តាមរយៈបណ្ដាទម្រង់ជាក់ស្ដែងជាច្រ់ន សមាគមសហព័ន្ធនារីឃុំវិញមី បានឧបត្ថម្ភសមាជិកា ពិសេសគឺស្ត្រីជនជាតិខ្មែរ ឱ្យអភិវឌ្ឍមុខរបរចិញ្ចឹមជីវិត បង្កើនប្រាក់ចំណូល និងឈានទៅរកស្ថិរភាពជីវភាពជាសន្សឹមៗទៀតផង។
មូលនិធិហ៊ុនដើមទុនជួយបងប្អូននារីខ្មែរជាច្រើនអភិវឌ្ឍសេដ្ឋកិច្ចគ្រួសារ។
ខែមេសា ឆ្នាំ ២០២៦ “ក្រុមនារីជនជាតិបានឆ្លៀតយកៀផ្ទៃដីទំនេរសម្រាប់ដាំដំណាំរួមផ្សំ” នៅភូមិអានង៉ីប ត្រូវបានបង្កើតឡើងដោយមានសមាជិកា ១៨ នាក់។ ពីប្រភពមូលនិធិហ៊ុនទុនដោយស្ម័គ្រចិត្ត បងប្អូននារីមានលក្ខណៈបន្ថែមក្នុងការវិនិយោគផលិតកម្ម និងកែលម្អប្រាក់ចំណូល។
លោកស្រី ទ្រឿងមីអាញ់ អនុប្រធានសមាគមសហព័ន្ធនារីឃុំវិញមី ឱ្យដឹង៖ ក្រៅពីការដាំដំណាំរួមផ្សំ សមាគមថែមទាំងផ្សារភ្ជាប់ ឧបត្ថម្ភបងប្អូននារីអភិវឌ្ឍរបរតម្បាញនៅនឹងផ្ទះ។ ក្រុមហ៊ុនផ្គត់ផ្គង់វត្ថុធាតុដើម និងប្រមូលទិញផលិតផលតាមសប្តាហ៍ ជួយសមាជិកាទាំងឡាយឆ្លៀតពេលទំនេរដើម្បីរកប្រាក់ចំណូលបន្ថែម។ ពេលខាងមុខ សមាគមនឹងស្រាវជ្រាវពង្រីកទម្រង់នេះទៅកាន់បណ្តាភូមិផ្សេងទៀត។
ពីប្រភពទុនចូលរួម បងប្អូននារីជាច្រើនបានកែច្នៃផ្ទៃដីទំនេរជុំវិញផ្ទះដើម្បីដាំដំណាំរួមផ្សំ។ បន្លែផ្លែឈើមិនត្រឹមតែបម្រើអាហារក្នុងគ្រួសារប៉ុណ្ណោះទេ ថែមទាំងបង្កើតប្រភពចំណូលបន្ថែមពីផលិតផលដែលនៅសេសសល់យកទៅលក់នៅផ្សារមូលដ្ឋានទៀតផង។
ទម្រង់ត្បាញរបស់បងប្អូននារីខ្មែរនៅភូមិអានង៉ីប។
អ្នកមីង យ័ញធីចន សមាជិកនារីភូមិអានង៉ីប បានចែករំលែកថា៖ «តាំងពីចូលរួមក្រុមហ៊ុនទុនមក ខ្ញុំមានប្រាក់បន្ថែមសម្រាប់ទិញពូជ និងពង្រីកផ្ទៃដីដាំដំណាំរួមផ្សំផងដែរ។ បន្លែទើបតែល្មមហូប ចំណែកនៅសល់យកទៅលក់ដើម្បីទូទាត់ថ្លៃភ្លើង ថ្លៃទឹក។ ពេលខាងមុខ ខ្ញុំគ្រោងនឹងដាំបន្ថែមត្រកួន និងស្ពៃខៀវជាដើម»។
ទន្ទឹមនឹងការដាំដំណាំរួមផ្សំ របរតម្បាញបានបើកចេញនូវទិសដៅបង្កើតការងារធ្វើបន្ថែមសម្រាប់ស្ត្រីខ្មែរ។ តាមរយៈការតភ្ជាប់របស់សមាគមនារី បងប្អូនទទួលបានប្រភពវត្ថុធាតុដើមនៃប្រភេទកក់អ៊ូយូ ពីក្រុមហ៊ុនជាដៃគូ និងបានឧបត្ថម្ភម៉ាស៊ីនកែច្នៃសរសៃផងដែរ។ ដោយតម្លៃប្រមូលទិញ ៧ ពាន់ដុង/គីឡូក្រាម សមាជិកម្នាក់ៗអាចរកចំណូលបានចាប់ពី ២ ដល់ ៣ លានដុង/ខែ អាស្រ័យលើបរិមាណផលិតផល នៅនឹងផ្ទះតែម្តង។
ទម្រង់ឆ្លៀតយកផ្ទៃដីទំនេរដើម្បីដាំដំណាំរួមផ្សំរបស់អ្នកមីង យ័ញធីចន (ខាងឆ្វេងបង្អស់) សមាជិកនារីខ្មែរភូមិអានង៉ីប។
លោកស្រី យ័ញធីអៀន សមាជិកានារីភូមិអានង៉ីប ឱ្យដឹងថា៖ «អាស្រ័យដោយទទួលបានការឧបត្ថម្ភទុនដាំដំណាំរួមផ្សំ និងរបរត្បាញនៅផ្ទះ ខ្ញុំទើបតែម្ចាស់ការជូនកូនទៅសាលារៀន ថែមទាំងមានប្រាក់សម្រាប់ទូទាត់ការចំណាយក្នុងជីវភាពប្រចាំថ្ងៃទៀតផង»។
បណ្ដាទម្រង់នៅភូមិអានង៉ីប កំពុងជួយសមាជិកនារីទាំងឡាយពង្រីកកម្លាំងផ្ទៃក្នុង ឆ្លៀតយកពេលវេលា និងប្រភពធនធានដែលមានស្រាប់ដើម្បីអភិវឌ្ឍសេដ្ឋកិច្ចគ្រួសារ។ ឆ្លងតាមនោះ តួនាទីរួមដំណើររបស់អង្គការសមាគមក៏ត្រូវបានបង្ហាញយ៉ាងច្បាស់តាមរយៈការឧបត្ថម្ភជាក់ស្តែង ជិតដិតនឹងតម្រូវការ បង្កើតឱកាសបន្ថែមសម្រាប់បងប្អូននារីឈានឡើងធ្វើឱ្យជីវភាពមានស្ថិរភាព៕
អត្ថបទនិងរូប៖ ង៉ុកគ្វៀន
