នៅភូមិ Kinh Đứng ឃុំ Khánh Hưng ស្មារតីសាមគ្គី និងជួយគ្នាទៅវិញទៅមកកំពុងក្លាយជាកម្លាំងចលករមួយជួយឱ្យបងប្អូនស្ត្រីអភិវឌ្ឍសេដ្ឋកិច្ចរបស់ខ្លួន ព្រមទាំងកសាងសុភមង្គលគ្រួសារ និងរួមចំណែកក្នុងការកសាងមាតុភូមិផងដែរ។
បងប្អូននារីភូមិ Kinh Đứng ជម្រើសទម្រង់ផលិតសមស្របដើម្បីអភិវឌ្ឍសេដ្ឋកិច្ច។
ដោយឆ្លៀតយកផ្ទៃដីដែលនៅទំនេរជុំវិញផ្ទះ បងស្រី Nguyễn Thị Phong ដាំបន្លែ និងឈើហូបផ្លែសម្រាប់កែលម្អអាហារប្រចាំថ្ងៃផង និងបង្កើតប្រាក់ចំណូលផងដែរ។ បងប្អូននារីជាច្រើនដទៃទៀតបានជ្រើសរើសការធ្វើពាណិជ្ជកម្មខ្នាតតូច និងចិញ្ចឹមសត្វ ឬការដាំដំណាំដូចជាត្រសក់ជាដើម ដើម្បីអភិវឌ្ឍសេដ្ឋកិច្ចគ្រួសាររៀងៗខ្លួន។
បងស្រី Quách Thị Kim Luôn ប្រធានសមាគមនារីភូមិ Kinh Đứng បានឱ្យដឹង៖ បន្ទាប់ពីការរៀបចំឡើងវិញ និងការរួមបញ្ចូលគ្នារវាងភូមិ ចំនួនសមាជិក និងនារីក៏បានកើនឡើង។ បច្ចុប្បន្ន ភូមិ Kinh Đứng មានសមាជិកទាំងអស់ចំនួន ១១៧ នាក់ ក្នុងនោះនូវមាន ៨ គ្រួសារក្រ និង ១៧ គ្រួសារប្រកៀកបន្ទាត់ក្រ ព្រមទាំងសមាជិកនារីចំនួន ៣៦ នាក់ដែលជួបលំបាក និង ៦៩ នាក់ជាជនជាតិ Khmer។
«យើងខ្ញុំតែងរំលឹកដាស់តឿនដល់បងប្អូននារីគ្រប់រូបឱ្យផ្លាស់ប្តូរផ្នត់គំនិត របៀបធ្វើ និងត្រូវចេះប្រឹតសន្សំសំចៃផងដែរ។ សំខាន់គឺការចលនាបងប្អូននារីឱ្យចូលរួមក្នុងសមាគម ដើម្បីចែករំលែកការលំបាក និងជំនួយឧបត្ថម្ភគ្នាទៅវិញទៅមកក្នុងការរស់នៅ»។ បងស្រី Luôn បានចែករំលែក។
មិនត្រឹមអភិវឌ្ឍសេដ្ឋកិច្ចប៉ុណ្ណោះទេ នារីភូមិ Kinh Đứng ថែមទាំងបានបានចូលរួមយ៉ាងសកម្មក្នុងការចលនាកសាងជនបទថ្មី ការពារបរិស្ថាន អនុវត្តយុទ្ធនាការ «៥ គ្មាន ៣ ស្អាត» ដាំដើមឈើបៃតងសម្រាប់ធ្វើជារបង ថែរក្សាដងផ្លូវផ្កា ប្រមូលសំរាម និងកាត់បន្ថយការប្រើប្រាស់ផ្លាស្ទិចប្រើត្រឹមតែម្តង។ ទម្រង់សន្សំប្រាក់តាមវិធីចិញ្ចឹមជ្រូកដីក៏ត្រូវបានបន្តរក្សាផងដែរ សម្រាប់បង្កើតប្រភពប្រាក់ដើម្បីជួយបងប្អូននារីនូវពេលដែលប្រឈមមុខនឹងការលំបាក។
អ្នកស្រី Trần Thị Nương លេខាសាខាបក្ស និងជាប្រធានភូមិ Kinh Đứng បានវាយតម្លៃខ្ពស់ចំពោះការចូលរួមយ៉ាងសកម្មរបស់បងប្អូននារីសម្រាប់ស្រុកភាគ។ យោងតាមអ្នកស្រី Nương ចាប់ពីការកសាងជនបទថ្មី និងការការពារបរិស្ថាន រហូតដល់ការអភិវឌ្ឍសេដ្ឋកិច្ចគ្រួសារ បងប្អូននារីគ្រប់រូបតែងបង្ហាញពីស្មារតីទទួលខុសត្រូវ និងកាន់តែមានភាពសកម្មផងដែរ។
បន្ទាប់ពីការរៀបចំឡើងវិញនូវតំបន់លំនៅដ្ឋាន សកម្មភាពរបស់សមាគមនារីនៅតែប្រឈមមុខនឹងការលំបាកដោយសារតែតំបន់ភូមិសាស្ត្រធំទូលាយ សមាជិកច្រើន និងប្រភពធនធានមានកំណត់។ សមាគមសហព័ន្ធនារីឃុំ Khánh Hưng កំពុងច្នៃប្រតិដ្ឋវិធីសាស្រ្តប្រតិបត្តិការរបស់ខ្លួន បង្កើនកិច្ចប្រជុំចង្កោម វគ្គបណ្តុះបណ្តាល និងប្រើប្រាស់ក្រុម Zalo ដើម្បីផ្សព្វផ្សាយព័ត៌មានដល់សមាជិកឱ្យបានយ៉ាងឆាប់រហ័ស។
អ្នកមីង Phạm Thị Thắm អភិវឌ្ឍន៍សេដ្ឋកិច្ចគ្រួសារផ្តើមពីរបរលកឮដូរកំប៊ិចកំប៉ុកនៅផ្ទះរបស់ខ្លួន។
លោកស្រី Phan Cẩm Loan ប្រធានសមាគមសហព័ន្ធនារីឃុំ Khánh Hưng ឱ្យដឹង៖ ដើម្បីធានាបាននូវប្រសិទ្ធភាពនៃចលនាទាំងនេះ បន្ថែមពីលើការឯកភាពគ្នារបស់បងប្អូនប្រជាជន ប្រភពធនធានមនុស្ស និងថវិកាក៏ត្រូវការណាស់ដែរ។ នេះក៏ជាការលំបាកមួយដែលត្រូវតែដោះស្រាយ ដើម្បីរក្សានិងពង្រីកទម្រង់ការពារបរិស្ថាន កសាងគ្រួសារដែលបំពេញតាមលក្ខណៈ វិនិច្ឆ័យ និងការបង្កើតទេសភាពជនបទបៃតង ស្អាត និងស្រស់ស្អាត។
ការតភ្ជាប់នេះមិនត្រឹមតែជួយសមាជិកនារីអភិវឌ្ឍសេដ្ឋកិច្ចប៉ុណ្ណោះទេ ថែមទាំងបង្កើតជាមូលដ្ឋានគ្រឹះសម្រាប់កសាងសង្គមគ្រួសារមានសុភមង្គល សហគមន៍រួបរួម និងមាតុភូមិដែលមានភាពរុងរឿងជាងមុន។ ដោយមានស្មារតី "ចូលជ្រៅ នៅជិត" ការយល់ដឹងអំពីផ្នត់គំនិត និងសេចក្តីប្រាថ្នារបស់សមាជិកគ្រប់រូប និងបន្តលើកកម្ពស់ទម្រង់ដែលមានប្រសិទ្ធភាព បងប្អូននារីភូមិ Kinh Đứng កំពុងផ្លាស់ប្តូរការបង្រួបបង្រួមឱ្យក្លាយទៅជាប្រភពកម្លាំងដើម្បីរួមគ្នាឈានឡើង៕
Hoàng Vũ
