សារបស់ពួកគេ។ កូនប្រុសច្បងបច្ចុប្បន្នជានិស្សិតសាកលវិទ្យាល័យ ហើយកូនស្រីកំពុងសិក្សាថ្នាក់ទី ១១ ជាច្រើនឆ្នាំបន្តបន្ទាប់តែងទទួលបានលទ្ធផលដ៏ល្អឥតខ្ចោះ។ នៅក្នុងគ្រួសារ ការរៀនសូត្របានក្លាយជាតម្លៃវប្បធម៌ សមាជិកម្នាក់ៗបន្តសិក្សា បណ្តុះបណ្តាល និងចេះលើកទឹកចិត្តគ្នាទៅវិញទៅមកឱ្យខិតខំដើម្បីឧត្តមភាពតាមរយៈចំណេះដឹង។
នៅលើភូមិសាស្ត្រខេត្ត Cà Mau ប្រពៃណីជំរុញការសិក្សារៀនសូត្រ និងកសាងសង្គមសិក្សាសម្រេចបានលទ្ធផលយ៉ាងសកម្មផងដែរ។ រហូតមកទល់បច្ចុប្បន្ន ទូទាំងខេត្តមានជាង ៣៨៤.៥០០ គ្រួសាររៀនសូត្ររ (៧៤% នៃចំនួនគ្រួសារសរុប) ដែលបានទទួលស្គាល់។
គ្រួសារលោកគ្រូ Nguyễn Công Luận គឺជាគំរូមួយក្នុងចំណោមគំរូដ៏ល្អឥតខ្ចោះ ដោយបញ្ជាក់ថាបុគ្គលម្នាក់ៗ និងគ្រួសារនីមួយៗគឺជាស្នូលនៃសង្គមសិក្សារៀនសូត្រ ជាកន្លែងដែលចិញ្ចឹមបីបាច់នូវក្តីប្រាថ្នាសម្រាប់ការរីកចម្រើនតាមរយៈចំណេះដឹង និងរួមចំណែកយ៉ាងសកម្មសម្រាប់ការផ្លាស់ថ្មី និងការអភិវឌ្ឍស្រុកទេស៕
Thanh Hải - Duy Phong
