សម្រាប់គ្រួសារជនជាតិភាគតិចជាច្រើនដែលកំពុងប្រឈមមុខនឹងការលំបាក ការចាប់ផ្តើមឱ្យឆ្នាំសិក្សាថ្មីមិនត្រឹមតែជាសេចក្តីរីករាយសម្រាប់កុមារប៉ុណ្ណោះទេ ប៉ុន្តែវាក៏ជាប្រភពនៃការព្រួយបារម្ភអំពីការចំណាយទិញឧបករសម្ភារៈនៅដើមឆ្នាំសិក្សាថ្មីផងដែរ។ នៅតាមតំបន់ដែលមានប្រជាជន Khmer រស់នៅច្រើនដូចជា សង្កាត់ Hiệp Thành ការខិតខំប្រឹងប្រែងរួមគ្នារបស់សហគមន៍កំពុងផ្តល់ធនធានបន្ថែមដើម្បីជួយសិស្សក្រីក្រឱ្យចូលរៀនដោយទំនុកចិត្ត។
វិរសេនីយ៍ទោ Nguyễn Hoàng Danh ស្នងការនគរបាលរងសង្កាត់ Hiệp Thành ផ្តល់អំណោយរបស់គណៈកម្មាធិការប្រជាជនសង្កាតដល់សិស្សានុិស្សជាកូន Khmer ជួបលំបាកមុនឆ្នាំសិក្សាថ្មី។
ដោយគ្មានដីផលិត និងពឹងផ្អែកជាចម្បងលើកម្លាំងពលកម្មស៊ីឈ្នួលដើម្បីរកប្រាស់ចិញ្ជឹមជីវភាពគ្រួសារ លោក Thạch Đời នៅអនុសង្កាត់ Giồng Giữa អស់រយៈពេលជាច្រើនឆ្នាំជារៀងរាល់ឆ្នាំ។ កូនច្បងពីរនាក់របស់គាត់ធ្វើការនៅឆ្ងាយ ហើយកូនពៅពីរនាក់របស់គាត់ដែលកំពុងរៀបចំចូលរៀនថ្នាក់ទីមួយ និងទីពីរនៅតែខ្វះលុយទិញសៀវភៅកត់ត្រា និងសម្ភារៈសិក្សា។
លោក Thạch Đời បានចែករំលែកថា៖ «អ្វីដែលខ្ញុំព្រួយបារម្ភបំផុតនៅពេលនេះគឺរបៀបរៀបចំសម្ភារៈចាំបាច់ដើម្បីឱ្យកូនៗរបស់ខ្ញុំអាចទៅសាលារៀនដូចមិត្តភក្តិរបស់ពួកគេ។ ប្រាក់ចំណូលមិនស្ថិតស្ថេរធ្វើឱ្យការចំណាយទាំងអស់នៅដើមឆ្នាំសិក្សាក្លាយជាបន្ទុកធ្ងន់សម្រាប់គ្រួសារខ្ញុំ»។
ដោយប្រឈមមុខនឹងការលំបាកស្រដៀងគ្នាផងនោះ ប្តីប្រពន្ធបង Thạch Quol នៅអនុសង្កាត់ Biển Tây B ក៏រកប្រាក់ចិញ្ចឹមជីវិតតាមរយៈស៊ីឈ្នួលដើម្បីចិញ្ចឹមកូនតូចៗ ៣ នាក់។ ឆ្នាំសិក្សានេះ កូនច្បងរបស់គាត់កំពុងត្រៀមចូលថ្នាក់ទី ៦ ហើយកូនទីពីរកំពុងចូលថ្នាក់ទី៣។ ទោះបីឆ្នាំសិក្សាថ្មីជិតឈានចូលមកដល់ក៏ដោយ ក៏ប្តីប្រពន្ធបងនៅតែតស៊ូដើម្បីរៀបចំសៀវភៅកត់ត្រា និងសម្ភារៈសិក្សាសម្រាប់កូនៗរបស់ខ្លួនដែរ។
បង Thạch Quol បានមានប្រសាសន៍ថា៖ “ខ្ញុំពីរនាក់ប្តីប្រពន្ធតែងខិតខំព្យាយាមអស់ពីសមត្ថភាពដើម្បីធ្វើការ សន្សំប្រាក់ផ្គត់ផ្គង់ការសិក្សារបស់កូនៗ ប៉ុន្តែជីវិតនៅតែពិបាក ដូច្នេះការរៀបចំសម្រាប់ឆ្នាំសិក្សាថ្មីនៅតែជាសម្ពាធដ៏ធំមួយផងដែរ”។
Hiệp Thành គឺជាសង្កាត់មួយដែលមានជនរួមជាតិ Khmer រស់នៅច្រើនទូទាំងខេត្ត។ រយៈពេលប៉ុន្មានឆ្នាំកន្លងមកនេះ សង្កាត់តែងតែផ្តល់អាទិភាពដល់ការអប់រំ និងបង្កើតឱកាសសម្រាប់ប្អូនៗកុមារចូលរៀន នឹងសម្រាប់គ្រួសារដែលប្រឈមមុខនឹងការលំបាក។ ការជមនួយឧបត្ថម្ភទាន់ពេលវេលាមិនត្រឹមតែជួយកាត់បន្ថយបន្ទុកភ្លាមៗប៉ុណ្ណោះទេ ថែមទាំងបង្កើតទំនុកចិត្តដល់កូនៗរបស់ពួកគេឱ្យបន្តការសិក្សាទៀតផង។
លោក Huỳnh Trọng Nhân ម្ចាស់ហាងអាវវែង Trọng Nhân ជូនអំណោយ "ជំនួយប្អូនៗទៅសាលា" សម្រាប់សិស្សជួបលំបាកនៅសង្កាត់ Hiệp Thành។
ដោយយល់ឃើញពីការលំបាកដែលគ្រួសារទាំងនេះកំពុងជួបប្រទះ សមាគមសម្ព័ន្ធយុវជនសង្កាត់ Hiệp Thành ថ្មីៗនេះបានចលនាសំលផកបំពាក់អាវវែ Trọng Nhân ចាត់តាំងកម្មវិធី "ជំនួយសិស្សទៅសាលា" ដោយផ្តល់កញ្ចប់អំណោយចំនួន ៥០ ចំណែក មួយចំណែកៗសរុបតម្លៃជាទឹកប្រាក់ ៣០០ ពាន់ដុង រួមទាំងសំពៀត សៀវភៅ និងឧបករសិក្សាដល់សិស្សជាជនជាតិភាគតិចដែលមានជីវភាពខ្វះខាតទៀតផង។ សម្ព័ន្ធយុវជន និងសមាគមសិស្សខេត្ត Cà Mau ក៏បានសហការជាមួយក្រុមហ៊ុនភាគហ៊ុនផ្គត់ផ្គង់ទឹក Bạc Liêu ដើម្បីផ្តល់អំណោយ និងអាហារូបករណ៍ចំនួន ៤០ ចំណែកដល់សិស្សដែលមានជីវភាពខ្វះខាត និងសិស្សជនជាតិភាគតិចនៅសាលាបឋមសិក្សា Trần Quốc Toàn។
ទោះបីជាអំណោយទាំងនោះមិនមានតម្លៃជាប្រាក់ច្រើនក៏ដោយ ក៏វាមកដល់ទាន់ពេលវេលា ដើម្បីជួយប្អូនៗក្រីក្រ នៅពេលដែលពួកគេចាប់ផ្តើមឈានចូលឆ្នាំសិក្សាថ្មី។ អ្វីដែលសំខាន់ជាងនេះទៅទៀត ទង្វើសប្បុរសធម៌ទាំងនេះបន្តផ្សព្វផ្សាយស្មារតីនៃការចែករំលែក ដោយប្រមូលផ្តុំអង្គការ អាជីវកម្ម បុគ្គល និងប្រព័ន្ធនយោបាយកាន់តែច្រើនឱ្យចូលរួមគាំទ្រសិស្សដែលមានជីវភាពខ្វះខាតផងដែរ។
ដើម្បីធានាថារដូវកាលចូលរៀនវិញម្តងៗ លែងជាប្រភពនៃការព្រួយបារម្ភទៀតហើយ ប៉ុន្តែជាសេចក្តីរីករាយនៃការចូលរៀន នេះជារបៀបដែលសហគមន៍កំពុងផ្តល់ឱកាសសិក្សាបន្ថែមទៀត និងសាបព្រួសគ្រាប់ពូជនៃក្តីសង្ឃឹមសម្រាប់អនាគត៕
Kim Trúc
