ចាប់ពីទ្រើងដាំត្រសក់ ម្ទេសកណ្ដឹងលឿង ពោតដំណើប រហូតដល់វាលប្លុងអង្ករ គ្រួសារ Khmer ជាច្រើននៅឃុំ Hoà Bình កំពុងមានលក្ខណៈឈានឡើងជីវភាពធូរធា ដោយបើកផ្លូវអភិវឌ្ឍន៍ជីវភាពរស់នៅប្រកបដោយចីរភាពនៅភូមិភាគផងដែរ។
សមាគមកសិករឃុំ Hoà Bình អញ្ជើញទស្សនា និងស្វែងយល់ពីប្រសិទ្ធភាពនៃទម្រង់ដាំបន្លែបង្ការរបស់លោក Nguyễn Văn Lành (ទី ២ គិតពីស្តាំ)។
អស់រយៈពេលជាង ២០ ឆ្នាំជាមួយរបរដាំបន្លែបង្ការ លោក Nguyễn Văn Lành នៅភូមិ Chùa Phật តែងដឹងពីរបៀបប្រើប្រាស់ផ្ទៃដីជាង ៣ កុងរបស់ខ្លួនយ៉ាងមានប្រសិទ្ធភាពផងដែរ។ លោកបានប្តូរវេនដំណាំ រួមមាន៖ ៤ រដូវសម្រាប់ត្រសក់ និង ២ រដូវម្រះ ព្រមទាំង ១ រដូវដំណាំផ្សេងៗទៀតដែលរួមផ្សំជាមួយនឹងម្ទេសកណ្ដឹងលឿង បានជួយកាត់បន្ថយសត្វល្អិត ជំងឺ និងឆ្លើយតបតម្រូវការទីផ្សារទៀតផង។ អាស្រ័យផ្លាស់ប្តូរដំណាំប្រកបដោយភាពសកម្មតាមរដូវកាល និងការអនុវត្តបច្ចេកទេសក្នុងការផលិត គ្រួសារលោកក៏ទទួលបានប្រាក់ចំណេញជាមធ្យមជាង ២០០ លានដុងក្នុងមួយឆ្នាំផងដែរ។ ដោយឡែកសម្រាប់ដំណាំម្ទេសកណ្ដឹងតែមួយមុខ នៅពេលដែលតម្លៃឡើងដល់ប្រហែល ៦០ ពាន់ដុង/គីឡូក្រាម ប្រាក់ចំណូលទទួលបានអាចលើសពី ១០០ លានដុងផងដែរ។
ជាអ្នករស់មៅភូមិ Chùa Phật ដូចគ្នា អ្នកមីង Nguyễn Thị Thanh បានជ្រើសរើសដាំប្រភេទពោតដំណើប ត្រាវ ពោតបារាំង និងប្លុងអង្ករដែលជាប្រភេទរុក្ខជាតិផ្តល់ប្រាក់ចំណូលជាប្រចាំ។ ដំណាំនីមួយៗមានរដូវដាំដុះរៀងៗខ្លួន ដែលជួយគ្រួសាររបស់ពួកគាត់អាចកាត់បន្ថយហានិភ័យពីការប្រែប្រួលទីផ្សារ បង្កើនប្រាក់ចំណូលបន្តិចម្តងៗ និងផ្តល់ឱកាសសម្រាប់ការវិនិយោគឡើងវិញលើការផលិតផងដែរ។
នៅពីក្រោយទម្រង់ដ៏មានប្រសិទ្ធភាពទាំងនេះ គឺការគាំទ្រពីមូលនិធិឥណទានគោលនយោបាយ។ បច្ចុប្បន្ន សមាគមកសិករឃុំ Hoà Bình គ្រប់គ្រងមូលនិធិឥណទានគោលនយោបាយសង្គមដោយសរុបទឹកប្រាក់ជាង ៥៣ ពាន់លានដុង ដើម្បីបង្កលក្ខណៈសម្រាប់សមាជិកជាច្រើនវិនិយោគលើការដាំដំណាំ ចិញ្ចឹមសត្វ និងអភិវឌ្ឍទម្រង់សេដ្ឋកិច្ចដែលសមស្រប។
ទម្រង់ដាំម្ទេសកណ្តឹងលឿងរបស់លោក Nguyễn Văn Lành កំពុងលូតលាស់ល្អ។
ទន្ទឹមនឹងនោះ សមាគមក៏បានសម្របសម្រួលការផ្ទេរវិទ្យាសាស្ត្រ និងបច្ចេកវិទ្យាជាប្រចាំ ណែនាំដំណើរការផលិត និងជួយប្រជាជនឱ្យបង្កើនប្រសិទ្ធភាពនៃការប្រើប្រាស់ដើមទុន។ ផ្តើមពីប្រភពធនធាននេះ ចលនាដើម្បីឧត្តមភាពក្នុងកម្លាំងពលកម្ម ផលិតកម្ម និងអាជីវកម្មក្នុងចំណោមប្រជាជន Khmer កំពុងរីករាលដាលកាន់តែខ្លាំងឡើង។ បច្ចុប្បន្ន ឃុំទាំងមូលមានគ្រួសារជាង ២.១០០ គ្រួសារ ដែលសម្រេចកិត្តិនាមជាកសិករផលិត និងធ្វើអាជីវកម្មពូកែនៅកម្រិតផ្សេងៗ បង្ហាញពីការផ្លាស់ប្តូរវិជ្ជមានក្នុងការគិតគូរពីផលិតកម្ម និងស្មារតីសកម្មរបស់ប្រជាជនផងដែរ។
អាស្រ័យដើមទុនដែលបានប្រគល់ជូនត្រឹមត្រូវចំមុខសញ្ញាបុគ្គលអ្នកទទួលផល រួមជាមួយនឹងការឧស្សាហ៍ព្យាយាម និងគិតគូរប្រកបដោយភាពច្នៃប្រតិដ្ឋរបស់ប្រជាជន គំរូផលិតកម្មប្រកបដោយប្រសិទ្ធភាពជាច្រើនត្រូវបានបង្កើតឡើង មិនត្រឹមតែបង្កើតប្រាក់ចំណូលស្ថិរភាពសម្រាប់គ្រួសារនីមួយៗប៉ុណ្ណោះទេ ថែមទាំងរួមចំណែកដល់ការកាត់បន្ថយភាពក្រីក្រ លើកកម្ពស់ជីវភាពរស់នៅ និងកសាងជនបទ Hoà Bình ឱ្យកាន់តែរីកចម្រើនទៀតផង៕
Kim Trúc
