ដើម្បីរក្សា និងពង្រីកអត្តសញ្ញាណវប្បធម៌ Khmer ក្នុងសហគមន៍បណ្តាជនជាតិភាគតិច ប៉ុន្មានឆ្នាំកន្លងមកនេះ សកម្មភាពបង្រៀនអក្សរ Khmer រដូវវិស្សមកាលសម្រាប់ប្អូនៗកុមារតែងបានបន្តចាត់តាំងជារៀងរាល់ឆ្នាំ។ បណ្តាថ្នាក់រៀននេះ តែងត្រូវបានចាត់តាំងនៅតាមបណ្តាវត្ត សាលាទាន និងបណ្តាទីតាំងប្រជុំជនដែលមានបងប្អូនជនរួមជាតិភាគតិចរស់នៅច្រើនកុះករ។ ផ្តើមពីនោះ ក៏បានរួមចំណែកបង្កើតបរិយាកាសសម្រាប់ប្អូនៗសិស្សានុសិស្សដែលគ្មានលក្ខណៈដើម្បីរៀនអក្ស Khmer ក្នុងឆ្នាំសិក្សាអាចចូលរួមរៀនអាន រៀនសរសេរ និងស្វែងយល់ពីលក្ខណៈវប្បធម៌ Khmer តាំងពីខ្លួននៅក្មេង។
លោកគ្រូ Diệp Sa Rươl បង្ហាត់ប្អូនៗអានអក្សរ Khmer។
នៅវត្តមុនីវង្សា បុប្ផារាម សង្កាត់ An Xuyên រដូវវិស្សមកាលជារៀងរាល់ វត្តតែងមានចាត់តាំងបើកថ្នាក់បង្រៀនអក្សរ Khmer ក្នុងរយៈពេល២ខែ (ខែមិថុនា និងខែកក្កដា) សម្រាប់កូនក្មួយជនរួមជាតិភាគតិចនៅភូមិភាគ។ រដូវវិស្សមកាលឆ្នាំនេះ វត្តបើកបាន២ថ្នាក់កាលពីដើមខែមិថុនា ឆ្នាំ២០២៥ ដោយមួយថ្នាក់មានប្អូនៗចូលរួមចំនួន២០រូប។ បណ្តាថ្នាក់រៀនត្រូវបានដំណើរការចាប់ពីថ្ងៃចន្ទរហូតដល់ថ្ងៃសៅរ៍រៀងងរាល់សប្តាហ៍។ ពេលរសៀល ចាប់ពីម៉ោង១៤-១៦។ នៅទីនេះ ប្អូនៗក៏បានណែនាំអំពីរបៀបអាន និងសរសេរតួព្យញ្ជនៈ Khmer និងដោះដូរដោយភាសា Khmer ជាមូលដ្ឋាន ព្រមទាំងរៀនច្រៀងនូវបណ្តាបទចម្រៀងប្រជាប្រិយ Khmer មួយចំនួនទៀតផង។
ប្អូន Sơn Thị Bé Hai បានចែករំលែកថា៖ នៅសាលា ប្អូនមិនត្រឹមរៀនភាសា Việt Nam ប៉ុណ្ណោះទេ ថែមទាំងបានបានអក្សរ Khmer ទៀតផង ដូច្នេះហើយទើបរដូវវិស្សមកាលម្តងៗ ប្អូនតែងឆ្លៀតឱកាសចូលវត្តដើម្បីរៀនអក្សរ Khmer។ នេះជាឆ្នាំទីពីរផងដែរ ដែលប្អូនបានចូលរួមជាមួយថ្នាក់រៀន។ ប្អូនពិតជាសប្បាយចិត្តខ្លាំងណាស់ដែលបានរៀនអក្សរ និងរៀននិយាយភាសា Khmer។ ឥឡូវប្អូនអាចនិយាយ និងសរសេរជាភាសា Khmer បានឃ្លាខ្លះៗហើយ។ ប្អូនមានក្តីរំភើបខ្លាំងណាស់!”។
ប្អូន Lê Văn Tài ដែលជាអ្នកទើបបានចូលរួមថ្នាក់រដូវវិស្សមកាលឆ្នាំនេះ បានចែករំលែកថា៖ “ពេលដែលបានឮថាមានបើកថ្នាក់បង្រៀនអក្សរខ្មែរ ប្អូនក៏ប្រញា៉ប់ចុះឈ្មោះភ្លាម គ្រូពន្យល់ងាយយល់ខ្លាំងណាស់។ រៀនបញ្ចប់រដូវវិស្សមកាលនេះ ប្អូននឹងខិតខំរៀនប្រព័ន្ធទូរស័ព្ទបន្ថែម។ ឆ្នាំក្រោយ ប្អូនប្រាកដជារៀនបន្តទៀតប្រសិនបើមានបើកថ្នាក់”។
បណ្តាថ្នាក់រៀនទាំងនេះមិនត្រឹមជួយបង្កើនបំណិនផ្នែកខាងភាសាប៉ុណ្ណោះទេ ថែមទាំងបង្កើតសួនកម្សាន្តដ៏មានអត្ថប្រយោជន៍សម្រាប់រដូវវិស្សមកាល និងជំនួយប្អូនៗកាត់បន្ថយការប្រើប្រាស់ឧបករណ៍អេឡិចត្រូនិចទៀតផង។ ប្អូន Nguyễn Thị Bé Hai បាននិយាយថា៖ “ផ្ទះប្អូននៅជិតវត្ត ដូច្នេះហើយ ប្អូនក៏ងាយស្រួលក្នុងការធ្វើដំណើរទៅរៀនប្រចាំថ្ងៃ។ នៅទីនេះ ប្អូនក៏បានរៀននិយាយភាសា Khmer ផងដែរ ព្រមទាំងបានច្រៀងរាំ និងលេងកម្សាន្តសប្បាយជាមួយមិត្តភក្តិបន្ទាប់ពីម៉ោងរៀន។ ប្អូនមានអារម្មណ៍ថា បានរៀនដូច្នេះ ពិតជាសប្បាយ និងមានផលប្រយោជន៍ខ្លាំងណាស់ប្រៀបជាមួយការអង្គុយមើលតែទូរទស្សន៍ ឬក៍ទូរស័ព្ទនៅផ្ទះ”។
លោកគ្រូ Diệp Sa Rươl ណែនាំប្អូន Nguyễn Thị Bé Mai អានព្យញ្ជនៈ Khmer។
ការបន្តបើកថ្នាក់រៀនអក្សរ Khmer នារដូវវិស្សមកាល បានរួមចំណែកយ៉ាងសកម្មក្នុងការអភិរក្ស ភាសា និងអក្សរសាស្ត្រ ព្រមទាំងលក្ខណៈវប្បធម៌ Khmer ផងដែរ។ ឆ្លងតាមរយៈនេះ ប្អូនៗមិនត្រឹមទទួលបានចំណេះដឹងខាងភាសាប៉ុណ្ណោះទេ ថែមទៀងពង្រឹង និងលើកកម្ពស់ចំណេះដឹងរបស់ខ្លួនជារៀងរាល់ឆ្នាំទៀតផង។
លោក Diệp Sa Rươl គ្រូបង្រៀនអក្សរ Khmer រដូវវិស្សមកាលនៅវត្តមុនីវង្សា បុប្ផារាម មានប្រសាសន៍៖ “ខ្ញុំចូលរួមបង្រៀនជាច្រើនឆ្នាំ ដោយសង្ឃឹមចង់រួមចំណែកក្នុងការអភិរក្សវប្បធម៌ជាតិ ជាពិសេសភាសា និងអក្សរ Khmer តែម្តងសម្រាបជំនាន់ក្រោយ។ ការបង្រៀនមានរយៈពេលខ្លី មានត្រឹម២ខែប៉ុណ្ណោះ ដូច្នេះហើយមិនអាចបង្រៀនបានក្បោះក្បាយនោះទេ ក៏ប៉ុន្តែប្អូនៗពិតជាមានការខិតខំខ្លាំងណាស់ ដើម្បីរៀនបានល្អ។ ខ្ញុំតែងជំុរុញទឹកចិត្តប្អូនកូនក្មួយឱ្យខិតខំរៀនសូត្រ ដើម្បីលំនឹងចិត្តថែមទៀតក្នុងការប្រើភាសារបស់ជាតិខ្លួន ចាត់ទុកជាសំពាយផ្តល់ចំណេះដឹងសម្រាប់នាពេលអនាគត”។
ការបង្រៀនអក្សរ Khmer នារដូវវិស្សមកាល ជាសកម្មភាពដ៏ជាក់ស្តែងសម្រាប់បន្តការអភិវឌ្ឍន៍ខាងភាសា Khmer។
បណ្តាថ្នាក់រៀនអក្សរ Khmer នារដូវវិស្សមកាលជារៀងរាល់ឆ្នាំ មិនត្រឹមជាកន្លែងសម្រាប់ប្អូនៗកូនក្មួយជនជាតិភាគតិចមានលក្ខណៈសិក្សាអក្សរសាស្ត្រជាតិខ្លួនប៉ុណ្ណោះទេ ថែមទាំងជាស្ពានតភ្ជាប់រវាងបញ្ញវន្តជំនាន់ក្រោយជាមួយវប្បធម៌ជាតិទៀតផង៕
ប្រអប់៖
យោងតាមដំណឹងពីមន្ទីរជនជាតិ និងសាសនាខេត្ត រដូវវិស្សមកាលឆ្នាំ២០២៥ ទូទាំងខេត្តមាន២៤ទីតាំងបង្រៀនអក្សរ Khmer ដោយមានទាំងអស់ ៣៥ថ្នាក់ និងមានជា៨០០ប្អូនៗកូនក្មួយចូលរួម។ ដើម្បីជំនួយឧបត្ថម្ភសកម្មភាពនេះ មន្ទីរក៏បានផ្តល់សៀវភៅសិក្សា សៀវភៅសរសេរ និងប៊ិច ព្រមទាំងថវិកាសម្រាប់គ្រូបង្រៀន ដោយសរុបទាំងអស់មានជាង៥០០លានដុង៕
Cẩm Nhi
