អស់រយៈកាលជាង១២ឆ្នាំំដែលទទួលតួនាទីមុខងារជាអ្នកមានប្រជាប្រិយក្នុងជនរួមជាតិភាគតិច លោក Danh Văn Đô ប្រធានគណៈកម្មការសាលាទានភូមិ Khánh Tư ឃុំ Đông Thới ស្រុក Cái Nước មិនត្រឹមជាស្ពានតភ្ជាប់រវាងរដ្ឋអំណាចជាមួយបងប្អូនប្រជាជនប៉ុណ្ណោះទេ ថែមទាំងបានចូលរួមកម្លាំងដ៏អស់ពីចិត្តជាមួយមាមីងបងប្អូន រួមចំណែករឹតបន្តឹងចំណងសាមគ្គីភាពនិងបង្កើនភាពរីកសាយភាយនូវស្មារតីឆ្លងកាត់ការលំបាកក្នុងសហគមន។ លោក Đô ក៏បានមាមីងបងប្អូនក្នុងភូមិគោរពនិងជឿទុកចិត្តទៀតផង។
លោក Danh Văn Đô ត្រៀមឯកសារសម្រាប់ផ្សព្វផ្សាយ ចលនាមាមីងបងប្អូនឱ្យអនុវត្តល្អរាល់គោលនយោបាយរបស់បក្សនិងក្រឹត្យច្បាប់របស់រដ្ឋ។
តាំងពីឆ្នាំ២០១៣ ខណៈពេលដែលខ្លួនបានទទួលភារកិច្ច លោកក៏យល់ច្បាស់ថានេះជាភារកិច្ចដ៏ចម្បងរបស់ខ្លួនទៅលើមាមីងបងប្អូននិងរដ្ឋអំណាចភូមិភាគ។ លោក Đô មានប្រសាសន៍៖ ប្រសិនបើចង់ឱ្យមាមីងបងប្អូនស្តាប់និងធ្វើតាម ដំបូងបង្អស់យើងត្រូវធ្វើជាគំរូ បង្កភាពស្និទ្ធស្នាល យល់ពីគោលបំណងរបស់បងប្អូនប្រជាជនទើបប្រជាជនជឿទុកចិត្តលើខ្លួន។ រាល់កិច្ចការងារអ្វីៗក៏ត្រូវសន្សឹមៗ បកស្រាយដើម្បីមាមីងបងប្អូនបានយល់ច្បាស់។
ជាមួយគំនិតបែបនេះ លោក Đô ក៏បានឆ្លៀតពេលទៅដល់គ្រួសារនីមួយៗ ជាពិសេសគ្រួសារក្រីក្រ ដើម្បីវិភាក្សា សួរសុខទុក្ខ ស្តាប់មតិយលបល់។ មិនត្រឹមតែផ្សព្វផ្សាយប៉ុណ្ណោះទេ លោក Đô ថែមទាំងសកម្មក្នុងការចលនាបងប្អូនប្រជាជនចូលរួមបណ្តាប្រពៃណីទូទាំងប្រជាជនសាមគ្គីកសាងជីវភាពវប្បធម៌ និងរក្សាការពារសន្តិសុខ កសាងលក្ខណៈរស់នៅតសបបែបស៊ីវិល័យទៀតផង។
ផ្តើមពីការងារតូចរហូតដល់កិច្ចការធំ មានដូចជា៖ ការចលនាបរិច្ចាគដីសម្រាប់ធ្វើថ្នល់ រួមកម្លាំងពលកម្មក្នុងការសាងសង់ផ្ទះមេត្តាធម៌ ឧបត្ថម្ភគ្រួសារក្រីក្រអំពីរបៀបរកស៊ី ព្រមទាំងចលនាមាមីងបងប្អូនឱ្យបានទៅសាលាដែលគ្រប់វ័យសិក្សាទៀតផង។ រាល់កិច្ចការអ្វីក៏លោកបានធ្វើដោយអស់ពីចិត្តនោះដែរ។ រាល់ពេលដែលឃុំបានធ្វើការផ្វផ្សាយកម្មវិធីឬក៏បណ្តាគោលនយោបាយថ្មីដែលពាក់ព័ន្ធដល់ជនរួមជាតិ លោក Đô តែងជំហរមុខក្នុងការសិក្សាស្វែងយល់ និងចលនាមាមីងបងប្អូនអនុវត្ត។
ជាពិសេសក្នុងការកាត់បន្ថយក្រ លោកតែងផ្សព្វផ្សាយជូនបងប្អូនប្រជាជនដើម្បីពង្រីកកម្លាំងផ្ទៃក្នុង ផ្លាស់ប្តូរទម្រង់ផលិតសមស្រប។ មិនត្រឹមវិភាក្សាដ៏ស្មោះស្ម័គ្រ បញ្ជូនឱ្យទៅសិក្សាទម្រង់ដ៏ពូកែៗនៅភូមិភាគផ្សេងប៉ុណ្ណោះទេ លោកថែមទាំងជួយគ្រួសារជាច្រើនបានចូលជិតការបុលទុន វិនិយោគចិញ្ចឹមបង្គា ដាំបន្លែ ចិញ្ចឹមសត្វ។ល។ ក៏មានគ្រួសារមួយចំនួនអាស្រ័យស្តាប់តាមការចលនាផ្សព្វផ្សាយ ក៏មានលក្ខណៈឈានឡើងរួចចាកក្រ លំនឹងការរស់នៅ។
លោក Danh Văn Sử ជាអ្នករស់នៅក្នុងភូមិ បានចែករំលែកថា៖ លោក Đô គឺជាមនុស្សដែលងាយចូលជិត និយាយស្តីរាក់ទាក់ ទើបមាមីងបងប្អូនជឿទុកចិត្ត។ អាស្រ័យការដាស់តឿនកើនរំលឹករបស់លោក ទើបគ្រួសារខ្ញុំក៏មានគំនិតគិតគូរកស៊ី មានប្រាក់ដើម្បីចិញ្ចឹមកូនសិក្សារៀនសូត្រទៀតផង។
ឃុំ Đông Thới មាន២០១គ្រួសារ Khmer ដោយមានចំនួនប្រជាជន៦៣៣នាក់ ក្នុងនោះនាពេលបច្ចុប្បន្ននូវមាន៧គ្រួសារក្រនិង៣គ្រួសារប្រកៀកបន្ទាត់ក្រ។ លោក Lâm Hoàng Kim អនុប្រធាបគណៈកម្មាធិការប្រជាជនឃុំ បានកត់សម្គាល់៖ “លោក Danh Văn Đô តែងអស់ពីចិត្តក្នុងរាល់កិច្ចការងារ លោកតែងចលនាមាមីងបងប្អូន Khmer បានយ៉ាងល្អ ជួយរឹតបន្តឹងចំណងសាមគ្គីភាពរវាងសហគមផងដែរ។ អាស្រ័យការរួមកម្លាំងរបស់លោក មាមីងបងប្អូនមួយថ្ងៃកាន់តែខិតខំព្យាយាមរកស៊ី និងមានគំនិតផ្គត់ផ្គង់ដល់ការរស់នៅថែមទៀត”។
លោក Đô សកម្មក្នុងការជំនួយឧបត្ថម្ភសាងសង់ផ្ទះជូនមាមីងបងប្អូនជនរួមជាតិ Khmer ដែលក្រលំបាក រួមចំណែកអនុវត្តមានប្រសិទ្ធភាពកម្មវិធីលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោមលើភូមិសាស្ត្រឃុំ Đông Thới។
លោក Đô ទទួលបានប័ណ្ណសរសើររបស់គណៈកម្មាធិការប្រជាជនខេត្តពីព្រោះមានស្នាដៃឆ្នើមក្នុងការផ្សព្វផ្សាយ ចលនាបងប្អូនជនរួមជាតិភាគតិចក្នុងការអនុវត្តល្អគោលការណ៍ណែនាំរបស់បក្ស ក្រឹត្យច្បាប់របស់រដ្ឋ។ លោកក៏មានច្រើនលើកផងដែរដែលត្រូវបានគណៈកម្មាធិការរណសិរ្សមាតុភូមិ Việt Nam ខេត្ត និងមន្ទីរជនជាតិនិងសាសនាលើកសរសើរជាអ្នកមានប្រជាប្រិយដ៏ឆ្នើម។
សម្រាប់លោក Đô បណ្តាអំណោយដ៏សំខាន់បំផុតគឺទំនុកចិត្តនិងការផ្លាស់ប្តូរយ៉ាងសកម្មក្នុងការរស់នៅរបស់បងប្អូនប្រជាជន។ លោកមានប្រសាសន៍ថា៖ ប្រការដែលខ្ញុំរីករាយបំផុតគឺបានឃើញមាមីងបងប្អូនសាមគ្គី ខិតខំរកស៊ី កូនក្មួយបានសិក្សារៀនសូត្រត្រឹមត្រូវ។ សម្រាប់ខ្ញុំ ខណៈពេលដែលនូវមានសុខភាព មាមីងបងប្អូននូវជឿទុកចិត្ត ខ្ញុំនឹងខិតខំប្រឹងប្រែងឱ្យអស់ពីចិត្ត៕
Hoàng Vũ
