ស្រុក U Minh មានឃុំចំនួន២ ដែលចំណុះតំបន់III និងមាន៧ភូមិដែលជួបលំបាកពិ សេសស្ថិតខាងក្រៅឃុំចំណុះតំបន់III។ មានគ្រួសារជនជាតិភាគតិច១.៤៨០គ្រួសារ ដោយចំនួនប្រជាជន៦.៦៩២នាក់។ គ្រួសារជនជាតិភាគតិចដែលក្រីក្រមាន១៩៣គ្រួសារ និងគ្រួសារជនជាតិភាគតិចប្រកៀកក្រ៦០គ្រួសារ។ យោងតាមកម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំតំណាក់កាលទីI (២០២១-២០២៥)ស្រុក U Minh កំពុងជំរុញល្បឿននៃការអនុវត្តគម្រោងទី៣(គម្រោងឧបត្ថម្ភអភិវឌ្ឍន៍ផលិតសហគមន៍) ដំបូងទទួលបានលទ្ធផលគួរឲ្យកត់ សម្គាល់។
រយៈពេល២ឆ្នាំ ២០២២ និង ២០២៣ អនុវត្តគម្រោងទី៣ ស្រុកត្រូវបានថ្នាក់ខេត្តប្រគល់ជូនសរុបប្រភពទុនទាំងអស់ចំនួន៣.១៦៤លានដុង ព្រមទាំងផ្សព្វផ្សាយអនុវត្ត១៣គម្រោងផលិត មាន១៨៧គ្រួសារបានចូលរួម។ ផ្តើមពីនោះ ក៏មាន១២៥គ្រួ សារដែលទទួលបានការឧបត្ថម្ភពូជជ្រូកសម្រាប់ចិញ្ចឹមលក់សាច់ ២២គ្រួសារចិញ្ចឹមមាន់ជល់កាត់ ២២គ្រួសារចិញ្ចឹមទាកប៉ា គ្រួសារចិញ្ចឹមត្រីក្រាញ់ក្បាលប្រមា ៦គ្រួ សារដាំបន្លែសុវត្ថិភាព។
អនុវត្តគម្រោងឧបត្ថម្ភអភិវឌ្ឍន៍ផលិតសហគមន៍ ឃុំ Nguyễn Phích បានឧបត្ថម្ភពូជទាកប៉ានិងមាន់ជល់កាត់សម្រាប់គ្រួសារក្រីក្រ និងគ្រួសារប្រកៀកក្រទៀតផង។
លោក Nguyễn Văn Đen ប្រធានការិយាល័យជនជាតិស្រុក ឲ្យដឹង៖ “ជាមួយទិសដៅពង្រីកសក្តានុពលរបស់ភូមិភាគ ទាក់ទាញពលករក្រីក្រនិងប្រកៀកក្រនៅនឹងកន្លែង ការអនុវត្តគម្រោងទី៣ ក៏បានរួមចំណែកបង្កើតការងារធ្វើ បង្កើតបរិមាណផលពលកម្ម និងបង្កើនប្រភពប្រាក់ចំណូល ជំនួយគ្រួសារក្រីក្រមានលក្ខណៈឈានឡើងពង្រីកសេដ្ឋកិច្ច រួមចំណែកអនុវត្តទិសដៅនៃការកាត់បន្ថយក្រចីរភាព ព្រមទាំងផ្សារភ្ជាប់ជាមួយនឹងការរៀបចំរចនាសម្ព័ន្ធឡើងវិញនៃវិស័យកសិកម្ម”។
Khánh Thuận គឺជាឃុំមួយក្នុងចំណោមឃុំចំនួន២របស់ស្រុក U Minh ដែលចំណុះតំបន់III។ ឃុំមានគ្រួសារជនជាតិភាគតិចចំនួន១៥០គ្រួសារ (ភាគច្រើនជាជនជាតិខ្មែរ) ក្នុងនោះមានគ្រួសារក្រីក្រ២០គ្រួសារ និងគ្រួសារប្រកៀកក្រ២គ្រួសារផងដែរ។ បងប្អូនជនរួមជាតិរស់នៅរាយប៉ាយតាមតំបន់លំនៅឋានគ្រប់បណ្តាភូមិ។
លោក Phạm Quốc Thiện អនុប្រធានគណៈកម្មាធិការប្រជាជនឃុំ ឲ្យដឹង៖ “ការអនុវត្តគោលនយោបាយកាត់បន្ថយភាពក្រីក្រសម្រាប់គ្រួសារជាទូទៅនិយាយរួម និងគ្រួសារជនជាតិភាគតិច និយាយដោយឡែក ក៏ដូចជាគោលនយោបាយជនជាតិ ឃុំក៏បានកំណត់ទិសដៅនៃអត្រាកាត់បន្ថយក្រក្នុងឆ្នាំរបស់គ្រួសារជនរួមជាតិដើម្បីធ្វើជាមូលដ្ឋានសម្រាប់ភូមិនានាដើម្បីកំណត់អត្តសញ្ញាណគ្រួសារដែលរួចចាកក្រដើម្បីជំនួយឧត្ថម្ភ។ ក្នុងនោះ ដើម្បីជំនួយបណ្តាគ្រួសារដែលមានទម្រង់អភិវឌ្ឍន៍ ផលិត ភូមិភាគក៏បានធ្វើការផ្សព្វផ្សាយអនុវត្តគម្រោងទី៣ ឧបត្ថម្ភអភិវឌ្ឍន៍ផលិតជូន៥៦គ្រួសារក្រីក្រ និងគ្រួសារប្រកៀកក្រ អនុវត្តទម្រង់ចិញ្ចឹមជ្រូកសាច់តាមបែបគ្មានខ្លាញ់ ដោយទ្រង់ទ្រាយឧបត្ថម្ភពូជ និងចំណី។ បច្ចុប្បន្ននេះ បណ្តាគ្រួសារដែលទទួលបានការឧបត្ថម្ភ ក៏បានពង្រីកយ៉ាងមានប្រសិទ្ធភាពគួរឲ្យកត់សម្គាល់ ផ្តល់ប្រាក់ចំណូលសមគួរ ព្រមទាំងបានបន្តការចិញ្ចឹមទៀតផង”។
គ្រួសារអ្នកមីង Nguyễn Thị Nga នៅភូមិលេខ៤ ឃុំ Khánh Thuận ទទួលបានការឧបត្ថម្ភពូជជ្រូកកូនចំនួន៤ក្បាល ព្រមទាំងចំណីសម្រាប់ជ្រូកផងដែរ។ បន្ទាប់ពីលក់ជ្រូករួច មានដើមទុន អ្នកមីង Nga ក៏បានទិញជ្រូកកូនចំនួន៤ក្បាលសម្រាប់ចិញ្ចឹមបន្ត បច្ចិប្បន្ន ហ្វូងជ្រូកកំពុងអភិវឌ្ឍន៍ល្អ។
គ្រួសារបងស្រី Võ Thị Mí នៅភូមិលេខ៣ ឃុំ Khánh Thuận ជាគ្រួសារក្រ ជីវភាពខ្វះការលំនឹង។ ផ្តើមពីគម្រោងទី៣ គ្រួសារបងក៏ទទួលបានការឧបត្ថម្ភជ្រូកពូជយកមកចិញ្ចឹមចំនួន៤ក្បាល ព្រមទាំងចំណីចំនួន២២បៅ។ ក្រោយចិញ្ចឹមបាន៤ខែ បងស្រីក៏សម្រេចលក់ជ្រូក៤ក្បាល ទទួលបានប្រាក់ចំណូលជាង២០លានដុង ។ បងស្រីក៏បានសងប្រាក់ដើមទុនវិញចំនួន១០% ហើយចមណែកប្រាក់ដែលនៅសល់ បងស្រីបន្តចិញ្ចឹម ព្រមទាំងទិញជ្រូកកូនបន្ថែមចំនួន៤ក្បាលទៀតសម្រាប់ចិញ្ចឹម និងចំណី៤បៅ។ សព្វថ្ងៃ ទ្រុងសម្រាប់ចិញ្ចឹមជ្រូករបស់បងស្រីមីកំពុងធំធាត់ល្អ។ បងស្រី Mí មានប្រសាសន៍៖ “ទទួលបានកូនជ្រូកពូជចំនួន៤ក្បាល ប្តីប្រពន្ធខ្ញុំសប្បាយចិត្តណាស់ ព្រោះពីមុនគ្រួសារយើងមានទ្រុង តែគ្មានប្រាក់ទិញជ្រូកកូនសម្រាប់តកមកចិញ្ចឹម។ ចំពោះប្រាក់ដែលបានមកពីការលក់ជ្រូក ប្តីប្រពន្ធខ្ញុំក៏យកទៅទិញជ្រូកពូជសម្រាប់ចិញ្ចឹមបន្ត។ សង្ឃឹមថា ហ្វូងជ្រូកបន្តនឹងជួយគ្រួសារខ្ញុំឈានឡើងជីវភាពធូរធាជាង និងមានលក្ខណៈអាចរួចចាកក្របាន”។
ហ្វូងជ្រូកកូនដែលកើតជាលើកទីពីររបស់បងស្រី Võ Thị Mí កំពុងអភិវឌ្ឍន៍ល្អ។
លោក Phạm Quốc Thiện បានអះអាង៖ “ការអនុវត្តគម្រោងជំនួយឧបត្ថម្ភអភិវឌ្ឍ ផលិតក្នុងសហគមន៍ឃុំ Khánh Thuận ដំបូងឡើយបាននាំមកនូវលទ្ធផលល្អ។ គម្រោងនេះគឺជាគម្រោងដ៏ចាំបាច់ ដើម្បីជួយគ្រួសារទាំងឡាយបានចូលរួមគម្រោងទទួលបានការងារធ្វើ ព្រមទាំងរកប្រាក់ចំណូលបាននឹងនរ និងរួចផុតពីភាពក្រីក្រជាបណ្តើរៗ”។ រួមជាមួយនឹងឃុំ Khánh Thuận នៅឃុំ Khánh Lâm មាន៧ភូមិជួបលំនាកពិសេសរបស់ឃុំ រួមមាន៖ Khánh Hoà, Khánh Hội, Nguyễn Phích គម្រោងទី៣ក៏ពង្រីកប្រសិទ្ធភាពយ៉ាងជាក់ស្តែង។ ផ្តើមពីគម្រោងនេះ ក៏បានបង្កើតការងារធ្វើជូនពលករក្រីក្រ និងប្រកៀកក្រទាំងឡាយ ព្រមទាំងបង្កើនលទ្ធផលខាងវិស័យសេដ្ឋកិច្ច ប្រាក់ចំណូលគ្រួសារ រួមចំណែកអនុវត្តទិសដៅកាត់បន្ថយអត្រាគ្រួសារក្រង ប្រកៀកក្រក្នុងតំបន់ជនជាតិភាគតិចលើភូមិសាស្ត្រស្រុក U Minh និយាយដោយឡែក ខេត្ត Cà Mau និយាយរួម៕
អត្ថបទនិងរូបថត៖ គ្វីញអាញ