ការសិក្សា និងធ្វើតាមសតិអារម្មណ៍ សីលធម៌ និងឥរិយាបទ Hồ Chí Minh ក៏បានក្លាយជាផ្នាត់គំនិត និងទង្វើដ៏ល្អដែលមិនត្រឹមតែកម្មាភិបាល បក្ខជនប៉ុណ្ណោះទេ ថែមទាំងសម្រាប់ស្រទាប់វណ្ណៈទូទាំងប្រជាជនទៀតផង ក្នុងនោះមានបងប្អូនជនរួមជាតិភាគតិចផងដែរ។ ដោយសេចក្តីគោរពស្រឡាញ់ Bác Hồ បងប្អូនជនរួមជាតិក៏បានរៀនសូត្រ និងធ្វើតាមគំរូ Bác Hồ ដោយរាល់ទង្វើជាក់ស្តែងជាច្រើនប្រការ។ ក្នុងនោះ ដែលពិសេសជាងគេគឺការតំឡើងរូបថត Bác Hồ តាមគេហដ្ឋានរបស់ខ្លួន ព្រមទាំងបង្កើតទីសក្ការៈបូជានៅតាមផ្ទះជាដើម។
ប្តីប្រពន្ធលោក Danh Sơn អុជធូបរំលឹកគុណ Bác Hồ។
នៅភូមិកោះធំ ឃុំ Ninh Thạnh Lợi ស្ថិតនៅក្បែរមាត់ព្រែកនៃវត្តក្រពុំមានជ័យ កោះធំដែលជាវត្តសម្បូរដោយប្រពៃណីបដិវត្តន៍ក្នុងសម័យសង្គ្រាមរំដោះប្រទេសជាតិទាំង២លើក គឺក្នុងផ្ទះរបស់លោក Danh Sa Rây អាយុ ៧០ឆ្នាំ ជាបក្ខជន និងជាអ្នកមានប្រជាប្រិយក្នុងជនរួមជាតិ Khmer ព្រមទាំងជាប្រធានសាខាសមាគមអ្នកមានវ័យចាស់របស់ភូមិ។ ប្រការដ៏សំខាន់គឺក្នុងផ្ទះនេះមានទីសក្ការៈសម្រាប់គោរពបូជា Bác Hồ ដែលត្រូវបានរៀបតុបតែងនៅទីតាំងដ៏សំខាន់ផងដែរ។
លោក Sa Rây បានចែករំលែកថា៖ “ខ្ញុំបានសាងទីអាសនៈសម្រាប់គោរពបូជា Bác Hồ តាំងពីឆ្នាំ ២០០៩ រហូតមកទល់សព្វថ្ងៃ។ ថ្វីត្បិតតែមានសភាពសាមញ្ញ ប៉ុន្តែជារៀងរាល់ថ្ងៃយើងក៏បានសម្តែងនូវការគោរពដឹងគុណចំពោះវិរៈបីតាជាតិដ៏ជាទីគោរពស្រឡាញ់នៃយើង”។
ការសាងទីសក្ការៈបូជា Bác Hồ នៅតាមគេហដ្ឋាន គឺជាការទង្វើដ៏មានអត្ថន័យខ្លឹមសារសម្រាប់កម្មាភិបាល និងបក្ខជន ប្រជាជនទាំងឡាយគ្រប់រូប។ យោងតាមប្រការនោះ ក៏បង្កើតបានការរីកសាយភាយ និងជំរុញខ្លាំងខ្លានូវប្រពៃណីគ្រួសារណាក៏ចូលរួមប្រឡងប្រណាំងរៀនសូត្រ និងធ្វើតាមគំរូ Bác Hồ នៅភូមិភាគផងដែរ។
ជីវភាពបងប្អូនជនរួមជាតិភាគតិចនៅតាមតំបន់ភូមិស្រុកមួយថ្ងៃកាន់តែមានសម្រស់។
លោក Sa Rây បានឱ្យដឹង៖ ក្នុងរយៈពេល១០ឆ្នាំ រាល់សមាជិកក្នុងសង្គមគ្រួសារលោកតាំងពីមនុស្សធំរហូតដល់ពួកក្មេងៗក្តីតែងទម្លាប់នូវការអុជធូបគោរពនឹកគុណ Bác Hồ ជាប្រចាំ។ ទីអាសនៈមិនត្រឹមសម្តែងនូវទឹកចិត្តមានចំពោះ Bác Hồ ប៉ុណ្ណោះទេ ថែមទាំងទង្វើដ៏ល្អសម្រាប់ទូន្មានកូនចៅអំពីប្រពៃណីបដិវត្តដ៏ដ៏ថ្លៃថ្លារបស់ជាតិ និងការដឹងគុណចំពោះអ្នកដែលបានលះបង់អស់មួយឆាកជីវិតរបស់ខ្លួនសម្រាប់មាតុភូមិ ដើម្បីផ្តល់ភាពសុខសាន្តជូនប្រជាជនជាទូទៅដូចសម័យសព្វថ្ងៃនេះឯង។
ជាច្រើនឆ្នាំកន្លងមកនេះ គ្រួសារលោក Danh Sơn អាយុ ៦៥ឆ្នាំ នៅភូមិ Thống Nhất ឃុំ Ninh Thạnh Lợi តែងខិតខំថែទាំស្រែចម្ការជាប្រចាំ រហូតមកទល់សព្វថ្ងៃនេះនៅជុំវិញផ្ទះសុទ្ធសឹងជាព័ណ៌បៃតងដែលប្រកបដោយឈើហូបផ្លែ និងបន្លែបង្ការ។ ទន្ទឹមនិងនោះ ទីអាសនៈរបស់ Bác Hồ ត្រូវបានរៀបតុបតែងលើកន្លែងដ៏ឧត្តុង្គឧបត្តមនៅបន្ទាប់ទទួលភ្ញៀវ ជារៀងរាល់ថ្ងៃលោករួមជាមួយភរិយាយផ្លាស់ប្តូរគ្នាអុជធូបគោរពបូជាលោក Bác Hồ។
យោងតាមរដ្ឋអំណាចភូមិភាគ គ្រូសារលោក Danh Sơn ដែលជាគ្រួសារគំរូក្នុងជនរួមជាតិ Khmer។ កូនៗរបស់លោកសុទ្ធតែទូន្មានល្អ។ ក្នុងនោះ កូនប្រុសច្បងសព្វថ្ងៃកំពុងបំពេញការងារជាកងទ័ពការពារព្រំដែនខេត្ត។
“យើងខ្ញុំបានស្តាប់អំពីជីវប្រវត្តិរបស់ Bác Hồ ដែលពោរពេញដោយទឹកចិត្តមហិមា និងក្តីសន្តោសមេត្តាដែល Bác Hồ មានចំពោះប្រជាជន ដូច្នេះហើយយើងមិនចាំបាច់នរណាមកអំពាវនាវនោះទេ គឺរាល់គ្រប់គ្រួសារទាំងឡាយសុទ្ធតែមានតម្រូវការគោរពបូជា Bác Hồ” លោក Danh Sơn មានប្រសាន៍បែបនេះ។ រាល់ពេលដែលឈរពីមុខរូបថតអ៊ំ ខ្ញុំតែងគិតថាត្រូវតែរស់ឱ្យបានល្អ និងធ្វកិច្ចការឱ្យបានច្រើន និងមានផលប្រយោជន៍ថែមទៀត។
លោក Danh Sa Rây រៀបចំតុបតែតងទីអាសនៈ Bác Hồ នៅក្នុងគេដ្ឋានរបស់ខ្លួន។
មិនត្រឹមតែគ្រួសារលោក Danh Sa Rây និងលោក Danh Sơn នោះទេ នេះក៏ជាមនោសញ្ចេតនារួមរបស់ប្រជាជនជាទូទៅផងដែរ។ តាំងពីប្រពៃណីគោរពបូជារូបថតរបស់ Bác Hồ នៅតាមគេហដ្ឋានក៏បានពង្រីកសាយភាយគ្របទិសទី ស្មារតីរបស់បងប្អូនជនរួមជាតិក៏មានការផ្លាស់ប្តូរយ៉ាងសកម្មផងដែរ តាំងពីផ្នាត់គំនិតរហូតដល់ទង្វើផ្សេងៗទាំងឡាយសុទ្ធតែឆ្ពោះទៅកាន់ការសិក្សារៀនសូត្រ និងធ្វើតាមគំរូអ៊ំ។ ផ្តើមពីនោះ បង្កើនសកម្មភាពក្នុងប្រពៃណីបដិវត្តន៍របស់ភូមិភាគ ជំរុញទឹកចិត្តបងប្អូនប្រជាជនឱ្យចូលរួមប្រឡងប្រណាំក្នុងការពង្រីកសេដ្ឋកិច្ច កសាងជីវភាពគ្រួសារវប្បធម៌ ធ្វើឱ្យសម្រស់ភូមិស្រុកមួយថ្ងៃកាន់តែរីកចម្រើន៕
Thanh Hải
