ថ្វីត្បិតតែខ្លួនបានចូលនិវត្តន៍ តែលោកអ៊ំ Hà Văn Muôn អតីតអនុប្រធានគណៈកម្មាធិការរណសិរ្សមាតុភូមិ Việt Nam ស្រុក Trần Văn Thời តែងចិត្តមួយថ្លើមមួយដើមតាមគោមាគ៌ារបស់បក្ស ខ្នះខ្នែងជួយមាមីងបងប្អូនជនរួមជាតិ Khmer ក្នុងការអភិវឌ្ឍន៍សេដ្ឋកិច្ច ដើម្បីរួចចាកក្រ។
លោកអ៊ំ Hà Văn Muôn តែងឱ្យបងប្អូន Khmer ក្រីក្រខ្ចីដីដើម្បីផលិត។
មកកាន់តំបន់ស្រុក Trần Văn Thời សាកសួរឈ្មោះលោកអ៊ំ Hà Văn Muôn នៅភូមិ Bình Minh 1 ឃុំ Trần Hợi ស្រុក Trần Văn Thời អ្នកណាក៏ស្គាល់ដែរ ពីព្រោះការរុះរាយនិងរាក់ទាករបស់លោកអ៊ំ។ បន្ទាប់ពីចូលនិវត្តន៍កាលពីឆ្នាំ២០១១ លោកអ៊ំក៏បានមាមីងបងប្អូនតែងតាំងធ្វើជាប្រធានសាខាសមាគមចាស់ព្រឹទ្ធាចារ្យរបស់ភូមិ Bình Minh 1។ ព្រមទាំងប្រធានគណៈកម្មការវត្ត Tam Hiệp ទៀតផង។ ទោះបីជាស្ថិតក្នុងតួនាទីណាក៏ដោយ លោកអ៊ំ Muôn តែងអស់ពីចិត្តជាមួយកិច្ចការងាររបស់ខ្លួន ដោយបំណងនិងបានរួមចំណែកកសាងជីវភាពសុខក្សេមក្សាន្តជូនបងប្អូនជនរួមជាតិ Khmer មួយថ្ងៃកាន់តែសម្បូរសប្បាយ និងជឿនលឿនឈ្មោះទៅមុុខ។
លោកអ៊ំ Muôn មានប្រសាសន៍៖ ទោះបីជាខ្លួនចូលនិវត្តន៍ក្តី ខ្លួននូវតែមានភារកិច្ចទទួលខុសត្រូវរបស់ខ្លួនជាមួយគ្រួសារនិងសង្គមជានិច្ច។ រាល់កិច្ចការងារនៅភូមិក៏ដូចជានៅវត្តក្តី ខ្ញុំគិតថា បងប្អូនជនរួមជាតិ Khmer នូវមានការជួបលំបាកខ្លាំង។ អាស្រ័យដូច្នេះហើយ ខ្ញុំជំនួយឧបត្ថម្ភពួកគាត់អំពីរបៀបរកស៊ីយោងទៅតាមសមត្ថភាពរបស់ខ្លួនដោយឱ្យខ្ចីដីដាំបន្លែ ជំនួយពួកគាត់មានដើមទុនដើម្បីពង្រីកការងាររកស៊ី ផ្តើមពីនោះមានលក្ខណៈឈានឡើងរួចចាកក្រ អាចម្ចាស់ការបានខាងវិស័យសេដ្ឋកិច្ច។
ដោយមានផ្ទៃដីស្រែចំនួន២ហិកតា និងដីចម្ការ២ហិកតាផងដែរ លោកអ៊ំមួងក៏បានឱ្យគ្រួសារក្រនិងក្បែរបន្ទាត់ក្រជាច្រើនដែលគ្នាមដីផលិតសម្រាប់ដាំ ពោតបារាំង និងដាំបន្លែតាមស្រែ។ល។ ពេលដែលពោតបារាំងបានថ្លៃ បណ្តាគ្រួសារ Khmer ជាច្រើនបានប្រមូលផល ព្រមទាំងមានប្រាក់សម្រាប់សង់ផ្ទះនិងអភិវឌ្ឍណ៍ទម្រង់សេដ្ឋកិច្ចតាមបែបថ្មីទៀតផង។ មិនតែប៉ុណ្ណោះថែមទាំងមានគ្រួសារមួយចំនួនមានលក្ខណៈឈានឡើងរួចចាកក្រ ឈានឡើងក្លាយជាអ្នមានប្រជាប្រិយនៅភូមិភាគទៀតផង។
ក្រៅពីឧបត្ថម្ភបងប្អូនជនរួមជាតិ Khmer លើភូមិសាស្ត្រឃុុំអំពីរបៀបរកស៊ី លោកអ៊ំ Muôn ថែមទាំងផ្តល់ដំបូន្មានលើកទឹកចិត្តបងប្អូនជនរួមជាតិទាំងឡាយក្នុងភូមិឱ្យអនុវត្តល្អ រស់នៅល្អជាតិ ល្អសាសនា។ នាឱកាសថ្ងៃបុណ្យទានប្រពៃណីដែលបានប្រព្រឹត្តិឡើងនៅក្នុងវត្ត លោកអ៊ំ Muôn រួមជាមួយអ្នកមុខអ្នកការទាំងឡាយតែងចលនាផ្សព្វផ្សាយតាមគន្លងធម៌ព្រះ រួមទាំងបណ្តាប្រធានបទដែលត្រូវបានគណៈជនជាតិខេត្ត (បច្ចុប្បន្នជាមន្ទីរជនជាតិនិងសាសនា) ហ្វឹកហ្វឺនកាលពីមុន ដើម្បីលើកយកមកផ្សព្វផ្សាយឡើងវិញអំពីវិធានការនិងគោលនយោបាយរបស់បក្ស ក្រឹត្យច្បាប់រដ្ឋជូនមាមីងបងប្អូន។
លោកអ៊ំ Muôn ចែករំលែក៖ មាមីងបងប្អូនប្រមូលផ្តុំតែក្នុងឱកាសបុណ្យទាននៅវត្ត ម៉្លេះហើយ ក៏ជាឱកាសសម្រាប់យើងផ្សព្វផ្សាយអំពីគោលនយោបាយឱ្យមានការស៊ីជម្រៅក្នុងជនរួមជាតិ Khmer ផងដែរ ដើម្បីពួកគាត់យល់បានកាន់តែច្បាស់ថែមទៀត។ ខ្លួនខ្ញុំផ្ទាល់ រួមជាមួយព្រះសង្ឃតែងខិតខំអភិរក្សនូវភាសានិងវប្បធម៌ Khmer ដោយច្រើនវិធីសាស្ត្រ បន្តបើកថ្នាក់បង្រៀនអក្សរ Khmer និងចង្វាក់រាំប្រពៃណី ចម្រៀងប្រជាប្រិយជាដើមជូនប្អូនៗកូនក្មួយទៀតផង។ ដោយយល់ច្បាស់ខាងវិស័យសិក្សាអប់រំថាជាបញ្ហាដ៏សំខាន់ផងនោះ ទើបខ្ញុំជំរុញទឹកចិត្តឪពុកម្តាយសិស្សទាំងឡាយដើម្បីឱ្យកូនៗរបស់ខ្លួនបានសិក្សារៀនសូត្រដល់ទីបញ្ចប់ ដើម្បីអនាគតមានការងារធ្វើនឹងនរ មិនបង្កើតភាពលំបាកដល់គ្រួសារនិងភូមិស្រុក។
សព្វថ្ងៃ លោកអ៊ំ Muôn គឺជាអាសយដ្ឋានខាងទំនុកចិត្តសម្រាប់បងប្អូន Khmer ជួបលំបាកស្វែករកខណៈពេលដែលមានតម្រូវការជួយឧបត្ថម្ភ។ ពីព្រោះលោកអ៊ំតែងជួយអស់ពីចិត្តសម្រាប់មាមីងបងប្អូនតាមដែលខ្លួនអាចធ្វើបាន។ លោកអ៊ំមួងតែងគិតថា មនុស្សល្អត្រូវ មានការចូលរួមចំណែកកសាងសង្គម ជនរួមជាតិ Khmer មានសមត្ថភាពត្រូវចេះជួយ Khmer ដូចគ្នាដើម្បីរួមគ្នាឈានឡើង។ អាស្រ័យការផ្សព្វផ្សាយរបស់លោកអ៊ំមួងសម្រាប់អ្នករាល់គ្នាបែបនេះហើយ ទើបងប្អូនជនរួមនជាតិ Khmer ទាំងឡាយនៅទីនេះមានការផ្លាស់ប្តូរគំនិត “រៀនសូត្រតិចតួច តែធ្វើបានច្រើន” ព្រមទាំងមិនរៀបអាពាហ៍ពិពាហ៍តាំងដែលខ្លួនមិនទាន់គ្រប់វ័យនោះទេ។ ពួកគេតែងខិតខំប្រកបរបររកស៊ី បង្កើនការផលិតដើម្បីឈាឡើងដោយខ្លួនឯង។
លោកអ៊ំ hà Văn Muôn ទទួលក្រុមដឹកនាំដែលបានអញ្ជើញមកសួរសុខទុក្ខ។ ទោះបីជាមានវ័យចាស់ជរាក្តី តែលោកអ៊ំតែងយកចិត្តទុកដាក់ស្តាប់និងធ្វើតាមគោលការណ៍ណែនាំអំពីគោលនយោបាយរបស់បក្សនិងរដ្ឋ ដើម្បីមានវិធីសាស្ត្រក្នុងផ្សព្វផ្សារជូនបងប្អូនជនរួមជាតិ Khmer នៅភូមិស្រុក។
លោក Nguyễn Hữu Khải អនុប្រធានគណៈកម្មាធិការប្រជាជនឃុំ Trần Hợi មានប្រសាសន៍៖ លោកពូមូងគឺជាអ្នកមានប្រជាប្រិយ ជាកម្មាភិបាលចូលនិវត្តន៍មួយរូបរបស់ឃុំ។ ទោះបីជាខ្លួនបានចូលនិវត្តន៍ក្តី តែលោកពូតែងខិតខំចូលរួមការងារផ្សេព្វផ្សាយដាស់តឿនស្មារតីបងប្អូន Khmer ឱ្យសកម្មផ្លាស់ប្តូរគំនិតនិងខាងវិស័យសេដ្ឋកិច្ច ដើម្បីរួចចាកក្រ ពោលគឺមិនទន្ទឹងរង់ចាំជំនួយឧបត្ថម្ភរបស់រដ្ឋទៀតនោះទេ។ ប៉ុន្មានឆ្នាំកន្លងមកនេះ លោកពូមួងក៏បានឱ្យគ្រួសារក្រនិងក្បែរបន្ទាត់ក្រជាច្រើនក្នុងភូមិខ្ចីដីផលិត អាស្រ័យហេតុនេះហើយ អ្នកទាំងឡាយក៏មានលក្ខណៈឈានឡើង ព្រមទាំងមានដើមទុនសម្រាប់ប្រកបរបររកស៊ីនិងអភិវឌ្ឍទម្រង់ផលិតផ្សេងៗទៀត។ លោកអ៊ំ Muôn គឺជាមនុស្សដ៏សំខាន់មួយរូបក្នុងការបង្រៀនអក្សរ Khmer ជូនកូនក្មួយជនរួមជាតិ Khmer នៅភូមិភាគ។ គ្មានកន្លែងបង្រៀន លោកពូក៏ឱ្យខ្ចីផ្ទះ គ្មានសៀវភៅលោកពូក៏ស្ម័គ្រចិត្តសូមឱ្យ។ល។ ដើម្បីជនរួមជាតិ Khmer លោកពូតែងអស់ពីចិត្តជួយឧបត្ថម្ភ មិនដែលប្រកែកនោះទេ។ ស្មារតីនេះ បណ្តោយឱ្យអ្នករាល់គ្នាមានការគោរពស្រឡាញ់លោកពូយ៉ាងខ្លាំងណាស់ដែរ៕
Lam Khánh
