យោងតាមផែនការ មហាសន្និបាតតំណាងជនជាតិភាគតិចខេត្ត Cà Mau លើកទី IV នឹង ប្រព្រឹត្តឡើងនាចុងខែសីហា។ នេះគឺជាឱកាសសម្រាប់ការបូកសរុប វាយតម្លៃ លទ្ធផល អនុវត្តការងារជនជាតិ ព្រមទាំងចាត់តាំងស្ងើចសរសើរ លើកតម្កើង បណ្តាសមូហភាព ឯកជនទាំងឡាយដែលមានស្នាដៃឆ្នើមក្នុងកិច្ចការងារជនជាតិ ព្រមទាំងមានសគុណក្នុងការរួមចំណែកកសាងផែនមហាសាមគ្គីជនជាតិ។ អ្នកកាសែត កាម៉ាវ (Cà Mau) បានជួបសំណេះសំណាលជាមួយអ្នកតំណាងមួយចំនួនដែលត្រៀមចូលរួមមហាសន្និបាត និងស្តាប់ការចែករំលែក និង ផ្ញើក្តីសង្ឃឹម ទាំងស្រុងក្នុងមហាសន្និបាត ដើម្បីគោលនយោបាយជនជាតិមួយថ្ងៃកាន់តែមានប្រសិទ្ធភាព។
លោក Trần Chánh Quang ជនជាតិចិន (Hoa) អតីតប្រធានគណៈជនជាតិ ក្រុមប្រឹក្សាប្រជាជនខេត្ត ទទួលបន្ទុកខាងសមាគមន៍មិត្តភាព Việt - Trung៖
គួរមានភាពជាក់ស្តែងចំពោះបណ្តាគោលនយោបាយជនជាតិ
រាល់មហាសន្និបាតតំណាងជនជាតិភាគតិចម្តងៗ គឺជាជំហានវិវឌ្ឍស្តីពីការងារជនជាតិ និងគោលនយោបាយជនជាតិរបស់បក្សនិងរដ្ឋ ពិសេស អនុវត្តរាល់បណ្តាកម្មវិធីគោលដៅជាតិក្នុងរយៈកាលកន្លង។ ខាងមុខនេះ ដើម្បីការងារជនជាតិសម្រេចលទ្ធផលខ្ពស់បំផុត គួរមានភាពជាក់ស្តែង រាល់បណ្តាគោលនយោបាយជនជាតិ ដើម្បីប្រជាជនទូទៅបានយល់បានដឹង ឯកភាព និងបានឃើញច្បាស់អំំពីអត្ថប្រយោជន៍ជាក់ច្បាស់របស់បណ្តាគោលនយោបាយដែលបានជំនួយឧបត្ថម្ភប្រជាជនបែបណាខ្លះ ពិសេសការឧបត្ថម្ភបងប្អូននៅតាមតំបន់ជនបទ តំបន់ឆ្ងាយដាច់ស្រយាល តំបន់មានលក្ខណៈនិងមានឱកាសសម្រាប់អភិវឌ្ឍន៍ខាងវិស័យសេដ្ឋកិច្ច ឈានឡើងក្នុងការរស់នៅ។
ទន្ទឹមនិងនោះ ផ្តើមពីបណ្តាគោលនយោបាយជនជាតិ មូលដ្ឋានហេដ្ឋរចនាសម្ព័ន្ធនៃតំបន់ជនជាតិក៏បាននិងកំពុងត្រូវបានវិនិយោគ វិសិដ្ឋកម្ម បង្កើតសម្រស់ថ្មីសម្រាប់ជនបទ។ យកចិត្តទុកដាក់ចំពោះការអភិរក្ស និងពង្រីកតម្លៃវប្បធម៌ប្រពៃណីរបស់គ្រប់បណ្តាជនជាតិ។ ជាពិសេស ដើម្បីរួមចំណែកអភិរក្ស និងពង្រីកនូវភាសា និងអក្សរសាស្ត្រចិន (Hoa) ត្រូវការការយកចិត្តទុកដាក់របស់គ្រប់បណ្តាគណៈផ្នែកក្នុងការបណ្តុះបណ្តាល បំប៉ន បំណិន លើកកម្ពស់ចំណេះដឹង និងអាជីពជំនាញជូនកងជួរគ្រូបង្រៀនអក្សរចិន (Hoa) ក៏ដូចជាការយកចិត្តទុកដាក់វិនិយោគស្តីពីមូលដ្ឋានសម្ពារនៅតាមបណ្តាទីតាំងបង្រៀនអក្សរចិន (Hoa) ដើម្បីកង ជួរទាំងនេះបានរួមចំណែកក្នុងការបណ្តុះបណ្តាល កសាងប្រភពធនធានអ្នកស្នងបន្តយ៉ាងស្ទាត់ជំនាញខាងភាសាចិន (Hoa) ព្រមទាំងងាយស្រួលថែមទៀតចំពោះការជួញដូរ និងសមាហរណកម្ម។
លោក Kim Phách ជនជាតិខ្មែរ (Khmer) និងជាអ្នកមានប្រជាប្រិយក្នុងជនរួមជាតិភាគតិចរបស់ភូមិ
Đồng Tâm A ឃុំ Tân Duyệt ស្រុក Đầm Dơi៖
ពង្រីកថែមទៀតចំពោះតួនាទីអ្នកមានប្រជាប្រិយ
ដើម្បីបន្តពង្រីកថែមទៀតនូវតួនាទី និងភារកិច្ចរបស់អ្នកមានប្រជាប្រិយ គួរបង្កើនការបំប៉នចំណេះដឹង និងបំណិនខាងផ្សព្វផ្សាយជូនអ្នកមានប្រជប្រិយ។ យកចិត្តទុកដាក់អនុវត្តល្អគ្រប់បណ្តារបបគោលនយោបាយ ស្ងើចសរសើរចំពោះអ្នកមានប្រជាប្រិយ មានស្នាដៃឆ្នើមរាល់គ្រប់វិស័យ ដើម្បីលើកទឹកចិត្តបានទាន់ពេល ព្រមទាំងចលនាអ្នកមានប្រជាប្រិយមួយថ្ងៃកាន់តែពង្រីកតួនាទី និងភារកិចរបស់ខ្លួនឲ្យកាន់តែល្អថែមទៀតក្នុងរាល់សកម្មភាពរបស់ភូមិភាគ។
ទន្ទឹមនិងនោះ ជំរុញខ្លាំងខ្លាការផ្សព្វផ្សាយជូនបងប្អូនប្រជាជនគ្រប់ស្រទាប់វណ្ណៈនិយាយរួម និងអ្នកក្រីក្រនិយាយដោយឡែកស្តីពីទិសដៅនៃការកាត់បន្ថយក្រចីរភាព។ ផ្តើមពីនោះ លើកកម្ពស់ការយល់ដឹង ដាស់ តឿនគំនិត ពឹងពាក់លើខ្លួនឯង និងម្ចាស់ការខិតខំឈានឡើងរបស់គ្រួសារក្រ លុបបំបាត់ចោលចំពោះគំនិតទន្ទឹងរង់ចាំ និងពឹងលើជំនួយ ឧបតម្ថរបស់រដ្ឋ និងសង្គម។
បង្កើនការបណ្តុះបណ្តាលវិជ្ជាជីវៈ ដោះស្រាយការងារធ្វើ និងផ្លាស់ប្តូរមុខរបរការងារ អនុវត្តបច្ចេកវិទ្យាចូលក្នុងការផលិត។ អនុវត្តគ្រប់គ្រាន់ ទាន់សភាពការយោងតាមមុខសញ្ញានិមួយៗ។ ផ្សព្វផ្សាយឱ្យបានទូលំទូលាយក្នុងប្រជាជនស្តីពីគោលនយោបាយកសាងជនបទថ្មីកម្រិតខ្ពស់ ដើម្បីបងប្អូនប្រជាជនបានយល់និងឯកភាពតាម រួមចំណែកជាមួយភូមិភាគ អនុវត្តឃុំសម្រេចលក្ខឋានជនបទថ្មីកម្រិតខ្ពស់នៅឆ្នាំ២០២៥។
លោកស្រី Trịnh Tuyết Ngọc អនុប្រធានការិយាល័យការងារ - យុទ្ធជនពីការ និង សង្គម ក្រុង Cà Mau៖
ពិពិធកម្មនៃទម្រង់ បណ្តុះបណ្តាលវិជ្ជាជីវៈ និងបង្កើតការងារធ្វើជូនជនជាតិភាគតិច
ក្នុងនាមខ្ញុំជាជនជាតិភាគតិច ខ្ញុំមានអារម្មណ៍ពេញចិត្តខ្លាំងណាស់ចំពោះ គោលនយោបាយរបស់បក្ស និងរដ្ឋ ដែលបានយកចិត្តទុកដាក់យ៉ាងសកម្មចំពោះបងប្អូនជនជាតិភាគតិច។ ប៉ុន្មានឆ្នាំកន្លង ខ្ញុំត្រូវបានជ្រើសរើស និងចាត់តាំងការងារយ៉ាងសមស្របជាមួយកម្រិតវិជ្ជារបស់ខ្លួន ព្រមទាំងបានបណ្តុះបណ្តាលលើកកម្ពស់ចំណេះដឹង ដើម្បីបម្រើការងារបានយ៉ាងល្អ និងត្រូវបានសងប្រាក់ខែ ប្រាក់ជំនួយផ្សេងៗរួមទាំងរង្វាន់ស្ងើចសរសើរយ៉ាងសមស្របតាមការកំណត់របស់រដ្ឋ។
សង្ឃឹមថានាពេលខាងមុខនេះ បក្សនិងរដ្ឋបន្តយកចិត្តទុកដាក់ចំពោះការអភិវឌ្ឍន៍គ្រឹះស្ថានខាងវិស័យអប់រំសាកល និងអប់រំវិជ្ជាជីវៈ ពិពិធកម្មទម្រង់នៃការបណ្តុះបណ្តាល បង្រៀនមុខរបរវិជ្ជាជីវៈ និងបង្កើតការងារធ្វើសម្រាប់ជនជាតិភាគតិច សមស្របតាមលក្ខណៈនៃតំបន់និមួយៗ ដើម្បីឆ្លើយតបតម្រូវការនៃឧស្សាហូបនីយកម្ម និងទំនើបកម្មរបស់ប្រទេសជាតិ។ ទន្ទឹមនឹងនេះ ក៏មានការបណ្តុះបណ្តាល ចិញ្ចឹម គ្រប់គ្រង ប្រើប្រាស់ និងមានគោលនយោបាយ ប្រាក់ចំណូលសមរម្យសម្រាប់ពលករជាជនជាតិភាគតិច។ ទាក់ទាញ និងប្រើប្រាស់កងជួរកម្មាភិបាលជាជនជាតិភាគតិចដែលមានសមត្ថ ភាពខ្ពស់ ដើម្បីចូលរួមក្នុងការសិក្សាស្រាវជ្រាវ កសាង ចាត់តាំងអនុវត្តគោលនយោបាយជនជាតិ៕
គ្វីញអាញ - លេទ្វឹន
