ក្រៅពីការកាន់អាវុធអង់អាចក្លាហានដើម្បីការពារអធិបតេយ្យភាពដែនកោះសមុទ្រមាតុភូមិ បណ្តាកងទ័ពទាំងឡាយតែងជាបង្អែកដ៏សុខសាន្តសម្រាប់បងប្អូនជនជាតិភាគតិចនៅតំបន់ព្រំដែនកោះសមុទ្រផងដែរ។ ចំពោះសិស្សានុសិស្សដែលមានស្ថានភាពលំបាកខ្លាំង កងទ័ពការពារព្រំដែនបានក្លាយជាឪពុក ជាគ្រូ និងជាមិត្តដ៏សំខាន់ដែលតែងជួយលើកទឹកចិត្ត និងជួយឧបត្ថម្ភពួកគេឱ្យបានទៅសាលាគ្រប់ៗគ្នា។
កងទ័ពការពារព្រំដែនខេត្ត Cà Mau ជូនអាហារូបករណ៍ដោយទឹកប្រាក់ចំនួន ៤,៥ លានដុងសម្រាប់សិ្សម្នាក់ៗក្នុងឱកាសឆ្នាំសិក្សាថ្មី។
“កូនចិញ្ចឹមរបស់ប៉ុស្តិ៍ការពារព្រំដែន” និង “ជំនួយប្អូនៗទៅសាលា” គឺជាទម្រង់ និងជាកម្មវិធីមនុស្សធម៌ដែលបានបង្កើតឡើងដោយបញ្ជាការដ្ឋានកងទ័ពការពារព្រំដែន ហើយបានអនុវត្តទូទាំងកងទ័ពទៀតផង។ ប៉ុន្មានឆ្នាំកន្លងមកនេះ តាមរយៈការទទួលយកកូនចិញ្ចឹម និងជំនួយឧបត្ថម្ភសិស្សដែលមានស្ថានភាពជួបលំបាកខ្លាំង កងទ័ពការពារព្រំដែនខេត្តកាម៉ាវបាននិងកំពុងបានបើកឱកាសជាច្រើនសម្រាប់សិស្សក្រីក្រ និងសិស្សកំព្រានៅតំបន់ដាច់ស្រយាល និងតំបន់ព្រំដែនសមុទ្រ។ កងទ័ពការពារព្រំដែនមិនត្រឹមតែផ្តល់អាហារូបករណ៍ ឧបករសិក្សារៀនសូត្រ និងប្រាក់ខែជាប្រចាំប៉ុណ្ណោះទេ ថែមទាំងបានចុះសួរសុខទុក្ខ និងលើកទឹកចិត្តប្អូនៗសិស្សានុសិស្សជាប្រចាំក្នុងដំណើរការសិក្សា ព្រមទាំងយកចិត្តទុកដាក់ឧបត្ថម្ភគ្រួសារពេលកើតមានជំងឺ ឬជួបការលំបាកទៀតផង។
ដើមឆ្នាំសិក្សាថ្មី ២០២៥-២០២៦ កងទ័ពការពារព្រំដែនខេត្ត Cà Mau បានជូនអំណោយដ៏មានតម្លៃជាច្រើន រួមមាន៖ អាហារូបករណ៍ចំនួន ៥៥ ចំណែក មួយចំណែកតម្លៃ ៤,៥ លានដុង។ កង់ចំនួន ៨ គ្រឿង រួមជាមួយសៀវភៅសរសេររាប់ម៉ឺនក្បាលទៀតផងដែលមានតម្លៃសរុបជាង ៣០០ លានដុង។ អំណោយនីមួយៗមិនត្រឹមតែជាការឧបត្ថម្ភផ្នែកសម្ភារៈដើម្បីជួយសិស្ស និងគ្រួសារកាត់បន្ថយលំបាកខាងវិស័យសេដ្ឋកិច្ចប៉ុណ្ណោះទេ ថែមទាំងជាប្រភពនៃការលើកទឹកចិត្តសម្រាប់ខាងស្មារតី បន្ថែមនូវកម្លាំង និងក្តីនឿ ដើម្បីឱ្យប្អូនៗពួកគាត់មានលក្ខណៈឈានឆ្ពោះ និងសម្រេចនូវក្តីស្រមៃរបស់ខ្លួននៃពេលអនាគត។
លោកវិរសេនីយ៍ត្រី Đặng Văn Vũ ជូនអាហារូបករណ៍ដល់សិស្សនៃវិទ្យាល័យ Võ Văn Kiệt ឃុំ Phước Long។
ប្អូន Lâm Hoàng Lê Vy ថ្នាក់ទី ៨/៤ នៃវិទ្យាល័យ Hiệp Thành សង្កាត់ Hiệp Thành ជាសិស្សម្នាក់ក្នុងចំណោមសិស្ស ៤ នាក់ដែលត្រូវបានកងអនុសេនាធំការពារព្រំដែនលេខ ២ ធានាជំនួយឧបត្ថម្ភ ។ វរសេនីយ៍ត្រី Đặng Văn Vũ អ្នកនយោបាយនៃអង្គភាព បានឱ្យដឹងថា៖ “ប្អូន Lê Vy ជាសិស្ស Khmer មួយរូបដែលមានស្ថានភាពជួបលំបាកខ្លាំង។ ប្អូនកំព្រាឪពុក ម្ដាយទៅធ្វើការនៅស្រុកឆ្ងាយ ហើយរស់នៅពឹងផ្អែកលើជីដូន។ ទទួលនាធាជួយឧបត្ថម្ភក្មួយតាមរយៈកម្មវិធី “ឧបត្ថម្ភប្អូនៗទៅសាលា” តាំងពីឆ្នាំ ២០២២ មក ជារៀងរាល់ខែ អង្គភាពតែជំនួយឧបត្ថម្ភក្មួយដោយចំនួនទឹកប្រាក់ ៥០០ ពាន់ដុង និងតែងយកចិត្តទុកដាក់ឧបត្ថម្ភក្នុងការសិក្សា និងក្នុងជីវភាពរស់នៅ។ ចាប់តាំងពីពេលទទួលបានការជំនួយឧបត្ថម្ភរហូតមកដល់ពេលនេះ កងអនុសេនាធំការពារព្រំដែនលេខ ២ បានជួយឧបត្ថម្ភប្អូនវី ជាទឹកប្រាក់ជាង ១៥ លានដុង រួមជាមួយសម្ភារៈចាំបាច់ជាច្រើនទៀតផងដែរ”។
បច្ចុប្បន្ននេះ នៅតំបន់ព្រំដែនសមុទ្រ ជីវភាពរបស់ប្រជាជនមួយចំនួននៅតែជួបការលំបាក ជាពិសេសបងប្អូនជនជាតិភាគតិច។ ហេតុនេះហើយបានជាការសិក្សារបស់កូនចៅពួកគាត់នៅតែមានកម្រិត ហើយអ្នកដែលរងគ្រោះជាងគេគឺកុមារដែលកំព្រាតាំងពីតូច ឬមានឪពុកម្ដាយកើតជំងឺធ្ងន់ធ្ងរ ឬក៏បាត់បង់កម្លាំងពលកម្ម។ល។ ដោយភារកិច្ចនិងបេះដូងរបស់កងទ័ពការពារព្រំដែននៅប៉ូស្តិ៍ និងក្រុមការពារសមុទ្រ កំពុងរួមកម្លាំងឧបត្ថម្ភ រួមដំណើរការដើម្បីប្អូនៗសិស្សានុសិស្សជាច្រើនមានឱកាសបានសិក្សារៀនសូត្រ។
ឆ្នាំសិក្សានេះ ប៉ុស្តិ៍ការពារព្រំដែន Nhà Mát បានជូនជំនួយដល់សិស្ស ៣ នាក់ ដែលម្នាក់ៗទទួលបានទឹកប្រាក់ ៤,៥ លានដុង។ ក្នុងចំណោមសិស្សទាំង ៣ នាក់ រួមមានប្អូន Sơn Pít (ថ្នាក់ទី១០នៃវិទ្យាល័យ Hiệp Thành) គឺមានករណីជួបលំបាកដែលគួរឱ្យអាណិតជាងគេ។ ឪពុកម្ដាយរបស់ Pít ជាមនុស្សស្លូតត្រង់ និងឧស្សាហ៍ព្យាយាមធ្វើការ ប៉ុន្តែអភ័ព្ទរស់មិនបានយូរ។ តាំងពីតូច Pít ត្រូវបានជីដូនជាអ្នកចិញ្ចឹមមើលថែ ឥឡូវនេះគាត់ចាស់ហើយ និងគ្មានប្រាក់ចំណូលទៀងទាត់។ ចាប់តាំងពីពិតរៀនថ្នាក់ទី៤ ប៉ុស្តិ៍ការពារព្រំដែន Nhà Mát បានទទួលពិតជាកូនចិញ្ចឹមរហូតមកដល់សព្វថ្ងៃ។ ដោយសារតែក្តីស្រឡាញ់របស់ឪពុកកងទ័ព ពាក់សក្តិបៃតង ជីវភាពរបស់យាយចៅទាំងពីរនាក់ក៏មានភាពល្អប្រសើរជាងមុន។ ហើយប្អូន Pít មិនចាំបាច់បោះបង់ការរៀនសូត្រនោះទេ។ “កូនពិតជាដឹងគុណយ៉ាងជ្រាលជ្រៅចំពោះក្តីស្រឡាញ់ចិញ្ចឹមមើលថែរបស់ឪពុកធម៌ខ្លាំងណាស់។ ដូច្នេះហើយ កូនតែងដាស់តឿនខ្លួនឯងនឹងខិតខំរៀនសូត្រឱ្យបានល្អថែមទៀត” ប្អូនពិត និយាយបែបនេះ។
កងទ័ពការពារព្រំដែនខេត្ត Cà Mau ជូនកង់ដល់សិស្សានុសិស្សក្នុងឱកាសបវេសនកាលឆ្នាំសិក្សា ២០២៥-២០២៦។
ជាមួយទង្វើជាក់ស្តែងដែលរីកសាយភាយពេញដោយក្តីស្រឡាញ់របស់កងទ័ពការពារព្រំដែនខេត្ត Cà Mau ក៏បានរួមចំណែកជំនួយការឧបត្ថម្ភប្អូនសិស្សសាលាមានជីវភាពក្រីក្រនៅតាមតំបន់ឆ្នេរសមុទ្របានទៅសាលាគ្រប់ៗគ្នា។ នេះក៏ជាការយកចិត្តទុកដាក់ដ៏ពិសេស សម្តែងពីតួនាទីរបស់កងទ័បការពារព្រំដែនក្នុងការកសាងសង្គមសិក្សារៀនសូត្រ រឹតបន្តឹងចំណងសាមគ្គីភាពរវាងកងទ័ព និងប្រជាជន កសាងយុទ្ធសាស្រ្តទឹកចិត្តប្រជាជនឱ្យការតែមានភាពរឹងមាំប្រសើរឡើង៕
Thanh Hải
