ឃុំដុងថើយ ស្រុកកៃនឿកមានជនជាតិខ្មែរ២០១គ្រួសារ។ អាស្រ័យការយកចិត្តទុកដាក់របស់ភូមិភាគ រួមជាមួយការខិតខំប្រឹងប្រែងរបស់ខ្លួន ជីវភាពរស់នៅ របស់មាមីងបងប្អូនមួយថ្ងៃកាន់តែមានការអភិវឌ្ឍន៍។ ទន្ទឹមនិងនោះ បងប្អូនជនរួមជាតិខ្មែរថែមទាំងសកម្មចូលរួមប្រពៃណីកសាងគ្រួសារវប្បធម៌ ផ្តល់ក្តីសុខសន្តិភាពជូនភូមិស្រុកទៀតផង។
ផ្តើមពីនោះ មានគ្រួសារជាច្រើនបានជំហរមុខក្នុងប្រពៃណីនៃការប្រ ឡងប្រណាំងស្នេហាជាតិ រួមចំណែកអភិវឌ្ឍន៍ស្រុកទេស។ តួយ៉ាង ដូចជាគ្រួសារលោក ត្រឹងវុំាងភុង នៅភូមិខាញ់ទឺ ឈ្លាសវៃ ក្នុងការផលិត ឈានឡើងអភិវឌ្ឍន៍សេដ្ឋកិច្ច មិនត្រឹមផ្តល់ប្រាក់ចំណូលគ្រួសារប៉ុណ្ណោះទេ ថែមទាំងប្រមូលផ្ត។បណ្តាគ្រួសារខ្មែរទាំងឡាយនៅភូមិភាគចូលរួមកសាងសេដ្ឋកិច្ចតាមបែបសមូហភាពទៀតផង។
ដោយយល់ថាភូមិសាស្ត្រឃុំមានផ្ទៃដីចិញ្ចឹមគ្រំឈាមច្រើន រៀងរាល់ឆ្នាំត្រូវការចំនួនពូជគ្រំយ៉ាងច្រើនសម្រាប់យកមកចិញ្ចឹម លោកភុងក៏បានវិនិយោគអនុវត្តទម្រង់បង្កាត់ពូជគ្រំឈាមសម្រាប់លក់នៅភូមិភាគ។ ជាមួយផ្ទៃដី១.០០០ម៉ែត្រការេ លោកសាងអាងចំនួន៤សម្រាប់បង្កាត់ពូជគ្រំឈាម។ លោកភុង ឲ្យដឹង៖ “ប្រសិនបើថែទាំងបានល្អត្រឹមត្រូវ គ្រំ បន្ទាប់ពីបង្កាត់ពូជបាន២០ថ្ងៃនិងអាចលក់បាន។ ចំពោះ៤អាងបង្កាត់ពូជ រាល់ខែគ្រួសារខ្ញុំលក់ចេញទីផ្សារប្រមាណ១០លានគ្រំឈាមពូជ ទទួល បានប្រាក់ចំណូលប្រហែលពី៨-១០លានដុង។
លោកត្រឹងវុំាងភុង ឈានឡើងអភិវឌ្ឍន៍សេដ្ឋកិច្ចអាស្រ័យទម្រង់បង្កាត់ពូជគ្រំ ឈាមលក់។
ដើម្បីឆ្លើយតបតម្រូវការខាងពូជសម្រាប់ផ្គត់ផ្គង់នៅភូមិភាគបានកាន់តែច្រើននោះ ឆ្នាំ២០២២ លោកភុងក៏បានបង្កើតសហគមន៍បង្កាត់ពូជ គ្រំរួមមានសមាជិកចំនួន៧រូប។ បងត្រឹងហ្វាងងី នៅភូមិខាញ់ទឺ ជាសមា ជិកសហគមន៍ ឲ្យដឹង៖ “លើកដំបូងបងចូលរួមសហគមន៍ពីព្រោះមានបំណងចង់បង្កាត់ពូជសម្រាប់ទុកចិញ្ចឹម ជៀសវាងការបង់ខាតប្រាក់ក្នុងការទិញពូជយកមកចិញ្ចឹម។ បន្ទាប់មក បងក៏បានពង្រីកសុះសាយលើផ្ទៃដី របស់ខ្លួនសម្រាប់លក់ពូជឲ្យអ្នកស្រុកវិញដោយការចំណាយតិចតែផ្តល់ ប្រាក់ចំណូលខ្ពស់។
បងងីមានប្រសាសន៍៖ “ចូលរួមសហគមន៍ បង្កើតពាណិជ្ជសញ្ញាទើប គ្រំពូជងាយស្រួលក្នុងការលក់ចេញ មិនត្រឹមផ្គត់ផ្គង់នៅភូមិភាគប៉ុណ្ណោះទេ សហគមន៍អ្នកបង្កាត់ពូជគ្រំឈាមថែមទាំងបានលក់ចេញនៅតាម បណ្តាស្រុកជិតខាងទៀតផង។ ជាមួយអាងបង្កាត់ពូជចំនួន៣ រៀងរាល់ខែផ្តល់ជូនសហគមន៍ប្រមាណ៧លានគ្រំពូជ ព្រមទាំងផ្តលជូនខ្ញុំនូវប្រ ភពប្រាក់ចំណូលលំនឹងប្រចាំខែទៀតផង”។
តាំងពីយូរឡុងណាស់មកហើយ ប្រពៃណីកសាងគ្រួសារវប្បធម៌ក៏ត្រូវបានសាភ្ជាប់ជាមួយប្រពៃណីកសាងជនបទថ្មី ផ្តើមពីនោះក៏មានលេចធ្លោយ៉ាងច្រើនកុះករគំរូកសិករខ្មែរសកម្មក្នុងការកសាងជនបទថ្មី រួមចំណែក ដើម្បីសហគមន៍។
គ្រួសារអ្នកមីង ត្រឹងហុងដឹម នៅភូមិលេខ៧ ជាគំរូជំហរមុខនៃប្រ ពៃណីបរិច្ចាគដី។ ឆ្នាំ២០១៦ អ្នកមីងដឹមបានបរិច្ចាគផ្ទៃដីជិត៨០០ម៉ែត្រការេដីជាប់មុខផ្ទះសម្រាប់សង់សាលាទាន។
អ្នកមីង ត្រឹងហុងដឹម បានបរិច្ចាគដីសម្រាប់សាងសង់សាលាទាន ជារៀងរាល់ថ្ងៃ អ្នកមីងលះបង់ការងារផ្ទះដើម្បីបោសសំអានអនាម័យសាលាទានសម្រាប់ជាទីតាំងសកម្មភាពវប្បធម៌សហគមន៍។
ដោយបានដឹងថា កាលពីមុន ភូមិភាគមិនទាន់មានមូលនិធិដីធារ សម្រាប់សាងសង់សាលាទាន ទើបរាល់សកម្មភាពវប្បធម៌ និងជំនឿ របស់បងប្អូនជនរួមជាតិខ្មេរទូទាំងឃុំមានការជួបលំបាកខ្លាំង។ អាស្រ័យ បែបេនះហើយ អ្នកមីងដឹមក៏វិភាគជាមួយគ្រួសារដើម្បីបរិច្ចាគដីខាងមុខផ្ទះសម្រាប់សង់សាលាទាន បង្កើតទីតាំងសម្រាប់ចាត់តាំងរាល់សកម្មភាព វប្បធម៌សហគមន៍។ អ្នកមីងដឹម មានប្រសាសន៍៖ “មាមីងបងប្អូន ដែលមានទីតាំងសម្រាប់សកម្មភាពវប្បធម៌ នរណាៗក៏រំភើបណាស់ដែរ ដូច្នេះហើយ ការបរិច្ចាគដីសម្រាប់សាងសង់សាលា ទានលើផ្ទៃដីរបស់ គ្រួសារ ទើបរៀងរាល់ថ្ងៃខ្ញុំតែងឆ្លៀតពេលដើម្បីធ្វើការបោសសំអាតអនាម័យរក្សាភាពស្រស់ស្អាតឲ្យសាលាទាន”។
លោកឡឹមហ្វាងគៀង អនុប្រធានគណៈកម្មាធិការប្រជាជនឃុំដុងថើយ ឲ្យដឹង៖ “ប្រពៃណីកសាងគ្រួសារវប្បធម៌របស់បងប្អូនជនរួមជាតិ ខ្មែរនៅភូមិភាគមួយថ្ងៃកាន់តែមានការលើកកម្ពស់ រួមចំណែកពង្រីកប្រពៃណីដ៏ថ្លៃថ្លារបស់សង្គមគ្រួសារនិងសហគមន៍ទៀតផង”៕
អត្ថបទនិងរូបថត៖ ភឿងថាវ
