ស្ថិតនៅកណ្តាវាលស្រែខ្ទឹមក្រហមដ៏ធំល្វឹងល្វើយ និងអមដោយម្លប់ដើមឈើបុរាណដ៏ត្រជាក់ វត្ត Khmer មិនត្រឹមតែជាមជ្ឈមណ្ឌលនៃសកម្មភាពសាសនា ជាកន្លែងសម្រាប់អភិក្សអត្តសញ្ញាណវប្បធម៌ជាតិប៉ុណ្ណោះទេ ថែមទាំងជាប្រភពដើមនៃការចលនាបដិវត្តន៍ក្នុងអំឡុងពេលនៃការតស៊ូប្រឆាំងពួកសត្រូវឈ្លានពានទឹកដីទៀតផង។ ក្នុងចំណោមវត្តមួយក្នុដ៏ឆ្នើមជាងគេនោះគឺវត្ត សិរីក្រសាំង (Cà Săng) កសាងនូវឆ្នាំ ១៥៧៦ ដែលមានទីតាំងស្ថិតនៅសង្កាត់ Vĩnh Châu ទីក្រុង Cần Thơ។
.JPG)
វត្តសិរីក្រសាំង (Cà Săng) ជាបេតិកភណ្ឌប្រវត្តសាស្ត្រ វប្បធម៌ថ្នាក់ខេត្ត។
វត្តសិរីក្រសាំង (Cà Săng) មានទំហំផ្ទៃដីប្រមាណជាង ៨៩៤ ម៉ែត្រការ៉េ ជាមួយនឹងស្ថាបត្យកម្មដ៏ចម្លែក ៗជាច្រើនដូចជា៖ ព្រះវិហារ សាលារៀន សមណកុដិ និងឧបដ្ឋានសាលា។ល។ ឆ្លងកាត់ជាច្រើនសម័យកាល វត្តក៏មានភាពទ្រុឌទ្រោមយ៉ាងខ្លាំង។ ឆ្នាំ២០០៥ វត្តក៏បានចាប់ផ្តើមកសាងព្រះវិហារថ្មីដោយមានប្រវែង ៣៦,៨ ម៉ែត្រ ទទឹង ២៤,៣ ម៉ែត្រ និងកម្ពស់ ២៥ ម៉ែត្រ ដោយចំណាយទឹកប្រាក់សរុបជាង ៧ ពាន់លានដុង។ រចនាសម្ព័ន្ធនៃព្រះវិហារនេះដោយមានកំពូល ៥ យ៉ាងខ្ពស់សន្លឹម គយគន់ហាក់បីដូចជាប្រាសាទអង្គរវត្ត បង្កើតឱ្យមានការចាប់អារម្មណ៍ជាខ្លាំងចំពោះភ្ញៀវទេសចរមកពីគ្រប់ទិសទីនៅពេលបានមកទស្សនាវត្ត។
.JPG)
ចេតិយតម្កល់អធិដ្ឋាតុរបស់អតីតព្រះឧបជ្ឈាយ៍ដែលមានស្នាព្រះហស្ថក្នុងការស្ថាបនាវត្តអារាម។
យោងតាមការរៀបរាប់របស់ព្រះសង្ឃ និងព្រឹទ្ធាចារ្យក្នុងភូមិ ក្នុងអំឡុងពេលសង្គ្រាមទាំង ២ លើក តស៊ូប្រឆាំងបារាំង (Pháp) និងអាមេរិក (Mỹ) វត្តសិរីក្រសាំង (cà Săng) គឺជាកន្លែងសម្រាប់បណ្តុះបណ្តាលសកម្មជនបដិវត្តន៍ ប្រមូលផ្តុំប្រជាពុទ្ធបរិស័ទឱ្យចូលរួមតស៊ូ និងរួមចំណែកជាច្រើនដល់បុព្វហេតុរំដោះជនជាតិ និងឯករាជ្យទឹកដី។
ក្រោមដំបូលវត្តដ៏អស្ចារ្យ កិច្ចប្រជុំសម្ងាត់បានធ្វើឡើង និងការតស៊ូរបស់ប្រជាជន Khmer ជាច្រើនក៏ត្រូវបានចាប់ផ្តើម។ ទន្ទឹមនិងនោះ ដើម្បីជំនួយកម្លាំងដល់កងទ័ពយើង ព្រះសង្ឃ និងគ្រូអាចារ្យបានប្រមូលផ្តុំពុទ្ធបរិស័ទដោយសម្ងាត់ រួមមានទាំងការផ្តល់ស្បៀងអាហារ ឱសថព្យាបាលជំងឺ និងផ្តល់ជម្រកដល់ទាហានរងរបួសជាដើម។ ទោះបីជាត្រូវពួកខ្មាំងឃ្លាំមើល និងបំភិតបំភ័យយ៉ាងណាក៏ដោយ អ្នកទាំងឡាយនៅតែស្មោះត្រង់នឹងស្មារតីឆ្ពិះទៅ "ព្រះពុទ្ធសាសនារួមដំណើរការជាមួយប្រទេសជាតិ" ដោយប្រើប្រាស់សេចក្តីមេត្តាករុណាជាកម្លាំងដើម្បីការពារមាតុភូមិ។
.JPG)
ភាពអស្ចារ្យនៃព្រះពុទ្ធបដិមាករនៅខាងមុខទីធ្លាវត្តសិរីក្រសាំង (Cà Săng)។
បន្ទាប់ពីប្រទេសជាតិទទួលបានឯករាជ្យទាំងស្រុង វត្តសិរីក្រសាំង (Cà Săng) ក៏បានចូលរួមយ៉ាងសកម្មក្នុងការរួមចំណែកដើម្បីបុព្វហេតុនៃការកសាងប្រទេសជាតិ។ ការរួមចំណែករបស់វត្តត្រូវបានបក្ស និងរដ្ឋទទួលស្គាល់ ព្រមទាំងនាយករដ្ឋមន្ត្រីប្រគល់ប័ណ្ណសរសើរដែលមានស្នាដៃ ក្នុងការចលនាកសាង និងពង្រឹងផែនមហាសាមគ្គីទូទាំងជនជាតិ រួមចំណែកដល់បុព្វហេតុកសាងសង្គមនិយម និងការពារប្រទេសជាតិ មាតុភូមិ។
ជាពិសេសក្នុងបរិវេណវត្តសិរីក្រសាំង (Cà Săng) ថែមទាំងមានសាលាបឋមសិក្សាមួយខ្នងផងដែរ បង្កលក្ខណៈងាយស្រួលសម្រាប់ប្អូនៗសិក្សារៀនសូត្រនៅភូមិភាគ។
ប្រការដែលគួរឱ្យមោទនភាពថែមទៀតនោះគឺកាលពីឆ្នាំ ២០០៤ វត្តយសិរីក្រសាំង (Cà Săng) ថែមទាំងបានគណៈកម្មាធិការប្រជាជនខេត្ត Sóc Trăng (ចាស់) បច្ចុប្បន្នជាទីក្រុង Cần Thơ សម្រេចចិត្តទទួលស្គាល់ជាបេតិកភណ្ឌប្រវត្តិសាស្ត្រ វប្បធម៌ថ្នាក់ខេត្តផងដែរ៕
Chanh Đa
