មកកាន់តំបន់ទីផ្សារនៃឃុំ Phú Tân ស្ថិតនៅភូមិ Cái Đôi Vàm ស្រុក Phú Tân សួររកលោកពូ Sáu Thôi (Quách Văn Thôi) អ្នកណាក៏ដឹង ពីព្រោះថា ក្រៅពីបានអ្នកផងស្គាល់ថាជាជនជាតិ Hoa ជោគជ័យក្នុលើមុខរបរអាជីវកម្ម ចិញ្ចឹមកូនរៀនសូត្របានល្អលោកថែមទាំងជាអ្នកមានប្រជាប្រិយគមរូម្នាក់ក្នុងជន ជាតិភាគតិច និងជាអ្នកមានការទទួលខុសត្រូវ ព្រមទាំងសកម្មចូលរួមទឹកចិត្តសប្បុរសធម៌នៅភូមិភាគទៀតផង។
លោកពូ Sáu Thôi បានរួមចំណែកជាច្រើនក្នុងការងារសប្បុរសធម៌សង្គម និងសកម្មគ្រប់បណ្តាប្រវេណីឃោសនាចលនាកសាងជនបទថ្មីនៅភូមិភាគ។ ទឹកចិត្តសប្បុរសធម៌ និងគុណធម៌ដ៏ថ្លៃថ្នូរបស់លោកចំពោះអ្នកក្រីក្រ ជនពិការ កុមារកំព្រា និងអ្នកជំងឺកង្វះខាតដែលត្រូវបានគ្រប់គ្នាទទួលស្គាល់។ ផ្តើមពីនោះ រាយសាយភាយខាងស្មារតីសាមគ្គីភាពក្នុងសហគមន៍ បងប្អូនជំនួយគ្នាដើម្បីអភិវឌ្ឍន៍រួមគ្នា។
លោកពូបានរៀបរាប់ទៀតថា កាលពីគាត់នៅក្មេង ជីវភាពគ្រួសាររបស់លោកមានការជួបលំបាកគ្រប់សព្វបែបយ៉ាង ប៉ុន្តែដោយសារប្តីប្រពន្ធរួមកម្លាំងគចិត្តតែមួយ និងការប្តេជ្ញាចិត្តជំនះភាពក្រីក្រ ទើបសេដ្ឋកិច្ចរីកចម្រើន។ ខណៈពេលដែលជីវភាពបានធូរធា លោកក៏យល់ច្បាស់ និងអាធ្យាស្រ័យចំពោះអ្នកឥតសំណាងក្នុងឆាកជីវិត ដូច្នេះហើយក្នុងចិត្តលោកពូតែងរំលឹកដាស់តឿនខ្លួនឯងជានិច្ច ថាត្រូវរួមកម្លាំងជាមួយភូមិភាគ ព្រួតដៃដើម្បីគិតគូរជូនគ្រួសារក្រីក្រ។ “គ្រប់ទង្វើរបស់ខ្លួន គឺសុទ្ធតែផុសចេញពីបេះដូងពិតៗ។ ខណៈពេលដែលបានជួយអ្វីដល់មាមីបងប្អូន គឺខ្ញុំសប្បាយចិត្តខ្លាំងណាស់ ពីព្រោះយើងអាចធ្វើបាននូវអំពើប្រកបដោយអត្ថន័យខ្លឹមសារ” លោកពូ Thôi មានប្រាសន៍បែបបេះ។
លោកពូ Quách Văn Thôi (ទី៣គិតពីឆ្វេង) ទទួលលិខិតសរសើររបស់គណៈជនជាតិខេត្ត ស្តីពីការរួមចំណែកនៃអ្នកមានប្រជាប្រិយចំពោះការងារឃោសនាផ្សព្វផ្សាយក្នុងឆ្នាំ២០២៣។
មិនត្រឹមតែចំណាយទឹកប្រាក់ផ្ទាល់ខ្លួនដើម្បីជួយមាមីងក្នុងភូមិដែលមានដូចជា៖ ជូនអង្ករ ប្រាក់សុទ្ធ សម្ភារៈចាំបាច់ ប័ណ្ណធានារ៉ាប់រងសុខភាព កង់ និងសម្ភារៈសិក្សាប៉ុណ្ណោះទេ គឺនៅពេលដែលរដ្ឋអំណាចភូមិភាគឃោសនានិងត្រូវការការរួមចំ ណែកក្នុងការអនុវត្តមូលនិធិសង្គម ព្រមទាំងសកម្មភាពសុខមាលភាពសង្គមជាដើម គឺលោកតែងផ្សះផ្សាជាមួយមាមីង បងប្អូនក្នុងភូមិជានិច្ច ដើម្បីចូលរួមទាំងកម្លាំងផង ទាំងទឹកប្រាក់ផង។ លើភូមិសាស្ត្រឃុំ Phú Tân នាពេលបច្ចុប្បន្ន នៅតាមបណ្តាស្ពាន ថ្នល់ជនបទ ទីណាៗក៏តែងមានការរួមចំណែកទឹកប្រាក់ និងកម្លាំងកសាងរបស់លោកពូ Thôi ដែរ។ លោកពូ Sáu Thôi បានបន្តទៀតថា៖ “បច្ចុប្បន្ននេះ ជារៀងរាល់ឆ្នាំក្នុងថ្ងៃបុណ្យទានធំៗ និងដើមឆ្នាំសិក្សាថ្មី ខ្ញុំរួមជាមួយសប្បុរសជន៌តែងជំនួយឧបត្ថម្ភសម្រាប់គ្រួសារក្រីក្រ ជនពិការ ឯកោ និងជនរងគ្រោះកើតមានជំងឺ ឈឺធ្ងន់ ព្រមទាំងសិស្សក្ររៀនពូកែជាដើម។ ក្នុងឆាកជីវិតអនុវត្តការងារសប្បុរសធម៌ ខ្ញុំមិនដែល "ថ្លឹង វាស់ រាប់គិត" ថាខ្លួនបានជួយប៉ុន្មានស្ថានភាព ផ្តល់អំណោយប៉ុន្មានឈុត ប្រាក់ចំនួនប៉ុន្មាន ពោលគឺមិនដែលគិតដល់កិត្តិយសនិងផលប្រយោជន៍ផ្ទាល់ខ្លួននោះទេ គ្រាន់តែយកចិត្តទុកដាក់ចំពោះស្ថានភាពដែលជួបលំបាក បានឃើញនូវភាពកក់ក្តៅរបស់ពួកគាត់ពេលដែលទទួលបានអំណោយគឺខ្ញុំសប្បាយចិត្តណាស់ហើយ”។ ដូច្នេះហើយ រាល់ទង្វើរបស់លោកពូក៏ត្រូវបានអ្នករាល់គ្នាដឹងឮ ព្រមទាំងមានទំនុកចិត្តចូលរួមការឧបត្ថម្ភមួយថ្ងៃកាន់តែច្រើនឡើង។
ចំពោះអ្នកបម្រើការងារក្នុងគ្រួសារខ្លួនវិញ លោកពូតែងអស់ពិចិត្តបង្ហាញណែនាំ ដើម្បីជួយពួកគេមានប្រភពប្រាក់ចំណូលផ្គត់ផ្គង់ជីវភាពគ្រួសារ។
ទោះបីជាមានអាយុជិត៨០ឆ្នាំក៏ដោយ ប៉ុន្តែលោកពូ Sáu Thôi បាននិយាយថា គាត់នឹងបន្តកិច្ចការងារសប្បុរសធម៌នេះរហូតដល់កាលណាដែលខ្លួនមិនអាចធ្វើបានទៀតទើបព្រមឈប់។
លោក Nguyễn Thống Nhất អនុប្រធានគណៈកម្មាធិការប្រជាជនឃុំ Phú Tân បានកត់សម្គាល់ថា៖ “លោកពូ Sáu Thôi តែងពង្រីកតួនាទីជាអ្នកមានប្រជាប្រិយបានយ៉ាងល្អ គាត់ជាគំរូជំហរមុខក្នុងការចលនាបងប្អូនក្នុងភូមិ ពោលគឺមិនមានការខ្វែងគំនិតលើអ្នកណាមួយនោះទេ លោកពូតែងសកម្មក្នុងការពលកម្មផលិត មិនពាក់ព័ន្ធដល់គ្រោះសង្គមជាដាច់ខាត។ ក្នុងសង្គមគ្រួសារ លោកពូ Sáu Thôi គឺជាជីតានិងឪពុកគំរូ ក្នុងការចិញ្ចឹមកូនសិក្សារៀនសូត្របានល្អ ចេះស្តាប់បង្គាប់ និងមានកត្តញ្ញូទៀតផង។ កូនទាំង៥នាក់របស់លោកពូ សុទ្ធតែបានបញ្ចប់សិក្សាកម្រិតមហាវិទ្យាល័យរៀងៗខ្លួន ក្នុងនោះមាន២នាក់ជាអនុបណ្ឌិតផងដែរ។ លោកពូ Sáu Thôi តែងសង្កត់ធ្ងន់លើពាក្យថា "ចិត្ត" រួមជាមួយនឹងពាក្យ "សប្បុរស" ការងារសប្បុរសធម៌កើតចេញពីទឹកចិត្តដ៏ស្មោះស្ម័គ្រ លោកពូតែងជួយអ្នកដទៃដោយមិនរំពឹងអ្វីតបស្នងជាដាច់ខាត ការជួយឧបត្ថម្ភក៏បង្កលក្ខណៈងាយស្រួលសម្រាប់គ្រួសារ ក្រ និងគ្រួសារក្បែរបន្ទាត់ក្រជាច្រើនក្នុងសង្គមបានលំនឹងល្អ៕
គ្វីញអាញ
