ជាមួយទម្រង់ធ្វើស្រែ គួបផ្សំជាមួយចិញ្ចឹមត្រីទឹកសាប និងដាំឈើហូបផ្លែ លោកពូ Kim Hiên អ្នកមានប្រជាប្រិយក្នុងជនរួមជាតិ Khmer ភូមិលេខ១១ ឃុំ Khánh Lâm ស្រុក U Minh មានប្រភពប្រាក់ចំណូលរាប់រយលានដុងក្នុងមួយឆ្នាំ។
ចម្ការឈើហូបផ្លៃរបស់លោកពូ Kim Hiên កំពុងស្ថិតក្នុងតំណាក់កាលចេញផ្លែ។
សម្រាប់បងប្អូនជនរួមជាតិ Khmer នៅឃុំ Khánh Lâm លោកពូ Kim Hiên ក៏បានរួមចំណែកយ៉ាងសំខាន់ណាស់ដែរក្នុងការកសាងប្រព័ន្ធនយោបាយនៅមូលដ្ឋាន ព្រមទាំងរក្សាការពារសន្តិសុខ និងសណ្តាប់ធ្នាប់ លុបបំបាត់ភាពក្រីក្រ កសាងជនបទថ្មី។ លោកថែមទាំងជាគំរូក្នុងរាល់បណ្តាប្រពៃណីប្រឡងប្រណាំងផលិតពូកែរបស់ភូមិភាគទៀតផង។
ជារៀងរាល់ឆ្នាំ ផ្ទៃដីផលិតស្រូវរបស់លោកពូក៏ប្រមូលផលបានប្រមាណ២០តោន។ ក្រៅពីការជីកដីទប់ភ្លឺជុំវិញស្រែដើម្បីផ្ទុកប្រភពទឹកសាប លោកពូថែមទាំងមានដាំចម្ការចេកនៅតាមភ្លឺស្រែដើម្បីបង្កើនប្រាក់ចំណូលទៀតផង ព្រមទាំងប្រកបរបរផលិតចេកគ្រៀមសម្រាប់លក់ឱ្យភ្ញៀវអតិថិជន។ ចំណែកដីចម្ការ លោកពូដាំបន្លែ និងឈើហូបផ្លែជាច្រើនប្រភេទ មានដូចជា៖ ខ្នុរ ស្វាយ ជម្ពូ ព្រមទាំងចិញ្ចឹមបសុសត្វ....។
ក្រៅពីផលិតស្រូវ និងឈើហូវផ្លែ លោកពូ Kim Hiên ថែមទាំងមានចិញ្ចឹមត្រីទឹកសាបជាច្រើនប្រភេទទៀតផង។
លោក Lê Thanh Mãi អនុប្រធានគណៈកម្មាធិការប្រជាជនឃុំ Khánh Lâm បានឱ្យដឹង៖ ពីមុនមក លោកពូ Kim Hiên ជាកសិករក្រីក្រម្នាក់ ដែលទទួលបានការឧបត្ថម្ភផ្ទៃដីពីរដ្ឋចំនួន១,៥ហិកតាកាលពីឆ្នាំ២០០២។ ខណៈពេលដែលខ្លួនមានដីផលិត លោកធ្វើស្រែ២រដូវក្នុងមួយឆ្នាំ និងចិញ្ចឹមត្រីទឹកសាប។ ជាមួយការឧស្សាហ៍ព្យាយាមក្នុងការពលកម្មផលិត ជីវភាពគ្រួសារលោកពូ Hiên ក៏មានលក្ខណៈឈានឡើង។ ផ្តោតលើរបៀបធ្វើទាំងនោះ កាលពីឆ្នាំ២០១៣ ប្តីប្រពន្ធលោកពូក៏ទិញបានដីផលិតបន្ថែម គិតមកទល់ពេលនេះ គ្រួសារលោកពូក៏មានដីជាង៣ហិកតាសម្រាប់ផលិតផងដែរ។
លោកពូ Kim Hiên ជាមួយវាលស្រែស្រូវទុំរបស់ខ្លួនដែលត្រៀមប្រមូលផល។
ក្រៅពីផលិត និងធ្វើអាជីវកម្មពូកែ លោកពូ Hiên ថែមទាំងជាគំរូដ៏ភ្លឺស្វាងក្នុងការចីិញ្ចឹមកូនរៀនសូត្របានល្អ និងមានការងារធ្វើនឹងនរ ជីវភាពបានលំនឹងទៀតផង៕
Lâm Đươl
