ឃុំ Hưng Hội មានប្រជាជនជាង ៣០% ដែលជាជនរួមជាតិ Khmer គឺជាឃុំមួយក្នុងចំណោមឃុំដែលជួបលំបាកបំផុតរបស់ខេត្ត។ យល់ច្បាស់អំពីស្ថានភាពរបស់ប្រជាជន ជាមួយនិងទិសស្លោក "ប្រើប្រាស់ជំនាញដើម្បីបម្រើសហគមន៍" សម្ព័ន្ធយុវជននៃគណៈកម្មាធិការប្រជាជនខេត្ត Cà Mau បានរៀបចំយុទ្ធនាការ "ថ្ងៃឈប់សម្រាកពណ៌ផ្កាឈូក" ក្រោមប្រធានបទ "សេចក្តីស្រឡាញ់មាតុភូមិ - បន្តឆ្ពោះទៅកាន់អនាគត"។
រាល់គ្រួសារដែលមានជីវភាពជួបលំបាកក៏ទទួលបានការឧបត្ថម្ភអង្ករចំនួន ២០ គីឡូក្រាមដែលផ្តើមពីយុទ្ធនាការ “ថ្ងៃឈប់សម្រាកពណ៌ផ្កាឈូក”។
បងស្រី Võ Vũ Thị Bích Tuyền លេខាសម្ព័ន្ធយុវជនឃុំ Hưng Hội បានចែករំលែកថា៖ "ខ្ញុំចង់ចូលរួមចំណែកតិចតួចរបស់ខ្ញុំដើម្បីជួយផ្គត់ផ្គង់ជីវភាពបងប្អូនប្រជាជននិងជំនួយឧបត្ថម្ភបង្កើតការងារធ្វើ និងនាំមកនូវក្តីសង្ឃឹមដល់គ្រួសារដែលស្ថិតក្នុងស្ថានភាពលំបាកពិសេស។ កាលពីមុន សម្ព័ន្ធយុវជនឃុំបានអនុវត្តយ៉ាងសកម្មភាពដែលមានអត្ថន័យដូចជា៖ "សួនបង្កើតជីវភាពរស់នៅ" និង "ថ្ងៃឈប់សម្រាកពណ៌ផ្កាឈូក" នឹងបន្តដំណើរនៃការគាំទ្រប្រជាជនក្នុងការជំនះលើការលំបាកនេះ"។
អ្នកមីង Thạch Thị Sà Pô នៅភូមិ Sóc Đôn មិនអាចលាក់ពីអារម្មណ៍របស់ខ្លួនបាន នៅពេលទទួលបានអង្ករ និងជំនួយខាងថវិកាពីយុវជនស្ម័គ្រចិត្ត៖ «ខ្ញុំចាស់ហើយ រស់នៅម្នាក់ឯង ពឹងផ្អែកលើការជំនួយរបស់រដ្ឋទាំងស្រុង ហើយមាមីងបងប្អូនក្នុងភូមិបានឱ្យអីគឺខ្ញុំញ៉ាំមោះ។ តែឥឡូវ ក្មួយៗយុវជនឱ្យអង្ករ និងប្រាក់សម្រាប់ទិញថ្នាំពេទ្យ គឺមានតម្លៃខ្លាំងណាស់ ដែលមិនគួរឱ្យជឿសោះ ហើយជួយសម្រាលកង្វល់របស់ខ្ញុំទៀតផង»។
ចែករំលែកពីសារៈសំខាន់នៃសកម្មភាពជាបន្តបន្ទាប់ បងស្រី Quách Thị Thu Thảo លេខាសម្ព័ន្ធយុវជននៃគណៈកម្មាធិការប្រជាជនខេត្ត បានសម្តែងថា៖ «យើងចង់ចែករំលែកជាមួយគ្រួសារ Khmer ដែលជួបការលំបាក ដើម្បីបញ្ឆេះអណ្តាតភ្លើងនៃក្តីសង្ឃឹម និងផ្តល់ការលើកទឹកចិត្តដល់សិស្សានុសិស្សឱ្យខិតខំតស៊ូក្នុងការសិក្សារៀនសូត្ររបស់ខ្លួន និងចិញ្ចឹមនូវក្តីស្រមៃរបស់ខ្លួនក្នុងការផ្លាស់ប្តូរជីវិតរស់នៅ»។
ក្រៅពីការផ្តល់អាហារ យុទ្ធនាការនេះផ្តោតជាពិសេសលើការជួយសិស្សានុសិស្សឱ្យចាប់ផ្តើមឆ្នាំសិក្សាថ្មីដោយទំនុកចិត្ត។ សម្ព័ន្ធយុវជនបានផ្តល់កង់ថ្មីចំនួន ១០ គ្រឿង អាហារូបករណ៍ចំនួន ១០ ចំណែក ដោយសរុបតម្លៃ ១ លានដុងក្នុងមួយគ្រឿង) និងសៀវភៅសិក្សាចំនួន ១.០០០ ក្បាលដល់សិស្ស Khmer ដែលបានជំនះការលំបាក និងរៀនបានពូកែផងដែរ។ ក្នុងពេលជាមួយគ្នានេះ អំណោយថ្លែងអំណរគុណចំនួន ៥ ចំណែក ត្រូវបានប្រគល់ជូនដល់គ្រួសារគោលនយោបាយ និងយុទ្ធជនពិការ ជំងឺ ព្រមទាំងចែកជូនអង្ករចំនួន ៥០០ គីឡូក្រាមសម្រាប់គ្រួសារក្រីក្រជាជនជាតិខ្មែរចំនួន ២៥ គ្រួសារ។ ជំនួយឧបត្ថម្ភប្រជាជនត្រាំមុងបង្ការជំងឺ និងការពារជំងឺគ្រុនឈាមផងដែរ។ សម្រាប់ថវិការខាងចំណាយសរុបទាំងអស់ក្នុងយុទ្ធនាការ "ថ្ងៃឈប់សម្រាកពណ៌ផ្កាឈូក" នៅ Hưng Hội មានជាង ៥៥ លានដុង។
កម្មវិធីជូនកង់ចំនួន ១០ គ្រឿង សម្រាប់កូនក្មួយជនរួមជាតិ Khmer និងសិស្សជួបលំបាក។
ប្អូន Nguyễn Duy Khánh ជាសិស្សនៃអនុវិទ្យាល័យ Hưng Hội បានចែករំលែកដោយក្តីរំភើបថា៖ «ខណៈដែលមានកង់រទេះ វានឹងធ្វើឱ្យកាន់តែងាយស្រួលសម្រាប់ប្អូនទៅរៀនផងដែរ។ ប្អូនសន្យាថា នឹងខិតខំរៀនឱ្យបានពូកែដើម្បីមិនធ្វើឱ្យខកបំណងនៃក្តីស្រឡាញ់របស់បងៗសម្ព័ន្ធយុិវជនស្ម័គ្រចិត្តនោះឡើយ»។
តំណាងអង្គការដែលចូលរួម បងស្រី Hà Bảo Ngân សាខានៃក្រុមហ៊ុនភាគហ៊ុនទទួលខុសត្រូវមានកម្រិតឆ្នោត Cà Mau បានចែករំលែកថា៖ «ទោះបីជាអំណោយមិនមានតម្លៃសម្ភារៈច្រើនក៏ដោយ យើងសង្ឃឹមថាវានឹងជំរុញទឹកចិត្តប្អូនៗឱ្យបន្តការសិក្សារបស់ខ្លួន។ ទន្ទឹមនិងនោះ ក៏បង្ហាញពីការយកចិត្តទុកដាក់យ៉ាងជ្រាលជ្រៅរបស់សម្ព័ន្ធយុវជន ដើម្បីមនុស្សចាស់កាន់តែមានទំនុកចិត្តក្នុងការយកឈ្នះលើការលំបាក»។
យុទ្ធនាការ "ថ្ងៃឈប់សម្រាកពណ៌ផ្កាឈូក" ឆ្នាំ ២០២៦នៅឃុំ Hưng Hội បានបញ្ជាក់ច្បាស់ថា៖ តម្លៃដ៏អស្ចារ្យបំផុតនៃការស្មារតីស្ម័គ្រចិត្ត មិនមែនស្ថិតនៅលើចំនួននោះទេ ប៉ុន្តែស្ថិតនៅលើការទំនាក់ទំនងយ៉ាងជ្រាលជ្រៅនៃការអាណិតអាសូរ ហើយការឧបត្ថម្ភនេះ មិនត្រឹមតែជួយកាត់បន្ថយបន្ទុកបន្ទាន់នៃការរកប្រាក់ចិញ្ចឹមជីវិតសម្រាប់ប្រជាជន Khmer ប៉ុណ្ណោះទេ ថែមទាំងបម្រើជាកម្លាំងជំរុញដ៏មានឥទ្ធិពលសម្រាប់ការអភិវឌ្ឍយុវជនក្នុងតំបន់ទៀតផងដែរ៕
Trịnh Hải
