នៅឃុំ Hoà Bình ភាពរស់រវើកនៃសេដ្ឋកិច្ចថ្មីកំពុងរីកសាយខ្លាំងក្លានៅតាមភូមិនានា។ភាពរស់រវើកនេះមិនមែនមកពីគម្រោងធំៗនោះទេ ថែមទាំងមានប្រភពចេញពីដៃដ៏ប៉ិនប្រសប់ និងឆន្ទៈតស៊ូរបស់បងប្អូននារីក្នុងស្រុកដែលកំពុងរួមគ្នា "ត្បាញ" អនាគតដ៏កក់ក្តៅពីរបរសិប្បកម្មតម្បាញ។
ក្រុមតម្បាញ ភូមិ Vĩnh Phước ទាក់ទាញទាំងបុរសឱ្យចូលរួម ។
គំនិតផ្តួចផ្តើមស្តារ និងអភិវឌ្ឍន៍របរតម្បាញប្រពៃណី បានផ្តួចផ្តើមដោយសមាគមនារីឃុំ Hoà Bình ។ ដោយឃើញពីសក្តានុពលនៃវត្ថុធាតុដើមធម្មជាតិ មានស្រាប់ដូចជា៖ ត្រកៀតប៉ោង និងស្មៅដងទួន សមាគមបានធ្វើការយ៉ាងសកម្ម ប្រមូលផ្តុំ និងតភ្ជាប់ដើម្បីបង្កើតជាទម្រង់ក្រុមតូច ក្រុមធំ ខាងរបរតម្បាញ។ ដលម្បីបង្កើតការងារបន្ថែម និងបង្កើនប្រាក់ចំណូលសម្រាប់បងប្អូននារី ជាពិសេសនារីជាមេផ្ទះ ឬមានពេលទំនេរ។ ពីការងារបន្ថែមពេលទំនេរ របរតម្បាញ បានក្លាយជាទិសដៅស្ថេរភាពសម្រាប់គ្រួសារជាច្រើនបន្តិចម្តងៗ។
បងស្រី Ngô Huỳnh Phương ប្រធានក្រុមតម្បាញ ភូមិ Tràm Một កំពុងណែនាំបច្ចេកទេសតម្បាញ ដល់បងប្អូននារី ។
គំរូមួយក្នុងចំណោមគំរូលេចធ្លោ គឺក្រុមតម្បាញ នៅភូមិ Tràm Một ដឹកនាំដោយបងស្រីងោហ្វិញភឿងជាប្រធានក្រុម។ បង្កើតឡើងប្រ ហែល 2 ឆ្នាំមុន ដោយមានសមាជិកដំបូង ៧ នាក់ មកដល់ពេលនេះ ក្រុមនេះបានក្លាយជាចំណុចភ្លឺ នៃសេដ្ឋកិច្ចរបស់ភូមិ។ ដោយទឹកដៃដ៏ប៉ិនប្រសប់របស់សមាជិក សរសៃត្រកៀតប៉ោង ស្មៅដងទួន ស្ងួតបានក្លាយជាកន្ត្រកដ៏ទាន់សម័យ និងសម្ភារៈប្រើប្រាស់ក្នុងផ្ទះដ៏ល្អិតល្អន់ ត្រៀមខ្លួនផ្គត់ផ្គង់ចេញទីផ្សារក្នុង និងក្រៅខេត្ត។
បងប្អូននារីយកចិត្តទុកដាក់នឹងការងារតម្បាញ។
ស្មារតីសកម្មនេះក៏បានរីកសាយខ្លាំងក្លាសម្រាប់ភូមិវិញហ៊ីបផងដែរ។ ទោះ បី ទើបដំណើរការបានជិត ៣ ខែក៏ដោយ ក៏ទម្រង់ត្បាញកន្ត្រករបស់ក្រុមសមាជិកានារីនៅទីនេះបានអះអាងនូវគុណភាពឆាប់រហ័ស។ ផលិតផលរបស់បងប្អូននារីបានអ្នកប្រើប្រាស់វាយតម្លៃខ្ពស់សម្រាប់ខាងម៉ូដស្រស់ស្អាត និងតម្លៃសមរម្យ។ ជាពិសេស ទម្រង់នេះទាក់ទាញនារីមេផ្ទះជាច្រើនឱ្យចូលរួម ដែលផ្តល់ឱ្យពួកគាត់នូវឱកាសផ្លាស់ប្តូរយោបល់ រៀនសូត្រ ហើយសំខាន់ជាងនេះទៅទៀតគឺភាពជាម្ចាស់ការលើផ្នែកសេដ្ឋកិច្ច។
ដើម្បីឱ្យទម្រង់ទាំងនេះអភិវឌ្ឍស្ថេរភាព មិនអាចមិនរំលឹកពីតួនាទីរបស់រដ្ឋអំណាច និងអង្គការមហាជន ជាពិសេសគឺសមាគមនារីឃុំ។ អ្នកស្រី Đõ Ngọc Hân អនុប្រធានគណៈកម្មាធិការរណសិរ្សមាតុភូមិ Việt Nam និងជាប្រធានសមាគមនារីឃុំ Hoà Bình ឱ្យដឹងថា៖ "សមាគមនារី ឃុំបានចុះកិច្ចព្រមព្រៀងជាមួយធនាគារគោលនយោបាយសង្គមដើម្បី ឧបត្ថម្ភដើមទុន អនុវត្តសម្រាប់ប្រជាជនទុក្ខលំបាកឱ្យទទួលបាន។ ក្រៅពីឧបត្ថម្ភដើមទុន សមាគមនៅណែនាំបច្ចេកទេសតម្បាញ ដាំដុះ ជួយបងប្អូននារីទាញយកប្រយោជន៍ពេលទំនេរ ដើម្បីតម្បាញ ទាញយកប្រយោជន៍ដីទំនេរ ដើម្បីដាំដុះ បង្កើនប្រាក់ចំណូលបន្ថែមប្រចាំថ្ងៃ។ អរគុណដល់ការនេះ បងប្អូននារីជាច្រើនបានឈានឡើងរួចផុតពីភាពក្រីស្ថេរភាព និងមានប្រាក់ចំណូលនឹងនរ"។
ក្រុមតម្បាញ ភូមិ Vĩnh Phước ឃុំ Hoà Bình។
ភាពជោគជ័យនៃជំហានដំបូងសម្រាប់ទម្រង់តម្បាញនៅឃុំ Hoà Bình មិនត្រឹមតែជារឿងរ៉ាវនៃការបង្កើនប្រាក់ចំណូលប៉ុណ្ណោះទេ ប៉ុន្តែនៅជាភស្តុតាងឱ្យស្មារតីសាមគ្គី ឧស្សាហ៍ព្យាយាម ច្នៃប្រឌិត និងសេចក្តីប្រាថ្នាចង់ឈានឡើងរបស់នារីជនបទទៀតផង។ ផលិតផលសិប្បកម្ម ទាំងនេះមិនត្រឹមតែមានតម្លៃសេដ្ឋកិច្ចប៉ុណ្ណោះទេ ប៉ុន្តែនៅនាំមកនូវមនោសញ្ចេតនា ក្តីសង្ឃឹម រួមចំណែកកសាងជីវភាពកាន់តែកក់ក្តៅ សុភមង្គលនៅលើទឹកដីហ្វាប៊ិញទៀតផង៕
Thạch Đờ Ni
