ក្នុងតួនាទីជាប្រធានសាខាសមាគមនារីភូមិ Kinh Đứng B ឃុំ Khánh Hưng ស្រុក Trần văn Thời។ អ្នកមីង Quách Thị Kim Luông ជនជាតិ Khmer គឺជាកម្មាភិបាលម្នាក់ដ៏រហ័សរហួន និងអស់ពីចិត្តជាមួយបណ្តាប្រវេណីរបស់សមាគម ព្រមទាំងបានសមាជិកទាំងឡាយកោតគោរពដែលខ្លួនជាគំរូក្នុងការអភិវឌ្ឍន៍សេដ្ឋកិច្ច និងត្រៀមជួយចែករំលែកបទពិសោធក្នុងការរកស៊ីរបស់ខ្លួនដល់មានមាមីងបងប្អូនក្នុងភូមិជានិច្ច។
បន្ទាប់ពីរៀបការរួចជីវភាពគ្រួសារអ្នកមីង Luông មានការជួបលំបាកខ្លាំង។ តែដោយឆន្ទៈ និងការតាំងចិត្ត ប្តីប្រពន្ធអ្នកមីងក៏បានតស៊ូជំនះគ្រប់សព្វកិច្ចការ ដើម្បីមានមានលក្ខណៈផ្គត់ផ្គង់ជីវភាពគ្រួសារ។ ដោយមានដើមទុនតិចតួច ប្តីប្រពន្ធអ្នកមីងក៏បានសន្សំប្រាក់ទិញដីបន្ថែមសម្រាប់ក្នុងការផលិតផងដែរ។ ផ្តើមពីដីស្រែ៤កុងដំបូង គិតមកទល់បច្ចុប្បន្ន ចំនួនផ្ទៃដីរបស់គ្រួសារអ្នកមីងក៏ កើនដល់២ហិកតាផងដែរ។
ជាមួយការខ្នះខ្នែងអស់ពីចិត្តរបស់អ្នកមីង Quách Thị Kim Luông ទី៤គិតពីឆ្វេង ប្រធានសាខាសមាគមនារីភូមិគិញឌឹងB តែងជំហរមុខរាល់គ្រប់បណ្តាប្រពៃណីផ្សេងៗនៅភូមិភាគ។
ផលិតស្រូវមិនសូវបានផល អ្នកមីងលួងតែងខ្វល់ខ្វាយក្នុងចិត្តទីបំផុតអ្នកមីងក៏សម្រេចចិត្តស្វែងរកប្រភេទពូជឈើហូបផ្លែសម្រាប់ដាំនិងចិញ្ចឹមសត្វដែលសមស្របជាង។ បន្ទាប់ពីបានទស្សនាទម្រង់មានប្រសិទ្ធភាពនៅតាមបណ្តាក្នុងនិងក្រៅភូមិភាគផងនោះអ្នកមីង Luông ក៏បានជួលម៉ាស៊ីន កាប់ឆ្ការដំឡើងរងចំនួនផ្ទៃដីដែលធ្វើស្រែទាំងអស់ ដើម្បីដាំបន្លែគ្រប់ប្រភេទ មានដូចជា៖ត្រសក់ម្រះប៉េងប៉ោះ ក្រៅពីនោះអ្នកមីងក៏បានឆ្លៀតយកផ្ទៃក្រឡាប្រឡាយទឹកដើម្បីចិញ្ចឹមត្រីទៀតផង។បច្ចុប្បន្ន គ្រួសារអ្នកមីងដាំ៣រដូវបន្លែក្នុងមួយឆ្នាំគិតចំណាយរួចរាល់នូវសល់ប្រាល់ចំណូលប្រមាណ១៥០លាន ដុង។
បន្ទាប់ច្រើនឆ្នាំផលិត និងមានបទពិសោធន៍ផងនោះ អ្នកមីង Luông បានចែករំលែកថា៖ "ការសម្រេចចិត្តដែលនាំមកភាពជោគ ជ័យ ជាការជម្រើសប្រភេទពូជដែលមានប្រភពច្បាស់លាស់ និងធ្វើការផលិតត្រឹមត្រូវតាមបច្ចេកទេស ដើម្បីមានការលូតលាស់ល្អផ្តល់ទិន្នផលខ្ពស់ទៀតផង។ ក្រៅពីនោះ គួរប្រើប្រាស់ជីមានកម្រិត កុំប្រើថ្នាំជាតិគីមី ផ្តល់អាទិភាពលើការប្រើប្រាស់ជីសរីរាង្គ និងថ្នាំសម្លាប់សត្វល្អិតតាមបែបជីវសាស្ត្រ"។
តាមរយៈច្រើនឆ្នាំសន្សំសំចៃ អ្នកមីងលួងក៏សង់បានផ្ទះមួយខ្នងយ៉ាងធំទូលាយស្អាត ដោយសរុបតម្លៃ៧០០លានដុង កូនៗរបស់អ្នកមីងក៏មានគ្រួសាររឿងៗខ្លួនអស់ដែរ។ ដើម្បីទទួលបានលទ្ធផល សម្រាប់ជីវភាពដូចសព្វថ្ងៃនេះ គួរមានឆន្ទៈ និងការប្តេជ្ញាចិត្តយ៉ាងមុះមុត ព្រមទាំងក្តីស្រឡាញ់ខាងវិស័យកសិកម្ម។ ទន្ទឹមនិងនោះ គួរមានការប្រឹតសំចៃផងដែរ។ នោះគឺជាមេរៀននៃបទពិសោធដែលជួយឱ្យខ្ញុំទទួលជោគជ័យដូចសព្វថ្ងៃនេះឯង អ្នកមីង Luông មានប្រសាសន៍បែបនេះ។
ក្រៅពីផលិតស្រូវ អ្នកមីង Quách Thị Kim Luông ថែមទាំងឆ្លៀតយកផ្ទៃដីសម្រាប់ដាំបន្លែ និងចិញ្ចឹមត្រី បង្កើនប្រាក់ចំណូលទៀតផង។
នាឱកាសថ្ងៃទី៨មិនាកន្លង អ្នកមីង Luông ថែមទាំងបានចំណាយនូវអំណោយចំនួន១០ចំណែកទៀតផងសម្រាប់ជូនសមាជិកក្រីក្ររបស់សមាគមខ្លួន ដោយសរុបតម្លៃមួយចំណែកគិតជាទឹកប្រាក់២០០ពាន់ដុង។ ជាពិសេស អ្នកមីងបានឧបត្ថម្ភ និងចែករំលែកជា មួយបណ្តាសមាជិកក្រីក្រទាំងឡាយ និងមានជីវភាពជួបលំបាក ជំនួយឧបត្ថម្ភបុលប្រាក់ដោយមានការប្រាក់ទាប ព្រមទាំងលើកទឹកចិត្តអ្នករាល់គ្នាឱ្យរៀនបទពិសោធ អនុវត្តជឿនលឿនផ្នែកវិទ្យាសាស្ត្រ និងបច្ចេកទេសសម្រាប់ក្នុងការផលិត។ អាស្រ័យដូច្នេះហើយក៏មានច្រើនសមាជិក បានរួចចាកពីភាពក្រីក្រ ឈានឡើងជីវភាពធូរធា។ អ្នកមីង Luông ក៏តែងផ្សព្វផ្សាយ និងកៀងគរសមាជិកជារឿយៗ ដើម្បីឱ្យចូលរួមបណ្តាប្រពៃណីប្រឡងប្រណាំងស្នេហាជាតិក្នុងសមាគម និងរបស់ភូមិភាគក្នុងការកសាងជនបទថ្មី។
បងស្រី Trần Yến Nhi ប្រធានសាខាសមាគមនារីឃុំ Khánh Hưng បានវាយតម្លៃ៖ "អ្នកមីង Quách Thị Kim Luông ត្រូវបានសមាជិកគ្រប់គ្នាមានទំនុកចិត្ត ហើយបានតែងតាំងធ្វើជាប្រធានសាខាសមាគមនារីភូមិ Kinh Đứng B តាំងពីឆ្នាំ២០២០មកម៉្លេះ។ អ្នកមីងតែងជាគំរូ និងជាអ្នកអស់ពីចិត្តចំពោះរាល់កិច្ចការងារភូមិ ព្រមទាំងជាគំរូដ៏ភ្លឺស្វាងក្នុងការខិតខំតស៊ូឈានឡើងដើម្បីធ្វើមានដោយខ្លួនឯង សម្រាប់សមាជិកគ្រប់រូបយកតម្រាប់តាម។ អ្នកមីង Luông ជាមួយគ្រួសារតែងប្រកាន់យ៉ាងខ្ជាប់ខ្ជួននូវគោលការណ៍ណែនាំ និងគោលនយោបាយរបស់បក្ស និងរដ្ឋ ជាគំរូក្នុងការអនុវត្តលក្ខណៈរស់នៅតាមបែបស៊ីវិល័យ គ្រួសារវប្បធម៌ទៀតផង"៕
Tiểu Ái
