ប៉ុន្មានឆ្នាំថ្មីៗនេះ ជីវភាពបងប្អូនជនរួមជាតិខ្មែរលើភូមិសាស្ត្រស្រុក ង៉ុកហៀងក៏មានការប្តូរផ្លាស់គួរឲ្យកត់សម្គាល់ ព្រមទាំងមានគ្រួសារជាច្រើនខិតខំពលកម្មផលិត រកស៊ីដើម្បីឈាន ឡើងលំនឹងជីវភាព។
កាលពីមុន គ្រួសារលោក ថាច់ផល នៅភូមិកៃម៉ោយ ឃុំដឹកមូយ ស្រុកង៉ុកហៀង ធ្លាប់ជាគ្រួសារក្ររបស់ភូមិផងដែរ។ ជីវភាពជួបលំបាក តែអាស្រ័យខិតខំព្យាយាមពលកម្មផលិត លោកផល ក៏មានប្រាក់សម្រាប់ ជួលដីចិញ្ចឹមគ្រំឈាមលក់ រាល់ឆ្នាំគ្រួសារទទួលបានប្រាក់ចំណូលជាង៣០ លានដុងសម្រាប់ផ្គត់ផ្គង់ជីវភាពគ្រួសារ ព្រមទាំងរួចចាកក្រ។
លោកថាច់ផល ជាមួយទម្រង់ចិញ្ចឹមគ្រំឈាមគួបផ្សំផ្តល់ប្រាក់ ចំណូលរាល់ឆ្នាំជាង៣០លានដុង។
លោកថាច់ផល មានប្រសាសន៍៖ “ពីមុនគ្រួសារខ្ញុំក្រខ្លាំងណាស់គ្មាន មុខរបរការងារធ្វើនឹងនរ ខ្ញុំត្រូវដើរចាប់កត្តាមចាប់ខ្យងដើម្បីផ្គត់ផ្គង់ជីវភាពគ្រួសារប្រចាំថ្ងៃ។ តែសព្វថ្ងៃគ្រួសារខ្ញុំក៏បានលំនឹងល្អប្រសើរដែរហើយ ដោយបានរដ្ឋអំណាចភូមិភាគជំនួយឧបត្ថម្ភសង់ផ្ទះយ៉ាងធំទូលាយ បង្កើនការផលិត ចិញ្ចឹមគ្រំឈាមទទួលបានប្រាក់ចំណូលនឹងនរ។ មិនក្រលំបាកដូចកាលពី មុនទៀតនោះទេ។ យើងត្រូវខិតខំពលកម្ម មិនត្រូវពឹងលើជំនួយឧបត្ថម្ភរបស់រដ្ឋតែម្យ៉ាងប៉ុណ្ណោះទេ។ ក្រជាការលំពាកធ្ងន់ធ្ងូរសម្រាប់រដ្ឋអំណាចភូមិភាគ ព្រមទាំងប៉ះពាល់យ៉ាងធំដល់ដំណើរការកសាងជនបទថ្មីទៀតផង”។
ជាអ្នករួមភូមិតែមួយ លោកយឺវុំាងបៃ ក៏សកម្មក្នុងការផលិតផលិតណាស់ដែរដើម្បីពង្រីកសេដ្ឋកិច្ចគ្រួសារ ឆ្លៀតយកផ្ទៃដីស្រះចិញ្ចឹមបង្គារបស់គ្រួសារដើម្បីចិញ្ចឹមគ្រំឈាម និងត្រីតុកកែទំនិញដើម្បីកើនប្រាក់ចំណូល។ ជាមួយ ទម្រង់ទាំង២ដូចបានពោលខាងលើ រាល់ឆ្នាំផ្តល់ប្រាក់ចំណូលជូនគ្រួសារ លោកជាង៥០លានដុង។ សម្រាប់លោកបៃផ្ទាល់ មិនព្រមបញ្ឈប់ត្រឹម នេះនោះទេ លោកតែងសិក្សាស្វែងយល់បន្ថែមទម្រង់ផលិតមានប្រសិទ្ធភាពដើម្បីអនុវត្ត ស្តារជីវភាពសេដ្ឋកិច្ចគ្រួសារ។ ផ្តើមពីគ្រួសារគ្មានដីផលិត មក ទល់សព្វថ្ងៃជីវភាពគ្រួសារលោកបៃក៏បានធូរធាប្រសើរជាងមុនណាស់ដែរ។
លោកបៃ ដោះដូរបទពិសោធក្នុងការចិញ្ចឹមត្រីតុកកែ។
លោកយឺវុំាងបៃ បានអះអាងថា៖ “មានសុខភាពមាំមួន ប្តេជ្ញាចិត្តខិតខំ ព្យាយាមរកស៊ី និងចេះប្រឹតសំចៃក្នុងការប្រើប្រាស់ប្រចាំថ្ងៃគឺមិនភ័យខ្លាចខ្លួនក្រនោះទេ។ កាលពីមុន គ្រួសារខ្ញុំតែងសង្ឃឹមថានឹងមានផ្ទះស្នាក់នៅលឹងនរដូចគេឯង និងមានទូរទស្សន៍សម្រាប់តាមដានព័ត៌មានផ្សេងៗ តែឥឡូវក៏ សង់បានផ្ទះរឹងមាំ ថែមទាំងទិញបានសម្ភារៈប្រើប្រាស់យ៉ាងគ្រប់គ្រាន់ទៀតផង”។
លោកវុំាងបៃប្រមូលផលគ្រំឈាម។
លោកង្វៀងវុំាងហៀង ប្រធានភូមិកៃម៉ោយ វាយតម្លៃ៖ “លើភូមិសាស្ត្រ ភូមិកៃម៉ោយមានលោកបៃ និងលោកផល គ្រួសារជនជាតិខ្មែរទាំងពីរនេះតែងខិតខំប្រឹងប្រែងរកស៊ី សេដ្ឋកិច្ចបានលំនឹង។ រយៈកាលខាងមុខ យើង ខ្ញុមនិងខខ្នះខ្នែងផ្តើម ចលនាប្រឡងប្រណាំងពលកម្មផលិតក្នុងសហគមជនជាតិបន្តទៀត។ ក្នុងរាល់បណ្តាកិច្ចប្រជុំជន ខ្ញុំតែងរួមបញ្ចូលលើកកម្ពស់គំរូ គ្រួសារជនរួមជាតិខ្មែរដែលខិតខំព្យាយាមរកស៊ី អភិវឌ្ឍន័សេដ្ឋកិច្ចនិងធ្វើការស្នើរដល់ថ្នាក់ឃុំនិងស្រុកសម្រាប់ធ្វើការស្ងើចសរសើរទាន់ពេលដើម្បីមាមីងបងប្អូនមានកម្លាំងចិត្ត ប្តេជ្ញាពលកម្ម រួមកម្លាំងកសាង គ្រួសារសុភមង្គល ជីវភាពសុខសាន្ត បរិស្ថានស្រស់ស្អាត”។
ជាមួយឆន្ទៈឈានឡើង និងការខិតខំប្រឹងប្រែងក្នុងការផលិតក៏បានជួយគ្រួសារខ្មែរជាច្រើនលើភូមិសាស្ត្រស្រុកបានរួចចាកក្រ មិនទន្ទឹងរង់ចាំពឹងផ្អែកលើជំនួយឧបត្ថម្ភរបស់រដ្នោះទេ។ផ្តើមពីនោះក៏បានរួមចំណែកជាមួយភូមិភាគក្នុងការកាត់បន្ថយក្រ បង្ក ការប្រែប្រួលយ៉ាងធំក្នុងការយល់ដឹង និងស្មារតីខិតខំឈានឡើងលំនឹងសេដ្ឋកិច្ចរបស់បងប្អូនជនរួមជាតិខ្មែរ។
ស្រុកង៉ុកហៀង សព្វបថ្ងៃមានទាំងអស់៥៩២គ្រួសារជាជនជាតិភាគតិច ស្រូបអត្រាច្រើនបំផុតគឺជនជាតិខ្មែរ ក្នុងនោះមាន៥៥ គ្រួសារក្រ និង៤៩គ្រួសារប្រកៀកក្រ៕
ហុងមី-ជីហ៊ីវ