ថ្មីៗនេះ សមាគមសិល្បៈប្រជាប្រិយខេត្ត Cà Mau បានចាត់តាំងជោគជ័យមហាសន្និបាតលើកទី១ អាណត្តិ ២០២៦-២០៣១ បើកចេញនូវក្តីសង្ឃឹមថ្មីក្នុង ការអភិរក្ស និងពង្រីកផ្សាយតម្លៃបេតិកភណ្ឌវប្បធម៌ប្រពៃណីរបស់ភូមិភាគ។ ក្នុងទិដ្ឋភាពវប្បធម៌ដ៏សម្បូរបែបនោះ សិល្បៈប្រជាប្រិយ Khmer តែងបញ្ជាក់ពីឋានៈជាផ្នែកដ៏សំខាន់ រួមចំណែកធ្វើឱ្យជីវភាពវប្បធម៌ស្មារតីរបស់ជនរួមជាតិ ក្នុងខេត្តកាន់តែសម្បូរបែប។
លោក Châu Phát និងលោក Thạch Xanh (កណ្តាល) សមាជិកសាខាសមាគមសិល្បៈប្រជាប្រិយ Khmer បានស្ងើចសរសើរក្នុងមហាសន្និបាត។
ការពិតបានបង្ហាញឱ្យឃើញថា ការអភិរក្ស និងពង្រីកផ្សាយតម្លៃសិល្បៈប្រជាប្រិយ Khmer នាពេលកន្លងមកទទួលបានលទ្ធផលជាវិជ្ជមានជាច្រើន។ គំរូគឺសកម្មភាពមានប្រសិទ្ធភាពនៃ ២ អង្គភាពចំណុះ របស់សមាគមសិល្បៈប្រជាប្រិយខេត្ត រួមមានសាខាសមាគមសិល្បៈប្រជាប្រិយ Khmer និងក្លឹបសិល្បៈប្រជាប្រិយ Khmer។ ក្រោមការតម្រង់ទិសរបស់សមាគមសិល្បៈប្រជាប្រិយខេត្ត អង្គភាពទាំង ២ នេះមិនត្រឹមតែក្លាយជា “គ្រួសាររួម” ប្រមូលផ្តុំសិល្បករ អ្នកស្រឡាញ់វប្បធម៌ប្រពៃណីប៉ុណ្ណោះទេ ថែមទាំងថែរក្សាការប្រជុំជីវភាព ជាក់ស្តែង នាំយកចង្វាក់ភ្លេង ពិធីកិច្ច ចំណេះដឹងប្រជាប្រិយឱ្យកាន់តែជិតស្និទ្ធនឹងជីវភាពសហគមន៍ផងដែរ។
ទស្សនីយភាពនៃចំរៀងឆ្លងឆ្លើយ Khmer ក្នុងមហាសន្និបាត។
ជាពិសេស សាខាសមាគមសិល្បៈប្រជាប្រិយ Khmer បានបង្កើតឡើងនូវស្នាដៃដែលមានគុណភាពជាច្រើនដូចជា៖ “រឿងនិទាន Khmer ជាពីរភាសា” របស់លោក Thạch Xanh “ល្បែងប្រជាប្រិយ Khmer ពីរភាសា” របស់លោក Châu Phát សាច់រឿងល្ខោនយូកេ “ជ័យសុរិយាបុប្ផាទេវី” របស់លោក Thạch Thiệu។ល។ ក្លឹបសិល្បៈប្រជាប្រិយ Khmer ក៏បានបំពេញល្អនូវតួនាទីអភិរក្ស និងពង្រីកតម្លៃវប្បធម៌ប្រពៃណីផងដែរ ដូចជា៖ បង្រៀនពីរបៀបប្រគុំឧបករណ៍ភ្លេងពិណពាទ្យ ក្បាច់រាំ Khmer។ល។ ក្រៅពីនោះ ក្លឹបថែមទាំងបានស្តារឡើងវិញ និងបង្កើតក្រុមតន្ត្រីភ្លេងស្គរធំ និងក្រុមតន្ត្រីភ្លេងខ្សែនៅវត្តយ៉ារ៉ាយថ្មី (Giá Rai Mới) ដើម្បីបម្រើល្អក្នុងឱកាសបុណ្យទានរបស់ជនរួមជាតិ។
គណៈប្រតិបត្តិសមាគមសិល្បៈប្រជាប្រិយខេត្តអាណត្តិថ្មីបង្ហាញខ្លួន និងសន្យាចំពោះមហាសន្និបាត ក្នុងនោះមានតំណាងជនជាតិ Khmer ៣ រូប។
ការយកចិត្តទុកដាក់អភិវឌ្ឍវិស័យសិល្បៈប្រជាប្រិយខ្មែរក្នុងអាណត្តិថ្មី នឹងបន្ថែមពលភាពដើម្បីឱ្យខេត្ត Cà Mau លើកកម្ពស់ប្រសិទ្ធភាពការអភិរក្ស និងពង្រីកតម្លៃបេតិកភណ្ឌវប្បធម៌អរូបី។ តាមរយៈនោះ មិនត្រឹមតែពង្រីកអត្តសញ្ញាណវប្បធម៌ដ៏លេចធ្លោរបស់ជនរួមជាតិ Khmer ប៉ុណ្ណោះទេ ប៉ុន្តែថែមទាំងធ្វើឱ្យជីវភាពស្មារតីរបស់ប្រជាជនកាន់តែសម្បូរបែប ពង្រឹងផែនមហាសាមគ្គីទូទាំងជនជាតិនិងកសាងវប្បធម៌នៅតំបន់ចុងបំផុតភាឡខាងត្បូងនៃមាតុភូមិឱ្យមានភាពសម្បូរបែប និងមានអត្តសញ្ញាណក្នុងយុគ្គសម័យកាលថ្មីទៀតផង៕
Đờ Ni - Danh Điệp
