រយៈកាលកន្លង សកម្មភាពបង្រៀនភាសាខ្មែរដល់កូនក្មួយ ជនរួមជាតិក៏ត្រូវបានអនុវត្តយ៉ាងល្អប្រសើរណាស់ដែរ។ ទន្ទឹមជាមួយការយកចិត្តទុកដាក់បណ្តុះបណ្តាល និងបំប៉ន ផ្តួចផ្តើមកងជួរ គ្រួបង្រៀនអក្សរសាស្ត្រខ្មែររបស់ភូមិភាគ រាល់គ្រូបង្រៀនអក្សរ ខ្មែរទាំងឡាយតែងខិតខំខ្នះខ្នែងអស់ពីចិត្តក្នុងការបង្ហាត់បង្រៀន ដោយក្តីស្រឡាញ់ពេញចិត្តមុខរបរនិងភាសាខ្មែរ ទប់ស្កាត់រាល់ ការលំបាកផ្សេងៗ ដើម្បីរួមចំណែកអភិរក្សភាសា និងអក្សរ សាស្ត្ររបស់ជាតិខ្លួន។
បច្ចុប្បន្ន ទូទាំងខេត្តមានគ្រូបង្រៀនអក្សរខ្មែរប្រមាណជាង៣០រូប ក្នុងនោះមាន៣រូបដែលកំពុងបង្រៀននៅតាមសាលាជនជាតិអន្តេវាសិកទាំង២សាលា ចំណែកក្រៅពីនោះសុទ្ធសឹង ជាគ្រូបង្រៀនអក្សរខ្មែរនារដូវវិស្សមកាល។ ហើយបណ្តាគ្រូ បង្រៀនទាំងឡាយសុទ្ធសឹងជាជនជាតិខ្មែរដូចគ្នា ព្រមទាំង មានចំណេះដឹងគ្រាប់គ្រាន់និងឯកទេសខាងបង្រៀនភាសា ខ្មែរតាមការកំណត់។
អ្នកគ្រូ យ័ញធីជី ជាគ្រូបង្រៀនភាសាខ្មែរនៃសាលាវិទ្យា ល័យជនជាតិអន្តេវាសិកខេត្ត មានប្រសាសន៍៖ “ខ្ញុំបង្រៀន អក្សរខ្មែរនៅសាលាក៏យូរដែរហើយ។ ខ្ញុំស្រឡាញ់មុខរបរជា គ្រូបង្រៀនេះខ្លាំងណាស់ ពីព្រោះនាងខ្ញុំយល់ថាខ្លួនបានរួមចំណែកក្នុងការផ្សព្វផ្សាយបង្ហាត់បង្ហាញភាសាជាតិខ្លួនជូនប្អូនៗកូនខ្មែរគ្រប់រូបដើម្បីរួមគ្នាអភិរក្ស និងពង្រីកភាសាជាតិ។ ទន្ទឹមនិងនោះផងដែរ នាងខ្ញុំបានចូលរួមបណ្តាថ្នាក់ហ្វឹកហ្វឺន បំណិនផ្នែកខាងគរុកោសល្យភាសាខ្មែរ នាងខ្ញុំឃើញថាមាន អត្ថប្រយោជន៍និងជាក់ស្តែងខ្លាំងណាស់ ជួយឲ្យនាងខ្ញុំយល់ ដឹងបន្ថែមខាងភាសាខ្មែរ ព្រមទាំងក្តាប់បានច្បាស់រាល់វិធី សាស្ត្រក្នុងការបង្រៀនភាសាខ្មែរទៀតផង”។
អ្នកគ្រូ យ័ញធីជី អស់ពីចិត្តជាមួយមុខរបររបស់ខ្លួន។
អ្នកស្រី ក្វាត់គីវម៉ាយ អនុប្រធានគណៈជនជាតិខេត្ត ឲ្យដឹង៖ “រយៈកាលកន្លង ដើម្បីលើកកម្ពស់ចំណេះដឹងជំនាញ ព្រមទាំងមុខវិជ្ជាជីវៈផ្នែកខាងគរុកោសល្យសម្រាប់គ្រូបង្រៀនភាសាខ្មែរ គណៈជនជាតិខេត្តបានកសាងគម្រោងការបណ្តុះ បណ្តាល ហ្វឹកហ្វឺន បំប៉នជូនកងជួរគ្រូបង្រៀនទាំងឡាយជា ជនជាតិភាគតិច ផ្តើមពីនោះ សហការជាមួយ គ្រប់បណ្តាភូមិភាគអនុវត្តត្រឹមត្រូវគ្រប់របបគោលនយោបាយចំពោះបណ្តា កងកម្លាំងទាំងនេះ។ ទន្ទឹមនិងនោះផងដែរ បណ្តាភូមិភាគ ទាំងឡាយក៏បានអនុវត្តយ៉ាងល្អចំពោះសកម្មភាពផ្សព្វផ្សាយ លើកកម្ពស់ចំណេះដឹងស្តីពីសារៈសំខាន់នៃការអភិរក្សវប្បធម៌ ពិសេសអភិរក្សភាសារបស់បណ្តាបងប្អូនជនជាតិភាគតិច។ បង្កើនការផ្សព្វផ្សាយទូលំទូលាយ និងមានប្រសិទ្ធភាពក្នុងការ បង្រៀននិងរៀនភាសាខ្មែរក្នុងគ្រប់បណ្តាសាលាសាកលជនជាតិ ព្រមទាំងការបង្រៀនអក្សរខ្មែរនារដូវវិស្សមកាលជាដើម”។
ទន្ទឹមជាមួយលទ្ធផលដែលទទួលបាន ក៏នូវមានការខ្វះខាត ខាងគ្រូបង្រៀនអក្សរខ្មែរផងដែរ ដោយមានមិនស្មើគ្នា ព្រមទាំងនូវមានករណីដាច់ដោយឡែកពីគ្នាខាងចំណេះដឹង និងសមត្ថភាព នៃការបង្ហាត់បង្រៀន។ ហើយក៏មានករណីមួយចំនួនមិនទាន់ សម្រេចតាមការកំណត់ តែភាគច្រើនគ្រូបង្រៀនទាំងនេះបាន ត្រឹមបង្ហាត់ក្នុងរដូវវិស្សមកាលប៉ុណ្ណោះ ដូច្នេះហើយទើបមានការអន់ខ្សោយចំពោះបំណិនផ្នែកខាងគរុកោសល្យ និងបទពិសោធ ក្នុងការបង្រៀនទៀតផង។
ទោះបីមិនជំនាញ តែគ្រូបង្រៀនអក្សរខ្មែរនារដូវវិស្សមកាលក៏សុទ្ធសឹងជាកងកម្លាំងដ៏សំខាន់ណាស់ដែរ ព្រមទាំងរួមចំណែកក្នុងការអភិរក្សភាសាជាតិទៀតផង។
យល់ឃើញនូវរាល់បណ្តាកង្វះខាតទាំងនេះ គណៈជនជាតិ ខេត្ត ព្រមទាំងមន្ទីរអប់រំនិងបណ្តុះបណ្តាលបានសហការជាមួយ បណ្តាមហាវិទ្យាល័យ មណ្ឌលចាត់តាំងហ្វឹកហ្វឺន និងបំប៉ន ជំនួយខាងចំណេះដឹងតាមវិធីសាស្ត្រយ៉ាងសមស្របខុសប្លែកពីគ្នា។
អ្នកស្រី ក្វាត់គីវម៉ាយ ឲ្យដឹងបន្ថែម៖ “យោងតាមបណ្តាថ្នាក់ ហ្វឹកហ្វឺន យើងខ្ញុំសង្ឃឹមចង់មានការលើកកម្ពស់ចំណេះដឹង ព្រមទាំងបង្កើនបទពិសោធបំណិនផ្នែកខាងគរុកោសល្យ បង្កលក្ខណៈងាយស្រួលដើម្បីកងជួរកម្មាភិបាលគ្រូបង្រៀនអក្សរខ្មែរបង្កើនចំណេះដឹងឯកទេសផ្ទាល់ខ្លួន និងដើម្បីការបង្រៀនអក្សរខ្មែរមួយថ្ងៃកាន់តែមានប្រសិទ្ធភាពថែមទៀត ព្រមទាំងបង្កើនគុណភាពក្នុងការបង្រៀននិងរៀនភាសាខ្មែរ រួមចំណែកលើកកម្ពស់តុល្យភាព ផ្នែកខាងចំណេះដឹងក្នុងបណ្តាជនរួមជាតិភាគតិចទាំងឡាយ”។
អាស្រ័យការផ្សព្វផ្សាយដំណាលគ្នា និងទាន់ហេតុការណ៍ រាល់បណ្តាដំណោះស្រាយក្នុងការលើកកម្ពស់គុណភាពកងជួរកម្មាភិបាលគ្រូបង្រៀនអក្សរខ្មែរ ព្រមទាំងសកម្មភាពនៃការបង្រៀនភាសាខ្មែររបស់ខេត្តសម្រេចច្រើនលទ្ធផលជាក់ស្តែង ជួយសិស្សានុសិស្សកូនខ្មែរអភិវឌ្ឍន៍ភាសា ព្រមទាំងមានស្មារតីក្នុងការអភិរក្សនិងពង្រីកបណ្តាតម្លៃខាងភាសានិងវប្បធម៌ជាតិ៕
អត្ថបទនិងរូបថត៖ គ្វីញអាញ