ដោយបញ្ជាក់ការកាត់បន្ថយក្រប្រកបដោយចីរភាពជាភារកិច្ចដ៏សំខាន់មួយ ឃុំ Vĩnh Phước ផ្តោតលើការឧបត្ថម្ភគ្រួសារក្រ ជាពិសេសគ្រួសារជនជាតិភាគតិច ដើម្បីមានលក្ខណៈឈានឡើងតាមរយៈការខិតខំប្រឹងប្រែងផ្ទាល់ខ្លួន បង្កើតការងារធ្វើ និងផ្តល់ការឧបត្ថម្ភសម្រាប់ជីវភាពរស់នៅរយៈកាលយូរអង្វែង។ តាមរយៈវិធីសាស្រ្តជាក់ស្តែងនេះ គ្រួសារជាច្រើនបានបង្កើនប្រាក់ចំណូលរបស់ខ្លួនបន្តិចម្តងៗ ព្រមទាំងលំនឹងជីវភាពទៀតផង។
ផ្តើមពីជ្រូកពូជចំនួន ៨ ក្បាល រួមជាមួយចំណី ៦៥០ គីឡូក្រាមដែលទទួលបានពីការឧបត្ថម្ភក្នុងឆ្នាំ ២០២៥ បងស្រី Danh Thị Bịt ក៏ពង្រីកការហ្វូងចិញ្ចឹមជាបន្តបន្ទាប់ ដើម្បីបង្កើនប្រាក់ចំណូលជាប្រចាំ និងស្តារជីវភាពរស់នៅ។
រយៈពេលកន្លង ដើម្បីកាត់បន្ថយភាពក្រីក្រយ៉ាងពិតប្រាកដ ភូមិភាគក៏បានពិនិត្យឡើងវិញនូវគ្រួសារនីមួយៗ និងកំណត់មូលហេតុ ផ្តើមពីនោះក៏បានអនុវត្តវិធានការឧបត្ថម្ភសមស្របផងដែរ។ យោងតាមការងារជាក់ស្តែងបានបញ្ជាក់ឱ្យឃើញថា ការដែលឧបត្ថម្ភត្រឹមត្រូវតាមតម្រូវការ រួមជាមួយនឹងការបំផុសគំនិតឆន្ទៈក្នុងការកែលម្អ ជួយឱ្យប្រភពធនធាននៃការកាត់បន្ថយភាពក្រីក្រមានប្រសិទ្ធភាព បង្កើតជាមូលដ្ឋានគ្រឹះសម្រាប់ការកាត់បន្ថយក្រប្រកបដោយចីរភាព។ ជាភស្តុតាង នៅឆ្នាំ ២០២៥ កម្មវិធីឧបត្ថម្ភចិញ្ចឹមជ្រូក និងចំណីសត្វបានជួយគ្រួសារជនជាតិភាគតិចជាច្រើនអភិវឌ្ឍន៍ចិញ្ចឹម ព្រមទាំងបង្កើនប្រាក់ចំណូលរបស់គ្រួសារទៀតផង។ គ្រួសារអ្នកមីង Danh Thị Thoa នៅភូមិ Huê I ព្រមទាំងបងស្រី Danh Thị Bịt នៅភូមិ Bình Bảo។ល។ សុទ្ធសឹងជាករណីដ៏ឆ្នើមផងដែរ។ ផ្តើមពីការជំនួយឧបត្ថម្ភ បណ្តាគ្រួសារទាំងនេះកាន់តែមានលក្ខណៈអភិវឌ្ឍហ្វូងជ្រូករបស់ខ្លួន ធ្វើឱ្យជីវិតរស់នៅកាន់តែប្រសើរឡើងជាសន្សឹមៗផងដែរ។
សមមិត្ត Sơn Sà Lang លេខាសាខាបក្ស និងជាប្រធានភូមិ Huê I បានមានប្រសាសន៍ថា៖ ភូមិនេះបច្ចុប្បន្នមានគ្រួសារជនជាតិ Khmer ចំនួន ៧០ គ្រួសារ។ ប្រការដែលគួរឱ្យសប្បាយរីករាយថែមទៀតនោះគឺរហូតមកទល់ពេលនេះ ភូមិ Huê I លែងមានគ្រួសារក្រីក្រ ឬប្រកៀកបន្ទាត់ក្រទៀតហើយ។ លទ្ធផលនេះមិនត្រឹមតែឆ្លុះបញ្ចាំងពីប្រសិទ្ធភាពនៃគោលនយោបាយឧបត្ថម្ភប៉ុណ្ណោះទេ ថែមទាំងបង្ហាញពីតួនាទីរបស់សហគមន៍ គំនិតផ្តួចផ្តើមរបស់ប្រជាជន និងវិធីសាស្រ្តជាក់ស្តែងនៅកម្រិតមូលដ្ឋានផងដែរ។
យោងតាមលោក Trần Quốc Toàn អនុប្រធានគណៈកម្មាធិការប្រជាជនឃុំ Vĩnh Phước រយៈពេលកន្លង ភូមិភាគតែងអនុវត្តការងារកាត់បន្ថយក្រយ៉ាងសកម្ម ជាពិសេសក្នុងជនរួមជាតិភាគតិច។ ក្រៅពីធានាថាគោលនយោបាយឧបត្ថម្ភត្រូវបានអនុវត្តយ៉ាងត្រឹមត្រូវ និងស្របតាមបទប្បញ្ញត្តិ ឃុំផ្តោតលើការបង្កើតជីវភាពរស់នៅប្រកបដោយចីរភាព និងលើកទឹកចិត្តប្រជាជនឱ្យខិតខំឈានឡើង។
ឃុំ Vĩnh Phước បានជំរុញយ៉ាងខ្លាំងខ្លាល្បឿននៃការសង់ផ្ទះជូនគ្រួសារដែលជួបលំបាក ដោយធានាថានិងឧបត្ថម្ភត្រឹមត្រូវលើបុគ្គលអ្នកទទួលផល រួមចំណែកអនុវត្តមានប្រសិទ្ធភាពគោលនយោបាយសន្តិសុខសង្គម និងកាត់បន្ថយក្រចីរភាព។
បច្ចុប្បន្ន ឃុំ Vĩnh Phước មានគ្រួសារក្រ និងប្រកៀកបន្ទាត់ក្រចំនួន ៨៩ គ្រួសារ។ ក្នុងនោះមាន ៣ គ្រួសារក្រ និង ១០ គ្រួសារប្រកៀកបន្ទាតក្រក្នុងជនរួមជាតិភាគតិច។ យោងតាមសេចក្តីសម្រេចលេខ ០៦/២០២៦ ឃុំបានខិតខំកាត់បន្ថយអត្រាភាពក្រីក្រពហុវិមាត្រចំនួន ០,២៧% ដោយមានគោលបំណងលុបបំបាត់គ្រួសារក្រីក្រយ៉ាងហោចណាស់ ១ គ្រួសារ និងគ្រួសារប្រកៀកបន្ទាត់ក្រ ២ គ្រួសារក្នុងឆ្នាំនេះ។ ដើម្បីសម្រេចបាននូវគោលដៅនេះ ឃុំ Vĩnh Phước កំពុងបន្តច្នៃប្រតិដ្ឋខាងវិធីសាស្ត្រផ្សព្វផ្សាយ និងលើកកម្ពស់ចំណេះដឹងស្តីពីការកាត់បន្ថយក្រ ផ្តើមពីនោះក័សហការជាយ៉ាងមឹងម៉ាត់រាល់វិធីសាស្ត្រនៃគារឧបត្ថម្ភជីវភាពរស់នៅ និងដើមទុន បណ្តុះបណ្តាវិជ្ជាជីវៈ ព្រមទាំងដោះស្រាយការងារធ្វើ និងណែនាំអំពីបច្ចេកទេសក្នុងករាផលិត។
ដោយមានការចូលរួមពីប្រព័ន្ធនយោបាយទាំងមូល ការគាំទ្រពីសហគមន៍ និងលើសពីនេះទៅទៀត ការប្តេជ្ញាចិត្តរបស់គ្រួសារនីមួយៗក្នុងការកែលម្អជីវិតរបស់ពួកគេ ឃុំ Vĩnh Phước កំពុងលុបបំបាត់ភាពក្រីក្របន្តិចម្តងៗក្នុងសហគមន៍ជនរួមជាតិភាគតិច និងកសាងតំបន់អភិវឌ្ឍន៍ប្រកបដោយចីរភាព៕
Kiều Nương
