ភាពកក់ក្តៅសម្រាប់រដូវបវេសនកាល

ជាមួយការយកចិត្តទុកដាក់របស់ខេត្ត សកម្មភាពនៃការសិក្សាអប់រំ និងបណ្តុះបណ្តាលសម្រាប់កូនក្មួយជនរួមជាតិភាគតិចមានការរីកចម្រើន។

សម្ព័ន្ធយុវជនឃុំទ្រីផាយ យកចិត្តទុកដាក់ជមនួយឧបត្ថ​ម្ភសិស្សសាលាកូនក្មួយជនរួមជាតិភាគតិចក្នុងឱកាសឆ្នាំសិក្សាថ្មី។

គ្រប់បណ្តាសាលារៀនទាំងឡាយក៏ត្រូវបានកែជួសជុល និងពង្រីកបន្ថែម គុណភាពមួយថ្ងៃកាន់តែបានលើកកម្ពស់។ ទន្ទឹមនិងនោះ សកម្មភាពនៃការជំនួយឧបត្ថម្ភសម្ភារៈសម្រាប់ដើមឆ្នាំសិក្សាក៏បានប្រព្រឹត្តិឡើងសព្វគ្រប់ទិសទី និងប្រកបដោយទឹកចិត្តមនុស្សធម៌ ផ្តល់ភាពកក់ក្តៅ បង្កលក្ខណៈងាយស្រួលដើម្បីប្អូនៗបានទៅសាលា និងសម្រេចនូវក្តីស្រមៃសម្រាប់អនាគតរបស់ខ្លួន។

ឆ្នាំសិក្សាថ្មី ២០២៥-២០២៦ ប្អូន Hoàng Thị Nhã An ជាជនជាតិ Khmer នៅភូមិ |Tapasa 1 ឃុំ Trí Phải ជាសិស្សថ្នាក់ទី៨នៃសាលាមធ្យមសិក្សាមូលដ្ឋាន Nguyễn Thiện Thanh។ គ្រួសារប្អូនក្រលំបាក ម្តាយរបស់ប្អូនគឺអ្នកមីង Hoàng Thị Diệu លែងប្តីរស់នៅម្នាក់ឯង ត្រូវគិតគូរគ្រប់សព្វបែបយ៉ាង។ កាលពីមុននេះ ដើម្បីផ្គត់ផ្គង់ឱ្យកូនរៀនសូត្រ បងស្រី Diệu បានធ្វើកិច្ចការផ្ទះឱ្យគេដើម្បីសន្សំប្រាក់ឱ្យកូនរៀនសូត្រ។ ថ្មីៗនេះដែរ បងស្រីក៏ត្រូវកើតមានជំងឺ បងព្រួយបារម្ភខ្លាំងណាស់ដោយមិនអាចគិតគូរឱ្យកូនសិក្សារៀនសូត្របានល្អសម្រាបឆ្នាំសិក្សាថ្មីនេះ។ តែអាស្រ័យបានភូមិភាគជំនួយឧបត្ថម្ភបានទាន់ពេលនូវបណ្តាសៀវភៅសិក្សា សំពៀត និងឧបករសិក្សាជាដើម បានជួយឱ្យប្អូន Nhã An មានលក្ខណៈដើម្បីបន្តការរៀនសូត្រ។

ប្អូន Hoàng Thị Nhã An រីករាយខណៈពេលទទួលបានអំណោយដើមឆ្នាំសិក្សាថ្មី។

ថ្វីត្បិតតែឆ្នាំនេះរដ្ឋមានគោលនយោបាយលើកលែងថ្លៃបង់សាលាក្តី តែទន្ទឹមនិងនោះ ចំនួនទឹកប្រាក់ដែលត្រូវចំណាយក្នុងការទិញសម្ភារៈឱ្យដើមឆ្នាំសិក្សាសម្រាប់គ្រួសារក្រ និងប្រកៀកបន្ទាត់ក្រគឺជួបបញ្ហាយ៉ាងធំមួយដែរ។ ក្នុងនោះមានស្ថានភាពរបស់ Nhã An ផងដែរ។

បានក្លាយជាលក្ខណៈដ៏ប្រពៃក្នុងសង្គមសម្រាប់ដើមឆ្នាំសិក្សាថ្មី ប៉ុន្មានថ្ងៃកន្លងមកនេះ លើភូមិសាស្ត្រខេត្តបានប្រព្រឹត្តឡើងយ៉ាងច្រើនសកម្មភាពនៃការជំនួយឧបត្ថម្ភគ្រួសារជួបលំបាក មានដូចជា៖ ផ្តល់អាហារូបករណ៍ កង់ សៀវភៅសិក្សា និងឧបកររៀនសូត្រ...។ ដើម្បីជំនួយឧបត្ថម្ភប្អូនៗបានទៅសាលា បង្កើនប្រភពធនធាន ព្រមទាំងមានលក្ខណៈឈានឡើងក្នុងការសិក្សា។

កន្លងថ្មីៗនេះ ឃុំ Khánh An បានជូនសៀវភៅសិក្សាចំនួន ១៥០ ក្បាលសម្រាប់ប្អូនៗសិស្សានុសិស្ស ព្រមទាំងជូនកង់ឱ្យប្អូន ១០ នាក់ និងសំលៀកបំពាក់ ២០ កំភ្លេសម្រាប់សិស្សនារីទៀតផង។

លើភូមិសាស្ត្រឃុំ Khánh An មាន១៤៧ គ្រួសារជនជាតិភាគតិច ដោយមានប្រជាជនចំនួន ៦៤២ នាក់។ ដើម្បីបន្តជំនួយការសិក្សារៀនសូត្រសម្រាប់កូនក្មួយជនរួមជាតិបានទៅសាលា មានយ៉ាងច្រើនកម្មវិធីដែលប្រកបដោយអត្ថន័យខ្លឹមសារដែលត្រូវបានរៀបចំឡើង។ កន្លងថ្មីៗនេះដែរ ឃុំបានជូនសៀវភៅសិក្សាសម្រាប់ប្អូនៗចំនួន ១៦០ នាក់ និងជូនកង់ឱ្យ ២០ នាក់ ព្រមទាំងសំលៀកបំពាក់អាវវែង ២០ កំភ្លេសម្រាប់ប្អូនៗសិស្សនារី ដោយសរុបតម្លៃជាទឹកប្រាក់ប្រមាណជិត ៦០ លានដុង។ យោងតាមគម្រោងការក្នុងឱកាសបវេសនកាល ភូមិភាគនឹងបន្តឧបត្ថម្ភអំណោយសម្រាប់ប្អូនៗសិស្សានុសិស្សចំនួន ២០០ នាក់ ដោយអំណោយមួយចំណែកសរុបទឹកប្រាក់ ៥០០ បាន់ដុង។

អ្នកស្រី Lê Cẩm Tha ប្រធានការិយាល័យវប្បធម៌ និងសង្គមឃុំ Khánh An បានឱ្យដឹង៖ ទូទាំងឃុំមាន ៨ សាលា (២សាលាមតេយ្យ និង ៤ សាលាបឋមសិក្សា ព្រមទាំង ២ សាលាមធ្យមសិក្សា) រួមជាមួយសាលាមធ្យមសិក្សាមូលដ្ឋាន និងសាលាមធ្យមសិក្សា Khánh An ដែលស្ថិតក្រោមការគ្រប់គ្រងរបស់មន្ទីសិក្សាអប់រំ និងបណ្តុះបណ្តាល។ ការគិតគូរជូនប្អូនៗសិស្សសាលា ជាពិសេសប្អូនៗកូនក្មួយជនរួមជាតិភាគតិច តែងអាទិភាពជួរមុខរបស់ភូមិភាគ ធានាដាច់ខាតប្អូនៗសិស្សានុសិស្សគ្រប់រូបសុទ្ធតែបានទៅសាលា មិនទុកចោលប្អូនៗដែលមានជីវភាពជួបលំបាកអ្នកណាមួយឱ្យនៅពីក្រោយជាដាច់ខាត”។

សម្រាប់សំលៀកបំពាក់អាចវែងព័ណ៌សទាំងនេះ ត្រូវបានតុបតែងយ៉ាងស្រស់ស្អាតដើម្បីជូនឱ្យប្អូនៗសិស្សនារី។

ទន្ទឹមនិងនោះ សមាគមជំរុញសិក្សារៀនសូត្រខេត្តបានសកម្មក្នុងការចលនារាល់បណ្តាអង្គភាព អាជីវកម្ម សម្បុរសជនដើម្បីជំនួយឧបត្ថម្ភមានដូូចជា៖ កង់ សៀវភៅសិក្សាសម្រាប់ប្អូនៗមានគ្រួសារជួបលំបាកលើភូមិសាស្ត្រខេត្ត។ ផ្តើមពីនោះ សមាគមមូលនិធិជំរុញសិក្សា Võ Văn Kiệt និងមូលនិធិ បេះដូងជាទីស្រឡាញ់នៅរដ្ឋានីហានូយ ជំនួយឧបត្ថម្ភកង់ចំនួន ៣៥០ គ្រឿង និងសៀវភៅ ៣៥.០០០ ក្បាលផងដែរ។

រាល់ទង្វើដ៏ជាក់ស្តែងនេះ មិនត្រឹមជំនួយកម្លាំងសម្រាប់ប្អូនៗដែលមានជីវភាពជួបលំបាកមានលក្ខណៈបន្តការសិក្សារៀនសូត្រប៉ុណ្ណោះទេ ថែមទាំងជាប្រភពចលនាខាងស្មារតីសម្រាប់ប្អូនៗបន្តខិតខំសិក្សារៀនសូត្រ៕

Mộng Thường