ដើម្បីបបង្កលក្ខណៈសម្រាប់ការសិក្សារៀនសូត្ររបស់ប្អូនៗសិស្សានុសិស្សកាន់តែល្អប្រសើរ ស្របជាមួយការធានាសុខភាព និងលើកកំពស់គុណភាពអប់រំគ្រប់ជ្រុងជ្រោយ ខេត្តកាម៉ាវ កំពុងអនុវត្តការវិនិយោគប្រព័ន្ធទឹកស្អាត គម្រោងសាងសង់ថ្មី និងជួសជុលបង្គន់អនាម័យនៅតាមសាលាសាធារណៈ ដំណាក់កាល ២០២៥-២០២៧។ នេះត្រូវបានចាត់ទុកជាដំណោះស្រាយយ៉ាងជាក់ស្តែងមួយសម្រាប់ឆ្លើយតបតម្រូវការជាបន្ទាន់ និងរយៈពេលយូរអង្វែងខាងវិស័យអប់រំនៅភូមិភាគ។
សមមិត្ត Nguyễn Minh Luân សមាជិកគណៈអចិន្ត្រៃយ៍ប្រចាំការបក្សខេត្ត អនុប្រធានគណៈកម្មាធិការប្រជាជនខេត្ត ពិនិត្យមូលដ្ឋានសម្ភារៈ ពិសេសប្រព័ន្ធនៃបង្គន់អនាម័យនៅតាមសាលារៀនកាលពីដើមឆ្នាំសិក្សា ២០២៥-២០២៦។
វិនិយោគព្រមគ្នាលើប្រព័ន្ធទឹកស្អាត
យោងតាមគម្រោងការនាំថវិកាសម្រាប់វិនិយោគលើប្រព័ន្ធទឹកស្អាតមានចំនួន ៩៦ ពាន់លានដុង។ ក្នុងនោះ ដំណាក់កាល ២០២៥-២០២៦ ប្រព័ន្ធទឹកដែលមានស្រាប់ចំនួន ៤៦៧ ប្រព័ន្ធនឹងត្រូវបានកែជួសជុល និងរៀបចំបន្ថែមចំនួន ៨០ ប្រព័ន្ធទៀត។ ផ្តើមពីនោះរៀបចំបែងចែកថវិការសម្រាប់ធនាការពារ និងត្រួតពិនិត្យគុណភាពទឹក។ ឈានចូលដំណាក់កាល ២០២៦-២០២៧ ខេត្តនឹងបន្តបំពាក់ប្រព័ន្ធទឹកស្អាតថ្មីចំនួន១៣២ ប្រព័ន្ធទៀត ដើម្បីបំពេញតម្រូវការសិក្សារៀនសូត្រ និងការប្រើបប្រាស់របស់ប្អូនៗសិស្សានុសិស្សរាប់ម៉ឺននាក់លើភូមិសាស្ត្រ។
ជាក់ស្តែងបានឱ្យឃើញ ការវិនិយោគលើប្រព័ន្ធទឹកស្អាតនៅតាមសាលារៀនក៏បាននាំមកនូវលទ្ធផលជាក់ស្តែងជាច្រើន។ ដែលលេចធ្លោជាងគេដូចជាសាលាបឋមសិក្សា ទ្រីផាយ ឃុំ Trí Phải បច្ចុប្បន្នមានសិស្សានុសិស្សប្រមាណជាង ១.០០០ នាក់ ហើយបានបំពាក់ប្រព័ន្ធទឹកស្អាតចាប់តាំងពីឆ្នាំ ២០១៩ មកម៉្លេះ។ មកទល់នឹងពេលនេះ ប្រព័ន្ធនេះនៅតែដំណើរការប្រកបដោយស្ថិរភាព ឆ្លើុតបតម្រូវការប្រើប្រាស់ប្រចាំថ្ងៃរបស់ប្អូនៗសិស្សានុសិស្ស និងគ្រូបង្រៀនទាំងឡាយផងដែរ។
ប្អូន Phạm Nguyễn Hưng Ngọc ជាសិស្សថ្នាក់ទី ៥A៣ រីករាយប្រាប់ថា៖ "ចាប់តាំងពីមានប្រព័ន្ធទឹកស្អាតមក ពួកប្អូនអាចប្រើប្រាស់វាដោយសុវត្ថិភាព ដោយមិនចាំបាច់យកទឹកពីផ្ទះមកប្រើប្រាស់ដូចកាលពីមុនទៀតនោះទេ។ ទឹកស្អាត ត្រជាក់ និងងាយស្រួលសម្រាប់ពួកប្អូនប្រើប្រាស់គ្រប់មួយថ្ងៃសិក្សា"។
លោក Nguyễn Thanh Sang នាយកសាលា បានឱ្យដឹង៖ “តម្រូវការទឹកស្អាតសម្រាប់ប្អូនៗសិស្សានុសិស្សគឺចាំបាច់បំផុត ដូច្នេះហើយ ជារៀងរាល់ឆ្នាំ សាលាផ្តោតលើការកែលម្អ និងផ្លាស់ប្តូរឧបករណ៍ចម្រោះទឹក និងថែទាំប្រព័ន្ធធានាគុណភាពប្រភពទឹកស្របអនាម័យទៀតផង”។
នេះជាដំណោះស្រាយដែលទទួលបានការវាយតម្លៃយ៉ាងខ្ពស់ពីសំណាក់ឪពុកម្តាយ និងប្អូនៗសិស្សានុសិស្ស ពីព្រោះវាមិនត្រឹមជួយប្រឹតសំចៃថវិកាក្នុងការប្រើប្រាស់ប្រភពទឹកប៉ុណ្ណោះទេ ថែមទាំងបានរួមចំណែកបង្កើតទម្លាប់នៃការប្រើប្រាស់ទឹកស្អាតនៅក្នុងសាលារៀនទៀតផង។
ប្រព័ន្អទឹកស្អាតនៅសាលាមធ្យមសិក្សា Tân Lợi ឃុំ Hồ Thị Kỷ។
សង់ថ្មី និងកែជួសជុលបង្គន់អនាម័យ
ទន្ទឹមនឹងការវិនិយោគលើប្រព័ន្ធទឹកស្អាត ខេត្ត Cà Mau បានអនុវត្តគម្រោងសាងសង់ថ្មី និងកែជួសជុលបង្គន់អនាម័យនៅតាមសាលារៀនសាធារណៈជាចច្រើនផងដែរ។ យោងតាមផែនការ ចាប់ពីឆ្នាំ ២០២៥ ដល់ឆ្នាំ ២០២៧ ទូទាំងខេត្តនឹងផ្តើមសាងសង់ថ្មីចំនួន ១៨៨ សំណង់ ព្រមទាំងធ្វើការកែជួសជុល ៣៦៦ បង្គន់អនាម័យទៀត។ នេះជាជំហានដ៏សំខាន់មួយដើម្បីកែលម្អខាងសម្ភារៈសិក្សារៀនសូត្រ បង្កលក្ខណៈសម្រាប់ប្អូនៗសិស្សានុសិស្សបានរស់នៅក្នុងបរិស្ថានស្អាត និងធានាសុវត្ថិភាព។ ផ្តើមពីនោះ រួមចំណែកក្នុងការលើកកម្ពស់គុណភាពអប់រំដ៏ទូលំទូលាយ។
ប្អូន Lê Thị Hồng សិស្សថ្នាក់ទី ៩A១នៃអនុវិទ្យាល័យ និងវិទ្យាល័យ Tân Bằng ឃុំ Biển Bạch រៀបរាប់ថា៖ “ថ្មីៗនេះ សាលាទទួលបានការវិនិយោគលើឧបករសម្ភារៈគ្រប់សព្វបែបយ៉ាង ដូច្នេះហើយសាលាមិនត្រឹមតែបង្កើតអារម្មណ៍ស្រស់ស្រាលប៉ុណ្ណោះទេ ថែមទាំងជួយយើងរក្សាសុខភាពបានកាន់តែប្រសើរឡើងទៀតផង”។
ការវិនិយោគចូលក្នុងសំណង់នៃអនាម័យសាលារៀន តាំងពីដំបូងមកតែងត្រូវបានចាត់ទុកជាបទដ្ឋានដ៏សំខាន់ដើម្បីធានាសាលាសម្រេចស្តង់ដារជាតិ។ មិនត្រឹមតែឆ្លើយតបតម្រូវការជាក់ស្តែងរបស់គ្រូបង្រៀន និងសិស្សប៉ុណ្ណោះទេ ការកសាង និងកែជួសជុលបង្គន់អនាម័យក៏បានជួយលើកកម្ពស់ការយល់ដឹង និងស្មារតីក្នុងការរក្សាអនាម័យសាធារណៈ រួមចំណែកក្នុងការកសាងបរិស្ថានអប់រំបានដោយល្អ និងសមប្រាកប។
ប្អូនៗសិស្សសាលាបឋមសិក្សា ទ្រីផាយ ឃុំ Trí Phải ប្រើប្រាស់ប្រភពទឹកស្អាតក្នុងម៉ោងចេញសម្រាក។
អាចបញ្ជាក់ថា ការវិនិយោគដ៏ស៊ីសង្វាក់គ្នាលើប្រព័ន្ធទឹកស្អាត និងបង្គន់អនាម័យតាមសាលារៀន មិនបញ្ឈប់ត្រឹមតាមតម្រូវការជាមូលដ្ឋានរបស់សិស្សនោះទេ ថែមទាំងបានបង្ហាញពីការយកចិត្តទុកដាក់របស់ខេត្ត Cà Mau ចំពោះបុព្វហេតុនៃការអប់រំទៀតផង។ បណ្តាសំណង់ទាំងនេះ នឹងរួមចំណែកក្នុងការលើកកម្ពស់គុណភាពថែទាំ អប់រំ និងកសាងបរិស្ថានសាលារៀនប្រកបដោយភាពរីករាយ និងសុវត្ថិភាព បង្កលក្ខណៈសម្រាប់ប្អូនៗសិស្សានុសិស្សអភិវឌ្ឍន៍គ្រប់ជ្រុងជ្រោយទាំងផ្លូវកាយ និងផ្លូវចិត្តផងដែរ៕
Trúc Linh - Chí Linh
