នោះគឺជាគោលដៅដែលឃុំ Vĩnh Lợi បានដាក់ចេញសម្រាប់យុទ្ធនាការរយៈពេល ១០០ ថ្ងៃរបស់ខ្លួន ដើម្បីបង្កើត និងធ្វើបច្ចុប្បន្នភាពសៀវភៅសុខភាពអេឡិចត្រូនិក នៅលើកម្មវិធី VNeID ដូចដែលបានគ្រោងទុកដោយខេត្ត។
នគរបាលឃុំ Vĩnh Lợi ជំនួយប្រជាជនក្នុងការធ្វើបច្ចុប្បន្នភាពអត្តសញ្ញាណអេឡិចត្រូនិក។
តំបន់នេះបានអនុវត្តដំណោះស្រាយជាច្រើនដែលបានធ្វើសមកាលកម្ម ចាប់ពីការពង្រឹងការឃោសនារហូតដល់ការម្ចាស់ការ “ទៅដល់គ្រប់ភូមិសង្កាត់ ហៅដល់ផ្ទះ” ដើម្បីជួយប្រជាជនដោយផ្ទាល់ក្នុងការដំឡើង និងធ្វើបច្ចុប្បន្នភាពព័ត៌មានជូនពួកគាត់។
នៅអាគារវប្បធម៌ភូមិ Thông Lưu ចាប់ពីព្រឹកព្រលឹម កម្មាភិបាលគ្រប់ស្ថាប័នភ្នាក់ងារ នគរបាល ធានារ៉ាប់រងសង្គមឃុំ Vĩnh Lợi និងគណៈកម្មាធិការប្រជាជនភូមិបានចូលរួម ដោយត្រៀមខ្លួនជួយប្រជាជន។ បរិយាកាសការងារមានភាពបន្ទាន់ ប៉ុន្តែមានសណ្តាប់ធ្នាប់ ដោយមនុស្សជាច្រើនបានមកយ៉ាងសកម្មដើម្បីទទួលបានការណែនាំ និងធ្វើសមាហរណកម្មព័ត៌មាន។
បងស្រី Đỗ Lưu Ý Niệm នៅភូមិ Thông Lưu បានចែករំលែកថា៖ «ការដែលកម្មាភិបាលបានចុះមកដល់ភូមិផ្ទាល់ដើម្បីផ្តល់ការជំនួយប្រជាជនសន្សំសំចៃពេលវេលា ដោយមិនចាំបាច់ទៅកាន់មជ្ឈមណ្ឌលឃុំដើម្បីបំពេញនីតិវិធីនោះទេ។ កម្មវិធីសុខភាពអេឡិចត្រូនិកគឺងាយស្រួលខ្លាំងណាស់ អាចជួយឱ្យអ្នករាល់គ្នាងាយស្រួលក្នុងការតាមដាន និងថែរក្សាសុខភាពរបស់ខ្លួនបានកាន់តែប្រសើរឡើង»។
ក្នុងអំឡុងពេលយុទ្ធនាការ ១០០ ថ្ងៃ ចាប់ពីខែកក្កដាដល់ខែតុលា ឆ្នាំ ២០២៦ ឃុំ Vĩnh Lợi នឹងផ្តោតលើការកសាងមូលដ្ឋានទិន្នន័យសុខភាពផ្ទាល់ខ្លួនដោយផ្តោតលើការប្រមូលទិន្នន័យពីការពិនិត្យសុខភាពតាមកាលកំណត់ និងការពិនិត្យពីមណ្ឌលសុខភាព ក៏ដូចជាទិន្នន័យដែលបានចែករំលែក និងធ្វើសមកាលកម្មពីធានារ៉ាប់រងសង្គម Việt Nam ។ ក្នុងពេលជាមួយគ្នានេះ ពួកគេនឹងបង្កើត ធ្វើបច្ចុប្បន្នភាព និងធានាថាប្រជាពលរដ្ឋម្នាក់ៗមានកំណត់ត្រាសុខភាពអេឡិចត្រូនិកនៅលើកម្មវិធី VNeID។
លោកវេជ្ជបណ្ឌិត Nguyễn Duy Khanh នៃដំណាក់សុខាភិបាលឃុំ Vĩnh Lợi បានឱ្យដឹង៖ «ដំណាក់សុខាភិបាលបានបង្កើតក្រុមឱ្យចុះទៅដល់ភូមិនីមួយៗដើម្បីពិនិត្យសុខភាពសម្រាប់អ្នកស្រុក និងធ្វើបច្ចុប្បន្នភាពទិន្នន័យឱ្យបានឆាប់រហ័ស។ ពួកគេក៏ចុះទៅតាមតំបន់លំនៅដ្ឋាន និងគ្រួសារនីមួយៗដោយផ្ទាល់ដើម្បីជួយប្រជាជនក្នុងការដំឡើង និងផ្តល់ព័ត៌មានទាន់ពេល»។
បណ្តាក្រុមការងារបានចុះទៅដល់គ្រប់បណ្តាគ្រួសារដោយផ្ទាល់ដើម្បីណែនាំ និងជំនួយការបង្កើត និងកំណត់ត្រាសៀវភៅសុខភាពអេឡិកត្រូនិកលើកម្មវិធី VNeID។
យោងតាមលោក Châu Minh Thoại ប្រធានការិយាល័យវប្បធម៌ និងសង្គម ឃុំបានបង្កើតចំនួន ១០ ក្លឹបទាំង ១០ លើភូមិសាស្ត្រ ដោយមានក្លឹបជាកម្លាំងស្នូលបច្ចេកវិទ្យាឌីជីថល ព្រមទាំងសហការជាមួយគណៈកម្មាធិការប្រជាជនភូមិ ដើម្បីអនុវត្តការដំឡើងកំណត់ត្រាសុខភាពឌីជីថលសម្រាប់ប្រជាជនតាមគោលដៅជាក់ស្តែងដែលបានកំណត់។ សម្រាប់មុខសញ្ញាចាប់មានអាយុចាប់ពី ០-១៤ ឆ្នាំ គណៈកម្មាធិការប្រជាជនឃុំនឹងណែនាំគ្រប់បណ្តាសាលារៀនឱ្យសហការជាមួយកងកម្លាំងនគរបាលឃុំ ដើម្បីរៀបចំការដំឡើង និងការផ្តល់ព័ត៌មានសម្រាប់សិស្សានុសិស្សផងដែរ។
ការអនុវត្តកំណត់ត្រាសុខភាពឌីជីថលមិនត្រឹមតែបង្កើនប្រសិទ្ធភាពនៃការគ្រប់គ្រងសុខភាពប៉ុណ្ណោះទេ ថែមទាំងនាំមកនូវអត្ថប្រយោជន៍យ៉ាងធំដល់ប្រជាជនផងដែរ "សៀវភៅសុខភាពឌីជីថល" ធ្វើឱ្យការត្រួតពិនិត្យ ការថែទាំ និងការការពារសុខភាពកាន់តែងាយស្រួល ទាន់ពេលវេលា និងមានប្រសិទ្ធភាព។ នេះក៏ជាជំហានដ៏សំខាន់មួយឆ្ពោះទៅរកការកសាងរដ្ឋបាលឌីជីថល និងសង្គមឌីជីថលដើម្បីបម្រីការជូនបងប្អូនប្រជាជនមួយថ្ងៃកាន់តែល្អប្រសើរថែមទៀត៕
Trung Kiên
