អនុវត្តសេចក្ដីសម្រេចលេខ ២៥ របស់មន្ទីរជនជាតិ និងសាសនាខេត្ត Cà Mau ស្តីពីការអនុវត្តសាកល្បងទម្រង់រូបភាពឧបត្ថម្ភអភិវឌ្ឍផលិតកម្ម សម្រុះមុខនៃរបរចិញ្ចឹមជីវិតសហគមន៍ មាន ១០ គ្រួសារក្រីក្រ និងជួបការលំបាកជាជនរួមជាតិ Khmer នៅឃុំ Vĩnh Hậu ត្រូវបានឧបត្ថម្ភពូជសត្វ និងចំណីសត្វចិញ្ចឹម។ ពីប្រភពឧបត្ថម្ភជាក់ស្ដែងនេះ មាមីងបងប្អូនមានបន្ថែមមុខរបរចិញ្ចឹមជីវិត ចំណូល និងសេចក្ដីរីករាយទទួលបុណ្យសែនដូនតាផងដែរ។
លោក Kim Xô Đa កំពុងថែទាំហ្វូងជ្រូក។
គ្រួសារលោក Kim Xô Đa នៅភូមិ Vĩnh Thạnh ស្ថិតក្នុងគ្រួសារក្រីក្រ មានកូនតូច ៣ នាក់។ ពីមុនមក ចំណូលរបស់គ្រួសារពឹងផ្អែកជាចម្បងលើការបកបង្គាស៊ីឈ្នួលរបស់ប្រពន្ធ និងការអូសបង្គាឈ្នួលរបស់លោកផ្ទាល់ផងដែរ ជីវភាពរស់នៅជួបការលំខ្លាំង។
គ្រួសារលោកទទួលបានការឧបត្ថម្ភកូនជ្រូកពូជចំនួន ៦ ក្បាល ព្រមទាំងប្រាក់សម្រាប់ទិញចំណី ប្រភពដើមទុនសរុប ២០ លានដុង រួមមានប្រាក់ទិញពូជ ១២ លានដុង និងប្រាក់ទិញចំណី ៨ លានដុងផងដែរ។ ក្រោយរយៈពេលជាង ៤ ខែខិតខំយកចិត្តទុកដាក់ថែទាំ ហ្វូងជ្រូកក៏លូតលាស់បានល្អ ទម្ងន់ជិត ១០០ គីឡូក្រាម/ក្បាល។
លោក Kim Xô Đa បានឱ្យដឹងថា៖ នឹងលក់ហ្វូងជ្រូកចេញមុនថ្ងៃបុណ្យសែនដូនតា ដើម្បីមានប្រាក់បន្ថែមសម្រាប់ផ្គត់ផ្គង់គ្រួសារ ព្រមទាំងរក្សាទុកមួយក្បាលសម្រាប់ធ្វើពូជ ដើម្បីបន្តចិញ្ចឹមបង្កើនហ្វូងឡើងវិញ។
នៅភូមិជាមួយគ្នាដែរ គ្រួសារលោក Thạch Phép ក៏ទទួលបានការឧបត្ថម្ភកូនជ្រូកពូជចំនួន ៦ ក្បាលផងដែរ។ ប្តីប្រពន្ធលោកធ្វើកម្មករសំណង់ និងទទួលចម្អិនម្ហូបការ-បុណ្យស៊ីឈ្នួល កាលពីមុនចង់ចិញ្ចឹមជ្រូកដែរ ប៉ុន្តែគ្មានដើមទុន។ តាមការគ្រោងទុក លោកនឹងលក់ហ្វូងជ្រូកចេញមុនថ្ងៃបុណ្យប្រមាណ ៣ ថ្ងៃ រក្សាទុកមួយក្បាលធ្វើមេពូជ ហើយបន្តទិញបន្ថែមដើម្បីពង្រីកហ្វូងក្នុងវគ្គចិញ្ចឹមបន្ទាប់។
មកទល់ពេលនេះ ហ្វូងជ្រូកទាំងអស់របស់ ១០ គ្រួសារដែលទទួលផលពីគម្រោងនៅឃុំ Vĩnh Hậu សុទ្ធតែសម្រេចបានទម្ងន់ពី ៨០ ដល់ ៩០ គីឡូក្រាម/ក្បាល។ ដើម្បីជួយឱ្យមាមីងបងប្អូនក្ដាប់រឹងមាំនូវបច្ចេកទេស រដ្ឋអំណាចភូមិភាគបានម្ចាស់ការរួមដំណើរយ៉ាងដិតដល់ក្នុងដំណើរការចិញ្ចឹមទាំងមូល។
លោក Trương Đồng Ba អនុប្រធានការិយាល័យវប្បធម៌ - សង្គមឃុំ Vĩnh Hậu បានឱ្យដឹងថា៖ “ការិយាល័យវប្បធម៌បានសហការជាមួយការិយាល័យសេដ្ឋកិច្ច មជ្ឈមណ្ឌលប្រយោជន៍សាធារណៈរបស់ឃុំ ឧបត្ថម្ភមាមីងបងប្អូនផ្នែកបច្ចេកទេស ជាពិសេសគឺបញ្ហាបសុព្យាបាល និងដំណើរការថែទាំចិញ្ចឹមជ្រូក។ ក្រោយរយៈពេលជាង ៤ ខែផ្សព្វផ្សាយអនុវត្ត លទ្ធផលសម្រេចបានគឺគួរជាក្តីសង្ឃឹមណាស់ដែរ។ គ្រោងទុកថា ការលក់ចេញក្នុងឱកាសបុណ្យសែនដូនតាឆ្នាំនេះ នឹងនាំមកនូវប្រាក់ចំណេញពី ១០ ដល់ ១៥ លានដុងសម្រាប់គ្រួសារនីមួយៗ”។
កម្មាភិបាលឃុំ Vĩnh Hậu អញ្ចើញចុះសួរសុខទុក្ខគ្រួសារប្រជាជនជាប្រចាំ ដើម្បីឧបត្ថម្ភបច្ចេកទេស និងថែទាំបសុព្យាបាលដល់ហ្វូងជ្រូកនៃគម្រោង។
ក្រៅពីនោះ គម្រោងថែមទាំងកសាងយន្តការបង្វិលទុនបង្កប់អត្ថន័យសហគមន៍យ៉ាងជ្រាលជ្រៅ។ ក្រោយពេលបញ្ចប់វគ្គចិញ្ចឹម គ្រួសារនីមួយៗនឹងបង់ប្រគល់ជូនគណៈកម្មាធិការប្រជាជនឃុំវិញចំនួនទឹកប្រាក់ ២០% នៃថវិកាឧបត្ថម្ភ (ស្មើនឹង ៤ លានដុង)។ ប្រភពទុននេះនឹងបន្តយកទៅបង្វិល ផ្ដល់ឱកាសមុខរបរចិញ្ចឹមជីវិតដល់បណ្ដាគ្រួសារលំបាកផ្សេងទៀតលើភូមិសាស្ត្រ។
ការឧបត្ថម្ភជាក់ស្ដែងពីបណ្ដាគោលនយោបាយជនជាតិ មិនត្រឹមតែដោះស្រាយបញ្ហាចំណូលចំពោះមុខប៉ុណ្ណោះទេ ថែមទាំងបង្កើតកម្លាំងចលករឈានឡើងកាត់បន្ថយភាពក្រីក្រប្រកបដោយចីរភាព ជូនចំពោះបងប្អូនជនរួមជាតិ Khmer ឃុំ Vĩnh Hậu ធ្វើឱ្យរដូវបុណ្យសែនដូនតាកាន់តែមានភាពអ៊ូអរ និងកក់ក្ដៅថែមទៀត៕
Ngọc Quyên
