អស់ពីចិត្តជាមួយសកម្មភាពការងារសម្ព័ន្ធយុវជននិងការច្នៃប្រតិដ្ឋក្នុងការអនុវត្តភារកិច្ចរបស់ខ្លួន បងស្រី Danh Thị Mị លេខាសម្ព័ន្ធយុវជនឃុំ Khánh Hoà ស្រុក U Minh ក៏បានបំផុសស្មារតី “មិនចាំបាច់យុវជនមាន អ្វីដែលលំបាកគឺមានយុវជន” សម្រាប់សមាជិកសម្ព័ន្ធយុវជនទាំងឡាយគ្រប់រូប។ អាស្រ័យបែបនេះហើយ ទើបប្រពៃណីសម្ព័ន្ធយុវជននៅភូមិភាគមានភាពរីកចម្រើន រួមចំណែកយ៉ាងសំខាន់សម្រាប់លទ្ធផលនៃការអភិវឌ្ឍន៍សេដ្ឋកិច្ច-សង្គម កសាងជនបទថ្មីមួយថ្ងៃកាន់តែផ្លាស់ប្តូរ។
បងស្រី Danh Thị Mị ទទួលបានប័ណ្ណសរសើររបស់គណៈកម្មាធិការប្រជាជនខេត្តក្នុងឱកាសមហាសន្និបាតតំណាងបណ្តាជនជាតិភាគតិចខេត្ត Cà Mau លើកទី៤ ឆ្នាំ២០២៤។
ដោយមាននិស្ស័យផ្សារភ្ជាប់ជាមួយការងារសម្ព័ន្ធយុវជនតាំងពីឆ្នាំ២០១១រហូតដល់ឆ្នាំ២០១៨ បងស្រី Mị ក៏ត្រូវបានតែងតាំងជាលេខាសម្ព័ន្ធយុវជនឃុំ។ ដោយតួនាទីជាមេដឹកនាំរបស់សម្ព័ន្ធយុវជន បងស្រីរួមជាមួយគណៈប្រតិបត្តិការនៃសម្ព័ន្ធយុវជនឃុំផ្សព្វផ្សាយអនុវត្តយ៉ាងទូលំទូលាយស្តីពីបណ្តាកម្មវិធីសកម្មភាព និងប្រពៃណីរបស់សមាគមសម្ព័ន្ធយុវជននៅភូមិភាគ។ បងស្រី Mị ចែករំលែក៖ ខណៈពេលនោះ ខ្ញុំយល់ថាត្រូវមានការជំហរមុខ ខិតខំសិក្សារៀនសូត្រ លើកកម្ពស់ចំណេះដឹង និងសមត្ថភាពរបស់ខ្លួនដើម្បីធ្វើជាគំរូ ទាក់ទាញសមាជិកសម្ព័ន្ធយុវជនទាំងឡាយលើភូមិសាស្ត្រឃុំចូលរួមរាល់គ្រប់បណ្តាប្រពៃណី រួមគ្នាពង្រឹងសម្ព័ន្ធយុវជនឱ្យកាន់តែរឹងមាំថែមទៀត។
ដោយមានសមាជិកទាំងអស់ចំនួន២២៧រូបកំពុងសកម្មភាពនៅតាម៩សាខា សម្ព័ន្ធយុវជនឃុំ Khánh Hoà បានកត់ត្រាក្នុងរាល់សកម្មភាពនិងប្រពៃណីយុវជន។ បងស្រី Mị ក្តាប់បានច្បាស់នូវរាល់បណ្តាខ្លឹមសារជាក់ស្តែង និងមានអត្ថន័យ សមស្របជាមួយភារកិច្ចនយោបាយរបស់ភូមិភាគដើម្បីផ្សព្វផ្សាយអនុវត្ត មានដូចជា៖ កសាងនិងឱ្យរតម្លៃនៃទម្រង់យុវជន Việt Namក្នុងសម័យទំនើប “កម្មវិធីលត់ដំសមាជិកសម្ព័ន្ធយុវជន” និង “ដំណឹងល្អប្រចាំថ្ងៃ” ព្រមទាំង “មួយសប្តាហ៍មានមួយអត្ថបទយ៉ាងល្អ” ប្រពៃណី “យុវជនច្នៃប្រតិដ្ឋ និងផ្តើមអាជីព” “គំនិតច្នៃប្រតិដ្ឋ” លើកកម្ពស់ចំណេះវិជ្ជាខាងភាសាអង់គ្លេសជូនយុវជននិងកុមារ” “បង្កើនការលត់ដំឥរិយាបទ អនុវត្តបែបបទនៃសកម្មភាពកម្មាភិបាលសម្ព័ន្ធយុវជន” និទាឃរដូវសម្រាប់ប្អូនៗកុមារ” និង “ក្លឹបយុវជនស្វ័យត្ន” ព្រមទាំង “សម្ព័ន្ធយុវជនមូលដ្ឋានម្ចាស់ការទាំង៣ចំណុច”...។
ក្នុងដំណើរការជាមេដឹកនាំ បងស្រី Mị តែងស្វែងយល់អំពីគោលបំណងប្រថ្នា និងភាពអន់ខ្សោយ ព្រមទាំងរាល់បញ្ហាលំបាករបស់សម្ព័ន្ធយុវជន។ ផ្តើមពីនោះ កសាងវិធីសាស្ត្រសម្រាប់ចាត់តាំងរាល់សកម្មភាព ជំនួយការយ៉ាងជាក់ស្តែង និងមានប្រសិទ្ធភាព។ ដើម្បីប្រមូលផ្តុំ សាមគ្គីសម្ព័ន្ធយុវជន ជាពិសេសយុវជនជាជនជាតិភាគតិចលើភូមិសាស្ត្រឃុំតំណាក់កាល២០១៩-២០២៤ បងស្រី Mị រួមជាមួយគណៈប្រតិបត្តិការនៃសម្ព័ន្ធយុវជនឃុំបានបញ្ចូលសមាជិកសម្ព័ន្ធយុវជនថ្មីដែលជាជនជាតិ Khmer ឆ្នើមលើភូមិសាស្ត្រភូមិលេខ៦។ ស្របឱកាសនោះ បងស្រីក៏ទទួលតួនាទីមុខងារគ្រប់គ្រងរក្សាសិទ្ធិនិងផលប្រយោជន៍យ៉ាងស្របច្បាប់របស់យុវជនទាំងឡាយ ជាស្ពានតភ្ជាប់រវាងសមាជិកយុវជនជាមួយនិងអង្គការចាត់តាំងសម្ព័ន្ធ។
សព្វថ្ងៃ បងស្រី Danh Thị Mị រួមជាមួយបណ្តាអង្គភាពនានា ព្រមទាំងអង្គការចាត់តាំងនយោបាយភូមិភាគរួមកម្លាំងអនុវត្តកម្មវិធីលំបំបាត់ផ្ទះបណ្តោះអាសន្ន និងផ្ទះទ្រុឌទ្រោម។
ក្រៅពីនោះ បងស្រី Mị ថែមទាំងចាត់តាំងរាល់បណ្តាកម្មវិធីស្ម័គ្រចិត្ត ដូចជា៖ អនាម័យបរិស្ថាន ដាំផ្កាលម្អតាមដងផ្លូវលើភូមិសាស្ត្រ ជំនួយឧបត្ថម្ភបងប្អូនប្រជាជនចូលរួមទប់ទំនុបឃាំងនិងដាំដើមស្មែការពារករណីបាក់រលេះដី ធ្វើអនាម័យ រៀបចំកែលម្អតំបន់លេងកម្សាន្តនៅតាមបណ្តាសាលាមតេយ្យ ព្រមទាំងឧបត្ថម្ភប្អូនៗជួបលំបាក និងប្អូនៗដែលមានសាច់ញាតិស្លាប់បាត់បង់ជីវិតដោយគ្រោះជំងឺអាសន្នរោគ Covid-19 និងសាកសួរសុខទុក្ខ ពិនិត្យព្យាបាលជំងឺនិងផ្តល់ឱសថដោយមិនគិតប្រាក់ ព្រមទាំងអនុវត្តយុទ្ធនាការ៖ ផ្កាក្ងោកក្រហម សម័យឈប់សម្រាកព័ណ៌ក្រហម យាត្រាទ័ពព័ណ៌បៃតង ទម្រង់ “បង្កូលភ្លើងរីកផ្កា” ព្រមទាំងចាត់តាំងមហោស្រពកីឡាកម្សាន្តសប្បាយជាមួយល្បែងប្រជាប្រិយជាច្រើនប្រភេទ រួមទាំងសកម្មភាពនៃក្លឹបចម្រៀងយុវជនស្រុកស្រែ និងរត់ Olympic ចម្ងាយ១.០០០ជំហានប្រចាំថ្ងៃ ព្រមទាំងអនុវត្តទម្រង់ដងផ្លូវយុវជនរួមចំណែកកសាងជនបទថ្មីកម្រិតខ្ពស់ សួនចម្ការបណ្តុះពូជយុវជន សាកសួរសុខទុក្ខ និងជូនអំណោយគ្រួសារក្រីក្រ គ្រួសារគោលនយោបាយលើភូមិសាស្ត្រ។ល។ ផ្តើមពីបណ្តាសកម្មភាពទាំងនេះ អាវព័ណ៌បៃតងស្ម័គ្រចិត្តនៃយុវជនឃុំ Khánh Hoà ក៏គ្របដណ្តប់ជិតតំបន់ភូមិស្រុក បង្កើតបាននូវចំណាប់អារម្មណ៍យ៉ាងល្អអស្ចារ្យក្នុងសន្តានចិត្តបងប្អូនប្រជាជន។
បងស្រី Mị ចែករំលែក៖ ប្រការដែលខ្ញុំយកចិត្តទុកដាក់ជាងគេនោះគឺការចូលរួមសកម្មភាពការងារសម្ព័ន្ធយុវជន ដោយខ្លួនបានលះបង់ដើម្បីប្រពៃណីនៃការស្ម័គ្រចិត្ត និងសកម្មភាពសន្តិសុខសង្គមទៀតផង។ រយៈពេលកន្លង មានយ៉ាងច្រើនសំណង់ និងភារកិច្ចការងាសង្គមតែងបានសម្ព័ន្ធយុវជនឃុំផ្សព្វផ្សាយអនុវត្តយ៉ាងមានប្រសិទ្ធភាព រួមចំណែកធ្វើឱ្យផ្លាស់ប្តូរសម្រាប់ជនបទនៅភូមិភាគ។ បានឃើញមាតុភូមិកាន់តែមានការផ្លាស់ប្តូរ ខ្ញុំក៏កាន់តែមានទំនុកចិត្តដើម្បីបន្តលះបង់ និងខិតខំប្រឹងប្រែងសម្រេចនូវរាល់ភារកិច្ចរបស់កម្មាភិបាលសម្ព័ន្ធយុវជន និងបក្ខជន។
បងស្រី Mị មានកិត្តិយបានទទួលប័ណ្ណសរសើររបស់គណៈកម្មាធិការបក្សខេត្ត ព្រមទាំងប័ណ្ណសរសើររបស់នាយករដ្ឋមន្ត្រីនៃរដ្ឋាភិបាលទៀតផង៕
Quỳnh Anh
