រយៈពេល២០ឆ្នាំកន្លង តាំងពីចាប់ផ្តើមធ្វើជាគ្រូបង្រៀនរហូតមកដល់សព្វថ្ងៃ លោកគ្រូ Lý Văn Phi (វិទ្យាល័យជនជាតិអន្តេវាសិកខេត្ត) តែងមានមោទនៈភាពដែល បានជម្រើសខាងរបរដ៏ថ្លៃថ្នូរ ដើម្បីសាភ្ជាប់និងខ្សែជីវិតរបស់ខ្លួន។
ក្នុងនាមជាគ្រូបង្រៀនផ្នែកខាងវិញ្ញាសារព័ត៌មានវិទ្យា លោកគ្រូ Phi តែងគិតថា ខ្លួនមិនមិនត្រឹមជួយផ្តល់ចំណេះដឹងប៉ុណ្ណោះទេ គឺត្រូវបង្ហាត់បង្រៀនដោយទឹកចិត្តចស្មោះស្ម័គ្របំផុត។ ដើម្បីធ្វើបានដូច្នេះបាន លោកគ្រូ Phi ក៏បានចាប់ផ្តើមដោយក្តីស្រឡាញ់ និងភាពសប្បាយរីករាយរបស់ខ្លួនជាមួយអាជីពជាគ្រូបង្រៀន។ លោកគ្រូ តែងខិតខំសិក្សាដោយខ្លួនឯងផ្ទាល់ ដើម្បីលើកកម្ពស់ចំណេះដឹងខាងវិជ្ជាជំនាញរបស់ខ្លួន សកម្មក្នុងការផ្តើមគំនិតច្នៃប្រឌិត អស់ពីចិត្តជាមួយកិច្ចការងារ ដើម្បីបង្កើនគុណភាពក្នុងការបង្រៀន និងជំរុញចំណាប់អារម្មណ៍របស់សិស្សតាមរយៈមេរៀននីមួយៗផងដែរ។
ក្នុងការបង្រៀន លោកគ្រូ Lý Văn Phi តែងអស់ពីចិត្ត ទូន្មានសិស្សដោយភក្តីភាព និងអស់សមត្ថភាពរបស់ខ្លួនផងដែរ។
លោកគ្រូ Lý Văn Phi តែងជម្រើសគ្រប់វិធីសាស្រ្តសម្រាប់ការបង្រៀន គឺធ្វើយ៉ាងណាឱ្យមានការសមស្របចំពោះសិស្សរបស់ខ្លួន ជំរុញទឹកចិត្តសិស្សឱ្យសកម្មក្នុងការច្នៃប្រឌិត ក្លាហាន ជឿជាក់ សិក្សាស្វែងយល់អំពីចំណេះដឹងថ្មីៗ និងបង្កើតទំនាក់ទំនងជាមួយមិត្តភក្តិ និងគ្រូបង្រៀន ព្រមទាំងមនុស្សជុំវិញខ្លួន។
លោកគ្រូ Phi បានរៀបរាប់ថា៖ “ឈរនៅលើវេទិកាបង្រៀន សម្លឹងមើលទៅសិស្សដែលជាទីស្រឡាញ់របស់ខ្លួន ខ្ញុំមានអារម្មណ៍ដូចជាខ្លួនឯងកំពុងស្ថិតក្នុងវ័យសិក្សាផងដែរ។ ដោយសារខ្ញុំក៏ជាជនជាតិ Khmer ដូចគ្នា ខ្ញុំយល់ពីការលំបាកក៏ដូចជាការចង់សិក្សារៀនសូត្រ និងអភិវឌ្ឍរបស់កូនក្មួយជនរួមជាតិ Khmer។ ខ្ញុំយល់ច្បាស់ថា ភារកិច្ចរបស់គ្រូបង្រៀននីមួយៗនៃសាលាជនជាតិ មិនត្រឹមផ្តល់ចំណេះដឹង បំណិន បំប៉នគុណសម្បត្តិសម្រាប់សិស្សប៉ុណ្ណោះទេ ដែលសំខាន់គឺផ្តល់ចំណាប់អារម្មណ៍ ដាស់ក្តីសុបិន និងសេចក្តីប្រាថ្នារបស់ប្អូនៗទៀតផង។ មានតែដូច្នេះហើយទើបប្អូនៗអាចឆ្លងកាត់ឧបសគ្គគ្រប់សព្វបែបយ៉ាង ហើយលំនឹងចិត្តឈានចូលប្រលោកក្នុងសង្គមប្រកបដោយភាពជឿជាក់”។
ក្នុងក្លឹបនៃវិជ្ជាជំនាញ លោកគ្រូ Phi តែងសកម្មក្នុងការជំនួយឧបត្ថម្ភគាំទ្រមិត្តរួមអាជីពទាំងពីខ្លឹមសារ រហូតដល់វិធីសាស្ត្រក្នុងការបង្រៀនផងដែរ ចូលរួមចំណែកផ្តល់យោបល់ដ៏សំខាន់ៗសម្រាប់ឱ្យការបង្រៀនរបស់មិត្តរួមអាជីព។ ចំណែកក្នុងតួនាទីជាប្រធានក្លឹប នៃការិយាល័យវិញ ប៉ុន្មានឆ្នាំកន្លង ក្រោមការគ្រប់គ្រងរបស់លោកគ្រូ Phi ក្លឹបការងារការិយាល័យក៏សម្រេចជោគជ័យនូវភារកិច្ចដែលបានប្រគល់ជូន លើសពីគោលដៅដែលបានដាក់ចេញទៀតផង។ ការងារគ្រប់គ្រងរបស់ក្លឹប គឺតែងមានការច្នៃប្រឌិត ដោយអនុវត្តមានប្រសិទ្ធភាពការប្រើប្រាស់បច្ចេកវិទ្យាព័ត៌មានសម្រាប់ឱ្យការគ្រប់គ្រងឯកសារផ្សេងៗជាដើម ពិសេសការអនុវត្តឌីជីថល សៀវភៅអេឡិកត្រូនិកតាមការកំណត់របស់ផ្នែកសិក្សអប់រំ។ លោក ភី គឺជាគំរូដ៏ភ្លឺស្វាងសម្រាប់សមាជិកក្នុងក្លឹបមានស្មារតីក្នុងការប្រឡងប្រណាំង យល់ដឹងបានច្បាស់លាស់ចំពោះការវិវឌ្ឍខ្លួនឯង ដើម្បីលើកកំពស់វិជ្ជាជំនាញរៀងៗខ្លួន។
ក្នុងតួនាទីជាប្រធានក្លឹបនៃការិយាល័យរបស់សាលា រាល់ដើមឆ្នាំសិក្សា លោកគ្រូ Phi ក៏តែងត្រៀមរៀបចំឧបករសម្ភារៈផ្សេងៗជូនសិស្ស មានដូចជា៖ខ្នើយ ភួយ មុងជាដើម ដើម្បីប្អូនៗមានគ្រប់គ្រាន់សម្ភារៈសម្រាប់ប្រើប្រាស់។
ក្នុងតួនាទីជាបក្ខជន លោកគ្រូ Lý Văn Phi តែងពង្រីកតួនាទីជំហរឈានមុខ។ លោកគ្រូ Phi តែងធ្វើការផ្សព្វផ្សាយ និងអប់រំអំពីគោលការណ៍ណែនាំរបស់បក្ស គោលនយោបាយ និងច្បាប់របស់រដ្ឋ រួមចំណែកលើកកម្ពស់ការយល់ដឹងជូនបងប្អូនជនរួមជាតិ Khmer។ កៀរគរអ្នកមនាប្រជាប្រិយក្នុងជនរួមជាតិភាគតិច និងអ្នកភារៈសាសនា ដើម្បីចូលរួមការពារប្រទេសជាតិ មាតុភូមិ។ ធ្វើជាគំរូ លើកទឹកចិត្ត និងជំនួញបងប្អូនជនរួមជាតិ Khmer នៅភូមិភាគ ដើម្បីកូនក្មួយជនរួមជាតិ Khmer មានលក្ខណៈបានសិក្សារៀនសូត្រ រួមចំណែកលុបបំបាត់ការមិនចេះអក្សរ និងបង្កើតប្រភពធនធានមនុស្សក្នុងជនរួមជាតិ។
បន្ទាប់ពីបំពេញការងារជាគ្រូបង្រៀនអស់រយៈពេលជាង២០ឆ្នាំ លោកគ្រូ Lý Văn Phi ក៏ត្រូវបានគ្រប់បណ្តាថ្នាក់ទទួលស្គាល់ លើកសរសើរ៖ ៥ឆ្នាំជាបន្តបន្ទាប់ សម្រេចស្នាដៃឆ្នើម កិត្តិនាមជាយុទ្ធជនប្រឡងប្រណាំងគ្រប់លំដាប់ថ្នាក់ ប័ណ្ណសរសើររបស់សហព័ន្ធពលកម្មខេត្ត។ ជាពិសេស នៅមហាសន្និបាតតំណាងបណ្តាជនជាតិភាគតិចខេត្តលើកទី៤ ឆ្នាំ២០២៤ លោកគ្រូ Phi មានកិត្តិយសទទួលបានប័ណ្ណសរសើររបស់ប្រធានគណៈកម្មាធិការប្រជាជនខេត្តទៀតផង៕
Quỳnh Anh
