ចាប់តាំងពីឆ្នាំ២០២៤ មជ្ឈមណ្ឌលជំរុញកសិកម្មខេត្ត Cà Mau បានអនុវត្តសាកល្បងគម្រោងចិញ្ចឹមបង្គា គួបផ្សំនឹងស្រូវ ដើម្បីទប់ស្កាត់ជាមួយការប្រែប្រួលអាកាសធាតុ ដោយភ្ជាប់ទៅនឹងខ្សែសង្វាក់តម្លៃរបស់ភូមិភាគនៃឃុំ Thạnh Phú ស្រុក Cái Nước។
គម្រោងនៃការចិញ្ចឹមបង្គានិងបង្កងគួបផ្សំជាមួយស្រូវការពារអាកាសធាតុប្រែប្រួលផ្សារភ្ជាប់ជាមួយខ្សែសង្វាក់នៃតម្លៃក្នុងឆ្នាំ២០២៤ទទួលបានភាពជោគជ័យធំ។
លើកដំបូង ទម្រង់នេះបានផ្តល់ប្រភពចំណូលជាង១០០លានដុង/ហិកតា/ឆ្នាំ បណ្តោយឱ្យប្រជាកសិករមានភាពសប្បាយរីករាយគ្រប់ៗគ្នា។ ដល់ឆ្នាំ២០២៥ ទម្រង់នេះក៏មានការទាក់ទាញបាន១៦គ្រួសារចូលរួមដោយផ្ទៃដីចំនួន២០ហិកតា។ យោងតាមលក្ខណៈនៃអាកាសធាតុ ប្រជាកសិករក្នុងតំបន់គម្រោងការនឹងត្រូវបានណែនាំនិងចាត់ចែងបានល្អ ព្រមទាំងបច្ចេកទេសក្នុងការចិញ្ចឹមដាំដុះយ៉ាងមានប្រសិទ្ធភាព។
រដូវភ្លៀង ប្រជាកសិករទទួលបានការណែនាំអំពីរៀបលាងជាតិប្រៃ កែលម្អនិងសាបព្រោះស្រូវដោយប្រភេទពូជស្រូវ ST24។ ក្នុងការផលិតស្រូវ ឆ្លៀតយកបរិស្ថាននៃប្រភពទឹកសាបដើម្បីចិញ្ចឹមបង្កងគួបផ្សំជាមួយស្រូវ។ ដោយមិនប្រើប្រាស់ថ្នាំជាតិគីមីទើបប្រភពកសិផលដែលមានស្រាប់ក្នុងបរិស្ថានធម្មជាតិមានការអភិវឌ្ឍន៍ជាង បង្កងក៏ឆាប់ធំធាត់ទៀតផង។ បន្ទាប់មកគឺតំណាក់កាលជិតដល់ចុងរដូវ កសិករក៏ទទួលបានការណែនាំអំពីរបៀបចិញ្ចឹមបង្គា។ លទ្ធផលបន្ទាប់ពីរយៈពេល៣រដូវស្រូវ-បង្កង និងបង្គា សរុបប្រាក់ចំណូលមធ្យមប្រហែល១៣០លានដុង/ហិកតា។
លោក Mai Văn Quốc នៅភូមិភាគ បានចែករំលែកថា៖ ខ្ញុំបានអនុវត្តទម្រង់នេះពីព្រោះឃើញថាមានប្រសិទ្ធភាពខ្ពស់តាំងពីឆ្នាំ២០២៤ គ្រប់គ្រងបានចំនួនពូជចិញ្ចឹម និងកាត់បន្ថយរយៈពេលចិញ្ចឹមទៀតផង ទំហំបង្គាមានការធំធាត់ល្អជាងប្រៀបជាមួយការចិញ្ចឹមបែបប្រពៃណី។ វិស្វករទាំងឡាយបានណែនាំយ៉ាងអស់ពីចិត្ត និងតាមដានយ៉ាងលម្អិតចំពោះដំណើរការអនុវត្តទម្រង់។
ប្រជាកសិករប្រមូលផលបង្កង។
ចំណុចដែលគួឱ្យកត់សម្គាល់របស់គម្រោងការគឺជួយបងប្អូនប្រជាកសិករទាញយកសក្តានុពលផ្ទៃដី រៀបចំដាំដុះដោយប្រភេទឈើយ៉ាងសម្បូរបែប និងពូជសត្វចិញ្ចឹមតាមបែបធម្មជាតិបង្ការជាតិប្រៃ-សាប រាំងស្កាត់ករណីចិញ្ចឹមត្រឹមតែបង្គាមួយប្រភេទមិនសូវមានប្រសិទ្ធភាព ព្រមទាំងជួបឧបសគ្គច្រើនទៀតផង ពីព្រោះបរិស្ថាននិងអាកាសធាតុជាច្រើនឆ្នាំកន្លងមកនេះមានការប្រែប្រួលខុសប្រក្រដី។ ក្រៅពីនោះ គម្រោងនេះក៏ជំនួយឱ្យផលិតផលកាន់តែសម្បូរបែបថែមទៀត។ ក្រៅពីផលិតផលដ៏ប្រចាំគឺបង្គានិងស្រូវ ទម្រង់នេះថែមទាំងអាចឆ្លៀតយកប្រភពធនធានដើម្បីអនុវត្តរួមបញ្ចូលគ្នាជាមួយបណ្តាប្រភេទពូជឈើដាំ ជលផលផ្សេងៗទៀតដែលមានប្រសិទ្ធភាព ដូចជា៖ ចិញ្ចឹមត្រីស្រែ ដាំបន្លែតាមភ្លឺស្រែ និងស្រះចិញ្ចឹមបង្គាសម្រាប់បង្កើនប្រភពប្រាក់ចំណូល។
លោក Lâm Thành Tân នៅភូមិ Trần Độ ឃុំ Thạnh Phú ឱ្យដឹង៖ “ខ្ញុំរួមជាមួយបងប្អូនប្រជាកសិករជាច្រើនទៀតបានទស្សនាអំពីទម្រង់ចិញ្ចឹមបង្គាគួបផ្សំជាមួយធ្វើស្រែរបស់បណ្តាគ្រួសារដែលអនុវត្តទទួលភាពជោគជ័យរួចមកហើយ ព្រមទាំងគិតថាប្រសិទ្ធភាពជាក់ស្តែង ហួសពីការស្មានទៀតផង។ ខ្ញុំដកពិសោធបានការជាក់ស្តែងអំពីពួកគាត់ដើម្បីអនុវត្ត ក៏ដូចជាការចលនាផ្សេងៗចូលរួមអនុវត្តទម្រង់នេះ”។
បន្ទាប់ពីរដូវបង្គា បណ្តាកាកសំណល់ត្រូវបានបំប៉នឱ្យស្រូវ រួមចំណែកកាត់បន្ថយការប្រើប្រាស់ជី និងថ្នាំការពាររុក្ខជាតិក្នុងដំណើរការដំបូង។ ចំណែកក្រោយពីរដូវស្រូវ បណ្តាចំបើងនិងជើងច្រាំង ឬគ្រាប់ស្រូវដែលធ្លាក់ចុះក៏ត្រូវរលាយក្លាយជាជីវជាតិនៅនឹងកន្លែង បង្កើតបានប្រភពចំណីធម្មជាតិដែលសម្បូរដោយជាតិបំប៉នសម្រាប់ឱ្យរដូវចិញ្ចឹមបង្កងបន្តទៀតដែរ។ ក៏អាស្រ័យហេតុនេះហើយ កសិករមិនចាំបាច់ចំណាយប្រាក់ច្រើនក្នុងការទិញចំណីបង្កងនោះទេ កាត់បន្ថយប្រាក់សម្រាប់ក្នុងការផលិត បង្កើនផលិតផល និងប្រាក់ចំណេញ។
ជាមួយលទ្ធផលដែលសម្រេចបាន គម្រោងនេះបានពង្រីកទិសដៅថ្មីក្នុងផលិត ជាពិសេសនៅក្នុងអនុតំបន់ធារាសាស្ត្រ Nam Cà Mau ដែលជាតំបន់មានគ្រប់លក្ខណៈក្នុងការបង្ការជាតិប្រៃ រក្សាប្រភពទឹកសាប ផ្តើមពីនោះជួយទាញយកសក្តានុពលដីធ្លីប្រកបដោយប្រសិទ្ធភាព និងបង្កើនប្រភពប្រាក់ចំណូលទៀត ផង។
ប្រជាកសិករទទួលបានការណែនាំអំពីរបៀបលាងជម្រះជាតិប្រៃ កែលម្អផ្ទៃដី និងសាបព្រោះប្រភេទពូជស្រូវ ST24។
លោក Nguyễn Văn Quân នាយករងនៃមន្ទីរកសិកម្ម និងបរិស្ថានឱ្យដឹង៖ “ដើម្បីពង្រីកតម្លៃសេដ្ឋកិច្ច និងតម្លៃនៃការបង្កបង្កើនប្រភពបង្កង និងស្រូវផ្តើមពីទម្រង់នេះ។ ខេត្តបានដាក់ចេញដំណោះស្រាយដើម្បីជុំរុញខ្លាំងខ្លាការអនុវត្តបច្ចេកវិទ្យាចូលក្នុងការផលិត។ ខេត្តក៏បានទំនាក់ទំនងជាមួយវិជ្ជាស្ថាន មហាវិទ្យាល័យ ព្រមទាំងអញ្ជើញអ្នកវិទ្យាសាស្ត្រឱ្យចូលរួមកសាងដំណើរការផលិតដ៏ទំនើបៗទាន់សម័យ និងសមស្រប ធានាល្អតាមស្តង់ដារនៃការទទួលស្គាល់។ ប្រការនេះក៏បានបង្កលក្ខណៈសម្រាប់អាជីវកម្មបានចូលជិតទិផ្សារ ដើម្បីអនុវទាន់ពេលនៃការទំនាក់ទំនងក្នុងការផលិត និងប្រមូលទិញផលិតផល”៕
Lam Khánh
