Huỳnh Trần Thiên Thanh សព្វថ្ងៃកំពុងជានិស្សិតឆ្នាំទី៣ផ្នែកគ្រប់គ្រងអាជីវកម្មនៃមហាវិទ្យាល័យ Bình Dương សាខា Cà Mau។ ទទួលបានពានរង្វាន់លេខ២ ចំនួន២រង្វាន់ក្នុងការប្រឡងច្នៃប្រតិដ្ឋវីដេអូឃ្លីប សម្រាប់ផ្សព្វផ្សាយខាងវិស័យទេសចរណ៍ Cà Mau - Cà Mau check និងពិធីប្រឡងខាងវិញ្ញាសាផ្លាស់ប្តូរគំនិត ច្នៃប្រតិដ្ឋដើម្បីផ្តើមអាជីព។
តាំងពីឆ្នាំដំបូង Thiên Thanh ក៏មានទេពកោសល្យខាងសិក្សាស្រាវជ្រាវ។ Thanh បានចូលរួមស្ទើគ្រប់កម្មវិធី workshop របស់បណ្តាក្រុមនិស្សិតសាលាចាត់តាំង ប្រសិនបើមិនតម្រួតគ្នាជាមួយកាលវិភាគសិក្សា។ ក្រៅពីនោះ Thanh ថែមទាំងបានបង្កើតក្រុមដោយឡែកមួយសម្រាប់ដោះដូរ សិក្សាស្រាវជ្រាវនូវបណ្តាផលិតដ៏ចំណាប់អារម្មណ៍ដែលផ្សារភ្ជាប់ជាមួយភូមិភាគ។ ខណៈពេលដែលបានឃើញទ័ពរបណ្តាញរបស់សមាគមនិស្សិតបង្ហោះសារស្តីពីការប្រឡង Thanh ក៏សម្រេចចិត្តចូលរួម ដោយមានបំណងចង់ស្ទង់មើលពីសមត្ថភាពរបស់ខ្លួន ឈានដល់កម្រិតណា។
Thiên Thanh ទទួលបានពានរង្វាន់លេខ២ ក្នុងការប្រឡងគំនិតផ្លាស់ថ្មី និងការច្នៃប្រតិដ្ឋដើម្បីផ្តើមអាជីព។
មក Cà Mau check, Thiên Thanh ក៏បង្កើតបានឃ្លីបមួយដោយមានខ្លឹមសារស្តីពីវត្តដែលល្បីឈ្មោះរបស់ក្រុង Cà Mau តំណាងឱ្យ៣ជន ជាតិ (Kinh - Khmer - Hoa)។ បណ្តាគោលគំនិត និងរាល់សភាពការផ្សេងៗ ពេលដែលអនុវត្តពោលគឺសុទ្ធតែពឹងលើកម្លាំងរបស់ខ្លួន។ ចំណែកការប្រឡងខាងគោលគំនិតផ្លាស់ថ្មី ច្នៃប្រតិដ្ឋដើម្បីផ្តើមអាជីពវិញ ក្រុមរបស់ Thiên Thanh រួមមានខ្លួនផ្ទាល់ និងមិត្តរួមម្នាក់ម្នាក់ទៀតគឺ Lê Nhuận Ngân ជាអ្នកសិក្សារួមផ្នែក រួមឆ្នាំដែលធ្វើការខាងឈើជីវម៉ាសឧស្ម័ន។ វាជំនួសឱ្យខ្លឹមចន្ទន៍គ្រឹស្នា តម្លៃទាបជាងខ្លឹមចន្ទន៍គ្រឹស្នា តែប្រសិទ្ធភាពខ្ពស់ជាង។ ចំណុចលេចធ្លោសម្រាប់ផលិតផលនេះ គឺការឆ្លៀតយកអត្ថប្រយោជន៍ពីធនធានធម្មជាតិរបស់ភូមិភាគដែលមានស្រាប់ រួមមានដើមកោងកាង ស្មាច់ និងប្រភេទឈើផ្សេងៗជាដើមដែលមានក្នុងឧស្សាហកម្មដើម្បីការពារបរិស្ថាន។ សម្រាប់គ្រាប់កំទេចឈើឧស្សាហកម្មដែលមានប្រសិទ្ធិភាពខាងបន្សាបក្លិន បន្សាបមេរោគ និងស្នាមរបួស។ល។ នៅតាមបណ្តាទីតាំងចិញ្ចឹមសត្វ កាត់បន្ថយការកើតមានជំងឺលើសត្វ។ ចំណែកកំទេចឈើខ្លឹមចន្ទន៍គ្រឹស្នាវិញ មានប្រសិទ្ធភាពខាងដេញសត្វ មូស សត្វល្វិត ក៏ប៉ុន្តែមិនប៉ះពាល់ដល់សុខភាពមនុស្សនោះទេ។ ក្រៅពីនោះ ជាមួយផលិតផលនៃគ្រាប់កំទេចឈើខ្លឹមចន្ទន៍ក៏ជួយក្នុងការកាត់បន្ថយភាពតានតឹង ទទួលដំណេកកាន់តែស្កប់ស្កល់ប្រសើរ មានចំណែកឱសថបុរាណដែលជួយធ្វើឱ្យមនុស្សយើងមានភាពធូរស្រាលជាង។
Thiên Thanh បានឱ្យដឹង៖ "ខ្ញុំមានបំណងចង់ឱ្យមិត្តភក្តិទាំងឡាយនៅតាមបណ្តាខេត្តដទៃទៀត បានដឹងបានស្គាល់ឱ្យកាន់តែច្បាស់អំពីមាតុភូមិ Cà Mau យើង។ ខ្ញុំមានអារម្មណ៍ពេញចិត្តនឹងលទ្ធផលនេះខ្លាំងណាស់។ អាចនិយាយបានថា ខ្ញុំហាក់ដូចជាខ្វះការស៊ីជម្រៅខាងខ្លឹមសារប្រៀបជាមួយនឹងមិត្តភក្តិទាំងឡាយដែលពួកគេជាអ្នកទទួលបានពានរង្វាន់ជើងឯង។ ចំណែកខាងការច្នៃប្រតិដ្ឋដើម្បីផ្តើមអាជីពវិញ បន្ទាប់ពីទទួលបានពានរង្វាន់លេខ២ ក្រុមយើងខ្ញុំចង់សិក្សាស្រាវជ្រាវបន្តទៀត។ យើងខ្ញុំកំពុងដំណើរការឆ្ពោះទៅទិសដៅផលិតក៏ដូចជាបណ្តាឱសថដែលអាចរួមផ្សំជាមួយគ្នាមុន ព្រមទាំងសន្សឹមៗបង្កើនរូបមន្តរបស់ផលិតផល។ យើងខ្ញុំមានបំណងចង់អភិវឌ្ឍអ្វីដែលជារបស់ខ្លួនដែលបង្កើតបានដំបូងបង្អស់ ជំនួសការលក់វាទៅ”។
Thiên Thanh (ជួរមុខ ទី២ខាងស្តាំ) ជានិស្សិតឆ្នាំទី៣ផ្នែកខាងគ្រប់គ្រងពាណិជ្ជកម្មនៃមហាវិទ្យាល័យ Bình Dương សាខា Cà Mau ទទួលបានពានរង្វាន់លេខ២ ក្នុង២លើកនៃការប្រឡងខាងបង្កើតវីដេអូឃ្លីបដើម្បីផ្សព្វផ្សាយវិស័យទេសចរណ៍ និងស្វែងយល់អំពីមាតុភូមិ Cà Mau - Cà Mau check និងសមាគមប្រឡងខាងផ្នត់គំនិតផ្លាស់ប្តូរ និងច្នៃប្រតិដ្ឋដើម្បីផ្តើមអាជីព។
យោងតាមទស្សនៈរបស់យុវជនម្នាក់ដែលខ្លួនបានចូលប្រកៀកជាមួយសេវាទេសចរណ៍ដើម្បីផ្តើមអាជីព Thiên Thanh ក៏មានការភ្ញាក់ផ្អើលជាខ្លាំង និងកោតសរសើរចំពោះការច្នៃប្រតិដ្ឋរបស់យុវជននៅ Cà Mau នាពេលបច្ចុប្បន្នមានការអភិវឌ្ឍន៍យ៉ាងសកម្មប្រៀបជា មួយការស្រមើលស្រមៃរបស់ខ្លួន។ ពីព្រោះក្នុងសម័យប្រឡងទាំង២លើក Thiên Thanh បានចូលរួមមានទាំងមិត្តភក្តិដែលកំពុងសិក្សាកម្រិតអនុវិទ្យាល័យ។ Thiên Thanh ឱ្យដឹង៖ “មិត្តភក្តិគ្របគ្នាបានធ្វើឱ្យខ្ញុំមានការភ្ញាក់ផ្អើលខ្លាំងណាស់ ផ្តើមពីការចៃដន្យមួយដល់ចៃដន្យមួយ ពីព្រោះការច្នៃប្រតិដ្ឋនៅលើទឹកដីស្រុកកំណើត។ មិត្តទាំងឡាយស្រាវជ្រាវអំពីក្តាម បង្គា និងផលិតផលកាកសំណល់ ... ដើម្បីបង្កើតផលិតផលដែលមានអត្ថប្រយោជន៍សម្រាប់អ្នករាល់គ្នា សម្រាប់ការពារបរិស្ថាន។ ខ្ញុំឃើញថាខ្លួនខ្ញុំក៏មានការព្យាយាមព្យាយាមណាស់ដែរ ប៉ុន្តែបើប្រៀបជាមួយមិត្តភក្តិដទៃទៀតនូវមានភាពអន់ខ្សោយខ្លាំងណាស់។ អ្នករាល់គ្នាគិតថា យុវវ័យសម័យបច្ចុប្បន្ននេះគិតតែពីលេងសើចច្រើនជាងការរៀនសូត្រ និងមិនសូវយកចិត្តទុកដាក់នោះទេ ខ្ញុំគិតថាវាជាការមិនត្រឹមត្រូវនោះទេ។ ពីព្រោះអ្នករាល់គ្នាត្រូវឃើញច្បាស់អំពីការវិនិយោគ និងការប្តេជ្ញាចិត្តរបស់មិត្តយុវវ័យដូចជារូបខ្ញុំដែលបានបង្កើតផលិតផលសម្រាប់ឱ្យការផ្សព្វផ្សាយខាងវិស័យទេសចរណ៍ ព្រមទាំងផលិតផលដើម្បីផ្តើមអាជីព ការពារបរិស្ថាន និងអភិវឌ្ឍតំបន់ភូមិភាគថ្មីតាមគោលគំនិតដែលយើងខ្ញុំតែងស្រឡាញ់ពេញចិត្ត និងប៉ងប្រាថ្នាអាចធ្វើនូវទង្វើដែលល្អៗសម្រាប់ស្រុកកំណើតរបស់ខ្លួន”។
បន្ទាប់ពី២លើកប្រឡង និងទទួលបានពានរង្វាន់លេខ២ផងនោះ Thiên Thanh ក៏មានកម្លាំងចិត្តខ្លាំងទៀតក្នុងការសិក្សារៀនសូត្រ និងច្នៃប្រតិដ្ឋដែលផ្តើមចេញពីគោលគំនិតរហូតដល់ការរស់នៅ។ មិត្តបានឱ្យដឹងអំពីមូលហេតុដែលបន្ទាប់ពីពេលដែលខ្លួនបានចូលរួមការប្រឡងគឺត្រូវតែវិវឌ្ឍខ្លួនជារៀងរាល់ថ្ងៃ ត្រូវចេះអត់អោន ខុសត្រង់ណាត្រូវកែត្រង់នោះភ្លាម។ ទន្ទឹមនិងនោះ ក្តីស្រឡាញ់ខាងវិស័យទេសចរណ៍សម្រាប់ផលិតផលរបស់ខេត្ត Cà Mau ក៏មានការកើនឡើងជាបន្តបន្ទាប់ផងដែរសម្រាប់ខ្លួន៕
Lam Khánh
