នៅតាមសាលាជាច្រើនក្នុងខេត្តនិយាយរួម សាលាវិទ្យាល័យជនជាតិអន្តេវាសិកនិយាយដោយឡែក ការបង្ហាត់បង្រៀនមិនត្រឹមតែផ្តល់ចំណេះដឹងសម្រាប់បញ្ញវន្តជំនាន់ក្រោយប៉ុណ្ណោះទេ ថែមទាំងជាសកម្មភាពដ៏អស្ចារ្យមួយក្នុសម្រាប់ការអភិរក្សអត្តសញ្ញាណវប្បធម៌ជនជាតិទៀតផង។ រួមចំណែកសម្រេចជោគជ័យនូវវាសនារបស់ខ្លួនដោយផ្តោតលើលោកគ្រូ អ្នកគ្រូទាំងឡាយដែលបានខ្នះខ្នែងក្នុងការបណ្តុះខាងអក្សរសាស្ត្រ និង “រក្សាប្រទីប” សម្រាប់ខាងសិល្បៈប្រពៃណី។
លោកគ្រូ Tăng Quốc Đạt ក្រៅពីបង្រៀនភាសា Khmer ថែមទាំងទទួលបន្ទុកជាអ្នកបង្ហាត់ខាងសិល្បៈចៀង រាំជូនប្អូនៗសិស្សសាលាទៀតផង។
ក្នុងចំណោមនោះ គឺលោកគ្រូ Lâm Thanh Nhã អ្នកដែលបានភ្ជាប់ខ្លួនអស់រយៈពេលជិត ២០ ឆ្នាំជាមួយវិទ្យាល័យជនជាតិអន្តេវាសិក Bạc Liêuវ។ លោកគ្រូតែងមានទស្សនៈថា៖ “បើអក្សរសាស្ត្រនៅស្ថិតថេរ វប្បធម៌ក៏គង់វង្សដែរ។ បើយើងមិនបង្រៀនអក្សរ Khmer ដល់ជំនាន់ក្រោយនោះ ត្រឹមតែប៉ុន្មានជំនាន់ទៀត តើអ្នកណាអាចអានបាន អ្នកណាជាអ្នកយល់ពីវប្បធម៌ឫសគល់របស់ជាតិយើង?”។ ដោយយល់ឃើញថាការសិក្សាភាសានិងអក្សរសាស្ត្របុរាណមានការជួបលំបាក លោកគ្រូ Nhã មិនបញ្ឈប់ការច្នៃប្រតិដ្ឋក្នុងការរួមបញ្ចូលល្បែងប្រជាប្រិយដែលសម្គាល់ពីតួអក្សរព្យញ្ជនៈ Khmer ព្រមទាំងអនុវត្តបច្ចេកវិទ្យាចូលក្នុងការបង្រៀន បង្កើតចំណាប់អារម្មណ៍សម្រាប់សិស្សានុសិស្សទាំងឡាយគ្រប់រូប។
មិនត្រឹមតែបង្រៀនអក្សរនោះទេ លោកគ្រូថែមទាំងបានគេចាត់ទុកជា “ដួងព្រលឹង” សម្រាប់ក្នុងបណ្តាពិធីបុណ្យទានប្រពៃណី Khmer របស់សាលា។ លោកគ្រូតែងចំណាយពេលណែនាំអំពីបណ្តាពិធីបុណ្យផ្សេងៗ និងរៀបរៀងឡើងវិញខាងឈុតសម្តែងសិល្បៈប្រជាប្រិយ ដោយចំណាយប្រាក់ផ្ទាល់ខ្លួនសម្រាប់ជាអំណោយជូនសិស្សទៀតផង។
លោកគ្រូ Lâm Thanh Nhã ក្នុងថ្ងៃធ្វើសកម្មភាពជាមួយល្បែងកំសាន្ត ជួយប្អូនៗសិស្សនុសិស្សក្នុងការចំណាំតួអក្សរ និងវប្បធម៌ Khmer។
ជាអ្នមានឆន្ទៈដូចគ្នាផងដែរ នៅអនុវិទ្យាល័យជនជាតិអន្តេវាសិក Danh Thị Tươi លោកគ្រូ Tăng Quốc Đạt ក៏ជាគំរូ “ដើរតួ២នាទី” ជាអ្នកពេញដោយទឹកចិត្ត។ ក្រៅពីតួនាទីជាគ្រូបង្រៀនអក្សរ Khmer ដាក់បញ្ចូលរឿងរ៉ាវវប្បធម៌ដ៏រស់រវើកសម្រាប់មេរៀននីមួយៗ លោកគ្រូថែមទាំងជាអ្នក “ចម្លងប្រទីប” ចំណង់ចំណូលចិត្តផ្នែកខាងសិល្បៈទៀតផង។
លោកគ្រូទទួលបន្ទុកជាអ្នករៀបចំបង្ហាត់ច្រៀង រាំសម្រាប់ក្លឹបសិល្បៈរបស់សាលា។ នេះមិនត្រឹមតែជាទីលានសម្រាប់កម្សាន្តសប្បាយក្រៅម៉ោងដ៏មានប្រយោជន៍ប៉ុណ្ណោះទេ ថែមទាំងជាកន្លែងដែលលោកគ្រូពេញដោយការអំណត់ក្នុងការកែសម្រួលក្បាច់រាំប្រពៃណីនីមួយៗយ៉ាងទន់ភ្លន់ បង្កើតនិងបណ្តុះទេពកោសល្យវ័យក្មេង ដើម្បីស្នងបន្តជំនាន់មុនសម្រាប់ការអភិរក្ស និងពង្រីកអត្តសញ្ញាណវប្បធម៌ប្រពៃណីជាតិ។
អ្នកគ្រូ Danh Thị Chi គ្រូបង្រៀនរបស់វិទ្យាល័យជនជាតិអន្តេវាសិក Cà Mau តែងមានឆន្ទៈ ក្នុងការបង្ហាត់បង្រៀនភាសា និងអក្សរ Khmer សម្រាប់ប្អូនៗសិស្សានុសិស្ស។
ដំណើរការ “រក្សាប្រទីប” នោះនៅតែបន្តដោយគំរូផ្សេងៗទៀតនៅតាមបណ្តាសាលារៀនជាច្រើននៃតំបន់ដែលមានបងប្អូនជនរួមជាតិ Khmer រស់នៅច្រើនកុះករលើភូមិសាស្ត្រខេត្ត។ ទោះបីជាលក្ខណៈបង្រៀនខុសគ្នាក៏ដោយ ក៏លោកគ្រូ អ្នកគ្រូទាំងនេះសុទ្ធសឹងតែមានទឹកចិត្តដូចគ្នាគឺ៖ មិនត្រឹមតែផ្តល់ចំណេះដឹងនោះទេ ថែមទាំងផ្សព្វផ្សាយពីការខិតខំជំរុញទឹកចិត្ត និងក្តីស្រឡាញ់វប្បធម៌ជនជាតិសម្រាប់យុវជនជំនាន់ក្រោយទៀតផង។ជាមួយការលះបង់ដោយស្ងៀមស្ងាត់ ពួកគាត់បាននិងកំពុងរួមចំណែកក្នុងការថែរក្សា និងអុជបំភ្លឺនូវប្រទីបវប្បធម៌ Khmer ជាប្រភពពន្លឺដែលបានថែទាំផ្តើមពីថ្នាក់រៀនដ៏ស្មោះស្ម័គ្រអស់ពីចិត្ត ដើម្បីកុំឱ្យរលត់សាបសូន្យទៅ៕
Đờ Ni - Danh Điệp
