ថ្ងៃបវេសនកាលឆ្នាំសិក្សាថ្មី ២០២៥ - ២០២៦ បានកៀកជិត។ មកទល់ពេលនេះ ការងារសម្អិតសម្អាងទីធ្លាសាលា មូលដ្ឋានសម្ភារៈក៏សម្រេចរួចរាល់អស់ បង្កើតបានបរិយាកាសសប្បាយរីករាយ ត្រៀមស្វាគមន៍អំណរថ្ងៃបវេសនកាលនៅសាលាសកលជនជាតិអន្តេវាសិកខេត្ត សង្កាត់ An Xuyên បានសម្រេចរួចរាល់ជាមូលដ្ឋាន។
លោកគ្រូ Hữu Lý Vui ផ្សព្វផ្សាយដល់សិស្សនូវព័ត៌មានចាំបាច់សម្រាប់ឆ្នាំសិក្សាថ្មី។
សាលាជួបជុំសិស្សានុសិស្សគ្រប់ថ្នាក់ទាំងអស់ដើម្បីផ្សព្វផ្សាយព័ត៌មានស្តីពីឆ្នាំសិក្សាថ្មី និងផ្តល់ព័ត៌មានអម្អិតអំពីរបបគោលនយោបាយ ក៏ដូចជាបទកំណត់របស់សាលា ស្ថិរភាពនៃការចុះឈ្មោះចូលរៀនជាដើម។ គ្រូបង្រៀន និងសិស្សរួមគ្នាសម្អាតអនាម័យ ធ្វើស្មៅ កាត់តម្រឹមឈើលម្អ ពិនិត្យឡើងវិញនូវឧបករសិក្សា ម៉ាស៊ីនបញ្ចាំង អគ្គិសនីសម្រាប់អុជ ដើម្បីបំពេញបន្ថែម និងផ្លាស់ប្តូរនៅពេលមានខូចខាត។
សិស្សចុះឈ្មោះរៀនជាក្រុម។
លោកគ្រូ Hữu Lý Vui លេខាសម្ព័ន្ធយុវជនសាលា បានចែករំលែកថា៖ “ឆ្នាំសិក្សា ២០២៥-២០២៦ សាលាមានទាំងអស់ ១០ថ្នាក់ ដោយមានសិស្សចំនួន ២៦៤ នាក់។ ក្នុងនោះមាន៣ថ្នាក់ទី១០ មានសិស្សចំនួន ៧៤ នាក់។ ពេលដែលមានសេចក្តីប្រកាសរបស់មន្ទីរអប់រំនិងបណ្ដុះបណ្ដាលភ្លាម សាលាក៏បានផ្សព្វផ្សាយឱ្យកម្មាភិបាល គ្រូបង្រៀន និងបុគ្គលិកសាលាដើម្បីត្រៀមបម្រុងរាល់លក្ខណៈសម្រាប់ឆ្នាំសិក្សាថ្មី។ សាលាត្រៀមបម្រុងមូលដ្ឋានសម្ភារៈគ្រប់សព្វ និងឧបករសិក្សាដើម្បីបម្រើក្នុងការងារបង្ហាត់បង្រៀន។ ចំពោះសៀវភៅសិក្ស សៀវភៅសរសេរ ប៊ិច សំលៀកបំពាក់ និងបណ្ដាគ្រឿងសម្ភារៈប្រើប្រាស់ដូចជា៖ ភួយ មុងកន្ទេល ខ្នើយជាដើម សាលាបានចែកជូនដល់ប្អូនៗទាំងអស់មុនពេលឈានចូលឆ្នាំសិក្សាថ្មី”។
សមូហភាពគ្រូបង្រៀនរួមគ្នាសម្អាតអនាម័យបរិស្ថាន ដើម្បីស្វាគមន៍ឆ្នាំសិក្សាថ្មី។
ដែលជាសាលាជំនាញដាច់ដោយឡែក ទើបការត្រៀមបម្រុងមូលដ្ឋានសម្ភារៈពីកន្លែងស្នាក់នៅអន្តេវាសិក ផ្ទះបាយក៏បានសាលាយកចិត្តទុកដាក់យ៉ាងពិសេសផងដែរ។ អន្តេវាសិកដ្ឋានបែងចែកជាពីរមណ្ឌលដាច់ដោយឡែកសម្រាប់ឱ្យសិស្សប្រុស និងសិស្សស្រី ធានាសុវត្ថិភាព ស្អាតបាតនិងម៉ឹងម៉ាត់។ ក្រៅពីគ្រូបង្រៀនទទួលបន្ទុកថ្នាក់ សាលាថែមទាំងចាត់ក្រុមដើម្បីគ្រប់គ្រងសិស្ស មានភារកិច្ចមើលការខុសត្រូវ និងគ្រប់គ្រងប្អូនៗដែលស្នាក់នៅ អន្តេវាសិក។
សាលាបានផ្តល់សៀវភៅសិក្សា និងសៀវភៅសរសេរ ប៊ិច សំលៀកបំពាក់ ភួយ មុង កន្ទេល ខ្នើយ… សម្រាប់ប្អូនៗមុនពេលឈានចូលឆ្នាំសិក្សាថ្មី។
លោកគ្រូ Vui បានឱ្យដឹងបន្ថែមៈទៀតថា៖ “ដើម្បីបង្កលក្ខណៈក៏ដូចជាការជំរុញប្រភពកម្លាំងសម្រាប់ប្អូនៗរៀនសូត្របានល្អ ចំពោះសិស្សទាំងឡាយណាដែលមិនស្ថិតក្នុងតំបន់ជម្រើសសិស្សគឺសាលានៅតែបង្កលក្ខណៈឱ្យខ្ចីសៀវភៅសិក្សា ផ្តល់សៀវភៅសរសេរ និងប៊ិចជំនួយឧបត្ថម្ភឱ្យស្នាក់នៅអឌ្ឍអន្តេវាសិកដោយមិនគិតប្រាក់។ ចំណែកប្អូនៗដែលជាមុខសញ្ញាជម្រើសសិស្សតាមសេចក្តីកំណត់ រៀងរាល់ខែប្អូនៗថែមទាំងបានឧបត្ថម្ភប្រាក់ខែ ៨០% ផងដែរ។ សាលាក៏បានផ្ញើសេចក្តីជូនដំណឹងយ៉ាងលម្អិតដល់អាណាព្យាបាលសិស្សពីពេលវេលា កម្មវិធីបវេសនកាល និងបណ្តាបទកំណត់ផ្សេងៗរបស់សាលា សម្រាប់អាណាព្យាសិស្សក្ដាប់ ព្រមទាំងចូលរួមគ្រប់គ្រងសិស្សដោយធានាសុវត្ថិភាព។ រហូតមកទល់ពេលនេះ រាល់ការងារត្រៀមបម្រុងសម្រាប់ឆ្នាំសិក្សាថ្មី ២០២៥ - ២០២៦ ក៏ត្រូវបានសាលាត្រៀមបម្រុងយ៉ាងហ្មត់ចត់ផងដែរ”។
ទន្ទឹមនិងនោះ សាលាក៏បានសម្រេចការងារហ្វឹកហ្វឺន បំប៉នមុខជំនាញវិជ្ជាជីវៈដល់កងជួរគ្រូបង្រៀន ព្រមទាំងរៀបចំបែងចែកបន្ទប់ថ្នាក់ និងមុខជំនាញ ត្រៀមបម្រុងគ្រប់លក្ខណៈសម្រាប់ថ្ងៃបវេសនកាល។
ស្នាមញញឹមប្រកបដោយទំនុកចិត្តរបស់សិស្សថ្នាក់ទី ១០ ពេលដែលឈានចូលឆ្នាំសិក្សាថ្មី។
ជាមួយការត្រៀមបម្រុងយ៉ាងហ្មត់ចត់តាំងពីមូលដ្ឋានសម្ភារៈរហូតដល់កងជួរគ្រូបង្រៀនសាលាសកលជនជាតិអន្តេវាសិកខេត្ត បានត្រៀមជាស្រេចសម្រាប់ឆ្នាំសិក្សាថ្មី សង្ឃឹមថានឹងបានសម្រេចជោគជ័យថ្មី រួមចំណែកដើម្បីបុព្វហេតុ “ដាំមនុស្ស” របស់ខេត្តឱ្យកាន់តែរីកចម្រើនលូតលាស់ជារៀងរហូតតទៅ៕
Quỳnh Anh
