កន្លងមកនេះ សកម្មភាពរបស់សហករណ៍បានរួមចំណែកបង្កើតការងារធ្វើដល់កម្មករជាច្រើននៅភូមិភាគ ជាពិសេសនៅតាមតំបន់ដែលមានជនរួមជាតិភាគតិចរស់នៅច្រើន។ ជំរុញការអភិវឌ្ឍវិស័យសេវាកម្ម និងឧស្សាហកម្ម។ ជាតួយ៉ាងដូចជាសហការណ៍កសិកម្ម ឡុកទីម Farm ឧស្ថិតនៅអនុសង្កាត់ Biển Đông B សង្កាត់ Hiệp Thành។
លោក Lâm Văn Toàn តែងយកចិត្តទុកដាក់ចំពោះគុណភាព និងប្រភពច្បាស់លាស់ខាងប្រភេទពូជ និងជីផងដែរ។
សហករណ៍កសិកម្ម Lốc Tím Farm មានសមាជិកចំនួន ៣៥ នាក់ ដែលក្នុងនោះមានសមាជិកជនជាតិខ្មែរ ២៨ នាក់ ចូលរួមផលិត និងផ្គត់ផ្គង់ប្រភេទគ្រាប់ពូជ និងពូជរុក្ខជាតិផ្សេងៗសម្រាប់ដាំដុះ មានដូចជា៖ ខ្ទឹមក្រហម ទំពាំងបារាំង ម្ទេស ពោត ស្ពៃក្តោប និងននោងជាដើម ។ លោក Lâm Văn Toàn នាយកដ្ឋាន និងជាប្រធានសមាគមអ្នកគ្រប់គ្រងសហករណ៍ បានឱ្យដឹង៖ “សហករណ៍បានផ្តើមសកម្មភាពដោយផ្តោតលើទិសដៅដើម្បីជួយសមាជិកទាំងឡាយអភិវឌ្ឍន៍ផលិតខាងវិស័យកសិកម្ម បង្កើតទម្រង់យ៉ាងសមស្រប និងមានប្រសិទ្ធភាពផ្តើមពីបណ្តាទម្រង់នៃផលិតផលដ៏ប្រចាំរបស់ភូមិភាគ មានដូចជា៖ខ្ទឹមក្រហម ម្ទេស ទំពាំងបារាំង។ល។ ផ្តើមពីនោះ ក៏សន្សឹមៗឈានឡើងលើកកម្ពស់គុណភាពកសិផល កាត់បន្ថយជាដាច់ខាតចំពោះករណី “បានផលតែគ្មានតម្លៃ មានតម្លៃតែបែរជាគ្មាផលទៅវិញ” ស្របឱកាសនោះក៏បង្កើតការងារធ្វើជូនពលករជាច្រើននៅតាមតំបន់ភូមិភាគ”។
លោក Sơn Thọ (កណ្តាល) ឧទ្ទេសនាមពីប្រភេទពូជខ្ទឹមក្រហមដល់កម្មាភិបាលនៃការិយាល័យសេដ្ឋកិច្ចនៅសង្កាត់ Hiệp Thành បន្ទាប់ពីពូជដំណាំមានការលូតលាស់ល្អ នឹងផ្តល់ប្រភពជូនសមាជិកសហករណ៍ទាំងឡាយដែលមានតម្រូវការ។
ក្រៅពីការផ្តល់ពូជ និងប្រភេទពូជរុក្ខជាតិ និងជីដែលមានម៉ាកសញ្ញា កិត្យានុភាព គុណភាព និងប្រភពច្បាស់លាស់ សហករណ៍កសិកម្ម Lộc Tím Farm ក៏ផ្តោតលើការពិគ្រោះយោបល់ខាងច្ចេកទេសដាំដុះតាមទិសដៅស្អាត និងធានាសុវត្ថិភាពផងដែរ។ សកម្មភាពរបស់សហករណ៍នេះមិនត្រឹមតែជួយកសិករផលិតចេញនូវផលិតផលស្អាត សុវត្ថិភាពជូនអ្នកប្រើប្រាស់ បង្កើនប្រាក់ចំណូលប៉ុណ្ណោះទេ ថែមទាំងបង្កើតគំរូក្នុងការដាំដំណាំដែលនាំមកនូវប្រាក់ចំណេញសម្រាប់បងប្អូនប្រជាជននៅភូមិភាគទៀតផង។
បង Sơn Thọ នាយកដ្ឋានបច្ចេកទេសនៃសហករណ៍ បានឱ្យដឹងថា៖ “សហករណ៍បានជួយបងប្អូនប្រជាជនទាំងបច្ចេកទេសថែទាំ និងវិធីសាស្ត្រក្នុងការកំចាត់សត្វល្អិត និងជំងឺដែលបង្កគ្រោះថ្នាក់ដល់ដំណាំផងដែរ”។
សហករណ៍កសិកម្ម Lộc Tím Farm មិនត្រឹមផ្តល់ប្រភេទពូជដំណាំ និងឧបត្ថម្ភខាងបច្ចេកទេស ធានាទិនផលនាំចេញសម្រាប់ផលិតផលទាំងឡាយជូនសមាជិកប៉ុណ្ណោះទេ ថែមទាំងបង្កើតការងារធ្វើជូនពលករជនបទជាច្រើនទៀតផង។
ជាមួយសកម្មភាពដែលមានប្រសិទ្ធភាពនេះ សហករណ៍កសិកម្ម Lộc Tím Farm បានរួមចំណែកក្នុងការរៀបចំផលិតសាឡើងវិញ ដែលជាប្រព័ន្ធតភ្ជាប់សម្រាប់ឱ្យការប្រមូលទិញផលិតផលជូនប្រជាកសិករ ផ្តើមពីនោះ បង្កើនតម្លើៃផលិតផល បង្កើតការងារធ្វើកាន់តែច្រើនសម្រាប់កម្មករនៅជនបទ។ "យើងខ្ញុំមិនត្រឹមតែណែនាំបច្ចេកទេសដាំដុះ និងថែទាំប៉ុណ្ណោះទេ ថែមទាំងផ្សារភ្ជាប់ការផលិត និងធានាទិន្នផលនាំចេញទៀតផង។ សហករណ៍កសិកម្ម បានចុះកិច្ចសន្យានិងរួមដំណើរការ ជួយសមាជិកទាំងឡាយអភិវឌ្ឍន៍សេដ្ឋកិច្ចចីរភាព ផ្តើមពីនោះបង្កើតការងារធ្វើនឹងនរសម្រាប់ពលករ រួមចំណែកកសាងខឿនសេដ្ឋកិច្ចជនបទឱ្យកាន់តែរឹងមាំថែមទៀត” លោក Lâm Văn Toàn បានចែករំលែកដូច្នេះ។
គ្រួសារលោក Khưu Duy An នៅអនុសង្កាត់ Giồng Giữa B ជាសមាជិករបស់សហករណ៍ កំពុងដាំទំពាំងបារាំងប្រមាណ ៦.០០០ គុម្ពផងដែរ។ ដោយទទួលបានការឧបត្ថម្ភខាងបច្ចេកទេស លោកថែទាំបានត្រឹមត្រូវតាមវិធីសាស្ត្រទើបដើមមានការលូតលាស់ល្អ។
អភិវឌ្ឍន៍មិនឈប់ឈរខាងទ្រងទ្រាយ និងគុណភាព សហការណ៍កសិកម្ម Lộc Tím Farm សន្សឹមៗក្លាយជាសង្វាក់នៃតម្លៃស្ថិរភាព ផ្សារភ្ជាប់ជាមួយសមាជិកទាំងឡាយតាំងពីផលិតរហូតដល់ទិន្នផលនាំចេញ។ សហការណ៍ក៏បានជួយលើកកម្ពស់ប្រភពប្រាក់ចំណូល និងស្តារជីវភាពរស់នៅសម្រាប់គ្រួសារទាំងឡាយផងដែរ៕
Quỳnh Anh
