វត្តសិរីនគរជុំ អំពូយារ (Nhu Gia) កសាងនូវឆ្នាំ១៩១១ មានទីតាំងស្ថិតនៅឃុំ Thạnh Phú ស្រុក Mỹ Xuyên ខេត្ត Sóc Trăng។ គិតមកទល់សព្វថ្ងៃ វត្តត្រូវបានឆ្លងកាត់ជាច្រើនជំនាន់ចៅអាធិការផងដែរ។ បណ្តាចៅធិការនីមួយៗសុទ្ធតែមានស្នាព្រះហស្ថក្នុងការកសាងវត្តអារាម។
ទិដ្ឋភាពនៃទីធ្លារវត្តសិរីនគរជុំ អំពូយារ (Nhu Gia)។
ព្រះវិហារវត្តសិរីនគរជុំ អំពូយារ (Nhu Gia)
យោងតាមសង្ឃដូការរបស់ព្រះតេជគុណ Lâm Sương ចៅអធិការវត្តអំពូយារ៖ “វត្តគឺជាមណ្ឌលសម្រាប់ចាត់តាំងរាល់សកម្មភាពវបប្បធម៌ជំនឿសាសនា ហើយក៏ជាកន្លែងសម្រាប់ព្រះសង្ឃសិក្សារៀនសូត្រ មាមីងបងពុទ្ធបរិស័ទគោរពបូជាផងដែរ។ ជាទីបង្អែកខាងស្មារតីសម្រាប់ពុទ្ធបរិស័ទសាងសទ្ធារៀងៗខ្លួន។ ក្រៅពីនោះ វត្តអំពូយារថែមទាំងជាកន្លែងសម្រាប់ដោះដូរវប្បធម៌ ផ្សារភ្ជាប់រវាងជនជាតិជា បងប្អូន Kinh - Khmer - Hoa រស់នៅសាមគ្គីគ្នា រួមកម្លាំងគ្នាជួយចែករំលែកទុក្ខលំបាក និងកសាងវត្តអារាមឱ្យកាន់តែសម្បូររុង រឿង”។
សម្រស់ដ៏ស្រស់ស្អាតនៃព្រះវិហារវត្តសិរីនគរជុំ អំពូយារ (Nhu Gia)។
ជាមួយការរួមកម្លាំងរបស់សហគមបណ្តាជនជាតិជាបងប្អូននៅភូមិភាគ ក៏ដូចជាសប្បុរសជនទាំងឡាយនៅក្នុង និងក្រៅប្រទេសក្តី វត្តសិរីនគរជុំ អំពូយារ (Nhu Gia) ក៏ទទួលបានបន្តការជួសជុល និងកសាងថ្មីរាល់សមិទ្ធផលនាន សម្រាប់ឆ្លើយតបតាមតម្រូវការខាងសកម្មភាពសាសនា។
ភាពល្អឯកនៃស្ថាបត្យកម្មស្តូបដែលមានរាងដូចព្រះវិហារបំព្រួញតូចមកវិញនៅវត្តអំពូយារ (Nhu Gia)។
លោកមា Cao Bồ Ra ប្រធានគណៈកម្មការវត្តសិរីនគរជុំ អំពូយារ (Nhu Gia) ឱ្យដឹង៖ “វត្តអំពូយារ (Nhu Gia) មិនត្រឹមជាកន្លែងសម្រាប់សកម្មភាពជំនឿសាសនាប៉ុណ្ណោះទេ ថែមទាំងត្រូវបានគ្រប់បណ្តាគណៈផ្នែក និងរដ្ឋអំណាចភូមិភាគវាយតម្លៃខ្ពស់ ថាជាកន្លែងដើម្បីអភិវឌ្ឍន៍នូវតួនាទីក្នុងការផ្សព្វផ្សាយសម្រាប់បងប្អូនពុទ្ធបរិស័ទ Khmerអំពីគោលនយោបាយរបស់បក្ស និងក្រឹត្យច្បាប់រដ្ឋសម្រាប់មា មីងពុទ្ធបរិស័ទរស់នៅសាមគ្គី ជួយគ្នាទៅវិញទៅមក រួមកម្លាំងកសាងប្រទេសជាតិ មាតុភូមិ”៕
Chanh Đa
